Göyçay Rayon Məhkəməsi Qərardad — İş №2(046)-1734/2021

Azərbaycan Respublikası adından QƏRARDAD Göyçay rayonu İş № 2(046)-1734/2021 09.08.2021 GÖYÇAY RAYON MƏHKƏMƏSİ X1, İddiaçı Cavabdehnə qarşı mirasın qəbul edilməsi üçün müəyyənləşdirilmiş müddətin uzadılması və mirasın qəbul edilməsi faktının müəyyən edilməsi tələbinə dair iddia ərizəsinə baxaraq, məhkəmə MÜƏYYƏN ETDİ: İddiaçı iddia ərizə ilə məhkəməyə müraciət edərək mirasın qəbul edilməsi üçün qanunla müəyyən edilən müddətin gecikdirilməsinin səbəbi üzürlü sayılması və mərhum atası X2 miras qalmış bütün daşınar və daşınmaz əmlaklardan ibarət mirasın qəbul edilməsi vaxtının uzadılması barədə qətnamə qəbul edilməsini xahiş etmişdir. Aşağıdakı əsaslara görə ərizə geri qaytarılmalıdır. İddiaçı iddia ərizəsində mirasın qəbul edilməsi üçün qanunla müəyyən edilən müddətin gecikdirilməsinin səbəbi üzürlü sayılması və mərhum atası X2 qalmış bütün daşınar və daşınmaz əmlaklardan ibarət mirasın qəbul edilməsi vaxtının uzadılması tələbləri mücərrəd məna daşıdığına görə iddia ərizəsi geri qaytarılmalıdır. Belə ki, mirasın qəbul edilməsi müddətinin uzadılması tələbinin hansı miras əmlaka aid olduğu, eləcə də iddiaçının atasından miras qalmış əmlakın qəbul edilməsinin müəyyən edilməsi tələbinin hansı daşınmaz və daşınar əmlaklara yönəldildiyi göstərilməmişdir. Bundan başqa, sənədlər kserosurətdir və lazımı qaydada təsdiq olunmamışdır. Azərbaycan Respublikası Mülki Prosessual Məcəlləsinin 89.1-89.3-cü maddələrinə əsasən yazılı sübutlar - iş üçün əhəmiyyətli hallar barədə məlumat verən, notariat qaydasında təsdiq olunmuş sənədlər, aktlar, müqavilələr, arayışlar, işgüzar yazışmalar və sair sənəd və materiallardır. Faks, elektron və ya digər rabitə vasitəsi ilə, yaxud sair üsulla əldə edilmiş materiallar məhkəmə tərəfindən o şərtlə yazılı sübut kimi qəbul edilə bilər ki, həmin sənədlərin həqiqiliyini müəyyən etmək mümkün olsun. Lazımi sübutların əsli və ya lazımi qaydada təsdiq olunmuş surəti təqdim edilir. Əgər baxılan işə sənədin yalnız bir hissəsi aiddirsə, belə olan halda, bu sənəddən təsdiq olunmuş çıxarış təqdim edilir. Azərbaycan Respublikası Mülki Prosessual Məcəlləsinin 150.0.5-ci maddəsinə əsasən iddiaçının öz tələblərini əsaslandırdığı hallara dair sənədlər, əgər bu sənədlərin surətləri cavabdehlər və üçüncü şəxslərdə yoxdursa, onlara verilmək üçün bu sənədlərin surətləri iddia ərizəsinə əlavə edilir. Azərbaycan Respublikası MPM-nin 149.2.3-cü maddəsinə əsasən iddiaçının və ya ərizəçinin tələbi, onların öz tələblərini əsaslandırdıqları hallar, iddia bir neçə cavabdehə verildikdə isə onların hər birinə qarşı yönələn tələb ərizədə göstərilməlidir. Azərbaycan Respublikası MPM-nin 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. Şərh olunanlara əsasən və Azərbaycan Respublikası MPM-nin 149.2.3-cü və 152ci maddəsini rəhbər tutaraq QƏRAR VERDİ : İddiaçının Cavabdehnə qarşı mirasın qəbul edilməsi üçün müəyyənləşdirilmiş müddətin uzadılması və mirasın qəbul edilməsi faktının müəyyən edilməsinə dair iddia ərizəsi geri qaytarılsın. İddiaçı göstərilən nöqsanlar aradan qaldırıldıqdan sonra məhkəməyə iddia ərizəsi ilə müraciət etmək hüququ izah edilsin. Qərardaddan rəsmi qaydada verildiyi gündən 10 gün müddətinə Göyçay Rayon Məhkəməsinə şikayət verilə bilər. Hakim Cavid Sultanov