Göyçay Rayon Məhkəməsi Qətnamə — İş №2(046)-402/2020

Azərbaycan Respublikası adından QƏTNAMƏ Göyçay rayonu İş № 2(046)-402/2020 30.11.2020 GÖYÇAY RAYON MƏHKƏMƏSİ Hakim Fəttahov İbrahim Bağır oğlunun sədrliyi, Səmidli Nərmin Yaşar qızının katibliyi, Ərizəçi iştirakı ilə, Ərizəçi şəxsin fəaliyyət qabiliyyəti olmayan hesab edilməsinə dair ərizəsi üzrə mülki işə Göyçay şəhərində xx xxxxxx 2020-ci il tarixdə açıq məhkəmə iclasında baxaraq, məhkəmə MÜƏYYƏN E T D İ: Ərizəçi məhkəməyə ərizə ilə müraciət edərək qızı X1 fəaliyyət qabiliyyəti olmayan hesab edilməsi barədə qətnamə qəbul edilməsini xahiş etmişdir. Ərizəçi ərizəsini müdafiə edərək tələbini belə əsaslandırmışdır ki, xx.xx.2001-cü il tarixdə anadan olmuş qızı X3 əqli qüsurludur, “Ağır dərəcəli, əqli gerilik davranış pozuntuları” diaqnozu ilə Göyçay rayon Mərkəzi Xəstəxanasında psixiatrın qeydiyyatındadır, İ qrup əlildir. Tünzalə öz hərəkətlərinin mənasını dərk etmir və özünü idarə edə bilmir, dövlət orqanlarına müraciət etmək və digər sənədləşdirmə işlərində iştirak etmək iqtidarında deyildir. Buna görə də qızı X1 fəaliyyət qabiliyyəti olmayan hesab edilməsi barədə qətnamə qəbul edilməsini məhkəmədən xahiş etmişdir. İş üzrə maraqlı şəxs Göyçay rayon İHB-nın Qəyyumluq və Himayəçilik Orqanına məhkəmə baxışının yeri və vaxtı barədə qanunvericilikdə nəzərdə tutulmuş qaydada məhkəmə bildirişləri vasitəsilə məlumat verilmiş, lakin maraqlı şəxsin nümayəndəsi məhkəmə baxışında iştirak etməmişdir. Məhkəmə maraqlı şəxsin nümayəndəsinin iştirakı olmadan işə baxılmasını mümkün hesab etmişdir. Məhkəmə ərizəçinin izahatını dinləyərək, işdə olan digər sübutları məcmu qaydada hüquqi qiymət verərək hesab edir ki, ərizə əsaslıdır və təmin olunmalıdır. Məhkəməyə təqdim edilmiş X2 surətindən görünür ki, X3 xx.xx.2001-ci il tarixdə Göyçay rayonu Çaxırlı kəndində anadan olmuşdur. X1 atası Ərizəçidur. Məhkəməyə təqdim edilmiş Azərbaycan Respublikası Səhiyyə Nazirliyi Göyçay Mərkəzi Rayon Xəstəxanasının konsultativ poliklinika Şöbəsi tərəfindən verilmiş 10 saylı xx.xx.2020-ci il tarixli ambulator stasionar xəstənin tibbi kartından çıxarışdan görünür ki, X3 uşaq serebral iflici, tetraplegil forma diaqnozu ilə psixiatrın qeydiyyatındadır. Azərbaycan Respublikası Səhiyyə Nazirliyi Gəncə Şəhər Səhiyyə İdarəsi Rayonlararası X5 tərəfindən verilmiş xx.xx.2020-ci il tarixli, 468 saylı rəyindən görünür ki, X3 uşaqlıqdan orta dərəcəli əqli gerilik, ifadə olunmuş davranış pozğunluqları, uşaq serebral iflicinin davamlı qalıq əlamətləri XBT-10 F71.1 xroniki xəstəliyi keçirdiyindən öz hərəkətlərinin mənasını anlayıb öz hərəkətlərini idarə etmək qabiliyyətində deyildir. Bununla əlaqədar X3 fəaliyyət qabiliyyəti olmayan şəxs hesab edilə bilər. Azərbaycan Respublikası MM-nin 28.8-ci maddəsinə görə ağıl zəifliyi və ya ruhi xəstəlik nəticəsində öz hərəkətlərinin mənasını başa düşməyən və ya öz hərəkətlərinə rəhbərlik edə bilməyən şəxslər məhkəmə tərəfindən fəaliyyət qabiliyyəti olmayan sayıla bilər. Azərbaycan Respublikası MPM-nin 317.2-ci maddəsinə əsasən məhkəmədə psixi qüsurlarına görə şəxsin fəaliyyət qabiliyyəti olmayan hesab edilməsi haqqında iş, ailə üzvlərinin birgə yaşamasından asılı olmayaraq, yaxın qohumların (valideynlərin, uşaqların, qardaş-bacıların), müvafiq icra hakimiyyəti orqanının, psixiatriya (psixonevroloji) müəssisəsinin ərizəsi üzrə qaldırılır. Sadalananlara əsasən məhkəmə hesab edir ki, Ərizəçi ərizəsi təmin olunmalıdır. Şərh olunanlara əsasən Azərbaycan Respublikası MPM-nin 216, 220, 227, 317- 321, 357 və 360-cı maddələrini rəhbər tutaraq, məhkəmə Q Ə T E T D İ: Ərizə təmin edilsin. xx.xx.2001-ci il tarixdə Göyçay rayonunun Çaxırlı kəndində anadan olmuş, İ qrup əlil X3 fəaliyyət qabiliyyəti olmayan hesab edilsin. Qətnamə qanun qüvvəsini aldıqdan sonra X1 üzərində Qəyyum təyin edilməsindən ötrü Göyçay rayon İcra Hakimiyyətinin Qəyyumluq və Himayəçilik Komissiyasına məlumat verilsin. Qətnamədən rəsmi qaydada verildikdən sonra 1 ay müddətinə Göyçay Rayon Məhkəməsi vasitəsi ilə Şəki Apelyasiya Məhkəməsinə apelyasiya şikayəti vermək olar. Hakim: İbrahim Fəttahov.