Göyçay Rayon Məhkəməsi Qərardad — İş №2(046)-461/2022

Azərbaycan Respublikası adından QƏRARDAD Göyçay rayonu İş № 2(046)-461/2022 17.06.2022 GÖYÇAY RAYON MƏHKƏMƏSİ Hakim Fəttahov İbrahim Bağır oğlunun sədrliyi, Səmidli Nərmin Yaşar qızının katibliyi, İddiaçı və cavabdeh Azərişıq ASC-nin nümayəndəsi X1 iştirakı ilə, əsassız hesablanmış borcun silinməsi tələbinə dair mülki işə Göyçay şəhərində açıq məhkəmə iclasında baxaraq, məhkəmə M Ü Ə Y Y Ə N E T D İ: İddiaçı iddia ərizəsi ilə məhkəməyə müraciət edərək Azərişıq ASC-nin onun adına tərtib edilmiş xx.xx.2021-ci il tarixli, 228457 saylı akta əsasən hesablanmış 194 manat borcun silinməsi barədə qətnamə qəbul edilməsini xahiş etmişdir. Məhkəmə baxışı zamanı tərəflər qarşılıqlı razılığa gələrək barışıq sazişi imzalamış, protokola əsasən hesablanmış 194 manat pul azaldılaraq 50 manat məbləğində müəyyən edilməsi ilə bağlı razılığa gəlmiş və İddiaçı cavabdeh Azərişıq ASC-nin hesabına itirilmiş enerji sərfiyyatına görə 50 manat məbləğində pulu hissə-hissə ödəyəcəyini öhdəsinə götürmüşdür. Buna görə də məhkəmədən xahiş edirlər ki, aralarında bağlanmış barışıq sazişinin təsdiq edilməsi və mülki iş üzrə icraata xitam verilməsi barədə qərardad qəbul edilsin. İş üzrə tərəflərin məhkəməyə təqdim etdiyi xx.xx.2022-ci il tarixli barışıq sazişini nəzərə alan məhkəmə hesab edir ki, bu saziş aşağıda göstərilənlərə əsasən təsdiq edilməlidir. İddiaçı, iddia tələbini dəyişərək "xxxx" ASC tərəfindən akta əsasən hesablanmış 194 manat borc məbləğinin hesabından tam silinməsini tələb etmir həmin məbləğin azaldılaraq 50 manat məbləğində müəyyən edilməsinə razılıq verir və həmin məbləğin hissə-hissə ödənilməsini öhdəsinə götürür. Cavabdeh "xxxx" ASC-nin səlahiyyətli nümayəndəsi X2 elektrik enerjisindən istifadəyə görə Enerjitəchizatı müəssisəsi tərəfindən iddiaçıya hesablanmış 194 manat məbləğində enerji haqqı dəyərinin yuxarıda göstərilən qaydada azaldılaraq 50 məbləğidə müəyyən edilməsini etiraz etmir və gələcəkdə mübahisələndirməyəcək. İddiaçı və cavabdeh Azərişıq ASC-nin nümayəndəsi X1 qeyd edilən protokol əsasında məbləğin 50 manat həddində iddiaçı tərəfindən Azərişıq ASC-nin hesabına ödənilməsi ilə bağlı barışıq sazişi məhkəmə tərəfindən qəbul edilmişdir. Azərbaycan Respublikası MPM-nin 191-ci maddəsinin mənasına görə tərəflərin barışıq sazişi bağlamaları barədə razılığa gəlmələri və bu sazişin məhkəmə tərəfindən təsdiq edilməsi iş üzrə icraata xitam verilməsi üçün əsasdır. Аzərbаycаn Rеspublikаsı MPM-in 261.0.5-ci mаddəsinə əsаsən tərəflər bаrışıq sаzişi bаğlаmışlаrsа və bu sаziş məhkəmə tərəfindən təsdiq еdilmişsə hаkim iş üzrə icrааtа хitаm vеrir. Аzərbаycаn Rеspublikаsı MPM-in 262.4-cü mаddəsinə əsаsən işin icrааtınа хitаm vеrildikdə, еyni tərəflər аrаsındа, еyni prеdmеt hаqqındа və еyni əsаslаr üzrə mübаhisə bаrəsində məhkəməyə təkrаr mürаciət еdilməsinə yоl vеrilmir. Tərəflərə bаrışıq sаzişinin nəticələri və Аzərbаycаn Rеspublikаsı MPM-in 262-ci mаddəsində nəzərdə tutulаn icrааtа хitаm vеrilməsi əsаslаrının nəticələri izаh оlunmuşdur. Belə olan halda məhkəmə hesab edir ki, tərəflərin barışıq sazişi onların qanunla qorunan mənafeyinə zidd olmadığından məhkəmə tərəfindən təsdiq edilməlidir. Şərh olunanlara və Azərbaycan Respublikası MPM-nin 261, 262, 263, 264-268-ci maddələrini rəhbər tutaraq, məhkəmə Q Ə R A R V E R D İ: İddiaçı ilə Azərişıq ASC-nin nümayəndəsi X2 arasında iddiaçının 50 manat məbləğində enerji sərfiyyatının Azərişıq ASC-yə ödənilməsi ilə əlaqədar bağlanmış barışıq sazişi təsdiq edilsin. Azərişıq ASC tərəfindən tərtib edilmiş akta əsasən İddiaçı barəsində sərf edilmiş enerjinin borc məbləğini müəyyən edən 194 manat məbləğində enerji sərfiyyatı borcu, qeyd edilən barışıq sazişinə əsasən 50 manat məbləğində müəyyən edilsin və İddiaçı 50 manat borcu hissə-hissə Azərişıq ASC-yə ödəyəcəyi nəzərə alınsın. İddiaçı Azərişıq ASC tərəfindən akt əsasında hesablanmış borcun silinməsi tələbinə dair iddia ərizəsi üzrə icraata xitam verilsin. Qərardaddan rəsmi qaydada verildikdən sonra 10 gün müddətinə Göyçay rayon Məhkəməsinə şikayət vermək olar. Hakim: İbrahim Fəttahov