Mingəçevir Şəhər Məhkəməsi Qətnamə — İş №2(051)-1274/2020 (20.10.2020)

Azərbaycan Respublikası adından QƏTNAMƏ Mingəçevir şəhəri İş № 2(051)-1274/2020 20.10.2020 MİNGƏÇEVİR ŞƏHƏR MƏHKƏMƏSİ Hakim Mirzəliyev Hüseyn Seyfulla oğlunun sədrliyi, Ağakişiyeva Aləmzar Həmid qızının katibliyi və Ərizəçi iştirakı ilə, “X2 fəaliyyət qabiliyyəti olmayan hesab edilməsi” tələbinə dair mülki işə açıq məhkəmə iclasında baxaraq m ü ə y y ə n e t d i : Ərizəçi ərizə ilə məhkəməyə müraciət edərək, oğlu xx xxxxx 1987-ci il təvəllüdlü X2 fəaliyyət qabiliyyəti olmayan hesab edilməsinə dair qətnamə çıxarılmasını xahiş etmişdir. İş üzrə Maraqlı şəxs qəyyumluq və himayə komissiyasına məhkəmə iclasının vaxtı və yeri haqqında məlumat verilməsinə baxmayaraq məhkəmə iclasında nümayəndəsinin iştirakını təmin etməmişdir. Məhkəmə Azərbaycan Respublikası MPM-nin 185-ci maddəsinə əsasən maraqlı şəxsin nümayəndəsinin iştirakı olmadan işə baxılmasını mümkün hesabe tmişdir. Məhkəmə iclasında Ərizəçi tələbini müdafiə edərək izahatında göstərmişdir ki, övladıxx xxxxx 1987-ci il təvəllüdlü X4 xx xxxx 1992-ci il tarixdən Mingəçevir şəhər Rayonlararası psixo-nevroloji dispanserdə «çox ağır əqli gerilik, qulluq və müalicə tələb edən ciddi davranış pozğunluqları» diaqnozu ilə xəstədir. Muxtar xəstə olduğu üçün öz hərəkətlərini dərk etmir, özünü idarə edə bilmədiyindən həmişə kənar şəxsin köməyinə ehtiyacı vardır. Ona görə də xx xxxxx 1987-ci il təvəllüdlü oğlu X2 fəaliyyət qabiliyyəti olmayan hesab olunmasını xahiş edir. Məhkəmə ərizəçinin izahatını dinləyib, iş materiallarını araşdırıb məcmu halda qiymət verərək hesab edir ki, ərizə təmin olunmalıdır. Belə ki, iş materiallarından görünür ki, xx xxxxx 1987-ci il təvəllüdlü X1 şəhərində anadan olmuşdur və hazırda ünvan 1 mənzil 3 ünvanda yaşayır. İşə əlavə olunmuş doğum haqqında şəhadətnamədən görünür ki, xx xxxxx 1987ci il təvəllüdlü X2 valideynləri X5 və Ərizəçidır. İşə əlavə olunmuş Mingəçevir şəhər Rayonlararası Psixo-Nevroloji dispanserinin xx xxxx 2020-ci il tarixli, 859 saylı arayışından görünür ki, 1987-ci il təvəllüdlü X4 xx xxxx 1992-ci il tarixdən Mingəçevir Psixo-Nevroloji dispanserində «çox ağır əqli gerilik, qulluq və müalicə tələb edən ciddi davranış pozğunluqları» diaqnozu ilə qeydiyyatdır. İşə əlavə olunmuş xəstənin ambulator tibbi kartasından çıxarışdan görünür ki, X4 «çox ağır əqli gerilik, qulluq və müalicə tələb edən ciddi davranış pozğunluqları» diaqnozu ilə xəstədir. İşdə olan məhkəmə-psixiatriya ekspertizasının xx xxxxxxxx 2020-ci il tarixli, 496 saylı rəyində göstərilir ki, X4 uşaqlıqdan «Orta dərəcəli əqli gerilik ifadə olunmuş davranış pozğunluqları ilə XBT-10 (psixi və davranış pozuntularının beynəlxalq təsnifatı-10-cu baxış) F71.1 xəstəliyi keçirdiyindən öz hərəkətlərinin mənasını anlayıb hərəkətlərini idarə etmək qabiliyyətində deyildir. Bu səbəbdən X4 hal-hazırda fəaliyyət qabiliyyəti olmayan şəxs hesab edilə bilər. Azərbaycan Respublikası Mülki Məcəllənin 28.8-ci maddəsinə əsasən ağıl zəifliyi və ya ruhi xəstəlik nəticəsində öz hərəkətlərinin mənasını başa düşməyən və ya öz hərəkətlərinə rəhbərlik edə bilməyən şəxslər məhkəmə tərəfindən fəaliyyət qabiliyyəti olmayan sayıla bilər. Məhkəmə iclasında xx xxxxx 1987-ci il təvəllüdlü X2 Ərizəçi oğlu olduğu müəyyən edilmişdir. Azərbaycan Respublikası MPM-nin 217.4-cü maddəsinin tələbinə görə məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Məhkəmə işüzrə toplanmış sübutlara məcmu halda qiymət verərək hesab edir ki, ərizə təmin olunmalı, X4 fəaliyyət qabiliyyəti olmayan hesab edilməlidir. Məhkəmə yuxarıdakılara əsasən və Azərbaycan Respublikası MPM-nin 317-321, 216-220-ci maddələrini rəhbər tutub, qət etdi: Ərizəçinin tələbi təmin olunsun. xx xxxxx 1987-ci ildə ünvan 2 ünvanda yaşayan X4 fəaliyyət qabiliyyəti olmayan hesab edilsin. Qətnamədən rəsmi qaydada verildiyi gündən 1 (bir) ay müddətində Mingəçevir şəhər məhkəməsi vasitəsilə Şəki Apellyasiya Məhkəməsinın Mülki İşlər Üzrə Məhkəmə Kollegiyasına apellyasiya şikayəti verilə bilər. HAKİM Hüseyn Mirzəliyev

Mingəçevir Şəhər Məhkəməsi Qətnamə — İş №2(051)-1274/2020

Eyni kateqoriyada digər qərarlar