Mingəçevir Şəhər Məhkəməsi Qətnamə — İş №2(051)-1663/2024

Azərbaycan Respublikası adından QƏTNAMƏ Mingəçevir şəhəri İş № 2(051)-1663/2024 19.09.2024 MİNGƏÇEVİR ŞƏHƏR MƏHKƏMƏSİ Hakim Paşayev Nemət Şirkət oğlunun sədrliyi Abbasova Gülşən Elxan qızının katibliyi İddiaçı: İddiaçı iştirakı ilə İddiaçı Cavabdehnə qarşı son haqq-hesabın, ödənilməmiş əmək haqqının, istifadə edilməyən əmək məzuniyyəti günlərinin düzgün hesablanaraq ödənilməsi tələbinə dair iddiası üzrə mülki işə açıq məhkəmə iclasında baxaraq M Ü Ə Y Y Ə N E T D İ: İddiaçı Cavabdehnə qarşı iddia ərizəsi və iddia tələbinin dəqiqləşdirilməsi barədə əlavə ərizə ilə Mingəçevir Şəhər Məhkəməsinə müraciət edərək, məhkəmədən Cavabdeh MMC tərəfindən ödənilməmiş 2033 manat məbləğində əmək haqqı borcunun və 60 manat mediasiya rüsumunun ona ödənilməsi barədə qətnamə çıxarılmasını xahiş etmişdir. İddiaçı məhkəmə iclası zamanı iddianı müdafiə etdi, əsasən iddia ərizəsinin məzmununa uyğun izahat verdi və əlavə olaraq göstərdi ki, o, xx.xx.2022-ci il tarixədək Mingəçevir şəhərində fəaliyyət göstərən “Azərizolit" MMC-də müxtəlif vəzifələrdə işləmişdir. "xxxx" MMC Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinin 5 iyul 2023-cü il tarixli 145 nömrəli sərəncamı ilə "Azərizolit” MMC adlandırılmış və paylarının 100 %-i dövlət mülkiyyətinə keçmişdir. Hal-hazırda investisiya müsabiqəsi vasitəsilə özəlləşdirilməsi nəzərdə tutulur. Müxtəlif vaxtlarda Cavabdeh MMC ona işlədiyi 2021-ci ilin yanvar ayında 292,49 manat, aprel ayında 83,33 manat, avqust ayında 119,70 manat, sentyabr ayında 292,49 manat, oktyabr ayında 292,49 manat, noyabr ayında 292,49 manat, dekabr ayında 292,49 manat, 2022-ci ilin sentyabr ayında 138,99 manat və oktyabr ayında 229,29 manat əmək haqqını, ümumilikdə 2033,76 manat ona əmək haqqına görə borc və son haqq hesabı və digər ödəncləri ödəməyərək zərər vurmuşdur. Onunla birgə işləyən digər işçilər də eynilə bu günədək aldadılmışlar. Cavabdeh MMC-nin rəhbərliyi 2023-cü ilin 5 iyul tarixədək aldadaraq müddəti qəsdən uzatmışlar. 1 fevral 2024-cü il tarixli Əmlak Məsələləri Dövlət Xidmətinin imtina məktubunda ona məlum olmuşdur ki, artıq “Azərizolit" MMC dövlət mülkiyyətinə keçmişdir. Həmçinin həmin məktubda yalnız mülkiyyət özəlləşdirildiyi halda onların sonhaqq hesab, ödənilməmiş əmək haqqı və digər ödənclərin verilə biləcəyi göstərilmişdir. İmtina məktubunda son-haqq hesab, ödənilməmiş əmək haqqı və digər ödənclərin verilə biləcəyində çətinliklər yarandığı bildirilsə də, həmin çətinliklərin nədən ibarət olması göstərilməmişdir. İmtina məktubu belə aldadıcı xarakter daşıyır. Ona görə ki, adına özəlləşdiriləcək şəxslər belə əvvəlki işçilərin ödənilməmiş ödənclərinin verilməsindən imtina edəcək. Lakin hal-hazırki vəziyyətdə “Azərizolit" MMC-nin müəyyən əmlakı satılmaqla hüququ pozulmuş işçilərin ödənilməmiş ödənclərini rahatlıqla verə bilər. Odur ki, məhkəmədən iddianın təmin edilməsi haqda qətnamə çıxarılmasını xahiş edir. Cavabdeh “Azərizolit" MMC-yə məhkəmə iclasının vaxtı və yeri barədə lazımi qaydada məlumat verilməsinə baxmayaraq, nümayəndəsi məhkəmə iclasına gəlməmiş, gəlməməsinin səbəbləri haqda məhkəməyə məlumat verməmişdir. Məhkəmə işə Cavabdeh nümayəndəsinin iştirakı olmadan baxılmasını mümkün hesab etmişdir. Məhkəmə iddiaçının izahatını, işdə olan sənədləri və digər iş materiallarını nəzərdən keçirərək və işin məhkəmə tərəfindən müəyyən olunmuş hallarına qiymət verərək hesab edir ki, iddia əsaslı olduğundan təmin edilməlidir. Belə ki, iş materiallarına əlavə edilmiş İddiaçı məxsus əmək kitabçasının təsdiq edilmiş surətindən görünür ki, "xxxx" MMC-də tutduğu vəzifəsindən xx.xx.2022-ci il tarixdə Azərbaycan Respublikası ƏM-in 73-cü maddəsinin 2-ci hissəsinə əsasən (əmək müqaviləsinin müddətinin bitməsi) azad edilmiş və əmək müqaviləsinə xitam verilmişdir. xx.xx.2022-ci il tarixdə "xxxx" MMC-də işə qəbul edilmiş, xx.xx.2022-ci il tarixdə Azərbaycan Respublikası ƏM-in 73-cü maddəsinin 1-ci hissəsinə əsasən (əmək müqaviləsinin müddətinin bitməsi) tutduğu vəzifədən azad edilmişdir. İş materiallarına əlavə edilmiş Cavabdeh MMC tərəfindən İddiaçı verilmiş 01/17 nömrəli arayışın surətindən görünür ki, o, həqiqətən xx.xx.2018-ci il tarixdən – xx.xx.2022ci il tarixədək və xx.xx.2022-ci il tarixdən – xx.xx.2022-ci il tarixədək "xxxx" MMC-də işləyib. Müəssisənin hesablanmış əmək haqqına görə işçiyə borcu: 2021-ci ilin yanvar ayında 292,49 manat, aprel ayında 83,33 manat, avqust ayında 119,70 manat, sentyabr ayında 292,49 manat, oktyabr ayında 292,49 manat, noyabr ayında 292,49 manat, dekabr ayında 292,49 manat, 2022-ci ilin sentyabr ayında 138,99 manat və oktyabr ayında 229,29 manat, cəmi 2033,76 manatdır. Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinin 5 iyul 2023-cü il tarixli 145 nömrəli sərəncamı ilə xx.xx.2023-cü il tarixdən "xxxx" MMC-nin adı dəyişdirilərək, digər rekvizitləri saxlanılmaqla "Azərizolit” MMC olmuşdur. İşdə olan Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinin 01 fevral 2024-cü il tarixli məktubunun surətindən görünür ki, Cavabdehndən ödənilməmiş əməkhaqqı borcunun və digər ödənclərin alınmasına köməklik göstərilməsi barədə 11 yanvar 2024-cü il tarixli müraciətə Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətində baxılmışdır. “Azərbaycan Respublikasında dövlət əmlakının özəlləşdirilməsinin İİ Dövlət Proqramı”na uyğun olaraq, “Azərbaycan Respublikası Prezidentinin "xxxx" Açıq Səhmdar Cəmiyyətinin bəzi müəssisələrinin və balansında olan obyektlərin özəlləşdirilməsi haqqında” 29 oktyabr 2021-ci il tarixli 2979 nömrəli Sərəncamının icrasını təmin etmək məqsədi ilə Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinin 5 iyul 2023-cü il tarixli 145 nömrəli sərəncamı ilə "xxxx" Məhdud Məsuliyyətli Cəmiyyəti Cavabdeh kimi adlandırılmış və hazırda paylarının 100 %-i dövlət mülkiyyətində olan cəmiyyətin investisiya müsabiqəsi vasitəsilə özəlləşdirilməsi nəzərdə tutulmuşdur. Hazırda Cavabdeh MMC-nin fəaliyyətində yaranmış problemlər ilə əlaqədar əməkhaqqı və digər öhdəliklərin ödənilməsində çətinliklər yaranmışdır. İnvestisiya proqramına əsasən Cavabdeh MMC-nin özəlləşdirilməsi zamanı müəssisə üzrə əməkhaqqı borclarının ödənilməsi və digər öhdəliklərin təmin olunmasının investor tərəfindən həyata keçirilməsi nəzərdə tutulmuşdur. Beləliklə, məhkəmə iddiaçının izahatının və iş materiallarına əlavə edilmiş sənədlərin məhkəmə iclasında tədqiqi nəticəsində müəyyən etdi ki, iddiaçı xx.xx.2018-ci il tarixdən – xx.xx.2022-ci il tarixədək və xx.xx.2022-ci il tarixdən – xx.xx.2022-ci il tarixədək "xxxx" MMC-də işləmişdir. "xxxx" MMC-də tutduğu vəzifəsindən xx.xx.2022-ci il tarixdə Azərbaycan Respublikası ƏM-in 73-cü maddəsinin 2-ci hissəsinə əsasən (əmək müqaviləsinin müddətinin bitməsi) azad edilmiş və əmək müqaviləsinə xitam verilmişdir. xx.xx.2022-ci il tarixdə "xxxx" MMC-də işə qəbul edilmiş, xx.xx.2022-ci il tarixdə Azərbaycan Respublikası ƏM-in 73-cü maddəsinin 1-ci hissəsinə əsasən (əmək müqaviləsinin müddətinin bitməsi) tutduğu vəzifədən azad edilmişdir. Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinin 5 iyul 2023-cü il tarixli 145 nömrəli sərəncamı ilə, xx.xx.2023-cü il tarixdən "xxxx" MMC-nin adı dəyişdirilərək, digər rekvizitləri saxlanılmaqla "Azərizolit” MMC olmuşdur. Müəssisənin hesablanmış əmək haqqına görə iddiaçıya 2021-ci ilin yanvar və aprel, avqust-dekabr ayları, 2022-ci ilin sentyabr-oktyabr ayları üzrə cəmi 2033,76 manat məbləğində ödənilməmiş əmək haqqı borcu qalmışdır. İnvestisiya proqramına əsasən Cavabdeh MMC-nin özəlləşdirilməsi zamanı müəssisə üzrə əməkhaqqı borclarının ödənilməsi və digər öhdəliklərin təmin olunmasının investor tərəfindən həyata keçirilməsi nəzərdə tutulsa da, cavabdeh tərəfindən həmin əmək haqqı borcu iddiaçıya ödənilməmişdir. Ona görə də iddiaçı məhkəməyə müraciət etmişdir. Məhkəmə hesab edir ki, tərəflər arasında yaranmış fərdi əmək mübahisəsinin düzgün həll edilməsi üçün ilk növbədə mübahisənin predmetinin nədən ibarət olması müəyyən edilməlidir. Məhkəmə işin müəyyən edilmiş hallarına əsasən hesab edir ki, tərəflər arasında yaranmış fərdi əmək mübahisəsinin predmeti əmək haqqının, habelə digər ödəmələrin müəyyən edilməsi və hesablanması, yaxud ödənilməsi ilə bağlı olduğundan, mübahisə əmək qanunvericiliyinin normaları əsasında həll edilməlidir. Belə ki, Azərbaycan Respublikasının Əmək Məcəllənin 147-ci maddəsinin 1-ci hissəsinə əsasən əmək normaları-hasilat normaları, vaxt normaları, xidmət normaları və işçilərin say normaları işçilər üçün texnikanın, texnologiyanın əldə edilmiş səviyyəsinə uyğun olaraq müəyyən edilir. Həmin Məcəllənin 147-ci maddəsinin 4-cü hissəsinə hasilat normaları elə müəyyən edilməlidir ki, tam iş vaxtı ərzində işçi əmək funksiyasını yerinə yetirmək imkanına malik olsun və onun əmək haqqının məbləği qanunvericiliklə müəyyən edilmiş minimum məbləğdən aşağı olmasın. Həmin Məcəllənin 154-cü maddəsinin 1-ci hissəsinə əsasən əmək haqqı-müvafiq iş vaxtı ərzində əmək funksiyasını yerinə yetirmək üçün əmək müqaviləsi ilə müəyyən edilmiş, işçinin gördüyü işə (göstərdiyi xidmətlərə) görə işəgötürən tərəfindən pul və ya natura formasında ödənilən gündəlik və ya aylıq məbləğ, habelə ona edilən əlavələrin, mükafatların və digər ödənclərin məcmusudur. Həmin Məcəllənin 172-ci maddəsinin 5-ci hissəsinə əsasən əmək haqqının verilməsi işəgötürənin təqsiri üzündən gecikdirildikdə və bu hal fərdi əmək mübahisəsi yaratmayıbsa, hər gecikdirilmiş gün üçün işçiyə əmək haqqının azı bir faizi məbləğində ödənc verilməlidir. Bu hal əmək mübahisəsi yaratdıqda həmin mübahisə bu Məcəllənin «Əmək mübahisələri» bölməsində nəzərdə tutulan qaydada həll edilir. Həmin Məcəllənin 288-ci maddəsinə əsasən əmək normalarının, həmçinin işçinin əmək haqqının, habelə digər ödəmələrin müəyyən edilməsi və hesablanması, yaxud ödənilməsi zamanı yaranan fərdi əmək mübahisələrinin həlli bu Məcəllə ilə nizama salınır. İşin müəyyən olunmuş hallarından görünür ki, iddiaçı tam iş vaxtı ərzində əmək funksiyasını yerinə yetirsə də, cavabdeh (işəgötürən) əmək qanunvericiliyinin tələblərinə əməl etməmiş, nəticədə cavabdehin iddiaçıya 2033,76 manat məbləğində ödənilməmiş əmək haqqı borcu yaranmışdır. Əmək müqaviləsinin müddətinin bitməsi ilə iddiaçının əmək müqaviləsinə xitam verilsə də, yaranmış əmək haqqı borcu hazırkı vaxta qədər ödənilməmişdir. Bu hal isə işçinin qanunla qorunan əmək hüquqlarının pozulmasına səbəb olmuşdur. Azərbaycan Respublikası Əmək Məcəlləsinin 73–cü maddəsinin 1-ci hissəsinə əsasən müddətli əmək müqaviləsinə müddəti bitdikdə xitam verilir. Müddətli əmək müqaviləsinin müddətinin bitməsinə azı bir həftə qalmış tərəflərdən heç biri digər tərəfi müddətin bitməsinə görə müqaviləyə xitam verilməsi barədə yazılı formada (kağız daşıyıcıda və ya elektron informasiya sistemi vasitəsilə) xəbərdar etməzsə, həmin əmək müqaviləsi əmək müqaviləsində göstərilən müddətə uzadılır və ya bu Məcəllənin 45-ci maddəsinin 5-ci hissəsi ilə müəyyən edilmiş hallarda müddətsiz hesab olunur. Həmin maddənin 2-ci hissəsinə əsasən işçinin müəyyən üzürlü səbəbdən (xəstələnməsi, ezamiyyətdə, məzuniyyətdə olması, habelə bu Məcəllənin 179-cu maddəsində nəzərdə tutulan iş yeri və orta əmək haqqı saxlandığı hallarda) iş yerində olmadığı dövrdə müddətli əmək müqaviləsinin müddəti qurtardığı hallarda həmin müqaviləyə bu maddənin 1-ci hissəsində nəzərdə tutulmuş qaydada xəbərdar edilmişdirsə, işçi işə çıxdığı gün işəgötürən tərəfindən xitam verilə bilər. Həmin Məcəllənin 83–cü maddəsinin 1-ci hissəsinə əsasən əmək müqaviləsinə bu Məcəllənin 68, 69, 70, 73, 74 və 75-ci maddələrində nəzərdə tutulan əsaslara və qaydalara uyğun olaraq xitam verilməsi işəgötürənin əsaslandırılmış əmri (sərəncamı, qərarı) ilə rəsmiləşdirilməlidir. Həmin maddənin 3-cü hissəsinə əsasən bu Məcəllənin 7-ci maddəsinin 2-1-ci hissəsi ilə müəyyən edilmiş hallarda müvafiq əmr (sərəncam, qərar) işəgötürən tərəfindən imzalanmalı və müəssisənin möhürü ilə təsdiqlənməlidir. Əmrin surəti işçinin əmək kitabçası ilə birlikdə sonuncu iş günü işçiyə verilməlidir. Həmin maddənin 4-cü hissəsinə əsasən əmək müqaviləsinə xitam verilmiş işçiyə son haqq-hesab (istifadə edilməmiş əmək məzuniyyətinə görə pul əvəzi, işçiyə ödənilməli əməkhaqqı və digər ödəmələr) sonuncu iş günü ödənilməlidir. Məhkəmə işin müəyyən edilmiş hallarına və sadalanan hüquq normalarına əsasən hesab edir ki, iddiaçı xx.xx.2018-ci il tarixdən – xx.xx.2022-ci il tarixədək və xx.xx.2022-ci il tarixdən – xx.xx.2022-ci il tarixədək "xxxx" MMC-də işləmişdir. "xxxx" MMC-də tutduğu vəzifəsindən xx.xx.2022-ci il tarixdə Azərbaycan Respublikası ƏM-in 73-cü maddəsinin 2ci hissəsinə əsasən (əmək müqaviləsinin müddətinin bitməsi) azad edilmiş və əmək müqaviləsinə xitam verilmişdir. xx.xx.2022-ci il tarixdə "xxxx" MMC-də işə qəbul edilmiş, xx.xx.2022-ci il tarixdə Azərbaycan Respublikası ƏM-in 73-cü maddəsinin 1-ci hissəsinə əsasən (əmək müqaviləsinin müddətinin bitməsi) tutduğu vəzifədən azad edilmişdir. Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinin 5 iyul 2023-cü il tarixli 145 nömrəli sərəncamı ilə, xx.xx.2023-cü il tarixdən "xxxx" MMC-nin adı dəyişdirilərək, digər rekvizitləri saxlanılmaqla "Azərizolit” MMC olmuşdur. Cavabdeh MMC tərəfindən İddiaçı verilmiş 01/17 nömrəli arayışın surətindən də göründüyü kimi müəssisənin hesablanmış əmək haqqına görə iddiaçıya borcu: 2021-ci ilin yanvar ayında 292,49 manat, aprel ayında 83,33 manat, avqust ayında 119,70 manat, sentyabr ayında 292,49 manat, oktyabr ayında 292,49 manat, noyabr ayında 292,49 manat, dekabr ayında 292,49 manat, 2022-ci ilin sentyabr ayında 138,99 manat və oktyabr ayında 229,29 manat, cəmi 2033,76 manatdır. Cavabdehndən ödənilməmiş əməkhaqqı borcunun və digər ödənclərin alınmasına köməklik göstərilməsi barədə 11 yanvar 2024-cü il tarixdə Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinə müraciət olunmuş, 01 fevral 2024-cü il tarixli məktubda hazırda Cavabdeh MMC-nin fəaliyyətində yaranmış problemlər ilə əlaqədar əməkhaqqı və digər öhdəliklərin ödənilməsində çətinliklər yarandığı, investisiya proqramına əsasən Cavabdeh MMC-nin özəlləşdirilməsi zamanı müəssisə üzrə əməkhaqqı borclarının ödənilməsi və digər öhdəliklərin təmin olunmasının investor tərəfindən həyata keçirilməsinin nəzərdə tutulduğu göstərilmişdir. Bununla belə cavabdeh tərəfindən 2021-ci ilin yanvar və aprel, avqust-dekabr ayları, 2022-ci ilin sentyabr-oktyabr ayları üzrə əmək haqqına görə cəmi 2033,76 manat borc iddiaçıya ödənilməmişdir. Ona görə də əmək haqqına görə hesablanmış həmin borc məbləği iddiaçıya ödənilməlidir. Məhkəmə öz mövqeyini onunla əsaslandırır ki, iddiaçının əmək müqaviləsinə müəssisə tərəfindən xx.xx.2022-ci il tarixdə Azərbaycan Respublikası ƏM-in 73-cü maddəsinin 2-ci hissəsinə əsasən xitam verilsə də, xx.xx.2022-ci il tarixdə "xxxx" MMC-də işə qəbul edilib xx.xx.2022-ci il tarixdə Azərbaycan Respublikası ƏM-in 73-cü maddəsinin 1-ci hissəsinə əsasən tutduğu vəzifədən azad edilsə də, iddiaçıya cəmi 2033,76 manat məbləğində əmək haqqı ödənilməmişdir. Nəticədə, Əmək Məcəlləsinin tələbləri kobud şəkildə pozmuşdur. Azərbaycan Respublikası Əmək Məcəlləsinin 172-ci maddəsinin 1–ci hissəsinə əsasən aylıq əmək haqqı işçilərə, bir qayda olaraq, iki hissəyə bölünərək (avans olaraq və qalan hissəsi məbləğində) on altı gündən çox olmayan vaxt fasiləsi ilə ayda iki dəfə verilməlidir. Əmək haqqı illik dövr üçün hesablanan işçilərə isə ayda bir dəfədən az olmayan müddətdə verilməlidir. Həmin maddənin 4–cü hissəsinə əsasən işçi işdən çıxarkən ona düşən bütün ödənclər tam məbləğdə işdən çıxdığı gün verilir. Həmin maddənin “Qeyd” hissəsinə görə bu maddədə «işəgötürənin təqsiri üzündən gecikdirildikdə» dedikdə, əmək haqqının müəyyən edilmiş vaxt ərzində hesablanmaması, onun müvəkkil bankdan alınmaması, maliyyə və mühasibat uçotu əməliyyatlarının vaxtında aparılmaması nəticəsində, habelə bilavasitə işəgötürənin iradəsindən və imkanlarından asılı olan hallarda müəyyən edilən müddətdə işçilərə əmək haqqının ödənilməsi başa düşülməlidir. Bu qayda müştərisi olduğu bank tərəfindən qanunvericiliyin tələblərinə zidd olaraq maliyyə vəsaitləri ilə bağlı əməliyyatların düzgün aparılmaması, bankın müflisləşməsi, həmçinin görülmüş işin və ya yerinə yetirilmiş xidmətin haqqının başqa işəgötürən tərəfindən ödənilməməsi nəticəsində işçilərin əmək haqqını vaxtında verməyə işəgötürənin özündən asılı olmayan səbəblərə görə imkanı olmadığı hallara şamil edilmir. Məhkəmə işin müəyyən olunmuş hallarına uyğun olaraq nəticəyə gəlir ki, cavabdeh tərəfindən 2021-ci ilin yanvar və aprel, avqust-dekabr ayları, 2022-ci ilin sentyabr-oktyabr ayları üzrə əmək haqqına görə hesablanmış borc olaraq İddiaçı iddia tələbinin həcmində 2033 manat ödənilməlidir. Məhkəmə iclasında araşdırılmış sübutlara qiymət verərək, məhkəmə belə nəticəyə gəlir ki, iddia əsaslı olduğundan təmin edilməlidir. Məhkəmə, həmçinin iddiaçının ödədiyi mediasiya məbləği olan 60 manatın cavabdehdən tutulub ona ödənilməsinə dair tələbinə münasibətdə qeyd edir ki, ilkin Mediasiya sessiyasında (İMS) iştirak edilməməsi barədə arayışdan görünür ki, cavabdeh xx.xx.2024-cü il tarixdə keçirilməsi nəzərdə tutulmuş ilkin mediasiya sessiyasında iştirak etməmişdir. xx.xx.2024-cü il tarixli qəbzdən görünür ki, iddiaçı mediasiya sessiyasının keçirilməsi üçün 60 (altmış) manat məbləğində mediasiya xərci ödəmişdir. Ona görə də ilkin mediasiya xərci olan 60 manat məbləğində pul cavabdehdən tutulub iddiaçıya verilməlidir. Belə ki, Azərbaycan Respublikasının “Mediasiya haqqında” Qanununun 36.5-ci maddəsinə əsasən “Mediasiya prosesinin tətbiqi barədə müqavilə”də və mediasiyaya dair qeyd-şərtdə başqa şərt nəzərdə tutulmayıbsa, həmçinin ilkin mediasiya sessiyasında tərəfin üzrsüz səbəbdən iştirak etməməsi halında digər tərəfin bütün mediasiya xərclərini ödədiyi hallar istisna olmaqla, mediasiyaya çəkilən xərclər tərəflər arasında bərabər şəkildə bölüşdürülür. Mediasiyaya dair qeyd-şərtə və ya “mediasiya prosesinin tətbiqi barədə müqavilə”nin şərtlərinə zidd olaraq mediasiyada, həmçinin ilkin mediasiya sessiyasında üzrsüz səbəbdən iştirak etməyən tərəf mediasiya ilə bağlı digər tərəfin çəkdiyi bütün mediasiya xərclərini ona ödəməlidir. Məhkəmə, həmçinin hesab edir ki, iddiaçı qanunda nəzərdə tutulmuş qaydada dövlət rüsumu ödəməkdən azad edilsə də, ilkin mediasiya xərci olan 60 manat məbləğində pul cavabdehdən tutulduğuna, həmçinin dövlət rüsumu çəkilmiş mediyasiya xərcindən az olduğuna görə Cavabdeh də dövlət rüsumunu ödəməkdən azad olunur. Belə ki, «Dövlət rüsumu haqqında» Azərbaycan Respublikası Qanununun 9.1-1-ci maddəsinə əsasən “Mediasiya haqqında” Azərbaycan Respublikasının Qanununa uyğun olaraq mediasiya prosesinin nəticəsinə dair barışıq sazişi bağlanmadıqda məhkəməyə müraciət edərkən mediasiya prosesi ilə bağlı xərclərin öz üzərinə düşən hissəsini ödəmiş tərəf və ya həmin Qanunun 36.2-ci maddəsinə uyğun olaraq mediasiya xərclərini ödəmiş tərəf dövlət rüsumunu ödəməkdən azad olunur. Bu Qanunda nəzərdə tutulmuş dövlət rüsumunun məbləği çəkilmiş xərclərdən artıq olduqda, tərəf çəkdiyi xərc həddində dövlət rüsumundan azad edilir. Azərbaycan Respublikası MPM–in 14.2–ci maddəsinə görə məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Məhkəmə iş üzrə sübutlara Mülki Prosessual Məcəllənin 88–ci maddəsinin tələblərinə uyğun olaraq obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət vermiş, iddia ərizəsində qoyulmuş tələb üzrə nəticəyə gələrkən isə Mülki Prosessual Məcəllənin 217.4–cü maddəsində təsbit edilmiş bilavasitəlilik prinsipinə uyğun olaraq yalnız məhkəmə iclasında tədqiq olunmuş sübutlara əsaslanmışdır. Qeyd edilənlərə əsasən və Azərbaycan Respublikası MPM–in 216–220, 233 və 360– cı maddələrini rəhbər tutaraq, məhkəmə Q Ə T E T D İ: İddia təmin edilsin. Cavabdehndən 2021-ci ilin yanvar və aprel, avqust-dekabr ayları, 2022-ci ilin sentyabr-oktyabr ayları üzrə ödənilməmiş əmək haqqı borcuna görə 2033 (iki min otuz üç) manat məbləğində pul alınıb İddiaçı verilsin. İddiaçı ilkin mediasiyaya sessiyasının keçirilməsi üçün ödədiyi 60 (altmış) manat məbləğində pul Cavabdehndən alınıb İddiaçı verilsin. Qətnamədən rəsmi qaydada verildiyi gündən 1 (bir) ay müddətində Mingəçevir Şəhər Məhkəməsi vasitəsi ilə (Elektron Məhkəmə İnformasiya Sistemində yaradılan elektron kabinetdən istifadə edilməklə) Şəki Apelyasiya Məhkəməsinə apelyasiya şikayəti verilə bilər. Sədrlik edən: Nemət Paşayev