Mingəçevir Şəhər Məhkəməsi Qərardad — İş №2(051)-2139/2022

Azərbaycan Respublikası adından QƏRARDAD Mingəçevir şəhəri İş № 2(051)-2139/2022 05.10.2022 MİNGƏÇEVİR ŞƏHƏR MƏHKƏMƏSİ Hakim Hüseynov Ələkbər Məmmədtağı oğlu, Məhkəmə iclas katibi X2 iştirakı ilə, Ərizəçi Cavan qızının məxsus olma faktının müəyyən olunmasına ərizəsinə və ona əlavə olunmuş sənədləri nəzərdən keçirərək, məhkəmə Müəyyən etdi: Ərizəçi Cavan qızı məhkəməyə müraciət edərək 1980-cı ildə Azrezintexnika İb tərəfindən Şəfəq Bağçılıq kollektiv təsərüfatının adlı siyahısında X3 yazısının X1 məxsus olması tələbinə dair ərizə ilə məhkəməyə müraciət etmişdir. Ərizənin məhkəmənin icraatına qəbulu araşdırılarkən müəyyən olunmuşdur ki, ərizə Azərbaycan Respublikasının Mülki Prosessual Məcəlləsi ilə nəzərdə tutulmuş zəruri tələblərə əməl edilmədən məhkəməyə verilmişdir. Belə ki, ərizəçi ərizəsində 1980-cı ildə Azrezintexnika İb tərəfindən Şəfəq Bağçılıq kollektiv təsərüfatının adlı siyahısında X3 yazısının X1 məxsus olması barədə qətnamə çıxarılmasını xahiş etmişdir. Lakin ərizəçi öz ərizəsində tələbini düzgün qeyd etməmiş, yazının məxsus olması faktının müəyyən edilməsini deyil sənədin məxsus olması fdaktının müəyyən olunçmasıtələbi ilə məhkəməyə müraciət etməli idi. Qeyd olunanları nəzərə alaraq məhkəmə ərizənin icraata qəbul olunmasını məqsədə müvafiq hesab etmir. Odur ki, məhkəmə hesab edir ki, ərizə, forma və məzmununa riayət edilmədiyinə görə ərizə və ona əlavə edilmiş sənədlər geri qaytarılmalıdır. Mülki Prosessual Məcəllənin 151.1-ci maddəsinə görə iddia ərizəsi bu Məcəllənin tələblərinə riayət edilməklə verildikdə onun məhkəmə icraatı mümkündür. Mülki Prosessual Məcəllənin 152.1.1-ci maddəsinə görə ərizənin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim ərizəni və ona əlavə olunmuş sənədləri geri qaytarır. Göstərilənlərə əsasən Ərizəçi Cavan qızının a ərizəsi geri qaytarılmalıdır. Həmçinin, iddiaçıya izah olunmalıdır ki, Mülki Prosessual Məcəllənin 152.4-cü maddəsinə görə iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Azərbaycan Respublikası Mülki Prosessual Məcəllənin 263, 264, 267 və 268-ci maddələrini rəhbər tutaraq Qərara aldım: Ərizəçi Cavan qızının məxsus olma faktının müəyyən olunması tələbinə dair ərizəsi və ona əlavə edilmiş sənədlər geri qaytarılsın. Ərizəçiyə izah edilsin ki, qeyd olunan nöqsanlar aradan qaldırıldıqdan sonra ümumi qaydada yenidən məhkəməyə müraciət etmək hüququna malikdir. Qərardaddan rəsmi qaydada verildikdən sonra 10 gün müddətində Mingəçevir şəhər məhkəməsinə şikayət verilə bilər. HAKİM: Ələkbər Hüseynov