Mingəçevir Şəhər Məhkəməsi Qərardad — İş №2(051)-815/2022

Azərbaycan Respublikası adından QƏRARDAD Mingəçevir şəhəri İş № 2(051)-815/2022 05.03.2022 MİNGƏÇEVİR ŞƏHƏR MƏHKƏMƏSİ Hakim Kərimova Məhburə Kərim qızı, İddiaçı cavabdeh “Azəriqaz” İB-nə qarşı təbii qazdan istifadə qaydalarının pozulması haqqında ******* saylı aktın ləğv edilməsi və borcun silinməsi tələbinə dair iddia ərizəsinə və ərizəyə əlavə edilmiş sənədlərə baxaraq, MÜƏYYƏN ETDİM: İddiaçı cavabdeh “Azəriqaz” İB-nə qarşı təbii qazdan istifadə qaydalarının pozulması haqqında ******* saylı aktın ləğv edilməsi və borcun silinməsi tələbinə dair iddia ərizəsi ilə məhkəməyə müraciət etmişdir. Məhkəmə hesab edir ki, iddia ərizəsi və ona əlavə edilmiş sənədlər geri qaytarılmalıdır. Belə ki, İddiaçı adına yazılmış cərimənin ləğv edilməsi barədə qətnamə çıxarılmasını xahiş etmişdir. Lakin iddiaçının öz tələbini əsaslandırdığı heç bir sənəd iddia ərizəsinə əlavə olunmamışdır. Ərizəyə başqa bir şəxsə-Şövkət Mehdiyevaya aid sənədlər əlavə olunmuşdur. Mülki Prosessual Məcəllənin 151.1-ci maddəsində göstərilir ki, iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Mülki Prosessual Məcəllənin 152.1.1-ci maddəsinə görə iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. Göstərilənlərə əsasən İddiaçı cavabdeh “Azəriqaz” İB-nə qarşı təbii qazdan istifadə qaydalarının pozulması haqqında ******* saylı aktın ləğv edilməsi və borcun silinməsi tələbinə dair iddia ərizəsi və ona əlavə edilmiş sənədlər geri qaytarılmalıdr. Azərbaycan Respublikasının MPM-nin 263-264, 267-268-ci maddələrini rəhbər tutaraq QƏRARA ALDİM: İddiaçı cavabdeh “Azəriqaz” İB-nə qarşı təbii qazdan istifadə qaydalarının pozulması haqqında ******* saylı aktın ləğv edilməsi və borcun silinməsi tələbinə dair iddia ərizəsi və ona əlavə edilmiş sənədlər qaytarılsın. Qərardaddan rəsmi qaydada verildiyi gündən 10 (on) gün müddətində (Elektron Məhkəmə İnformasiya Sistemində yaradılan Elektron kabinetdən istifadə edilməklə) Mingəçevir Şəhər Məhkəməsinə şikayət verilə bilər. Hakim: Məhburə Kərimova