Neftçala Rayon Məhkəməsi Qərardad — İş №2(053)-685/2023

Azərbaycan Respublikası adından QƏRARDAD Neftçala rayonu İş № 2(053)-685/2023 03.10.2023 NEFTÇALA RAYON MƏHKƏMƏSİ NEFTÇALA RAYON MƏHKƏMƏSİ hakim Qədimov Ceyhun Tofiq oğlunun sədrliyi, Mazanov Kamran Ramazan oğlunun katibliyi, İddiaçı nümayəndəsi (oğlu) Nümayəndə iştirakı ilə İddiaçı Neftçala bələdiyyəsinə qarşı «qanunsuz tikilinin cavabdehin vəsaiti hesabına sökülməsi və torpaq sahəsinin boşaldılması» tələbinə dair iddiası üzrə mülki işə məhkəmənin hazırlıq iclasında baxaraq, MÜƏYYƏN ETDİ: İddiaçı cavabdeh Neftçala bələdiyyəsinə qarşı iddia ilə məhkəməyə müraciət edərək Neftçala bələdiyyəsinin qərarı ilə ona satılmış 20 metr x 30 metr olmaqla 600 kvadratmetr torpaq sahəsi üzərində qanunsuz olaraq tikilmiş futbol stadionunun cavabdehin vəsaiti hesabına sökülməsi və həmin torpaq sahəsinin boşaldılaraq ona təhvil verilməsi, ödənilmiş 100 manat dövlət rüsumunun və 8.000 (səkkiz min) manat mənəvi ziyanın cavabdehdən tutularaq ona ödənilməsi barədə qətnamə qəbul edilməsini xahiş etmişdir. İddiaçı nümayəndəsi Nümayəndə məhkəməyə ərizə təqdim edərək iş üzrə mühüm sübutların toplanması üçün müəyyən vaxt lazım olduğundan iddia ərizəsinin və ona əlavə olunmuş sənədlərin baxılmadan ona qaytarılmasını xahiş etmişdir. «Ərizənin baxılmamış saxlanılması barədə qanunvericiliyin məhkəmələr tərəfindən tətbiq edilməsi təcrübəsi haqqında» Azərbaycan Respublikası Ali Məhkəməsi Plenumunun 31 mart 2011-ci il tarixli Qərarının 2-ci bəndində qeyd olunur ki, «Məhkəmələrə izah edilsin ki, Azərbaycan Respublikası MPM-nin 259.0.1 – 259.0.10, 259.0.12 və 259.0.13-cü maddələrində göstərilən əsaslar olduqda məhkəmənin hazırlıq iclasında ərizə baxılmamış saxlanıla bilər. Hazırlıq iclasında ərizənin qaytarılması barədə vəsatətin verilməsi ərizənin Azərbaycan Respublikası MPM-in 259.0.11-ci maddəsinə əsasən baxılmamış saxlanılması üçün deyil, həmin Məcəllənin 170-ci maddəsinə əsasən geri qaytarılması üçün əsasdır və bu zaman cavabdeh tərəfin buna razılığının alınması tələb olunmur». Azərbaycan Respublikası MPM-nin 170.1-ci maddəsinə əsasən «Bu Məcəllənin 254, 255, 261.0.1—261.0.3 və 261.0.6—261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər». Yuxarıda göstərilənlərə əsasən və Azərbaycan Respublikası MPM-nin 263, 264, 266 – 268-ci maddələrini rəhbər tutaraq, məhkəmə QƏRARA ALDİ: İddiaçı Neftçala bələdiyyəsinə qarşı «qanunsuz tikilinin cavabdehin vəsaiti hesabına sökülməsi” tələbinə dair iddiası geri qaytarılsın. Qərardaddan 10 gün müddətində Neftçala Rayon Məhkəməsinə şikayət verilə bilər. Sədrlik edən Ceyhun Qədimov