Oğuz Rayon Məhkəməsi Qətnamə — İş №2(054)-9/2022

Azərbaycan Respublikası adından QƏTNAMƏ Oğuz rayonu İş № 2(054)-9/2022 21.02.2022 OĞUZ RAYON MƏHKƏMƏSİ Oğuz Rayon Məhkəməsinin hakimi Süleymanov Kamran Şakir oğlunun sədrliyi, Salamov Tural Fərman oğlunun katibliyi, Ərizəçi, Oğuz rayon İcra Hakimiyyəti yanında Qəyyumluq və Himayə Məsələləri üzrə Komissiyanın nümayəndəsi X2 iştirakı ilə Ərizəçi şəxsin fəaliyyət qabiliyyəti olmayan hesab edilməsi barədə ərizəsinə dair mülki işə Oğuz Rayon Məhkəməsinin inzibati binasında açıq məhkəmə iclasında baxaraq məhkəmə, müəyyən e t d i: Ərizəçi məhkəməyə müraciət edərək X8 Niymət qızının fəaliyyət qabiliyyəti olmayan hesab edilməsi barədə qətnamə qəbul edilməsini xahiş etmişdir. Ərizəçi öz tələbini onunla əsaslandırmışdır ki, o, xx.xx.1990-cı il tarixdə Oğuz rayonu Top kəndində anadan olmuşdur və hazırda da həmin kənddə yaşayır. Onun 09.05.1969-cu il tarixdə Oğuz rayonu Qumlaq kəndində anadan olmuş, hazırda isə Oğuz rayonu Top kəndində yaşayan anası Qurbanova X6 rayon X1 Şöbəsinin “Ruhi-Əsəb” kabinetində “Paranoid şizofreniya, halyusinator paranoid sindromu” diaqnozu ilə qeydiyyatdadır və xəstəliyə görə ikinci dərəcəli müddətsiz əlildir. Qurbanova Zəminə Niymət qızı sağlamlıq imkanları məhdud olan və əmək qabiliyyətsiz şəxsdir. X8 Niymət qızı xəstə olmaqla onun himayəsindədir. Anası psixi qüsurlarına görə öz hərəkətlərinin mənasını başa düşməyən və öz hərəkətlərini idarə edə bilməyən şəxsdir. Ona görə də hazırda X8 Niymət qızının fəaliyyət qabiliyyəti olmayan hesab edilməsi zərurəti yaranmışdır. X8 Niymət qızının fəaliyyət qabiliyyəti olmayan hesab edilməsi isə yalnız məhkəmə qətnaməsi ilə mümkündür. Ona görə də ərizəsinin təmin edilməsi barədə qətnamə çıxarılmasını məhkəmədən xahiş edir. Ərizəçi öz tələbini müdafiə etdiyini bildirdi və məhkəmə baxışı iclasında həmin tələbin məzmununa uyğun izahat verərək ərizəsinin təmin edilməsi barədə qətnamə çıxarılmasını məhkəmədən xahiş etdi. Barəsində işə baxılan şəxs Qurbanova Zəminə Niymət qızı məhkəmə iclasına gəlməmiş, məhkəmə psixiatriya ekspertizasının rəyində onun psixi vəziyyətinə görə hərəkətlərinin mənasını başa düşmək və öz hərəkətlərinə rəhbərlik etmək iqtidarına malik olmadığı qeyd edilmişdir. Məhkəmə həmin əsaslara görə məhkəmə iclasının barəsində işə baxılan şəxsin iştirakı olmadan keçirilməsini qərara almışdır. Oğuz rayon İcra Hakimiyyəti yanında Qəyyumluq və Himayə Məsələləri üzrə Komissiyanın nümayəndəsi X4 məhkəmə baxışı iclasında izahat verərək göstərdi ki, Qurbanova Zəminə Niymət qızının barəsində Oğuz rayon Mərkəzi Xəstəxanası tərəfindən verilmiş sənədlərə və məhkəmə-psixiatrik ekspertizasının rəyinə əsasən Qəyyumluq və Himayə Məsələləri üzrə Komissiya onun fəaliyyət qabiliyyəti olmayan hesab edilməsini qanunamüvafiq hesab edir. İş materiallarına əlavə edilmiş, ərizəçiyə məxsus AZE ******** nömrəli şəxsiyyət vəsiqəsinin surətindən müəyyən edilir ki, ərizəçi xx.xx.1990-cı il tarixdə Oğuz rayonu Top kəndində anadan olmuşdur və hazırda da həmin kənddə yaşayır. İş materiallarına əlavə edilmiş, barəsində işə baxılan şəxsə məxsus AA ******* nömrəli şəxsiyyət vəsiqəsinin surətindən müəyyən edilir ki, barəsində işə baxılan şəxs 09.05.1969-cu il tarixdə Oğuz rayonu Qumlaq kəndində anadan olmuşdur, hazırda isə Oğuz rayonu Top kəndində yaşayır. İş materiallarına əlavə edilmiş 11.10.2021-ci il tarixdə verilmiş 401/12 nömrəli doğum haqqında akt qeydindən müəyyən edilir ki, barəsində işə baxılan şəxs 28.03.1989-cu il tarixdə X5 ilə rəsmi nikaha daxil omuşdur. İş materiallarına əlavə edilmiş 11.10.2021-ci il tarixdə verilmiş 400/12 nömrəli doğum haqqında akt qeydindən müəyyən edilir ki, barəsində işə baxılan şəxs ərizəçinin anasıdır. İş materiallarına əlavə edilmiş Oğuz rayon İcra Hakimiyyəti başçısının Yaqublu İnzibati Ərazi Dairəsi üzrə Nümayəndəliyi tərəfindən verilmiş 23.11.2021-ci il tarixli 377 nömrəli arayışdan müəyyən edilir ki, barəsində işə baxılan şəxs Oğuz rayonu Top kəndində ərizəçinin himayəsində yaşayır. İş materiallarına əlavə edilmiş “Oğuz Rayon Mərkəzi Xəstəxanası” X12 tərəfindən verilmiş 21.09.2021-ci il tarixli 2063 nömrəli aryışdan müəyyən edilir ki, barəsində işə baxılan şəxs 1999-cu ildən Oğuz rayon X1 Şöbəsinin “Ruhi-Əsəb” kabinetində “Paranoid şizofreniya, halyusinator paranoid sindromu” diaqnozu ilə qeydiyyatdadır. İş materiallarına əlavə edilmiş Dövlət Sosial Müdafiə Fondu X10 15 saylı regional ərazi filialı tərəfindən verilmiş 21.09.2021-ci il tarixli arayışdan müəyyən edilir ki, barəsində işə baxılan şəxsə 13.12.2002-ci ildən ikinci qrup müddətsiz əlilliyə görə əmək pensiyası ödənilir. İş materiallarına əlavə edilmiş və məhkəmə iclasında tədqiq edilmiş Azərbaycan Respublikası Səhiyyə Nazirliyi “Məhkəmə-X3” X10 ambulator məhkəmə-psixiatrik ekspertizasının 21.01.2022-ci il tarixli 144 nömrəli rəyindən müəyyən edilir ki, barəsində işə baxılan şəxsdə şizofreniya paranoid forma xroniki psixi xəstəliyi müəyyən edilir. Qurbanova Zəminə Niymət qızı öz psixi vəziyyətinə görə hərəkətlərinin mənasını anlamaq və onları şüurlu idarə etmək iqtidarında deyildir. Ona görə də Qurbanova Zəminə Niymət qızının fəaliyyət qabiliyyəti olmayan şəxs hesab edilməsinə əsas vardır. Qurbanova Zəminə Niymət qızının psixi vəziyyəti onun məhkəməyə gəlməsinə və məhkəmə iclasında iştirakına imkan vermir. Məhkəmə ərizəçinin, qəyyumluq və himayəçilik orqanının nümayəndəsinin izahatlarını dinləyib iş materiallarını nəzərdən keçirərək hesab edir ki, ərizə təmin olunmalıdır. Belə ki, məhkəmə iclasında tədqiq edilmiş mötəbər sübutlarla müəyyən edildi ki, barəsində işə baxılan şəxs ərizəçinin anası olmaqla onunla bir ailədə yaşayır və onun himayəsindədədir. Barəsində işə baxılan şəxs öz psixi vəziyyətinə görə hərəkətlərinin mənasını başa düşmək və öz hərəkətlərinə rəhbərlik etmək iqtidarına malik deyil. Ərizəçi hazırda barəsində işə baxılan şəxsin fəaliyyət qabiliyyəti olmayan hesab edilməsi barədə qətnamə çıxarılmasını məhkəmədən xahiş edir. Qəyyumluq və Himayə Məsələləri üzrə Komissiya da barəsində işə baxılan şəxsin fəaliyyət qabiliyyəti olmayan hesab edilməsini qanunamüvafiq hesab edir. Azərbaycan Respublikası Mülki Məcəlləsinin 28.8-ci maddəsinə əsasən ağıl zəifliyi və ya ruhi xəstəlik nəticəsində öz hərəkətlərinin mənasını başa düşməyən və ya öz hərəkətlərinə rəhbərlik edə bilməyən şəxslər məhkəmə tərəfindən fəaliyyət qabiliyyəti olmayan sayıla bilər. Azərbaycan Respublikası Mülki Prosessual Məcəlləsinin 317.2-ci maddəsinə əsasən məhkəmədə psixi qüsurlarına görə şəxsin fəaliyyət qabiliyyəti olmayan hesab edilməsi haqqında iş, ailə üzvlərinin birgə yaşamasından asılı olmayaraq, yaxın qohumların (valideynlərin, uşaqların, qardaş-bacıların), müvafiq icra hakimiyyəti orqanının, psixiatriya (psixonevroloji) müəssisəsinin ərizəsi üzrə qaldırılır. Həmin Məcəllənin 321.2-ci maddəsinə əsasən şəxsin fəaliyyət qabiliyyəti olmayan hesab edilməsinə dair məhkəmə qətnaməsi fəaliyyət qabiliyyəti olmayan hesab edilən şəxs üzərində qəyyum təyin etmək üçün əsasdır. İşin məhkəmə tərəfindən müəyyən edilmiş faktiki hallarından görünür ki, barəsində işə baxılan şəxs “Paranoid şizofreniya, halyusinator paranoid sindromu” diaqnozu ilə qeydiyyatdadır və o, xəstəliyə görə ikinci qrup müddətsiz əlildir. Onun barəsində Oğuz rayon Mərkəzi Xəstəxanası tərəfindən verilmiş sənədlərə və məhkəmə-psixiatrik ekspertizasının rəyinə əsasən məhkəmə hesab edir ki, barəsində işə baxılan şəxs öz psixi qüsurlarına görə hərəkətlərinin mənasını anlamaq və onları idarə etmək iqtidarında deyildir. Məhkəmə tədqiq olunmuş sübutlara məcmu halında qiymət verərək və qeyd edilən hüquq normalarının tələblərini rəhbər tutaraq hesab edir ki, ərizənin təmin edilməsi, barəsində işə baxılan şəxsin fəaliyyət qabiliyyəti olmayan hesab edilməsi haqda qətnamə qəbul edilməlidir. Şərh edilənlərə əsasən və Azərbaycan Respublikası Mülki Prosessual Məcəlləsinin 216-220, 317-321-ci maddələrini rəhbər tutaraq məhkəmə, qət e t d i: Ərizə təmin edilsin. Ərizəçi anası - 09.05.1969-cu il tarixdə Oğuz rayonu Qumlaq kəndində anadan olmuş, hazırda Oğuz rayonu Top kəndində yaşayan Qurbanova Zəminə Niymət qızı fəaliyyət qabiliyyəti olmayan hesab edilsin. Məhkəmə qətnaməsi rəsmi qaydada verildiyi gündən 1 (bir) ay müddətində qətnamədən Oğuz Rayon Məhkəməsi vasitəsi ilə Şəki Apellyasiya Məhkəməsinə apellyasiya şikayəti verilə bilər. Məhkəmə qətnaməsindən şikayət verilməmişdirsə, işdə iştirak edən şəxslərə rəsmi qaydada verildiyi gündən 1 (bir) ay keçdikdən sonra qanuni qüvvəyə minir. Hakim: Kamran Süleymanov