Oğuz Rayon Məhkəməsi Qətnamə — İş №2(054)-93/2022

Azərbaycan Respublikası adından QƏTNAMƏ Oğuz rayonu İş № 2(054)-93/2022 16.03.2022 OĞUZ RAYON MƏHKƏMƏSİ Oğuz Rayon Məhkəməsinin hakimi Süleymanov Kamran Şakir oğlunun sədrliyi, Babayeva Ülviyyə Hümbət qızının katibliyi, Ərizəçilər Ərizəçi1 və Ərizəçi2 nümayəndəsi və vəkili Nümayəndə iştirakı ilə Ərizəçilər Ərizəçi1 və Ərizəçi2 Torpağa Mülkiyyət Hüququna dair Dövlət Aktının onlara məxsus olması faktının müəyyən edilməsi tələbinə dair mülki işə Oğuz Rayon Məhkəməsinin inzibati binasında açıq məhkəmə iclasında baxaraq məhkəmə, müəyyən e t d i: Ərizəçilər Ərizəçi1 və Ərizəçi2 məhkəməyə müraciət edərək Azərbaycan Respublikası Dövlət Torpaq və Xəritəçəkmə Komitəsinin Oğuz rayon Şöbəsi tərəfindən tərtib edilmiş 10.09.1999-cu il tarixli JN 0037 (KOD ********) nömrəli Torpağa Mülkiyyət Hüququna dair Dövlət Aktının ərizəçilər Ərizəçi1 və Ərizəçi2 məxsus olması faktının müəyyən edilməsi barədə qətnamə qəbul edilməsini məhkəmədən xahiş etmişlər. Ərizəçilər öz tələblərini onunla əsaslandırmışlar ki, Ərizəçi1 xx.xx.1954-cü il tarixdə Özbəkistan Respublikası Səmərqənd Vilayəti İştixan rayonu Saray kəndində anadan olmuşdur. Onun şəxsiyyət vəsiqəsində və digər sənədlərində soyadı və adı Ərizəçi1 kimi qeyd edilmiş, ata adı isə qeyd edilməmişdir. Ərizəçi2 xx.xx.1978-ci il tarixdə Özbəkistan Respublikası Səmərqənd Vilayəti İştixan rayonu Saray kəndində anadan olmuşdur. Onun şəxsiyyət vəsiqəsində və digər sənədlərində soyadı, adı və ata adı Ərizəçi2 kimi qeyd edilmişdir. Ərizəçilər hazırda Oğuz rayonu Calud kəndində yaşayırlar. Azərbaycan Respublikası Dövlət Torpaq və Xəritəçəkmə Komitəsinin Oğuz rayon Şöbəsi tərəfindən tərtib edilmiş, Oğuz rayonu Calud kəndi ərazisində yerləşən 3,01 hektar kənd təsərrüfatı məhsulları istehsalı təyinatlı torpaq sahəsinə dair 10.09.1999-cu il tarixli JN 0037 (KOD ********) nömrəli Torpağa Mülkiyyət Hüququna dair Dövlət Aktında isə Ərizəçi1 soyadı və adı səhvən “Əliyev Abdurəhman” kimi qeyd edilmiş, eyni zamanda, onun soyadı və adı ilə yanaşı, ata adı (“Əli oğlu”) da yazılmışdır. Digər Ərizəçi2 isə soyadı səhvən “Həsənov” kimi qeyd edilmişdir. Ərizəçilər qeyd olunan sənədə düzəliş edilərək daşınmaz əmlakın dövlət reyestrində qeydiyyata alınması üçün Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 9 saylı Qəbələ Ərazi İdarəsinə müraciət etmişlər, lakin adı çəkilən orqanda həmin sənədə düzəliş edilməsi mümkün olmamış və onlara məhkəməyə müraciət etmək hüquqları izah edilmişdir. Hazırki vəziyyətdə qeyd olunan hüquqmüəyyənedici sənədə düzəliş edilməsi və həmin sənədin onlara məxsus olması faktını təsdiq edən lazımi sənədlərin başqa qaydada əldə edilməsi mümkün deyildir. Hazırda həmin hüquqmüəyyənedici sənədin ərizəçilərə məxsus olması faktının yalnız məhkəmə qaydasında müəyyən edilməsi mümkündür. Ona görə də ərizəçilər hazırki tələblə məhkəməyə müraciət etmişlər. Ərizəçilər Ərizəçi1 və Ərizəçi2 məhkəmə baxış iclasına gəlməmiş, iştirak etdikləri məhkəmə hazırlıq iclasında öz tələblərini müdafiə etdiklərini bildirmişlər. Ərizəçilərin nümayəndəsi və vəkili Nümayəndə məhkəmə baxış iclasının ərizəçilərin iştirakı olmadan keçirilməsini xahiş etmişdir. Məhkəmə Azərbaycan Respublikasının Mülki Prosessual Məcəlləsinin 185-ci maddəsinin tələblərinə görə məhkəmə baxış iclasının ərizəçilərin iştirakı olmadan keçirilməsini qərara almışdır. Ərizəçilərin nümayəndəsi və vəkili Nümayəndə ərizəçilərin tələbini müdafiə etdiyini bildirdi və məhkəmə iclasında həmin tələbin məzmununa uyğun izahat verərək göstərdi ki, ərizədə qeyd edilən hüquqmüəyyənedici sənəddə ərizəçilərin soyadı və adının düzgün qeyd edilməməsi texniki bir səhvdir. Ərizəçilər Axısqa türkləri olduqlarına görə, əksər vaxtlarda onların sənədlərində ata adı yazılmır. Ərizəçi1 məxsus olan sənədlərdə də onun ata adı yazılmamışdır. Buna baxmayaraq ərizəçilərin ailə üzvlərinin adına tərtib edilmiş Torpağa Mülkiyyət Hüququna dair X5 Abdiraxmanın soyadı və adı ilə yanaşı, ata adı (“Əli oğlu”) da yazılmışdır. Digər Ərizəçi2 isə soyadı səhvən “Həsənov” kimi qeyd edilmişdir. Halbuki, ona məxsus digər bütün sənədlərində soyadı “Əliyev” kimi qeyd edilmişdir. Adı çəkilən sənəddə ərizəçilərin soyadı və adının düzgün qeyd edilməməsi onların həmin sənəddə göstərilən torpaq sahəsi üzərində mülkiyyət hüquqlarını həyata keçirmələrinə və qeyd olunan sənəddə göstərilən torpaq sahəsinə dair mülkiyyət sənədi əldə etmələrinə maneçilik törədir. Qeyd etdiklərinə əsasən həmin hüquqmüəyyənedici sənədin ərizəçilərə məxsus olması faktının müəyyən edilməsi barədə qətnamə qəbul edilməsini məhkəmədən xahiş edir. Maraqlı tərəf Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 9 saylı Ərazi İdarəsinin nümayəndəsi məhkəmə iclaslarına gəlməmiş, gəlməməsinin səbəbi barədə məlumat verməmişdir. Məhkəmə Azərbaycan Respublikasının Mülki Prosessual Məcəlləsinin 185-ci maddəsinin tələblərinə əsasən məhkəmə iclaslarının maraqlı tərəfin nümayəndəsinin iştirakı olmadan keçirilməsini qərara almışdır. İş materiallarına əlavə edilmiş, Ərizəçi1 məxsus olan, 04.08.2019-cu il tarixdə verilmiş AA ******* nömrəli şəxsiyyət vəsiqəsinin və 28.03.1974-cü il tarixdə verilmiş İ- ЧЖ 442843 nömrəli doğum haqqında şəhadətnamənin surətlərindən müəyyən edilir ki, həmin ərizəçi xx.xx.1954-cü il tarixdə Özbəkistan Respublikası Səmərqənd Vilayəti İştixan rayonu Saray kəndində anadan olmuşdur, hazırda isə Oğuz rayonu Calud kəndində yaşayır. Ona məxsus sənədlərdə soyadı və adı Ərizəçi1 kimi qeyd edilmiş, ata adı isə qeyd edilməmişdir. İş materiallarına əlavə edilmiş, Ərizəçi2 məxsus olan, 13.04.2016-cı il tarixdə verilmiş AZE ******** nömrəli şəxsiyyət vəsiqəsinin və 15.12.1978-ci il tarixdə verilmiş İİİ- ЧЖ 319078 nömrəli doğum haqqında şəhadətnamənin surətlərindən müəyyən edilir ki, həmin ərizəçi xx.xx.1978-ci il tarixdə Özbəkistan Respublikası Səmərqənd Vilayəti İştixan rayonu Saray kəndində olmuşdur, hazırda isə Oğuz rayonu Calud kəndində yaşayır. Ona məxsus sənədlərdə soyadı, adı və ata adı Ərizəçi2 kimi qeyd edilmişdir. İş materiallarına əlavə edilmiş 10.09.1999-cu il tarixli JN 0037 (KOD ********) nömrəli Torpağa Mülkiyyət Hüququna dair Dövlət Aktının surətindən müəyyən edilir ki, Oğuz rayon Aqrar İslahat Komissiyasının 24.07.1998-ci il tarixli 67 nömrəli qərarı ilə ərizəçilər və onların ailə üzvlərinin mülkiyyətinə verilmiş, Oğuz rayonu Calud kəndində yerləşən 3,01 hektar torpaq sahəsinə dair Azərbaycan Respublikası Dövlət Torpaq və Xəritəçəkmə Komitəsinin Oğuz rayon Şöbəsi tərəfindən tərtib edilmiş Dövlət Aktında Ərizəçi1 soyadı, adı və ata adı “X3” kimi, digər Ərizəçi2 isə soyadı “Həsənov” kimi qeyd edilmişdir. İş materiallarına əlavə edilmiş Oğuz rayon İcra Hakimiyyəti başçısının Calud İnzibati Ərazi Dairəsi üzrə Nümayəndəliyi tərəfindən verilmiş 16.03.2022-ci il tarixli 10/59 nömrəli arayışda qeyd edilmişdir ki, hazırki ərizədə göstərilən hüquqmüəyyənedici sənəddə X3 və X1 qeyd edilən şəxslər Ərizəçi1 və Ərizəçi2 ilə eyni şəxslərdirlər. İş materiallarına əlavə edilmiş Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 9 saylı Ərazi İdarəsi tərəfindən verilmiş 24.12.2021-ci il tarixli **********95 nömrəli müraciətə cavab məktubundan görünür ki, Ərizəçi1 hazırki ərizədə göstərilən hüquqmüəyyənedici sənəddə düzəliş edilərək daşınmaz əmlakın dövlət reyestrində qeydə alınması üçün müvafiq orqana müraciət etmiş, həmin orqanda onun müraciətinin müsbət həll edilməsi mümkün olmamış və ona məhkəməyə müraciət etməsi tövsiyyə edilmişdir. Məhkəmə ərizəçilərin nümayəndəsinin izahatını dinləyib iş materiallarını nəzərdən keçirərək hesab edir ki, ərizə təmin olunmalıdır. Belə ki, məhkəmə iclasında tədqiq edilmiş mötəbər sübutlarla müəyyən edildi ki, Oğuz rayon Aqrar İslahat Komissiyasının müvafiq qərarı ilə ərizəçilərin ailə üzvlərinin mülkiyyətinə verilmiş, Oğuz rayonu Calud kəndində yerləşən 3,01 hektar torpaq sahəsinə dair Azərbaycan Respublikası Dövlət Torpaq və Xəritəçəkmə Komitəsinin Oğuz rayon Şöbəsi tərəfindən tərtib edilmiş hüquqmüəyyənedici sənəddə Ərizəçi1 soyadı və adı səhvən “Əliyev Abdurəhman” kimi qeyd edilmiş, eyni zamanda, onun soyadı və adı ilə yanaşı, ata adı (“Əli oğlu”) da yazılmışdır. Digər Ərizəçi2 isə soyadı səhvən “Həsənov” kimi qeyd edilmişdir. Hazırda ərizəçilər Azərbaycan Respublikası Dövlət Torpaq və Xəritəçəkmə Komitəsinin Oğuz rayon Şöbəsi tərəfindən tərtib edilmiş hazırki ərizədə göstərilən hüquqmüəyyənedici sənədin onlara məxsus olması faktının müəyyən edilməsini məhkəmədən xahiş edirlər. İşin məhkəmədə müəyyən edilmiş faktiki hallarından görünür ki, hazırki ərizədə göstərilən hüquqmüəyyənedici sənəddə Ərizəçi1 soyadı və adının, digər Ərizəçi2 isə soyadının düzgün qeyd edilməməsi ərizəçilərin həmin sənəddə göstərilən torpaq sahəsi üzərində mülkiyyət hüquqlarını tam şəkildə həyata keçirmələrinə maneçilik törədir. Hazırki vəziyyətdə həmin hüquqmüəyyənedici sənəddə düzəliş edilməsi, eyni zamanda, ərizəçilərin həmin sənədin onlara məxsus olması faktını təsdiq edən lazımi sənədləri başqa qaydada əldə etməsi mümkün deyildir. Azərbaycan Respublikası Mülki Prosessual Məcəlləsinin 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Həmin Məcəllənin 307.2.5-ci maddəsinə əsasən şəxsin sənəddə göstərilən adı, atasının adı və ya soyadı onun şəxsiyyətini təsdiq edən sənəddə göstərilən adı, atasının adı və ya soyadı ilə düz gəlmədiyi halda hüquq müəyyənedici sənədlərin (həmkarlar ittifaqı və digər ictimai birliklərin, siyasi partiyaların bileti, hərbi sənədlər, pasport və müvafiq icra hakimiyyəti orqanları tərəfindən verilən şəhadətnamələrdən başqa) həmin şəxsə məxsus olması faktının müəyyən edilməsi barədə işlərə baxır. Həmin Məcəllənin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Məhkəmə qeyd edilən hüquq normalarının tələblərinə əsasən tədqiq olunmuş sübutlara məcmu halında qiymət verərək hesab edir ki, hazırki ərizədə göstərilən hüquqmüəyyənedici sənədin ərizəçilər Ərizəçi1 və Ərizəçi2 məxsus olması, lakin həmin sənəddə Ərizəçi1 soyadı və adının, Ərizəçi2 isə soyadının düzgün qeyd edilməməsi iş materialları ilə təsdiq olunduğundan, habelə hazırki vəziyyətdə həmin sənəddə düzəliş edilməsi və ərizəçilərin lazımi sənədləri başqa qaydada əldə etmələri mümkün olmadığından qeyd olunan hüquqmüəyyənedici sənədin ərizəçilərə məxsus olması faktının müəyyən olunması barədə qətnamə qəbul edilməlidir. Şərh edilənlərə əsasən və Azərbaycan Respublikası Mülki Prosessual Məcəlləsinin 216-220, 307.1, 308, 309, 311-ci maddələrini rəhbər tutaraq məhkəmə, qət etdi: Ərizə təmin edilsin. Azərbaycan Respublikası Dövlət Torpaq və Xəritəçəkmə Komitəsinin Oğuz rayon Şöbəsi tərəfindən tərtib edilmiş 10.09.1999-cu il tarixli JN 0037 (KOD ********) nömrəli Torpağa Mülkiyyət Hüququna dair Dövlət Aktının ərizəçilər Ərizəçi1 və Ərizəçi2 məxsus olması faktı müəyyən edilsin. Məhkəmə qətnaməsi rəsmi qaydada verildiyi gündən 1 (bir) ay müddətində qətnamədən Oğuz Rayon Məhkəməsi vasitəsi ilə Şəki Apellyasiya Məhkəməsinə apellyasiya şikayəti verilə bilər. Məhkəmə qətnaməsindən şikayət verilməmişdirsə, işdə iştirak edən şəxslərə rəsmi qaydada verildiyi gündən 1 (bir) ay keçdikdən sonra qanuni qüvvəyə minir. Hakim : Kamran Süleymanov