Saatlı Rayon Məhkəməsi Qətnamə — İş №2(055)-1093/2023

Azərbaycan Respublikası adından QƏTNAMƏ Saatlı rayonu İş № 2(055)-1093/2023 16.10.2023 SAATLI RAYON MƏHKƏMƏSİ Hakim Sadıqov Mirlətif Süleyman oğlunun sədrliyi, Məhkəmə iclasının katibi X1, İddiaçı iştirakı ilə, İddiaçı cavabdeh "xxxx" Açıq Səhmdar Cəmiyyətinə qarşı aktın və onun nəticələrinin ləğv edilməsi tələbinə dair mülki işə açıq məhkəmə iclasında baxaraq, məhkəmə M ü ə y y ə n e t d i: İddiaçı cavabdeh "xxxx" Açıq Səhmdar Cəmiyyəti tərəfindən tərtib edilmiş xx.xx.2023cü il tarixli, 299300 saylı aktın ləğv edilməsi və həmin akta əsasən onun abonent hesabına əlavə edilmiş borcun silinməsi tələbinə dair məhkəmədə iddia qaldırmışdır. Məhkəmə baxışı zamanı İddiaçı iddianı müdafiə edərək izahatında göstərdi ki, Saatlı rayonu Mircəlalkənd kəndində yerləşən fərdi yaşayış evində elektrik enerjisindən istifadə edir və evinə gələn elektrik xəttinə sayğac quraşdırılmışdır. 20 iyul 2023-cü ildə "xxxx" ASC-nin əməkdaşları onun barəsində 299300 saylı akt tərtib etmişlər. Həmin aktda göstərilmişdir ki, abonentin mənzilinə quraşdırılmış PAUD smart kart tipli elektrik sayğacına baxış keçirilən zaman məlum oldu ki, abonent həyətyanı sahəsin suvarmaq üçün 4x35 mm2 sip kabellə sıxac vasitəsilə kənar xətt qoşaraq su matorunu sayğacdan kənar istifadə edir. Kənar xəttdən keçən yük İr 3.42A, naqilin en kəsiyi 2x10mm2-dir. Bildirir ki, həmin aktdan məlumatı olmamış və akta imza etməmişdir.Akta əsasən ona 560 manat cərimə yazılmışdır. "xxxx" ASC-nin əməkdaşlarının tərtib etdikləri 20 iyul 2023-cü il tarixli AKTR 299300 saylı aktda göstərilənlər həqiqətə uyğun deyil. Özü “İ Qarabağ müharibəsi” veteranıdır. Həmişə istifadə etdiyi elektrik enerjisinin pulunu vaxtı-vaxtında ödəmişdir.Yaşadığı kənddə su yoxdur.Su olanda da motordan 8 ailə istifadə edir.Motor da su kanalının üstündə quraşdırılmışdır.Yəni onun sayğacının yaxınlığından həmin motora elektrik xətti də çəkilməmişdir. Saatlı RİH Başçısının Mircəlalkənd kənd İƏD üzrə nümayəndəsinin vermiş olduğu xx.xx.2023-cü il tarixli, 140 saylı arayışdan da görünür ki, onun həyətyanı sahəsi “Dizel” adlanan su kanalının və kəndin aşağı hissəsində yerləşir.Həmin ərazidə 15 iyul 2023-cü ildən 25 iyul 2023-cü ilə qədər kəndin su növbəsi olmasına baxmayaraq, həmin su kanalına su çatmamışdır. Su olmadığı halda motordan istifadə etməklə su vurmaq və elektrik enerjisindən qanunsuz istifadə etmək də mümkün deyildir.Ona görə də, göstərdiklərinin nəzərə alınaraq iddianın təmin edilməsi barədə qətnamə çıxarılmasını məhkəmədən xahiş etdi. Məhkəmə iclasının vaxtı və yeri haqqında lazımi qaydada xəbərdar edilmiş cavabdeh "xxxx" Açıq Səhmdar Cəmiyyətinin nümayəndəsi məhkəmənin iclasında iştirak etmir və məhkəmə Azərbaycan Respublikası Mülki Prosessual Məcəlləsinin 185.6-cı maddəsinə əsaslanaraq nümayəndənin iştirakı olmadan işə baxılmasını mümkün hesab etmişdir. İşdə olan və məhkəmə iclasında elan edilmiş "xxxx" Açıq Səhmdar Cəmiyyətinin xx.xx.2023-cü il tarixli, 299300 saylı aktından görünür ki, istehlakçı (abonent) İddiaçı abonentin mənzilinə quraşdırılmış PAUD smart kart tipli elektrik sayğacına baxış keçirilən zaman abonentin həyətyanı sahəsini suvarmaq üçün 4x35 mm2 sip kabellə sıxac vasitəsilə kənar xətt qoşaraq su matorunu sayğacdan kənar istifadə etməsi aşkar edilmişdir. İşdə olan və məhkəmə iclasında elan edilmiş abonentin saldosundan görünür ki, İddiaçı hər ay işlətdiyi elektrik enerjisinə uyğun olaraq ödənişlər etmişdir. İşdə olan və məhkəmə iclasında elan edilmiş Saatlı RİH Başçısının Mircəlalkənd kənd İƏD üzrə nümayəndəliyinin xx.xx.2023-cü il tarixli, 140 saylı arayışdan görünür ki, İddiaçı həyətyanı sahəsi “Dizel” adlanan su kanalının və kəndin aşağı hissəsində yerləşir.Həmin ərazidə 15 iyul 2023-cü ildən 25 iyul 2023-cü ilə qədər kəndin su növbəsi olmasına baxmayaraq, həmin su kanalına su çatmamışdır. Məhkəmə iddiaçının izahatını dinləyib, işə əlavə edilmiş sənədləri tədqiq edib belə hesab edir ki, iddia əsaslı olduğundan təmin edilməlidir. Belə ki, Azərbaycan Respublikası Nazirlər Kabinetinin 2005-ci ilin 02 fevral tarixli, 18 nömrəli qərarı ilə təsdiq edilmiş «Elektrik enerjisindən istifadə Qaydaları»nın 8.16-cı bəndinə əsasən istehlakçının, o cümlədən məişət abonentinin təqsiri olmadan uçot müvəqqəti pozulduqda, elektrik enerjisi sərfinin hesabatı enerji təchizatı müəssisəsinin və istehlakçının razılığına əsasən uçot pozulana qədər və ya uçot bərpa edildikdən sonrakı dövrün orta gündəlik sərfinə uyğun aparılır. Elektrik enerjisinin orta gündəlik sərfinə görə hesablaşma dövrü bir aydan artıq olmamalıdır, bu müddət ərzində hesablaşma elektrik sayğaclarının normal işi enerji təchizatı müəssisəsi tərəfindən bərpa olunmalıdır. Həmin Qaydaların 8.17-ci bəndində əsasən istehlakçı (o cümlədən məişət abonenti) tərəfindən elektrik enerjisinin talanması məqsədilə hesablaşma elektrik sayğacları zədələndikdə (plomb qoparıldıqda, baxış şüşəsi sındırıldıqda, gövdəsi zədələndikdə və sayğaca vizual baxış nəticəsində qüsurun müəyyən edilməsi mümkün olan digər hallarda), sayğacların qoşulma sxemləri pozulduqda, enerji təchizat müəssisəsi tərəfindən bu Qaydaların 7.18-ci və 7.19-cu bəndləri nəzərə alınmaqla, pozuntu aradan qaldırılmalı və bu Qaydaların 10.18.9-2-ci yarımbəndinə uyğun olaraq elektrik sayğaclarına və onların qoşulma sxeminin işlək və toxunulmaz vəziyyətdə olmasını müəyyən etmək məqsədilə keçirilmiş sonuncu baxış tarixindən üç aydan çox olmayan müddətdə istifadə edilmiş elektrik enerjisinin dəyəri elektrik qəbuledicilərinin gücü məişət abonentlərinə münasibətdə sutkanın 24 saatı, digər istehlakçılara münasibətdə isə onların işləmə saatı nəzərə alınmaqla yenidən hesablanır. Həmin Qaydaların 8.17-1-ci bəndinə əsasən istehlakçı (o cümlədən məişət abonenti) hesablaşma elektrik sayğacından kənar elektrik xətti vasitəsilə elektrik şəbəkəsinə qanunsuz qoşulduqda, enerji təchizat müəssisəsi tərəfindən bu Qaydaların 7.18-ci və 7.19-cu bəndləri nəzərə alınmaqla qanunsuz elektrik xətti açılmalı və bu Qaydaların 10.18.9-1-ci yarımbəndinə uyğun olaraq elektrik şəbəkəsinə qoşulmaqla, elektrik enerjisinin talanması hallarının qarşısının alınması məqsədilə paylayıcı qurğulara keçirilmiş sonuncu baxış tarixindən on iki aydan çox olmayan müddətdə istifadə edilmiş elektrik enerjisinin dəyəri sayğacdan kənar çəkilmiş elektrik naqilinin en kəsiyindən buraxıla bilən maksimum cərəyan, gərginlik və məişət abonentlərinə münasibətdə sutkanın 24 saatı, digər istehlakçılara münasibətdə isə onların işləmə saatı nəzərə alınmaqla yenidən hesablanır. İstehlakçı (o cümlədən məişət abonenti) hesablaşma elektrik sayğacını xüsusi qurğu vasitəsilə sxemdən kənarlaşdırdıqda, enerji təchizat müəssisəsi tərəfindən bu Qaydaların 7.18-ci və 7.19-cu bəndləri nəzərə alınmaqla pozuntu aradan qaldırılmalı, on iki aydan çox olmayan müddətdə istifadə edilmiş elektrik enerjisinin dəyəri elektrik qəbuledicilərinin gücü məişət abonentlərinə münasibətdə sutkanın 24 saatı, digər istehlakçılara münasibətdə isə onların işləmə saatı nəzərə alınmaqla yenidən hesablanır. Məhkəmədə iddiaçının izahatı, mübahisələndirilən akt, abunə haqqında dövriyyə və işin araşdırılan halları ilə müəyyən olundu ki, iddiaçı evinə quraşdırılan elektirk sayğacı vasitəsi ilə ödənişlər edərək elektrik enerjisindən istifadə edir və Saatlı RİH Başçısının Mircəlalkənd kənd İƏD üzrə nümayəndəliyinin xx.xx.2023-cü il tarixli, 140 saylı arayışından da göründüyü kimi ərazidə15 iyul 2023-cü ildən 25 iyul 2023-cü ilə qədər kəndin su növbəsi olmasına baxmayaraq, həmin su kanalına su çatmamışdır. Ona görə də məhkəmə hesab edir ki, hazırkı halda iddiaçının qanunsuz olaraq elektrik enerjisindən istifadə olunması faktı öz təsdiqini tapmır. Azərbaycan Respublikası MPM-nin 14.2-ci maddəsinin tələbinə görə məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 76.1-ci maddəsinə görə tərəflərin tələb və etirazlarını əsaslandıran halların və işi düzgün həll etmək üçün əhəmiyyəti olan başqa halların mövcud olduğunu və ya olmadığını məhkəmə müəyyən edərkən həmin məcəllədə və başqa qanunlarda müəyyən olunmuş qaydada əldə etdiyi məlumatlar sübutlar hesab olunur. Həmin Məcəllənin 77.2-ci maddəsinə əsasən dövlət orqalarının, icra və.s orqanların aktlarının etibarsız hesab edilməsi barədə mübahisələrə baxıldıqda həmin aktların qəbul edilməsi üçün əsas olmuş halları sübut etmək vəzifəsi bu aktı qəbul etmiş orqanın üzərinə düşür. Azərbaycan Respublikası MPM-nin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 217.4-cü maddəsinin tələbinə görə məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Şərh olunanları nəzərə alaraq məhkəmə belə nəticəyə gəlir ki, iddia təmin edilməklə "xxxx" Açıq Səhmdar Cəmiyyətinin xx.xx.2023-cü il tarixli, 299300 saylı aktı ləğv edilməli və həmin akta əsasən İddiaçı abonent hesabına əlavə edilmiş borc silinməlidir. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 216-220, 227, 233 və 360-cı maddələrini rəhbər tutaraq, məhkəmə Q ə t e t d i: İddia təmin edilsin. Cavabdeh "xxxx" Açıq Səhmdar Cəmiyyətinin xx.xx.2023-cü il tarixli, 299300 saylı aktı ləğv edilsin və həmin akta əsasən İddiaçı abonent hesabına (abonent kodu: **********3) əlavə edilmiş borc silinsin. Qətnamədən rəsmi qaydada verildiyi vaxtdan bir ay müddətində Saatlı Rayon Məhkəməsi vasitəsi ilə “Elektron məhkəmə” informasiya sistemində yaradılan elektron kabinetdən istifadə etməklə Şirvan Apellyasiya Məhkəməsinə apellyasiya şikayəti verilə bilər. çıxarış İş № 2(055)-1093/2023 AZƏRBAYCAN RESPUBLİKASİ ADİNDAN QƏTNAMƏ SAATLİ RAYON MƏHKƏMƏSİ 16 oktyabr 2023-cü il Saatlı şəhəri Hakim Sadıqov Mirlətif Süleyman oğlunun sədrliyi, Məhkəmə iclasının katibi X1, İddiaçı iştirakı ilə, İddiaçı cavabdeh "xxxx" Açıq Səhmdar Cəmiyyətinə qarşı aktın və onun nəticələrinin ləğv edilməsi tələbinə dair mülki işə açıq məhkəmə iclasında baxaraq.... Azərbaycan Respublikası Mülki Prosessual Məcəlləsinin 216-220, 227, 233 və 360-cı maddələrini rəhbər tutaraq, məhkəmə Q ə t e t d i: İddia təmin edilsin. Cavabdeh "xxxx" Açıq Səhmdar Cəmiyyətinin xx.xx.2023-cü il tarixli, 299300 saylı aktı ləğv edilsin və həmin akta əsasən İddiaçı abonent hesabına (abonent kodu: **********3) əlavə edilmiş borc silinsin. Qətnamədən rəsmi qaydada verildiyi vaxtdan bir ay müddətində Saatlı Rayon Məhkəməsi vasitəsi ilə “Elektron məhkəmə” informasiya sistemində yaradılan elektron kabinetdən istifadə etməklə Şirvan Apellyasiya Məhkəməsinə apellyasiya şikayəti verilə bilər.