Saatlı Rayon Məhkəməsi Qətnamə — İş №2(055)-1291/2024

Azərbaycan Respublikası adından QƏTNAMƏ Saatlı rayonu İş № 2(055)-1291/2024 14.10.2024 SAATLI RAYON MƏHKƏMƏSİ Hakim Sadıqov Mirlətif Süleyman oğlunun sədrliyi, Məhkəmə iclasının katibi X2, Ərizəçi, Maraqlı şəxs nümayəndəsi X1 iştirakı ilə Ərizəçi “barışıq sazişinin təsdiq edilməsi” tələbinə dair ərizəsi üzrə mülki işə məhkəmənin inzibati binasında, açıq məhkəmə iclasında baxaraq, məhkəmə M ü ə y y ə n e t d i: Ərizəçi ərizə ilə məhkəməyə müraciət edərək, 26 aprel 2023-cü il tarixdə mediatorun iştirakı ilə Maraqlı şəxs ilə aralarında bağlanmış barışıq sazişinin təsdiq edilməsi və sazişin məcburi icrasının həyata keçirilməsi barədə qətnamə qəbul edilməsini xahiş etmişdir. Məhkəmə baxışı zamanı Ərizəçi ərizəsini müdafiə edərək izahatında göstərdi ki, onunla Maraqlı şəxs arasında mediasiya mərhələsində mediatorun iştirakı ilə bağlanan 26 aprel 2023cü il tarixli barışıq sazişinə əsasən maraqlı tərəf Maraqlı şəxs nişan və toy mərasimində ona hədiyyə edilmiş 5 ədəd üzüyü, 2 ədəd boyunbağını və 1 dəst qızıl komplekti(sırğa və üzüklə birlikdə) 10 oktyabr 2023-cü il tarixədək geri qaytarmağa razılıq vermişdir. Bundan bir müddət sonra cavabdeh sazişin şərtlərini pozaraq sazişi icra etməkdən yayınmışdır. Qeyd edilən barışıq sazişində göstərilir ki, saziş könüllü icra ediləcəkdir. Saziş könüllü icra edilmədiyi təqdirdə tərəflərdən biri sazişin məcburi icrası üçün məhkəməyə müraciət edə bilər. Ona görə də, ərizənin təmin edilməsi barədə qətnamə qəbul edilməsini məhkəmədən xahiş etdi. Məhkəmə iclasında Maraqlı şəxs nümayəndəsi X4 izahatında göstərdi ki, nümayəndəsi olduğu Maraqlı şəxs onun oğludur.Tərəflər arasında mediasiya mərhələsində mediatorun iştirakı ilə bağlanan 26 aprel 2023-cü il tarixli barışıq sazişinə əsasən maraqlı tərəf Maraqlı şəxs nişan və toy mərasimində ərizəçiyə hədiyyə edilmiş 5 ədəd üzüyü, 2 ədəd boyunbağını və 1 dəst qızıl komplekti(sırğa və üzüklə birlikdə) 10 oktyabr 2023-cü il tarixədək geri qaytarmağa razılıq vermişdir. Sazişin icra edilməməsinin səbəbi qızıl-zinət əşyalarının lombardda olmasıdır.Hazırda ərizənin təmin edilməsinə etiraz etmir. İşdə olan Ərizəçi ilə Maraqlı şəxs arasında mediasiya mərhələsində mediatorun iştirakı ilə bağlanan 26 aprel 2023-cü il tarixli barışıq sazişindən görünür ki, Ərizəçi aid cehiz əşyalarının, həmçinin nişan və toy mərasimində ərizəçiyə hədiyyə edilmiş 5 ədəd üzüyün, 2 ədəd boyunbağının və 1 dəst qızıl komplektin (sırğa və üzüklə birlikdə) 10 oktyabr 2023-cü il tarixədək Maraqlı şəxs tərəfindən geri qaytarılacağı barədə tərəflər razılaşmışdır. Məhkəmə ərizəni və ona əlavə edilmiş sənədləri tədqiq edərək, onlara məcmu halda hüquqi qiymət verib, belə qənaətə gəlir ki, ərizə əsaslı olduğundan təmin edilməldir. Belə ki, məhkəmə baxışında tədqiq olunmuş sübutlarla müəyyən edilir ki, tərəflər arasında qızıl-zinət əşyalarının qaytarılması ilə bağlı barışıq sazişi imzalanmışdır. Saziş əsasında yeddi gün müddətində Ərizəçi aid cehiz əşyalarının, həmçinin nişan və toy mərasimində ərizəçiyə hədiyyə edilmiş 5 ədəd üzüyün, 2 ədəd boyunbağının və 1 dəst qızıl komplektin(sırğa və üzüklə birlikdə) 10 oktyabr 2023-cü il tarixədək Maraqlı şəxs tərəfindən geri qaytarılacağı barədə tərəflər razılaşmışdır.Lakin barışıq sazişi icra edilmədiyindən ərizəçi barışıq sazişinin təsdiq edilməsi üçün məhkəməyə müraciət etmişdir. Azərbaycan Respublikası Mülki-Prosessual Məcəlləsinin 305.1.17-ci maddəsinə əsasən mediasiya prosesi nəticəsində bağlanılmış barışıq sazişinin təsdiq edilməsi haqqında işlərə məhkəmə xüsusi icraat qaydasında baxır. Həmin Məcəllənin 355-23.1-ci maddəsinə əsasən “Mediasiya haqqında” Azərbaycan Respublikası Qanununda müəyyən edilmiş müddət ərzində mediasiya prosesi nəticəsində əldə edilən barışıq sazişi könüllü qaydada icra edilmədikdə və ya barışıq sazişinin könüllü icrasından imtina olunduqda, ərizəçi barışıq sazişinin məcburi icrası üçün barışıq sazişinin təsdiq edilməsi barədə (barışıq sazişinin bu Məcəllənin 191.2-1-ci maddəsinə uyğun olaraq təsdiq edildiyi hal istisna olmaqla) məhkəməyə müraciət edə bilər. Həmin Məcəllənin 355-23.2-ci maddəsinə əsasən mediasiya prosesi nəticəsində bağlanılmış barışıq sazişinin təsdiq edilməsi ilə bağlı ərizə ərizəçi fiziki şəxsin yaşadığı yer, hüquqi şəxsin ünvanının olduğu yer üzrə, ərizə dövlət orqanı (qurumu) tərəfindən verildikdə, barışıq sazişinin icrasından imtina edən fiziki şəxsin yaşadığı, hüquqi şəxsin ünvanının olduğu yer üzrə məhkəməyə verilir. Həmin Məcəllənin 355-24-cü maddəsinə əsasən mediasiya prosesi nəticəsində bağlanılmış barışıq sazişinin təsdiq edilməsi ilə bağlı ərizədə barışıq sazişinin könüllü icrası üçün “Mediasiya haqqında” Azərbaycan Respublikası Qanununun 34.1-ci maddəsi ilə müəyyən olunmuş müddətin keçməsi və ərizəçinin xahişi göstərilməlidir. Həmin Məcəllənin 355-25.3-cü maddəsinə əsasən məhkəmə ərizəyə baxarkən bu Məcəllənin 355-26-cı maddəsində sadalanmış halların olub-olmadığını müəyyən edir və barışıq sazişinin təsdiq edilməsi və ya təsdiq edilməsindən imtina olunması barədə qətnamə qəbul edir. Həmin Məcəllənin 355-26-cı maddəsində qeyd edilmişdir ki, məhkəmə barışıq sazişi və ya onun bir hissəsi qanuna zidd olduqda, barışıq sazişi mediasiyada iştirak etməyən üçüncü şəxslərin və ya məhkəmə tərəfindən fəaliyyət qabiliyyəti olmayan, yaxud məhdud fəaliyyət qabiliyyətli hesab edilən şəxslərin hüquqlarına toxunulan mübahisələr üzrə keçirilmiş mediasiya prosesinin nəticəsində bağlanıldıqda barışıq sazişinin və ya onun bir hissəsinin təsdiq edilməsindən imtina edir. “Mediasiya haqqında” Qanunun 34.1-ci maddəsinə əsasən barışıq sazişi, əgər sazişdə ayrı şərt nəzərdə tutulmayıbsa, imzalandığı gündən tərəflər üçün məcburi xarakter daşıyır. Barışıq sazişində tərəflər arasında ayrı müddət müəyyən edilməyibsə barışıq sazişi imzalandığı gündən 10 gün müddətində könüllü şəkildə icra olunmalıdır. Həmin qanunun 34.2-ci maddəsinə əsasən barışıq sazişinin könüllü icrasından boyun qaçırma Azərbaycan Respublikasının Mülki Məcəlləsinə uyğun olaraq barışıq sazişində müəyyən olunan məsuliyyətə səbəb olur. Həmin qanunun 34.3-cü maddəsinə əsasən əgər barışıq sazişinin könüllü icrasından imtina olunsa, tərəf (o cümlədən məhkəmə baxışında olan işlər üzrə tərəf) barışıq sazişinin məcburi icrası üçün məhkəməyə müraciət edə bilər. Həmin qanunun 34.4-cü maddəsinə əsasən barışıq sazişi məcburi icra edilməsi üçün məhkəmə tərəfindən müvafiq qaydada təsdiq olunur (bu Qanunun 34.5-ci maddəsinin tələbləri nəzərə alınmaqla). İşin hallarından göründüyü kimi barışıq sazişinin təsdiq edildiyi vaxtdan keçən müddət ərzində barışıq sazişi icra edilməmişdir. Məhkəmə baxışında tədqiq olunmuş sübutlarla müəyyən edilmişdir ki, tərəflər mediasiya prosesində barışıq əldə etmişdir, ərizəçi tərəfindən təsdiq olunması xahiş edilmiş barışıq sazişi tam qanuni şəkildə bağlanmış, həmçinin saziş hər hansı digər şəxslərin hüquqlarına toxunmur. Belə olan halda məhkəmə hesab edir ki, tərəflər arasında 26 aprel 2023-cü il tarixdə bağlanmış barışıq sazişi təsdiq olunmalıdır. Azərbaycan Respublikası Mülki Prosessual Məcəlləsinin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir; Həmin Məcəllənin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir; Həmin Məcəllənin 217.4-cü maddəsinə əsasən məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Göstərilənlərə əsasən və Azərbaycan Respublikası MPM-in, 217-ci, 355-ci maddələrini rəhbər tutaraq, məhkəmə Qətetdi: Ərizə təmin edilsin. 26 aprel 2023-cü il tarixdə mediatorun iştirakı ilə Ərizəçi ilə Maraqlı şəxs arasında bağlanmış maraqlı tərəf Maraqlı şəxs “nişan və toy mərasimində Ərizəçi hədiyyə edilmiş (nişan və toy mərasimində çəkilmiş fotoşəkillərdə qızıl-zinət əşyaları nəzərdə tutulur) 5 ədəd üzüyü, 2 ədəd boyunbağını və 1 dəst qızıl komplekti (sırğa və üzük ilə birlikdə) 10 oktyabr 2023-cü il tarixə qədər qaytaracağını təklif etdi” hissəsində və “Birinci tərəf X3, ikinci tərəf Maraqlı şəxs təklifini qəbul etdi və onunla razılaşdı” hissəsində barışıq sazişi təsdiq edilsin. Barışıq sazişinin məcburi icrası həyata keçirilsin. Qətnamədən rəsmi qaydada verildiyi vaxtdan bir ay müddətində Saatlı Rayon Məhkəməsi vasitəsi ilə “Elektron məhkəmə” informasiya sistemində yaradılan elektron kabinetdən istifadə etməklə Şirvan Apellyasiya Məhkəməsinə apellyasiya şikayəti verilə bilər. Hakim: Mirlətif Sadıqov İş № 2(055)-1291/2024 çıxarış AZƏRBAYCAN RESPUBLİKASİ ADİNDAN QƏTNAMƏ SAATLİ RAYON MƏHKƏMƏSİ 14 oktyabr 2024-cü il Saatlı şəhəri Hakim Sadıqov Mirlətif Süleyman oğlunun sədrliyi, Məhkəmə iclasının katibi X2, Ərizəçi, Maraqlı şəxs nümayəndəsi X1 iştirakı ilə Ərizəçi “barışıq sazişinin təsdiq edilməsi” tələbinə dair ərizəsi üzrə mülki işə açıq məhkəmə iclasında baxaraq.... Azərbaycan Respublikası Mülki Prosessual Məcəlləsinin 216-220-ci maddələrini rəhbər tutaraq məhkəmə, Qətetdi: Ərizə təmin edilsin. 26 aprel 2023-cü il tarixdə mediatorun iştirakı ilə Ərizəçi ilə Maraqlı şəxs arasında bağlanmış maraqlı tərəf Maraqlı şəxs “nişan və toy mərasimində Ərizəçi hədiyyə edilmiş (nişan və toy mərasimində çəkilmiş fotoşəkillərdə qızıl-zinət əşyaları nəzərdə tutulur) 5 ədəd üzüyü, 2 ədəd boyunbağını və 1 dəst qızıl komplekti (sırğa və üzük ilə birlikdə) 10 oktyabr 2023-cü il tarixə qədər qaytaracağını təklif etdi” hissəsində və “Birinci tərəf X3, ikinci tərəf Maraqlı şəxs təklifini qəbul etdi və onunla razılaşdı” hissəsində barışıq sazişi təsdiq edilsin. Barışıq sazişinin məcburi icrası həyata keçirilsin. Qətnamədən rəsmi qaydada verildiyi vaxtdan bir ay müddətində Saatlı Rayon Məhkəməsi vasitəsi ilə “Elektron məhkəmə” informasiya sistemində yaradılan elektron kabinetdən istifadə etməklə Şirvan Apellyasiya Məhkəməsinə apellyasiya şikayəti verilə bilər.