Sabirabad Rayon Məhkəməsi Qərardad — İş №2(056)-1539/2023

Azərbaycan Respublikası adından QƏRARDAD Sabirabad rayon İş № 2(056)-1539/2023 20.07.2023 SABİRABAD RAYON MƏHKƏMƏSİ Mən, Sabirabad rayon Məhkəməsinin hаkimi Allahverdiyev Səlim Məhərrəm оğlu, İddiaçı cavabdeh "xxxx" ASC-yə qarşı “elektrik enerjisindən istifadə qaydalarının pozulması barədə tərtib olunmuş xx.xx.2022-ci il tarixli, 248945 saylı akta əsasında hesablanmış qalıq borcun silinməsi” tələbinə dair iddia ərizəsini və ona əlavə olunmuş sənədləri nəzərdən keçirərək, M Ü Ə Y Y Ə N E T D İM: İddiaçı cavabdeh "xxxx" ASC-yə qarşı “elektrik enerjisindən istifadə qaydalarının pozulması barədə tərtib olunmuş xx.xx.2022-ci il tarixli, 248945 saylı akta əsasında hesablanmış qalıq borcun silinməsi” tələbinə dair iddia ərizəsi ilə məhkəməyə müraciət etmişdir. Məhkəmə iddia ərizəsini və ona əlavə edilmiş sənədləri nəzərdən keçirərək hesab edir ki, hazırkı iddia ərizəsinə məhkəmədə baxılması yolverilməzdir və ərizənin qəbulundan imtina edilməlidir. Belə ki, iddia ərizəsindən məlum olur ki, xx.xx.2022-ci il tarixli, 248945 saylı akt və akt üzrə hesablanmış borc barədə məhkəmə qətnaməsi qəbul edilmiş, qanuni qüvvəsinin alaraq qətnamə icraya yönəldilmişdir. Azərbaycan Respublikasının Mülki Prosessual Məcəlləsinin 153.2.2-ci maddəsinə əsasən, eyni tərəflər arasında, eyni predmet barəsində və eyni əsaslar üzrə mübahisəyə dair məhkəmənin qanuni qüvvəyə minmiş qətnaməsi və ya iddiaçının iddiadan imtina etməsi ilə əlaqədar iş üzrə icraata xitam edilməsi və ya tərəflərin barışıq sazişinin təsdiq edilməsi haqqında məhkəmənin qərardadı olarsa hakim iddianın yolverilməzliyinə görə iddia ərizəsini qəbul etməkdən imtina edir. Beləliklə, yuxarıda göstərilən tələblərə əsasən hesab edirəm ki, iddia ərizəsinin icraata qəbul edilməsindən imtina edilməli və iddia ərizəsinə əlavə olunmuş bütün sənədlər iddia ərizəsi ilə birlikdə iddiaçıya geri qaytarılmalıdır. Şərh olunanlara əsasən və Azərbaycan Respublikasının MPM-nin 153, 263, 264, 268-ci maddələrini rəhbər tutaraq, QƏRARA ALDİM: İddiaçı cavabdeh "xxxx" ASC-yə qarşı “elektrik enerjisindən istifadə qaydalarının pozulması barədə tərtib olunmuş xx.xx.2022-ci il tarixli, 248945 saylı akta əsasında hesablanmış qalıq borcun silinməsi” tələbinə dair iddia ərizəsi icraata qəbul edilməsin və iddia ərizəsinə əlavə olunmuş bütün sənədlər iddia ərizəsi ilə birlikdə iddiaçıya geri qaytarılsın. Qərardaddan rəsmi qaydada verildikdən sonra 10 (on) gün müddətində yazılı şəkildə qərardadı qəbul edən məhkəməyə şikayət verilə bilər.