Sabirabad Rayon Məhkəməsi Qətnamə — İş №2(056)-99/2023

Azərbaycan Respublikası adından QƏTNAMƏ Sabirabad rayon İş № 2(056)-99/2023 23.02.2023 SABİRABAD RAYON MƏHKƏMƏSİ Hakim Pənahov Füzuli Novruzəli oğlunun sədrliyi, Əliyev Ələkbər Əlisahib oğlunun katibliyi, iddiaçı X1 və cavabdehin nümayəndəsi X7 iştirakı ilə, iddiaçı X2 - cavabdeh "xxxx" ASC-yə qarşı “borcun silinməsi” tələbinə dair mülki işə xx.xx.2023-ci il tarixdə Sabirabad Rayon Məhkəməsinin inzibati binasında, açıq məhkəmə iclasında baxaraq MÜƏYYƏN ETDİ: İddiaçı X4 - cavabdeh "xxxx" ASC-yə qarşı “borcun silinməsi” tələbinə dair iddia ərizəsi ilə məhkəməyə müraciət edərək "xxxx" ASC-nin xx.xx.2020-ci il tarixli 183966 saylı, xx.xx.2020-ci il tarixli 208851 saylı və xx.xx.2021-ci il tarixli 217086 saylı aktlarının etibarsız hesab edilməsi və aktlar əsasında hesablanmış cəmi 990,93 AZN borcun silinməsi barədə qətnamə qəbul olunmasını xahiş etmişdir. İddia ərizəsi belə əsaslandırmışdır ki, o, ünvan 1 ünvanında pasport qeydiyyatında olmaqla tək həmin ünvanda yaşayır. "xxxx" ASC-nin Sabirabad rayon əməkdaşlarının ona məxsus olan sayğaca baxış keçirərkən sayğacdan kənar xəttdən istifadə etməsi müəyyən edilmişdir. Sonradan ona məlum olmuşdur ki, bu barədə akt tərtib edilmiş və o, 990,93 manat cərimə olunmuşdur. Hesab edir ki, əsassız olaraq cərimələnmişdir. Odur ki, iddianın təmin olunmasını məhkəmən xahiş edir. Məhkəmə iclasında iştirak etmiş iddiaçı X4 iddianı müdafiə edib, iddia ərizəsinə uyğun məzmunda izahat verib əlavə olaraq göstərdi ki, sayğacda məftil boşluğu yaranmış və bunun nəticəsində xətt kəsilmişdir. Buna görə də o, təxminən bir həftə müddətinə müvvəqəti olaraq sayğacdan kənar xətdən istifadə etmişdir. Odur ki, iddianın təmin olunması barədə qətnamə çıxarılmasını xahiş etmişdir. Məhkəmə iclasında iştirak etmiş cavabdeh Azərişıq ASC-nin etibarnamə üzrə nümayəndəsi X8 iddia tələbinə etiraz edərək iddianın rədd edilməsi barədə qətnamə qəbul edilməsini məhkəmədən xahiş etdi. Məhkəmə iddiaçının və cavabeh təşkilatın nümayəndəsinin izahatlarını dinləyib, iş materiallarını nəzərdən keçirib, təqdim olunmuş sənədləri tədqiq edərək, toplanmış sübutlara qiymət verərək hesab edir ki, iddia tələbi qismən təmin edilməlidir. Belə ki, İş materiallarından görünür ki, "xxxx" ASC-nin aktlar üzrə komissiyanın üzvləri tərəfindən iddiaçının yaşadığı mənzildə aparılan yoxlama zamanı xx.xx.2020-ci il tarixli 183966 saylı, xx.xx.2020-ci il tarixli 208851 saylı və xx.xx.2021-ci il tarixli 217086 saylı aktlara əsasən E.E.İ.Q-na uyğun yoxlama aprarkən məlum olmuşdur ki, abonent elektrik enerjisindən sayğacdan kənar xəttdən istifadə etmişdir. İş materiallarında olan abunə haqqında arayışdan görünür ki, X4 tərəfindən X5 qaydalarının pozulmasına görə, ona elektrik enerjisi itkisinə görə ümumilikdə 990,93 AZN borc hesablanmışdır. İş materiallarından görünür ki, iddiaçı X4 həqiqətən də ünvan 1 ünvanında yaşayır. “X5 Qaydaları”nın Bundan başqa Qaydaların 8.16-cı bəndinə əsasən istehlakçının, o cümlədən məişət abonentinin təqsiri olmadan uçot müvəqqəti pozulduqda, elektrik enerjisi sərfinin hesabatı enerjitəchizatı müəssisəsinin və istehlakçının razılığına əsasən uçot pozulana qədər və ya ucot bərpa edildikdən sonrakı dövrün orta gündəlik sərfinə uyğun aparılır. Elektrik enerjisinin orta gündəlik sərfinə görə hesablaşma dövrü bir aydan artıq olmamalıdır, bu müddət ərzində hesablaşma elektrik sayğaclarının normal işi enerjitəchizatı müəssisəsi tərəfindən bərpa olunmalıdır. Cavabdeh təşkilat iddiaçının uzun müddət sayğacdan kənar xətt istifadə etməsi hallarına əsaslansa da, həmin halları təsdiq edən hər hansı bir sübutunu məhkəməyə təqdim etməmişdir. Lakin iddiaçı bir həftə müddətinə sayğacdan kənar xəttdən istifadə etdiyini etiraf etmişdir. Ona görə də, məhkəmə hesab edir ki, bir aylıq dövrədək üçün hesablanmış cərimə məbləği abunəçinin hesabında saxlanılmalı və qalan məbləğ iddiaçının abunə hesabından silinməlidir. İstinad olunan 8.16-cı bəndinə əsaslanaraq və toplanmış sübutlara məcmu halında qiymət verərək məhkəmə hesab edir ki, elektrik enerjisinin gündəlik sərfinə görə hesablaşma dövrü bir aydan artıq olmamalı və iddiaçı barəsində itirilmiş elektrik enerjisinin bərpasına dair tərtib edilmiş X5 Qaydalarının pozulması barədə xx.xx.2020ci il tarixli 183966 saylı, xx.xx.2020-ci il tarixli 208851 saylı və xx.xx.2021-ci il tarixli 217086 saylı akta əsasən enerji itkisinə görə borc cəmi 150 manat məbləğində müəyyən edilməlidir. Ona görə də, iddia ərizəsi qismən təmin edilərək "xxxx" ASC-nin xx.xx.2020-ci il tarixli 183966 saylı, xx.xx.2020-ci il tarixli 208851 saylı və xx.xx.2021-ci il tarixli 217086 saylı aktı əsasında X5 qaydalarının pozulmasına görə enerji itkisinə görə ünvan 1 ünvanında yerləşən evin sakini X3 hesablanmış 990,93 AZN borcun məbləği azaldılaraq, 150 AZN məbləğində müəyyən olunmalıdır. Göstərilənlərə əsaslanaraq və Azərbaycan Respublikası Mülki Prosessual Məcəlləsinin 216-220, 227, 233, 360-cı maddələrini rəhbər tutaraq məhkəmə QƏT ETDİ: İddia qismən təmin edilsin. "xxxx" ASC-nin xx.xx.2020-ci il tarixli 183966 saylı, xx.xx.2020-ci il tarixli 208851 saylı və xx.xx.2021-ci il tarixli 217086 saylı aktları əsasında X5 qaydalarının pozulmasına görə enerji itkisinə görə ünvan 1 ünvanında yerləşən evin sakini X3 ümumilikdə hesablanmış 990,93 AZN borcun məbləği azaldılaraq, 150 (bir yüz əlli) AZN məbləğində müəyyən olunsun. İddia tələbi qalan hissədə təmin edilməsin. Qətnamədən rəsmi qaydada verildiyi gündən 1 (bir) ay müddətində Sabirabad Rayon Məhkəməsi vasitəsi ilə Şirvan Apelyasiya Məhkəməsinə apelyasiya şikayəti verilə bilər.