Samux Rayon Məhkəməsi Qərardad — İş №2(058)-336/2024

Azərbaycan Respublikası adından QƏRARDAD Samux rayonu İş № 2(058)-336/2024 13.03.2024 SAMUX RAYON MƏHKƏMƏSİ X3 Əhməd oğlunun sədrliyi, Tağıyev Hüseyn Firqət oğlunun katibliyi ilə, İddiaçılar İddiaçı1 və İddiaçı4 nümayəndəsi İddiaçı1 iştirakı ilə, İddiaçılar İddiaçı1, İddiaçı2, İddiaçı3 və İddiaçı4nın cavabdehlər X1 və Samux rayon, Notariat Kontoruna qarşı “alqı-satqı müqavilənin etibarsız hesab edilməsi” tələbinə dair iddiası üzrə mülki işə məhkəmənin binasında açıq məhkəmə iclasında baxaraq, MÜƏYYƏN ETDİ: İddiaçılar İddiaçı1, İddiaçı2, İddiaçı3 və İddiaçı4 cavabdehlər X1 və Samux rayon, Notariat Kontoruna qarşı “alqı-satqı müqavilənin etibarsız hesab edilməsi” tələbinə dair iddia ərizəsi ilə məhkəməyə müraciət etmişlər. xx.xx.2024-cü il tarixdə keçirilmiş məhkəmə hazırlıq iclasında müəyyən olundu ki, cavabdeh X2 ünvan 1 ünvan Bakı şəhəri Binəqədi rayon inzibati ərazi vahidinə aiddir. İddiaçılar İddiaçı1 və İddiaçı3 mülki işin baxılması üçün Bakı şəhəri, Binəqədi Rayon Məhkəməsinə göndərilməsinə etiraz etdilər. İddiaçı2 məhkəmə iclası barədə məlumatlandırılmalarına baxmayaraq, məhkəmə iclasında iştirak etməmişdir. Cavabdehlər X2 və Samux rayon Notariat kontoru məhkəmə iclasının vaxtı və yeri barədə xəbərdar edilməsinə baxmayaraq, məhkəmə iclasına gəlməmişlər və gəlməmələrinin səbəbi barədə məhkəməyə məlumat verməmişlər. Məhkəmə mülki işə tərəflərin iştirakı olmadan baxılmasını mümkün hesab etdi. Azərbaycan Respublikası Mülki Prosessual Məcəlləsinin 35.1-ci maddəsinə əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Həmin Məcəllənin 44.2.2-ci maddəsinə əsasən, iş həmin məhkəmədə baxıldığı zaman onun aidiyyət qaydalarının pozulması ilə icraata qəbul edildiyi aşkar olarsa, məhkəmə öz icraatına götürdüyü işi baxılmaq üçün başqa məhkəməyə verir. Məhkəmə hesab edir ki, mülki iş baxılması üçün Bakı şəhər Binəqədi Rayon Məhkəməsinə göndərilməlidir. Göstərilənlərə əsasən və Azərbaycan Respublikası Mülki Prosessual Məcəlləsinin 35.1, 44.2.2 və 267-268-ci maddələrini rəhbər tutaraq, məhkəmə QƏRARA ALDİ : İddiaçılar İddiaçı1, İddiaçı2, İddiaçı3 və İddiaçı4nın cavabdehlər X1 və Samux rayon, Notariat Kontoruna qarşı “alqı-satqı müqavilənin etibarsız hesab edilməsi” tələbinə dair mülki iş baxılması üçün ərazi aidiyyəti üzrə Bakı şəhəri Binəqədi Rayon Məhkəməsinə göndərilsin. Qərardaddan 10 gün müddətində Samux Rayon Məhkəməsinə şikayət verilə bilər. Sədrlik edən: Gündüz Şirinov