Sumqayıt Şəhər Məhkəməsi Qərardad — İş №2(060)-10063/2021

Azərbaycan Respublikası adından QƏRARDAD Sumqayıt şəhəri İş № 2(060)-10063/2021 15.12.2021 SUMQAYIT ŞƏHƏR MƏHKƏMƏSİ Sumqayıt Şəhər Məhkəməsinin hakimi Hüseynov Elmir Xoşbəxt oğlu, İddiaçı Cavabdeh qarşı (3-cü şəxs: Bakı şəhəri 9 saylı Notariat Ofisi) müqavilə üzrə götürülmüş öhdəliyin yerinə yetirilməsi tələbinə dair məhkəməyə daxil olmuş iddia ərizəsinin məhkəmə icraatına götürülməsi mümkünlüyünə Sumqayıt Şəhər Məhkəməsinin inzibati binasında baxaraq, müəyyən etdi: İddiaçı Cavabdeh qarşı (3-cü şəxs: Bakı şəhəri 9 saylı Notariat Ofisi) müqavilə üzrə götürülmüş öhdəliyin yerinə yetirilməsi tələbinə dair iddia ərizəsi ilə məhkəməyə müraciət etmişdir. Məhkəmə, iddia ərizəsini və ona əlavə edilmiş sənədləri nəzərdən keçirərək hesab edir ki, həmin ərizə və sənədlər geri qaytarılmalıdır. Belə ki, ərizəyə əlavə edilmiş 27.07.2021-ci il tarixli alqı-satqı müqaviləsinin 5.2-ci bəndindən görünür ki, bu müqaviləyə dəyişikliklər və ya əlavələr olunması, yaxud onun ləğv edilməsi barədə məsələlər, habelə tərəflər arasında bu Müqavilədən irəli gələn mübahisələr onların qarşılıqlı razılığı ilə, belə razılıq olmadıqda isə məhkəmə qaydasında həll edilir. Qeyd edilənlərə baxmayaraq iddiaçı mübahisənin məhkəməyə qədər nizama salınmasına riayət etməmişdir. Azərbaycan Respublikasının Mülki Prosessual Məcəlləsinin 152.1-ci maddəsinə əsasən - Hakim iddia ərizəsini və ona əlavə edilmiş sənədləri geri qaytarır: - müqavilə ilə və ya həmin kateqoriya işlər üçün qanunla nəzərdə tutulmuşsa, iddiaçı cavabdehlə mübahisənin məhkəməyə qədər (pretenziya qaydasında) nizama salınmasına riayət edilməsinə dair sənəd təqdim etmədikdə (152.1.6) Məhkəmə hesab edir ki, iddia ərizəsi məhkəməyə verilərkən MPM-nin 152.1.6-cı maddəsinin tələbləri pozulduğundan, həmin Məcəllənin 152.1-ci maddəsinə əsasən iddia ərizəsi geri qaytarılmalı, iddiaçıya bu nöqsanlar aradan qaldırıldıqdan sonra yenidən məhkəməyə müraciət etmək hüququ izah olunmalıdır. Şərh olunanlara əsasən və Azərbaycan Respublikası Mülki Prosessual Məcəlləsini 152.1, 152.4, 263, 264 və 268-ci maddələrini rəhbər tutaraq, məhkəmə qərara aldı: İddiaçı Cavabdeh qarşı (3-cü şəxs: Bakı şəhəri 9 saylı Notariat Ofisi) müqavilə üzrə götürülmüş öhdəliyin yerinə yetirilməsi tələbinə dair dair iddia ərizəsi və ona əlavə olunmuş sənədlər geri qaytarılsın. İddiaçıya göstərilən nöqsanlar aradan qaldırıldıqdan sonra yenidən ümumi qaydada məhkəməyə müraciət etmək hüququ izah olunsun. Qərardaddan rəsmi qaydada verildikdən sonra 10 (on) gün müddətində Sumqayıt Şəhər Məhkəməsinə şikayət verilə bilər. Hakim Elmir Hüseynov