Sumqayıt Şəhər Məhkəməsi Qətnamə — İş №2(060)-1168/2021

Azərbaycan Respublikası adından QƏTNAMƏ Sumqayıt şəhəri İş № 2(060)-1168/2021 31.03.2021 SUMQAYIT ŞƏHƏR MƏHKƏMƏSİ Hakim İsmayılov Azər İbrahim oğlunun sədrliyi, Əliyev Orxan Elşən oğlunun katibliyi, İddiaçı, Cavabdeh “xxxx” Açıq Səhmdar Cəmiyyətinin nümayəndəsi X2 iştirakı ilə, İddiaçı Cavabdeh ASC-ə qarşı “X1yə görə əsassız və qanunsuz yazılmış borcun silinməsi” tələbinə dair mülki işə açıq məhkəmə iclasında baxaraq, məhkəmə MÜƏYYƏN E T D İ: İddiaçı Cavabdeh ASC-ə qarşı “X1yə görə əsassız və qanunsuz yazılmış borcun silinməsi” tələbinə iddia ərizəsi ilə Sumqayıt şəhər Məhkəməsinə müraciət edərək, Sumqayıt şəhəri, İnşaatçılar qəsəbəsi, M.İbrahimov küçəsi, 18 saylı fərdi yaşayış evinə hesablanmış X1yə görə cavabdeh tərəfindən üzərinə qanunsuz və əsassız yazılmış 945.64 manat borcun silinməsi barədə qətnamə çıxarılmasını xahiş etmişdir. İddiaçı məhkəmə iclasında iddia ərizəsini onunla əsaslandırdı ki, Sumqayıt şəhəri, İnşaatçılar qəsəbəsi, 18 saylı fərdi yaşayış evini 2015-ci ildə Məhərrəmov Talib oğlundan almışdır. Fərdi yaşayış evinə X1yə görə elektrik hesabat sayğacı xx.xx.2019-cu il tarixdə quraşdırılmışdır. O, mənzilə köçməmişdən öncə mənzildə məcburi köçkün yaşamışdır. xx.xx.2016-cı il tarixə qədər X1yə görə ödənişlər dövlət tərəfindən həyata keçirilmişdir. Həmin dövrlərdə limitdən əlavə elektrik enerjisi işlətməmişdir, əksinə, limitdən də az elektrik enerjisi işlənilmişdir. Bildirir ki, onun hal-hazırda sayğac üzrə heç bir borcu yoxdur. Lakin, cavabdeh tərəfindən ona verilmiş abunə haqqında bildirişə görə guya X1yə görə cavabdehə 945.64 manat məbləğində borcu var. Dəfələrlə cavabdehə borcun əsassız olması və silinməsi üçün müraciət etmişdir. Lakin, cavabdeh qanunsuz və əsassız yazılmış borcu silməkdən imtina edir. Ona görə də, o, məcbur olub məhkəməyə müraciət etmişdir. Qeyd olunanlara əsasən iddia tələbinin təmin edilməsi barədə qətnamə çıxarılmasını məhkəmədən xahiş etdi. Cavabdeh “xxxx” Açıq Səhmdar Cəmiyyətinin nümayəndəsi X3 məhkəmə iclasında iddia tələbini qəbul etməyərək, iddia tələbinin rədd edilməsi barədə qətnamə çıxarılmasını məhkəmədən xahiş etdi. Məhkəmə proses iştirakçılarını dinləyib, iş materiallarını araşdıraraq hesab edir ki, aşağıda göstərilənlərə əsasən iddia tələbi təmin edilməlidir. Belə ki, iş materiallarında olan abunə haqqında arayışdan görünür ki, abunəçi İddiaçı məxsus Sumqayıt şəhəri, İnşaatçılar qəsəbəsi, M.İbrahimov küçəsi, 18 saylı fərdi yaşayış evinə X1yə görə hesablanmış 945.64 manatın qarşısında “Qaçqın borcu silinmə” göstərilmişdir. İş materiallarında olan 1 saylı MKS tərəfindən verilmiş 5112 nömrəli, xx.xx.2020-ci il tarixli arayışdan görünür ki, İddiaçı Sumqayıt şəhəri, İnşaatçılar qəsəbəsi, M.İbrahimov küçəsi, 18 saylı fərdi yaşayış evində yaşayır. Azərbaycan Respublikası Nazirlər Kabinetinin xx xxxxxx 2005-ci il tarixli, 18 nömrəli Qərarı ilə təsdiq edilmiş “X1 Qaydaları”nın 8.1-ci bəndinə əsasən Dövlət elektroenergetika müəssisəsindən enerjitəchizatı müəssisəsinə, enerjitəchizatı müəssisəsindən abonentə, abonentdən subabonentə elektrik enercjisinin verilişi yalnız müvafiq olaraq tərəflər arasında bağlanmış elektrik enerjisinin alqı-satqı müqaviləsinə əsasən və onlar üçün təyin olunmuş elektrik enerjisinin tariflərinə uyğun aparılır. Həmin Qaydaların 8.2-ci bəndinə əsasən Elektrik enerjisinə görə hesablaşmalar uçot cihazlarının hesablaşma dövründəki göstəricilərinə əsasən aparılır. Həmin Qaydaların 8.4-cu bəndinə əsasən Enerjitəhcizatı müəssisəsi istehlakçıdan yalnız istifadə olunmuş elektrik enerjisinə görə ödəniş alır,digər ödənişlərin, o cümlədən bu qaydaların 3.5-ci bəndinə uyğun olaraq istehlakçıya məxsus elektrik qurğularına gərginlik verilməsinə görə ödənişin alınmasına yol verilmir. Həmin Qaydaların 8.9-cu bəndinə əsasən İstehlakcı (məişət abonenti istisna olmaqla) hesablaşma elektrik sayğacının göstərişi haqqında məlumat vermədikdə, hesablaşma əvvəlki dövr ücün müəyyən olunmuş orta gündəlik elektrik enerjisi sərfinə uyğun aparılır və orta gündəlik elektrik enerjisi sərfinə uyğun hesablaşma bir hesablaşma dövründən artıq olmamalıdır, dövr başa çatdıqdan sonra göstərilən hal davam edərsə, elektrik enerjisinin sərfi istehlakçının (məişət abonenti istisna olmaqla) cərəyan qəbuledicilərinin gücünə və işləmə saatlarına uyğun olaraq müəyyənləşdirilir. Bu qayda elektrik sayğaclarının göstərişi haqqında istehlakcı (məişət abonenti istisna olmaqla) məlumat verənədək davam etdirilir və həmin dövr üçün elektrik enerjisinin yenidən hesablaşması aparılmır. Sadalanan hüquq normalarını rəhbər tutaraq məhkəmə hesab edir ki, iddiaçı ilə cavabdeh arasında müqavilə olmadığı halda Azərbaycan Respublikası Nazirlər Kabinetinin 2005-ci il 02 fevral tarixli, 18 saylı qərarı ilə təsdiq edilmiş “X1 qaydaları”nın tələblərinə zidd olaraq əsassız, orta sərfiyyatla qeyri müəyyən hesablanılmış borc silinməlidır. İşin hallarından göründüyü kimi tərəflər arasında müqavilə yoxdur, eləcə də mübahisələndirilən borc məbləği qaçqın borcu olmaqla, həmin borcun yaranmasına səbəb olan abonentin limitdən artıq sərfiyyatı qeydə alınmamışdır. Azərbaycan Respublikası MPM-nin 217.4-cü maddəsinə əsasən məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Həmin Məcəllənin 218.3-cü maddəsinə əsasən hakim işdə iştirak edən şəxslərin verdiyi tələblər üzrə qətnamə çıxarır. Lakin hakim qanunda göstərilən müstəsna hallarda iddia tələblərindən kənara çıxa bilər. Yuxarıda qeyd olunanlara əsasən məhkəmə belə nəticəyə gəlir ki, iddia tələbi təmin edilməli, cavabdeh «xxxx» ASC tərəfindən X1yə görə İddiaçı yaşadığı Sumqayıt şəhəri, İnşaatçılar qəsəbəsi, M.İbrahimov küçəsi, 18 saylı fərdi yaşayış evinə hesablanmış 945.64 manat qaçqın borcu silinməlidir. Şərh olunanlara əsasən və Azərbaycan Respublikası MPM-in 119, 216-220, 227, 233, 360-cı maddələrini rəhbər tutaraq, məhkəmə QƏT ETDİ: İddia tələbi təmin edilsin. Cavabdeh «xxxx» ASC tərəfindən X1yə görə Sumqayıt şəhəri, İnşaatçılar qəsəbəsi, M.İbrahimov küçəsi, 18 saylı fərdi yaşayış evinə (Abunə kodu: **********02295) hesablanmış 945.64 manat borc silinsin. Qətnamədən rəsmi qaydada verildiyi gündən 1 (bir) ay müddətində Sumqayıt Şəhər Məhkəməsi vasitəsi ilə Sumqayıt Apelyasiya Məhkəməsinə apelyasiya şikayəti verilə bilər. HAKİM: AZƏR İSMAYİLOV