Sumqayıt Şəhər Məhkəməsi Qərardad — İş №2(060)-2285/2023

Azərbaycan Respublikası adından QƏRARDAD Sumqayıt şəhəri İş № 2(060)-2285/2023 10.03.2023 SUMQAYIT ŞƏHƏR MƏHKƏMƏSİ Hakim Abdullayev Emin Ağamusa oğlunun sədrliyi, X1 oğlunun katibliyi ilə, İddiaçı cavabdeh "xxxx" Açıq Səhmdar Cəmiyyətinə qarşı borcun silinməsi tələbinə dair iddia ərizəsinə və ona əlavə edilmiş sənədlərə baxaraq, məhkəmə MÜƏYYƏN ETDİ: İddiaçı (bundan sonra - iddiaçı) "xxxx" Açıq Səhmdar Cəmiyyətinə (bundan sonra – cavabdeh) qarşı iddia ərizəsi ilə Sumqayıt Şəhər Məhkəməsinə müraciət edərək, cavabdeh tərəfindən onun yaşadığı Sumqayıt şəhəri, Z.Tağıyev qəsəbəsi, Şirvan yaşayış massivi ünvanında yerləşən fərdi yaşayış evinə xidmət edən və onun adına olan **********07579 koda NDM-031385 nömrəli, xx.xx.2023-cü il tarixli akt əsasında hesablanmış 1180,78 manat əsassız borcun silinməsini xahiş etmişdir. İddia ərizəsidə iddiaçının yaşayış yeri kimi kimi Sumqayıt şəhəri, Z.Tağıyev qəsəbəsi, Şirvan y/m fərdi ev qeyd edilsə də, “Elektron məhkəmə” informasiya sistemində aparılmış axtarış zamanı onun yaşayış yerinin Dəvəçi rayonu, Uzunboyad kəndi olması müəyyən edilmişdir. Həmçinin iddiaçı Sumqayıt şəhəri, Z.Tağıyev qəsəbəsi, Şirvan y/m fərdi evin onun yaşayış yeri olmasına dair iddia ərizəsinə heç bir sənəd əlavə etməmişdir. Belə ki, Azərbaycan Respublikası Mülki Prosessual Məcəlləsinə (bundan sonra – MPM) əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir (35.1.). İstehlakçının hüququnun müdafiəsi haqqında iddialar iddiaçının yaşadığı yerə görə, yaxud müqavilənin bağlandığı və ya icra edildiyi yerə görə verilə bilər (36.9.). Əgər iş ərazi aidiyyəti üzrə həmin məhkəmədə baxılmalı deyildirsə iddia ərizəsi geri qaytarılır (152.1.3). Məhkəmə hesab edir ki, iddiaçının yaşayış yerinə dair hər hansı bir sənəd təqdim edilmədiyindən işin Sumqayıt Şəhər Məhkəməsinə aid olub-olmaması müəyyən edilmədiyi üçün iddia ərizəsi ona əlavə edilmiş sənədlərlə birlikdə geri qaytarılmalıdır. Yuxarıda göstərilənlərə əsasən və MPM-in 149-152-ci maddələrini rəhbər tutaraq, Məhkəmə QƏRARA ALDİ : İddiaçı cavabdeh "xxxx" Açıq Səhmdar Cəmiyyətinə qarşı borcun silinməsi tələbinə dair iddia ərizəsi və ona əlavə edilmiş sənədlər iddiaçıya qaytarılsın. Qərardaddan işdə iştirak edən şəxslərə rəsmi qaydada verildiyi gündən 10 (on) gün müddətində Sumqayıt Şəhər Məhkəməsinə şikayət verilə bilər. Hakim Emin Abdullayev