Sumqayıt Şəhər Məhkəməsi Qərardad — İş №2(060)-2929/2023

Azərbaycan Respublikası adından QƏRARDAD Sumqayıt şəhəri İş № 2(060)-2929/2023 12.04.2023 SUMQAYIT ŞƏHƏR MƏHKƏMƏSİ Hakim Abdullayev Emin Ağamusa oğlunun sədrliyi, X2 oğlunun katibliyi ilə, İddiaçı cavabdeh Sumqayıt şəhər 3 saylı notariat ofisinə qarşı miras əmlakın qəbul edilməsi müddətinin bərpa olunması və digər tələbinə dair iddia ərizəsinə və ona əlavə edilmiş sənədlərə baxaraq, məhkəmə MÜƏYYƏN ETDİ: İddiaçı (bundan sonra - iddiaçı) Sumqayıt şəhər 3 saylı notariat ofisinə (bundan sonra – cavabdeh) qarşı iddia ərizəsi ilə Sumqayıt Şəhər Məhkəməsinə müraciət edərək, miras əmlakın-mərhum nənəsi X1 məxsus Sumqayıt şəhəri, Səməd Vurğun küçəsi, 7-8-12-ci məhəllə, ev 90, mənzil 13-də yerləşən mənzilin tərəfindən qəbul edilməsi müddətinin bərpa olunması və Sumqayıt şəhər 3 saylı notariat ofisinə vəsiyyatnamə üzrə vərəsəlik hüququ haqqında şəhadətnamə verilməsi vəzifəsinin həvalə edilməsi barədə qətnamə qəbul edilməsini xahiş etmişdir. Müəyyən olunmuşdur ki, dövlət rüsumunun ödənilməsini təsdiq edən sənəd iş materiallarına əlavə edilməmişdir. Belə ki, Azərbaycan Respublikası Mülki Prosessual Məcəlləsinə (bundan sonra – MPM) əsasən iddia ərizəsinə dövlət rüsumunun ödənilməsini təsdiq edən sənəd əlavə edilir (150.1.2.). İddia ərizəsinə müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə hakim iddia ərizəsini və ona əlavə edilmiş sənədləri geri qaytarır (152.1.5.). İş materiallarına əlavə edilmiş Sumqayıt şəhəri İcra Hakimiyyəti Mənzil-Kommunal İstehsalat Birliyinin 4 saylı Mənzil-Kommunal Sahəsinin xx.xx.2023-cü il tarixli, 326 saylı arayışında iddiaçının Qubadlı rayonundan məcburi köçkün olması qeyd edilsə də, həmin arayış iddiaçının məcburi köçkün olmasını təsdiq edən sənəd kimi qəbul edilə bilməz. Məhkəmə hesab edir ki, iddia ərizəsinə dövlət rüsumunun ödənilməsini təsdiq edən sənəd əlavə edilmədiyindən iddia ərizəsi ona əlavə edilmiş sənədlərlə birlikdə geri qaytarılmalıdır. Yuxarıda göstərilənlərə əsasən və MPM-in 149-152-ci maddələrini rəhbər tutaraq, Məhkəmə QƏRARA ALDİ : İddiaçı cavabdeh Sumqayıt şəhər 3 saylı notariat ofisinə qarşı miras əmlakın qəbul edilməsi müddətinin bərpa olunması və digər tələbinə dair iddia ərizəsi və ona əlavə edilmiş sənədlər iddiaçıya qaytarılsın. Qərardaddan işdə iştirak edən şəxslərə rəsmi qaydada verildiyi gündən 10 (on) gün müddətində Sumqayıt Şəhər Məhkəməsinə şikayət verilə bilər. Hakim Emin Abdullayev