Sumqayıt Şəhər Məhkəməsi Qətnamə — İş №2(060)-3153/2021

Azərbaycan Respublikası adından QƏTNAMƏ Sumqayıt şəhəri İş № 2(060)-3153/2021 16.04.2021 SUMQAYIT ŞƏHƏR MƏHKƏMƏSİ Hakim İsmayılov Azər İbrahim oğlunun sədrliyi, Əliyev Orxan Elşən oğlunun katibliyi, İddiaçı, Cavabdehin nümayəndəsi X2 iştirakı ilə, İddiaçı cavabdeh xxxx ASC-nə qarşı «aktın etibarsız hesab edilməsi və borcun silinməsi tələbinə» dair iddiası üzrə mülki işə açıq məhkəmə iclasında baxaraq, məhkəmə MÜƏYYƏN E T D İ: İddiaçı cavabdeh xxxx ASC-nə qarşı «aktın etibarsız hesab edilməsi və borcun silinməsi tələbinə» iddia ərizəsi ilə Sumqayıt şəhər Məhkəməsinə müraciət edərək, cavabdeh xxxx ASC tərəfindən ona məxsus məzilə dair tərtib edilmiş 021026 nömrəli, 22.12.2020-ci il tarixli aktın etibarsız hesab edilməsi, həmin akt əsasında hesablanmış 383.85 manat məbləğində borcun silinməsi barədə qətnamə çıxarılmasını xahiş etmişdir. İddiaçı məhkəmə iclasında iddia tələbini müdafiə edərək onunla əsaslandırdı ki, o, ünvan 1 ünvanında yaşayır. 22 dekabr 2020-ci il tarixdə “xxxx" ASC-nin nümayəndələri elektrik enerjisindən qeyri-qanuni istifadə edilməsi barədə qeyriqanuni olaraq akt tərtib etmişlər. Ünvanına elektrik xətti cavabdeh təşkilatın işçiləri tərəfindən çəkilmiş, sayğac quraşdırılmışdır. Əgər doğurdan da sayğaca müdaxilə olunmuşdusa akt tərtib olunarkən onun mövcudluğunu təstiq edən sübutları da akta əlavə edilməli idi. Lakin bu faktla bağlı heç bir sübut təqdim olunmamışdır. Həmin mənzilə elektrik hesabat sayğacı quraşdırılmışdır. Abunə kodu açıldığı gündən bu dünə qədər elektrik enerji sərfiyyatına görə yaranmış borclar tərəfindən vaxtlıvaxtında ödənilmişdir. Qeyd edir ki, ünvana quraşdırılmış elektrik hesabat sayğacı pilləkən meydançasında xüsusi qutuda yerləşdirilmişdir ki, o qutununda açarı cavabdehin nümayəndəsində olur və kənar şəxs ora heç cür müdaxilə edə bilməz. Lakin 22.12.2020-ci il tarixdə “xxxx” ASC-nin nümayəndələri baxış keçirərkən quraşdırılmış elektrik hesabat sayğacının “SİFİR” qrifi yanmışdır. Sayğac sxemindən keçən elektrik yükünü qeyd etməməsi barədə qeyri-qanuni olaraq akt tərtib etmişlər. Qeyd olunanlara əsasən iddia tələbinin təmin edilməsi barədə qətnamə çıxarılmasını məhkəmədən xahiş edir. Cavabdeh «xxxx» ASC-nin nümayəndəsi X3 məhkəməyə etiraz təqdim edərək göstərdi ki, 22.12.2020-cu il tarixdə "xxxx" ASC-nin əməkdaşları tərəfindən abonentə məxsus mənzilin elektrik hesabat sayğacına baxış keçirilərkən sayğacın “Sıfır” qrifi yanması, sayğacın sxemdən keçən elektrik yükünü qeyd etməməsi halı aşkar edilmiş və Azərbaycan Respublikası Nazirlər Kabinetinin 02.02.2005-ci il tarixli, 18 nömrəli qərarı ilə təsdiq edilmiş “X1 qaydaları"nın (EEİQJ 8.32-ci bəndinin tələblərinə uyğun olaraq 22.12.2020-ci il tarixli, 021026 saylı akt əsasında 338.21 manat dəyərində itirilmiş elektrik enerjisi bərpa edilmişdir. Azərbaycan Respublikası Nazirlər Kabinetinin 02.02.2005-ci il tarixli, 18 nömrəli qərarı ilə təsdiq edilmiş "X1 qaydalarının (EEİQ) 8.32-ci bəndinə əsasən "Məişət abonenti (mənzillər üzrə hesablaşma elektrik sayğacı yaşayış binasının girişində, yaxud pilləkən meydançasında quraşdırılmış məişət abonenti istisna olmaqlaj tərəfindən hesablaşma elektrik sayğaclarının qoşulma sxeminin dəyişdirilinəsi, sayğacın baxış şüşəsinin sındırılması, plombunun qırılması, sayğacın diskinin süni şəkildə dayandırılması və X1 göstərişini azaltmaq məqsədi ilə edilmiş digər pozuntulara yol verildiyi aşkar edildikdə, enerjitəchizatı müəssisəsi onu şəbəkədən açmalı və hesablaşma elektrik sayğacının sonuncu dəfə əvəz olunması və ya qoşulma sxeminin yoxlanması tarixindən sonrakı müddət üçün, ancaq Azərbaycan Respublikasının Mülki Məcəlləsində nəzərdə tutulmuş iddia müddəti daxilində elektrik enerjisindən istijddəyə görə yenidən hesablaşma aparmağa borcludur. Göstərilənlərə əsasən iddianın rədd edilməsini məhkəmədən xahiş etdi. Məhkəmə, proses iştirakçılarını dinləyib, iş materiallarını araşdıraraq hesab edir ki, aşağıda göstərilənlərə əsasən iddia tələbi qismən təmin edilməlidir. Belə ki, iş materiallarında olan 22.12.2020-ci il tarixli, NDM 021026 saylı aktın surətindən görünür ki, yoxlama zamanı məlum olmuşdur ki, mənzilə məxsus elektrik hesabat sayğacının “Sıfır” qrifi yanması, sayğacın sxemdən keçən elektrik yükünü qeyd etməməsi halı aşkar edilmişdir. İş materiallarında olan abunə haqqı arayışından görünür ki, ünvan 1 ünvanına aktın köhnə tarifi (0.07) ilə 84 manat, EİQ pozulması nəticəsində isə 254.21 manat borc hesablanmışdır. İş materiallarında olan Azərbaycan Respublikası ƏMDK Yanında DƏDRX tərəfindən verilmiş MH seriyalı, ******* nömrəli çıxarışın surətindən görünür ki, Sumqayıt şəhəri, 8-ci mikrorayon, 29/17 saylı evin, 20 saylı mənzili İddiaçı məxsusdur. Məhkəmə, işin bütün hallarının məcmusuna hərtərəfli, tam və obyektiv baxaraq, iş üzrə sübutları qiymətləndirərək və Azərbaycan Respublikası Nazirlər Kabinetinin aşağıda qeyd olunan qərarına istinad edərək hesab edir ki, 22.12.2020ci il tarixli, NDM 021026 saylı akt əsasında hesablanmış aktın köhnə tarifi (0.07) ilə 84 manat və EİQ pozulması nəticəsində hesablanmış 254.21 manat borc əsassız və qanunsuzdur. Məhkəmə iclasında cavabdehin nümayəndəsi X3 mənzilə məxsus elektrik sayğacına iddiaçı tərəfindən müdaxilə edilməsini qeyd etsə də, etirazının əsası kimi məhkəməyə bu barədə mötəbər sübutlar təqdim edə bilməmişdir. Azərbaycan Respublikasının Mülki Prosessual Məcəlləsinin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinin tələbinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. «X1 Qaydaları»nın 9.1-ci maddəsinə görə istehlakçı sərəncamındakı elektrik qurğularının texniki vəziyyətinə, təhlükəsizlik texnikası qaydalarına əməl olunmasına və düzgün istismarına, elektrik enerjisindən səmərəli istifadəsinə, elektrik enerjisi sərfi üzrə müqavilə göstəricilərinin və rejimlərin yerinə yetirilməsinə, sərf edilmiş elektrik enerjisi haqqının vaxtında ödənilməsinə, elektrik enerjisinin keyfiyyətinin təmin olunmasına və mövcud qaydalara uyğun olaraq operativ intizama riayət edilməsinə, həmçinin «Dövlət Enerjinəzarət» İdarəsinin nümayəndələrinin tələbnamələrinin vaxtında icra olunmasına görə məsuliyyət daşıyır. «X1 qaydalarının» təsdiq edilməsi haqqında Azərbaycan Respublikası Nazirlər Kabinetinin Qərarının 7.11-ci maddəsinə əsasən yaşayış binalarının girişində, yaxud pilləkən meydancalarında quraşdırılmış mənzillər üzrə hesablaşma elektrik sayğaclarının, o cümlədən üzərindəki plombların qorunmasına və işlək vəziyyətdə saxlanılmasına görə enerji təchizatı müəssisəsi cavabdehlik daşıyır. Məhkəmə hesab edir ki 22.12.2020-ci il tarixli, NDM 021026 saylı akt əsassız olduğu üçün həmin akt üzrə “xxxx” ASC tərəfindən X1yə görə itirilmiş elektrik enerjisi bərpası üçün aktın köhnə tarifi (0.07) ilə 84 manat və EİQ pozulması nəticəsində hesablanmış 254.21 manat borcun ödənilməsinə görə iddiaçı məsuliyyət daşıya bilməz. Azərbaycan Respublikası Nazirlər Kabinetinin 02 fevral 2005-ci il tarixli, 18 nömrəli Qərarı ilə təsdiq edilmiş «X1 Qaydaları»nın 1.3-cü bəndinə görə enerji təchizatı müəssisəsi ilə abonent arasında elektrik enerjisinin alqı-satqı müqaviləsi bağlanmalıdır. Bu müqaviləyə elektrik şəbəkəsinin balans mənsubiyyəti sərhədi və tərəflərin istismar məsuliyyəti aktı əlavə edilir. "X1 qaydalarının (EEİQ) 8.32-ci bəndinin "Məişət abonenti (mənzillər üzrə hesablaşma elektrik sayğacı yaşayış binasının girişində, yaxud pilləkən meydançasında quraşdırılmış məişət abonenti istisna olmaqlaj tərəfindən hesablaşma elektrik sayğaclarının qoşulma sxeminin dəyişdirilinəsi, sayğacın baxış şüşəsinin sındırılması, plombunun qırılması, sayğacın diskinin süni şəkildə dayandırılması və X1 göstərişini azaltmaq məqsədi ilə edilmiş digər pozuntulara yol verildiyi aşkar edildikdə, enerjitəchizatı müəssisəsi onu şəbəkədən açmalı və hesablaşma elektrik sayğacının sonuncu dəfə əvəz olunması və ya qoşulma sxeminin yoxlanması tarixindən sonrakı müddət üçün, ancaq Azərbaycan Respublikasının Mülki Məcəlləsində nəzərdə tutulmuş iddia müddəti daxilində elektrik enerjisindən istijddəyə görə yenidən hesablaşma aparmağa borcludur. Beləliklə, məhkəmə hesab edir ki, iddia tələbi qismən təmin edilməli, cavabdeh «xxxx» ASC tərəfindən tərtib edilmiş 22.12.2020-ci il tarixli, NDM 021026 saylı akt etibarsız hesab edilməli və həmin akt əsasında Sumqayıt şəhəri, 8-ci mikrorayon, 29/17 saylı evin, 20 saylı mənzilinə itirilmiş elektrik enerjisinin bərpası üçün aktın köhnə tarifi (0.07) ilə 84 manat və EİQ pozulması nəticəsində hesablanmış 254.21 manat borc silinməli və iddia tələbi qalan hissədə rədd edilməlidir. Qeyd olunanlara əsasən və Azərbayçan Respublikası MPM-nin 216-220 və 360-çı maddələrini rəhbər tutub, məhkəmə QƏT ETDİ: İddia tələbi qismən təmin edilsin. Cavabdeh «xxxx» ASC tərəfindən tərtib edilmiş 22.12.2020-ci il tarixli, NDM 021026 saylı akt etibarsız hesab edilsin, həmin akt əsasında Sumqayıt şəhəri, 8-ci mikrorayon, 29/17 saylı evin, 20 saylı mənzilinə (Abunə kodu: **********01226) itirilmiş elektrik enerjisinin bərpası üçün aktın köhnə tarifi (0.07) ilə 84 manat və EİQ pozulması nəticəsində hesablanmış 254.21 manat borc silinsin. İddia tələbi qalan hissədə rədd edilsin. Qətnamədən rəsmi qaydada təqdim edildikdən sonra bir ay müddətində Sumqayıt şəhər Məhkəməsi vasitəsilə Sumqayıt Apellyasiya Məhkəməsinə apellyasiya şikayəti verilə bilər. HAKİM: AZƏR İSMAYİLOV