Sumqayıt Şəhər Məhkəməsi Qətnamə — İş №2(060)-3504/2021

Azərbaycan Respublikası adından QƏTNAMƏ Sumqayıt şəhəri İş № 2(060)-3504/2021 10.06.2021 SUMQAYIT ŞƏHƏR MƏHKƏMƏSİ İş N 2(060)-3504/2021 AZƏRBAYCAN RESPUBLİKASİ ADİNDAN QƏTNAMƏ «10» iyun 2021-ci il Sumqayıt şəhəri SUMQAYİT ŞƏHƏR MƏHKƏMƏSİ Hakim Qoşqarlı Rəşad Nizami oğlunun sədrliyi Məhkəmə iclas katibi X1 İddiaçılar İddiaçı1, İddiaçı2 və Cavabdeh İstahsalat Birliyinin nümayəndəsi X2 iştirakları ilə İddiaçılar İddiaçı1 və İddiaçı2 Cavabdeh İstahsalat Birliyinə qarşı «borcun silinməsi tələbinə dair» iddia ərizəsi üzrə mülki işə Sumqayıt şəhərində açıq məhkəmə iclasında baxaraq, məhkəmə M Ü Ə Y Y Ə N E T D İ: İddiaçılar İddiaçı1 və İddiaçı2 iddia ərizəsi ilə məhkəməyə müraciət edərək, Abşeron rayonu, Saray qəsəbəsi, H.Səmədzadə küçəsində yerləşən fərdi yaşayış evinə hesablanmış 216 manat məbləğində borc pulun silinməsi barədə qətnamə çıxarılmasını xahiş etmişdir. Məhkəmədə İddiaçı1 iddianı müdafiə edərək göstərdi ki, o, Sumqayıt şəhəri, 13-cü mikrorayon, ev 2, mənzil 25-də qeydiyyatda olmaqla, Saray qəsəbəsi, H.Səmədzadə küçəsində yaşayır. Qaz sayğacında nasazlıq olduğu üçün qaz idarəsinə müraciət etmiş və Cavabdeh İB-nin əməkdaşları gələrək 07.07.2020-ci il tarixdə qaz sayğacını dəyişdirərək “zenner” markalı, GT4 mexaniki sayğac quraşdırılmışlar. Uzun müddətdən sonra qazan olan borcla əlaqədar ödənişi edəndə onun qaza olan borcundan əlavə 216 manat məbləğində borc olduğunu bilmişdir. O, bunu araşdırmaq üçün qaz idarəsinə getmiş, sonra məlum olmuşdur ki, 07.07.2020-ci il tarixdə ona məxsus evə quraşdırılmış qaz sayğacını dəyişdirəndən sonra Cavabdeh İB tərəfindən ona 216 manat məbləğində borc yazılmışdır. O, qeyd edilən borc məbləği ilə razılaşmır. Belə ki, sayğacda yaranmış nasazlıq barədə özü qaz idarəsinə məlumat vermiş və sayğaca da hər hansı müdaxilə etməmişdir. Əgər hər hansı bir müdaxilə edərək, sayğacdan əlavə istifadə edəcəkdisə, onun qaz idarəsinə müraciət etməyi məntiqsizdir. Sayğac darvazadan kənarda quraşdırılmışdır və buna görə də sayğaca müdaxilə ilə bağlı üzərinə hər hansı məsuliyyət qoyulması qanunsuzdur. Həmin borc onun hesabına əsassız olaraq yazılmışdır. Ona görə də məhkəməyə müraciət etmək məcburiyyətində qalmışdır. Göstərilənləri nəzərə alaraq, Abşeron rayonu, Saray qəsəbəsi, H.Səmədzadə küçəsində yerləşən fərdi yaşayış evinə hesablanmış 216 manat məbləğində borc pulun silinməsi barədə qətnamə çıxarılmasını məhkəmədən xahiş etdi. Məhkəmədə İddiaçı2 digər İddiaçı1 izahatına uyğun izahat verərək iddia tələbinin əsaslı olduğu üçün təmin edilməsini məhkəmədən xahiş etdi. Məhkəmədə Cavabdeh İstahsalat Birliyinin nümayəndəsi X5 iddia tələbini qəbul etməyərək göstərdi ki, Abşeron rayonu, Saray qəsəbəsi, H.Səmədzadə küçəsində yerləşən fərdi yaşayış evinə quraşdırılmış sayğaca baxış zamanı müəyyən edilmişdir ki, “sayğacın çıxış plastması borusu deşildiyi” üçün akt tərtib etmiş və Dövlətə vurduğu ziyan müəyyən edilərək 30.11.2020-ci il tarixli aktla 216 manat cərimə hesablanmışdır. Bu faktla bağlı iddiaçıya məlumat verilmişdir ki, vurulmuş zərər ödənilsin, lakin hazırki vaxta kimi iddiaçı Dövlətə vurduğu zərəri ödəməmişdir. Məhkəmə İddiaçılar İddiaçı1, İddiaçı2 və Cavabdeh İstahsalat Birliyinin nümayəndəsi X4 dinləyib, iş materiallarını hərtərəfli, tam və obyektiv tədqiq edərək sübutlara məcmu halda qiymət verərək hesab edir ki, iddia tələbi əsaslıdır və təmin edilməlidir. İş materiallarında olan Azərbaycan Respublikasının Daşınmaz Əmlakın Dövlət Reyestri Xidməti Hüquqların Dövlət Qeydiyyatı haqqında Daşınmaz Əmlakın Dövlət Reyestrindən MH seriyalı, № ******* saylı “Çıxarış”ın surətindən görünür ki, Abşeron rayonu, Saray qəsəbəsində yerləşən 0.1485 ha torpaq sahəsi mülkiyyət hüququ üzrə İddiaçı2 adına daşınmaz əmlakın dövlət reyestrində 3 nömrəli reyestr kitabının 143 nömrəli vərəqində qeydiyyata alınmışdır. İş materiallarında olan Cavabdeh İB-nin əməkdaşları İ.İsmayılov, Z.Yusibov və E.Adıgözəlovun iştirakları ilə Abşeron rayonu, Saray qəsəbəsində yerləşən İddiaçı1 məxsus torpaq sahəsinə dair tərtib edilmiş “Təbii X3nn pozulması haqqında” ******* №li 30.11.2020-ci il tarixli aktın surətindən görünür ki, abonentə məxsus qaz sayğacına baxış keçirilən zaman sayğacın çıxış plastması borusu deşilib. Yivli bir-ri korroziyaya uğradığı aşkar olunmuşdur. İş materiallarında olan Cavabdeh İB-nin 30 noyabr 2020-ci il tarixli MSK 29/1710- 03777-1 saylı aktın surətindən görünür ki, Cavabdeh İB-nin SOCAR**********30991710X03777 saylı, 21 oktyabr 2020-ci il tarixli telefonoqramına əsasən 02 noyabr 2020-ci il tarixində əhali sektorunda istismarda olan BRQS Departamentinə gətirilmiş Fransa istehsalı G4 markalı İtron tipli (Smart payment) qaz sayğacları 25 noyabr 2020-ci il tarixində Dövlət yoxlaması nəticəsində müəyyən olunmuşdur: sayğacın çıxış plastması borusu deşilib. Yivli bir-ri korroziyaya uğradığı aşkar olunmuşdur. İş materiallarında olan abonentin saldosundan müəyyən olunur ki, İddiaçı1 məxsus Abşeron rayonu, Saray qəsəbəsi, H.Səmədzadə küçəsində yerləşən torpaq sahəsinə akt əsasında 216 manat borc hesablanmışdır. İş materiallarında olan Cavabdeh İB itirilmiş təbii qazın dəyərinin hesablanması komissiyasının 30.11.2020-ci il tarixli tələbnamənin surətindən görünür ki, ******* №li 30.11.2020-ci il tarixli akta əsasən itirilmiş qazın bərpası üzrə aşağıda qeyd olunanlar tələb olunmuşdur: Qaz sayğacının nominal qaz sərfi 4 m3, orta günlük iş rejimi 6 saat və hesabat müddəti 90 gün qəbul edilməklə itirilmiş qazın bərpası üçün hesabat aparılsın və hesablanmış məbləğ ödənilsin. Cəmi 2160 m3. İş materiallarında olan AZE seriyalı, № ******** saylı şəxsiyyət vəsiqəsinin surətindən görünür ki, İddiaçı1 Sumqayıt şəhəri, 13-cü mikrorayon, ev 2, mənzil 25-də qeydiyyatdadır. İş materiallarında olan AZE seriyalı, № 0******* saylı şəxsiyyət vəsiqəsinin surətindən görünür ki, İddiaçı2 Sumqayıt şəhəri, 13-cü mikrorayon, ev 2, mənzil 25-də qeydiyyatdadır. “X3"nın təsdiq edilməsi haqqında Azərbaycan Respublikasının Nazirlər Kabineti 12 may 2011-ci il tarixli 80 saylı Qərarının 4.6-cı bəndinə əsasən qaz sayğaclarının üzərində SMPDK-nın və qaz paylayıcısının plombu olmalıdır. Həmin qaydaların 4.7-ci bəndinə əsasən sayğacların üzərində olan plomblar kənar müdaxilələrdən qorunmaq üçün müvafiq örtüklə örtülməli (fiziki şəxs olan istehlakçıların sayğacları qaz paylayıcısı tərəfindən) və sayğac göstəricisinə sərbəst şəkildə baxılmasına imkan olmalıdır. Həmin qaydaların 4.8-ci bəndinə əsasən fiziki şəxs olan istehlakçıların qaz sayğaclarının işlək vəziyyətdə saxlanılmasına görə cavabdehliyi qaz paylayıcısı, hüquqi şəxslərin qaz sayğaclarının işlək vəziyyətdə saxlanılmasına görə cavabdehliyi isə özləri daşıyırlar. Məhkəmə hesab edir ki, Qanunvericiliyin tələbləri baxımından fiziki şəxlərin mənzillərinə quraşdırılmış qaz sayğaclarının, o cümlədən üzərindəki plombların qorunmasına və işçi vəziyyətdə saxlanılmasına görə qaz paylayıcısı cavabdehlik daşıyır. Sayğaca məhz iddiaçı tərəfindən müdaxilə olunması üçün Sumqayıt Qaz İstismar İdarəsinin məhkəməyə təqdim edə biləcək dəlilləri olsaydı, nəzərdə tutulmuş borcun İddiaçı2 tələb edilməsi qanuni olardı. Azərbaycan Respublikası Mülki Məcəlləsinin 386.1-ci maddəsinə əsasən öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olunmaqla, öhdəliyin əmələ gəlməsi üçün onun iştirakçıları arasında müqavilə olmalıdır. Həmin Məcəllənin 442-ci maddəsinə əsasən, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 448.1-ci maddəsinə əsasən əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Həmin Məcəllənin 21.1-ci maddəsinə əsasən, zərərin əvəzinin ödənilməsini tələb etmək hüququna malik olan şəxs ona vurulmuş zərərin əvəzinin tam ödənilməsini tələb edə bilər, bu şərtlə ki, qanunda və ya müqavilədə zərərin əvəzinin daha az miqdarda ödənilməsi nəzərdə tutulmasın. Həmin Məcəllənin 21.2-ci maddəsinə əsasən, zərər dedikdə, hüququ pozulmuş şəxsin pozulmuş hüququnu bərpa etmək üçün çəkdiyi və ya çəkməli olduğu xərclər, əmlakından məhrum olması və ya əmlakının zədələnməsi (real zərər), habelə hüququ pozulmasaydı, həmin şəxsin adi mülki dövriyyə şəraitində əldə edəcəyi gəlirlər (əldən çıxmış fayda) başa düşülür. Həmin Məcəllənin 1096.1-ci maddəsinə əsasən, mülki hüquq pozuntusu (delikt) hüquqla və ya qanunla müdafiə edilən başqa şəxsə (zərərçəkənə) birbaşa ziyan və ya zərər vurulmasına gətirib çıxaran təqsirli, hüquqa zidd (mülki qanunvericiliyin normalarını pozan) əməldir (hərəkət və ya hərəkətsizlikdir). Həmin Məcəllənin 1096.2-ci maddəsinə görə, delikt törətmiş şəxs mülki hüquq məsuliyyəti daşıyır. Həmin Məcəllənin 1097.1-ci maddəsinə əsasən, mülki hüquq pozuntusu (delikt) nəticəsində fiziki şəxsin şəxsiyyətinə və ya əmlakına vurulmuş zərərin, habelə hüquqi şəxsin əmlakına və işgüzar nüfuzuna vurulmuş zərərin əvəzi zərərvuran tərəfindən tam həcmdə ödənilməlidir. Qanunla zərərin əvəzini ödəmək vəzifəsi zərəri vurmayan şəxsin öhdəsinə qoyula bilər. Bu Məcəllənin 1115-ci maddəsinə əsasən, zərərin əvəzinin ödənilməsi tələbini təmin edərkən məhkəmə zərərin vurulması üçün məsuliyyət daşıyan şəxsin üzərinə işin hallarına uyğun olaraq zərərin əvəzini naturada ödəmək (eyni növlü və keyfiyyətli əmlak vermək, zədələnmiş əmlakı düzəltmək və i.a.) və ya vurulmuş zərərin əvəzini ödəmək öhdəliyi qoyur. Göründüyü kimi İddiaçı1 Cavabdehnə məxsus qaz sayğacından kənar təbii qazdan istifadə edərək maddi ziyan vurması məhkəmədə sübuta yetirilmədi. Azərbaycan Respublikasının Nazirlər Kabinetinin 12 may 2011-ci il tarixli 80 N-li Qərarı ilə təsdiq olunmuş “X3”nın 4.9-cu bəndinə görə zədələnmiş qaz sayğacının (hesablama mexanizmlərinin sıradan çıxması, baxış pəncərəsinin sınması, qoruyucu plombların qırılması, texniki nasazlıqlar və s.) təmir olunması, həmin sayğacın dövlət yoxlamasından keçirilməsi, dəyişdirilməsi və 4.2-ci bənsinə uyğun olaraq qaz paylayıcısı tərəfindən həyata keçirilir. Qaydaların 4.2-ci bəndinə görə məişət qaz qurğularının istifadəsi üçün qaz paylayıcısının vəsaiti hesabına, sənaye qaz qurğularının istifadəsi üçün isə qaz sayğacı istehlakçının vəsaiti hesabına təchiz edilir, quraşdırılır və dəyişdirilir. Azərbaycan Respublikasının “Dövlət rüsumu haqqında” Qanunun 9.1.5-ci maddəsinə əsasən, istehlakçıların hüquqlarının pozulması ilə əlaqədar verdikləri iddiaları üzrə iddiaçılar dövlət rüsumu ödəməkdən azad olunurlar. Məhkəmə bu normalardan çıxış edərək və işin faktiki halları ilə əlaqəli olan sübutları qəbul edib məcmu halda hüquqi qiymət verərək belə nəticəyə gəlir ki, iddia təmin edilməli, Cavabdeh tərəfindən İddiaçı1 məxsus Abşeron rayonu, Saray qəsəbəsi, H.Səmədzadə küçəsində yerləşən fərdi yaşayış evinə hesablanmış 216 (iki yüz on altı) manat məbləğində borc əsassız olduğu üçün silinməlidir. Azərbaycan Respublikası Mülki Prosessual Məcəlləsininin 77.1-ci maddəsinə əsasən, hər bir tərəf öz tələblərinin və etirazlarının əsası kimi istinad etdiyi halları sübut etməlidir. Azərbaycan Respublikası Mülki Prosessual Məcəlləsininin 14.2-ci maddəsinə görə, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Azərbaycan Respublikası Mülki Prosessual Məcəlləsininin 106-cı maddəsinə əsasən, işdə iştirak edən şəxslərin iş üçün əhəmiyyətli olan və onlara məlum olan faktlar barədə izahatları iş üzrə toplanmış digər sübutlarla yanaşı yoxlanılmalı və qiymətləndirilməlidir. Azərbaycan Respublikası Mülki Prosessual Məcəlləsininin 80-ci maddəsinə əsasən, məhkəmə işin gedişində təqdim olunmuş ancaq o sübutları qəbul edir və nəzərə alır ki, onlar işdə tərəflərin tələblərini müəyyən edən faktlarla və hallarla əlaqədardır. Azərbayçan Respublikası Mülki Prosessual Məcəlləsininin 217-ci maddəsinə əsasən, məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Şərh edilənlərə əsasən və Azərbayçan Respublikası Mülki Məcəlləsinin 405, 567-ci və Azərbaycan Respublikası Mülki Prosessual Məcəlləsinin 216-220 və 360-cı maddələrini rəhbər tutaraq məhkəmə, QƏT E T D İ: İddia təmin edilsin. Cavabdeh tərəfindən İddiaçı1 məxsus Abşeron rayonu, Saray qəsəbəsi, H.Səmədzadə küçəsində yerləşən fərdi yaşayış evinə hesablanmış 216 (iki yüz on altı) manat məbləğində borc əsassız olduğu üçün silinsin. Qətnamədən, qətnamə rəsmi qaydada verildiyi gündən, bir ay müddətinə Sumqayıt Şəhər Məhkəməsi vasitəsi ilə Sumqayıt Apelyasiya Məhkəməsinin Mülki Kollegiyasına apelyasiya şikayəti verilə bilər. Sədrlik edən: Rəşad Qoşqarlı