Sumqayıt Şəhər Məhkəməsi Qərardad — İş №2(060)-4156/2021

Azərbaycan Respublikası adından QƏRARDAD Sumqayıt şəhəri İş № 2(060)-4156/2021 29.06.2021 SUMQAYIT ŞƏHƏR MƏHKƏMƏSİ Hakim Abdullayev Emin Ağamusa oğlunun sədrliyi, Məmmədov Rəsul Yasər oğlunun katibliyi, iddiaçının nümayəndəsi X1 iştirakı ilə, iddiaçı «İddiaçı» İstehsalat Birliyinin Cavabdeh Yekovlevnaya qarşı pul tələbinə dair mülki işə Sumqayıt Şəhər Məhkəməsinin binasında açıq məhkəmə iclasında baxaraq, məhkəmə MÜƏYYƏN ETDİ: «İddiaçı» İstehsalat Birliyi (bundan sonra - iddiaçı) Cavabdeh Yekovlevnaya (bundan sonra - cavabdeh) qarşı iddia ərizəsi ilə Sumqayıt Şəhər Məhkəməsinə müraciət edərək, cavabdeh tərəfindən qaz sayğacının yararsız hala salınmasına görə hesablanmış 135 manat məbləğində dəymiş ziyanın, yararsız hala salınmış sayğacın dəyəri olaraq 64,67 manatın və 30 manat ödənilmiş dövlət rüsumunun, ümumilikdə isə 229,67 manat pulun tutularaq iddiaçıya verilməsi barədə qətnamə qəbul edilməsini xahiş etmişdir. İddiaçının nümayəndəsi məhkəmə iclasında iddia tələbini müdafiə edərək təmin olunmasını məhkəmədən xahiş etdi. X2 tərəfindən məhkəməyə ünvanlanmış və 25.05.2021-ci il tarixində məhkəməyə daxil olmuş ərizədə göstərilmişdir ki, cavabdeh Emil Həsənlinin anasıdır və o, 28.03.2021ci ildə vəfat etmişdir. Ərizəyə əlavə edilmiş ölüm haqqında şəhadətnamənin surətindən görünür ki, Cavabdeh Yekovlevna 28.03.2021-ci il tarixində vəfat etmişdir. Azərbaycan Respublikası Mülki Prosessual Məcəlləsinə (bundan sonra - MPM) əsasən iş üzrə tərəflərdən biri olan şəxs öldükdən sonra barəsində mübahisə edilən hüquq münasibəti hüquq varisliyinə yol verməzsə hakim iş üzrə icraata xitam verir (261.0.7). Məhkəmə hesab edir ki, cavabdeh vəfat etdiyindən iş üzrə icraata xitam verilməlidir. Şərh olunanlara əsasən və Azərbaycan Respublikası MPM-nin 261-264, 266- 268-ci maddələrini rəhbər tutaraq, məhkəmə QƏRARA ALDİ: İddiaçı «İddiaçı» İstehsalat Birliyinin Cavabdeh Yekovlevnaya qarşı qaz sayğacının yararsız hala salınmasına görə hesablanmış 135 manat məbləğində dəymiş ziyanın, yararsız hala salınmış sayğacın dəyəri olan 64,67 manatın və 30 manat ödənilmiş dövlət rüsumunun, ümumilikdə isə 229,67 manat məbləğində pulun cavabdehdən tutulması tələbinə dair mülki iş üzrə icraata xitam verilsin. Qərardaddan onun tərəflərə rəsmi qaydada verilməsindən sonra 10 gün müddətində Sumqayıt Şəhər Məhkəməsinə şikayət verilə bilər. Hakim Emin Abdullayev