Sumqayıt Şəhər Məhkəməsi Qərardad — İş №2(060)-4994/2021

Azərbaycan Respublikası adından QƏRARDAD Sumqayıt şəhəri İş № 2(060)-4994/2021 01.11.2021 SUMQAYIT ŞƏHƏR MƏHKƏMƏSİ Sumqayıt Şəhər Məhkəməsinin hakimi Qoşqarlı Rəşad Nizami oğlunun sədrliyi, Hacıyeva Yeganə Müslüm qızının katibliyi ilə İddiaçılar İddiaçı1 və Behbudova (Əkbərova) Sona Hüseyn qızının cavabdehlər Cavabdeh1 və Cavabdeh2, maraqlı şəxs Sumqayıt «ASAN Xidmət» Mərkəzinə qarşı “etibarnamənin etibarsız hesab edilməsi tələbinə” dair iddia ərizəsinə açıq məhkəmə iclasında baxaraq məhkəmə, MÜƏYYƏN ETDİ: İddiaçılar İddiaçı1 və Behbudova (Əkbərova) Sona Hüseyn qızı iddia ərizəsi ilə məhkəməyə müraciət edərək, 12.04.2021-ji il tarixli etibar edən şəxs Cavabdeh1 etibar edilən şəxs Cavabdeh2 verdiyi etibarnamənin etibarsız hesab edilməsi barədə qətnamə çıxarılmasını xahiş etmişdir. Hazırkı mülki iş mahiyyəti üzrə baxılması üçün 01.11.2021-ci il tarixə təyin olunmuş, işdə iştirak edən şəxslərə vaxtında məhkəmənin yeri və vaxtı barədə məlumat verilmişdir. Lakin həmin tarixdə işdə iştirak edən şəxslər üzürsüz səbəbdən məhkəmə iclasına gəlməmiş və gəlməmələrinin səbəbini məhkəməyə bildirməmiş, işə onların iştirakı olmadan baxılmasını xahiş etməmişlər. Azərbayçan Respublikası MPM-nin 259.0.6-cı maddəsinə əsasən işə onların iştirakı olmadan baxmağı xahiş etməmiş tərəflər məhkəməyə gəlmədikdə məhkəmə ərizəni baxılmamış saxlayır. Yuxarıdakıları və Azərbaycan Respublikası MPM-nin 259.0.6-cı maddəsini rəhbər tutaraq, məhkəmə, QƏRAR VERDİ: İddiaçılar İddiaçı1 və Behbudova (Əkbərova) Sona Hüseyn qızının cavabdehlər Cavabdeh1 və Cavabdeh2, maraqlı şəxs Sumqayıt «ASAN Xidmət» Mərkəzinə qarşı “etibarnamənin etibarsız hesab edilməsi tələbinə” dair iddia ərizəsi baxılmamış saxlanılsın. İddiaçı1 tərəfindən ödənilmiş dövlət rüsumu özünə qaytarılsın. İddiaçı Behbudova (Əkbərova) Sona Hüseyn qızı tərəfindən ödənilmiş dövlət rüsumu özünə qaytarılsın. Bu qərardad ödənilmiş dövlət rüsumunun İddiaçı1 və Behbudova (Əkbərova) Sona Hüseyn qızına qaytarılması üçün əsasdır. Qərardaddan rəsmi qaydada verildikdən sonra 10 gün müddətində Sumqayıt şəhər məhkəməsinə şikayət verilə bilər. Sədrlik edən: RƏŞAD QOŞQARLİ