Sumqayıt Şəhər Məhkəməsi Qərardad — İş №2(060)-5584/2021

Azərbaycan Respublikası adından QƏRARDAD Sumqayıt şəhəri İş № 2(060)-5584/2021 14.06.2021 SUMQAYIT ŞƏHƏR MƏHKƏMƏSİ Mən, Sumqayıt Şəhər Məhkəməsinin hakimi Qoşqarlı Rəşad Nizami oğlu, Ərizəçi X1 maraqlı şəxs Sumqayıt şəhər İcra Hakimiyyətinin YYÇ Komissiyasına qarşı «hüquqi əhəmiyyətli faktın müəyyən edilməsi tələbinə» dair ərizə və ona əlavə olunmuş sənədləri nəzərdən keçirib, MÜƏYYƏN ETDİM : Ərizəçi X2 ərizə ilə məhkəməyə müraciət edərək, 15.11.2008-ci il təvəllüdlü X4 və 28.04.2010-cu il təvəllüdlü X3 faktiki olaraq onun himayəsində olmasını məhkəmədən xahiş etmişdir. Məhkəmə ərizəyə və ərizəyə əlavə edilmiş sənədlərə baxaraq hesab edir ki, ərizə Azərbaycan Respublikası Mülki Prosessual Məcəlləsinin 149-cu maddəsinin tələblərinə riayət edilməməklə verilmişdir. Belə ki, ərizəçi Sumqayıt şəhər İcra Hakimiyyətinin YYÇ Komissiyasına müraciət etməsi barədə sənədi ərizəyə əlavə etməmişdir. Yəni, iddiaçı ilkin olaraq Sumqayıt şəhər İcra Hakimiyyətinin YYÇ Komissiyasına müraciət etməli idi. Ona görə də ərizə Azərbaycan Respublikası Mülki Prossesual Məcəlləsinin tələblərinə, forma və məzmununa riayət edilməməklə məhkəməyə verildiyindən məhkəmə icraatı qeyri-mümkündür və ərizə geri qaytarılmalıdır. Belə ki Azərbaycan Respublikası Mülki Prossesual Məcəlləsinin 152.1.1-ci maddəsinin tələbinə görə iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə məhkəmə ərizəni və ona əlavə edilmiş sənədləri geri qaytarır. Azərbaycan Respublikası Mülki Prossesual Məcəlləsinin 152.4-cü maddəsinə əsasən iddia ərizəsinin qaytarılmasına əsas olan nöqsanlar aradan qaldırıldıqdan sonra iddiaçıya ümumi qaydada təkrarən məhkəməyə müraciət etmə hüququ izah edilməlidir. Yuxarıdakıları və Azərbaycan Respublikası Mülki Prosessual Məcəlləsinin 89.3, 149-152 və 263-269-cu maddələrini rəhbər tutaraq QƏRARA ALDİM : Ərizəçi X1 maraqlı şəxs Sumqayıt şəhər İcra Hakimiyyətinin YYÇ Komissiyasına qarşı «hüquqi əhəmiyyətli faktın müəyyən edilməsi tələbinə» dair ərizə və ona əlavə edilmiş sənədlər geri qaytarılsın. İddia ərizəsinin qaytarılmasına əsas olan nöqsanlar aradan qaldırıldıqdan sonra ümumi qaydada ikinçi dəfə məhkəməyə müraçiət etməyə mane olmur. Qərardaddan rəsmi qaydada verildikdən sonra 10 gün müddətinə şikayət verilə bilər. HAKİM: RƏŞAD QOŞQARLİ