Sumqayıt Şəhər Məhkəməsi Qərardad — İş №2(060)-6699/2023

Azərbaycan Respublikası adından QƏRARDAD Sumqayıt şəhəri İş № 2(060)-6699/2023 29.11.2023 SUMQAYIT ŞƏHƏR MƏHKƏMƏSİ Sumqayıt Şəhər Məhkəməsinin hakimi Tağızadə Gülnarə Fikrət qızının sədrliyi, Vəlixanova Pəri Murtuza qızının katibliyi ilə İddiaçı Sumqayıt Bələdiyyəsinin Cavabdehkərim qızına qarşı icarə haqqı üzrə borc məbləğinin ödənilməsi, icarə müqaviləsinin xitam verilməsi və torpaq sahəsinin boşaldılaraq təhvil verilməsi tələbinə dair iddia ərizəsi, üzrə mülki işə Sumqayıt şəhərində açıq məhkəmə hazırlıq iclasında baxaraq, məhkəmə MÜƏYYƏNETDİ: İddiaçı Sumqayıt Bələdiyyəsi Cavabdehkərim qızına qarşı icarə haqqı üzrə borc məbləğinin ödənilməsi, icarə müqaviləsinin xitam verilməsi və torpaq sahəsinin boşaldılaraq təhvil verilməsi tələbinə barədə qətnamə çıxarılmasını xahiş etmişdir. Sumqayıt Şəhər Məhkəməsinin 12 oktyabr 2023-cü il tarixli 2(060)-6699/2023 saylı qərardadı ilə iddia ərizəsi icraata qəbul edilmişdir və məhkəmə hazırlıq iclası 29 noyabr 2023-cü il tarixə saat 11-30-a təxirə salınmışdır. İddiaçı Sumqayıt Bələdiyyəsi «E-Məhkəmə» İnformasiya sistemi vasitəsi ilə 28 noyabr 2023-cü il tarixdə məhkəməyə ərizə göndərərək, mübahisənin məhkəmədən kənar qaydada həll edilməsini ilə əlaqədar, Cavabdeh tərəfindən icarə haqqı borcunu tam şəkildə ödədiyini nəzərə alaraq, iddia ərizəsinin qaytarılması və iddianın baxılmamış saxlanılmasını məhkəmədən xahiş etmişdir. Ərizəyə əlavə edilmiş ödəniş qəbzdən müəyyən olunur ki, Cavabdeh Sumqayıt Bələdiyyəsinə icra haqqı ilə borclu oldugu 11.160 manat pulu ödəmişdir. Azərbaycan Respublikası MPM-nin 259.0.11-ci maddəsinə əsasən iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə məhkəmə ərizəni baxılmamış saxlayır. «Ərizənin baxılmamış saxlanılması barədə qanunvericiliyin məhkəmələr tərəfindən tətbiq edilməsi təcrübəsi haqqında» Azərbaycan Respublikası Ali Məhkəməsi Plenumunun 2011ci il 31 mart tarixli 3 nömrəli qərarında dəyişiklirlər edilərək, 5.1.2-ci bəndlərdə aşağıdakı redaksiyada verilimşdir: «Məhkəmələrə izah edilsin ki, Azərbaycan Respublikası MPM-nin 259.0.1-259.0.10, 259.0.12 və 259.0.13-cü maddələrində göstərilən əsaslar olduqda məhkəmənin hazırlıq iclasında ərizə baxılmamış saxlanıla bilər. Hazırlıq iclasında ərizənin qaytarılması barədə vəsatətin verilməsi ərizənin Azərbaycan Respublikası MPM-nin 259.0.11-ci maddəsinə əsasən baxılmamış saxlanılması üçün deyil, həmin Məcəllənin 170-ci maddəsinə əsasən geri qaytarılması üçün əsasdır və bu zaman cavabdeh tərəfin buna razılığının alınması tələb olunmur.» Yuxarıdakıları və Azərbaycan Respublikası MPM-nin 259.0.6-cı maddəsini rəhbər tutaraq, məhkəmə, QƏRARVERDİ: İddiaçı Sumqayıt Bələdiyyəsinin Cavabdehkərim qızına qarşı icarə haqqı üzrə borc məbləğinin ödənilməsi, icarə müqaviləsinin xitam verilməsi və torpaq sahəsinin boşaldılaraq təhvil verilməsi tələbinə dair ərizə baxılmamış saxlanılsın. Qərardaddan rəsmi qaydada verildiyi gündən 10 gün müddətində Sumqayıt Şəhər Məhkəməsinə (“Elektron məhkəmə” informasiya sistemində yaradılan elektron kabinet vasitəsilə) şikayət verilə bilər. SƏDRLİK EDƏN: Gülnarə Tağızadə