Sumqayıt Şəhər Məhkəməsi Qərardad — İş №2(060)-7550/2021

Azərbaycan Respublikası adından QƏRARDAD Sumqayıt şəhəri İş № 2(060)-7550/2021 29.10.2021 SUMQAYIT ŞƏHƏR MƏHKƏMƏSİ Hakim Abdullayev Emin Ağamusa oğlunun sədrliyi, Allahverdili Nuranə Həmzə qızının katibliyi, İddiaçı və onun nümayəndəsi, vəkil X3, cavabdehin nümayəndəsi X1 iştirakı ilə, İddiaçı qızının Cavabdeh qarşı miras əmlakın bölüşdürülməsi tələbinə dair mülki işə açıq məhkəmə iclasında baxaraq, məhkəmə MÜƏYYƏN ETDİ: İddiaçı qızı (bundan sonra – iddiaçı) Cavabdeh (bundan sonra – cavabdeh) qarşı iddia ərizəsi ilə Sumqayıt şəhər Məhkəməsinə müraciət edərək, mərhum X2 miras qalmış əmlakların miras şərikləri arasında bölüşdürülməsi barədə qətnamə çıxarılmasını xahiş etmişdir. İddiaçının nümayəndəsi məhkəmə iclasında bildirdi ki, cavabdeh oxşar tələblə bağlı iddia ərizəsi ilə Füzuli Rayon Məhkəməsinə müraciət etmişdir. Hazırda cavabdeh işə Füzuli Rayon Məhkəməsində baxılmasını tələb etdiyi üçün hazırkı tələblə həmin məhkəməyə müraciət edilməsi zərurəti yaranmışdır. Qeyd edilənlərə əsasən nümayəndə ərizə təqdim edərək iddia ərizəsinin və ona əlavə edilmiş sənədlərin geri qaytarılmasını xahiş etdi. Cavabdehin nümayəndəsi iddiaçı tərəfindən təqdim olunmuş ərizəyə etiraz bildirməyərək qeyd etdi ki, işə Füzuli Rayon Məhkəməsində baxılmasını məqsədə uyğun hesab edir və işin mahiyyəti üzrə baxılmasını tələb etmədi. Azərbaycan Respublikası Mülki Prosessual Məcəlləsinin 259.0.11-ci maddəsinə əsasən iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə məhkəmə ərizəni baxılmamış saxlayır. Məhkəmə hesab edir ki, iddiaçının nümayəndəsi iddia ərizəsinin qaytarılmasını xahiş etdiyi və cavabdehin nümayəndəsi işin mahiyyəti üzrə həll olunmasını tələb etmədiyi üçün Azərbaycan Respublikası MPM-nin 259.0.11-ci maddəsinə əsasən iddia ərizəsi baxılmamış saxlanılmalıdır. Şərh olunanlara əsasən və Azərbaycan Respublikası MPM-nin 259, 260, 263-264, 266-268-ci maddələrini rəhbər tutaraq, məhkəmə QƏRARA ALDİ: İddiaçı qızının Cavabdeh qarşı miras əmlakın bölüşdürülməsi tələbinə dair iddia ərizəsi baxılmamış saxlanılsın. Qərardaddan onun tərəflərə rəsmi qaydada verilməsindən sonra 10 gün müddətində Sumqayıt Şəhər Məhkəməsinə şikayət verilə bilər. Hakim Emin Abdullayev