Sumqayıt Şəhər Məhkəməsi Qərardad — İş №2(060)-794/2024

Azərbaycan Respublikası adından QƏRARDAD Sumqayıt şəhəri İş № 2(060)-794/2024 21.06.2024 SUMQAYIT ŞƏHƏR MƏHKƏMƏSİ Sumqayıt Şəhər Məhkəməsinin hakimi Tağızadə Gülnarə Fikrət qızının sədrliyi, Vəlixanova Pəri Murtuza qızının katibliyi ilə Ərizəçi maraqlı şəxs Sumqayıt Şəhər İcra Hakimiyyəti Başçısı yanında Qəyyumluq və Himayəçilik Komissiyasına qarşı şəxsin fəaliyyət qabiliyyətsiz elan olunması tələbi barədə iddia ərizəsi üzrə mülki işə açıq məhkəmə hazırlıq iclasında baxaraq, məhkəmə M Ü Ə Y Y Ə N E T D İ: Ərizəçi ərizə ilə məhkəməyə mürasiət edərək, 05 oktyabr 2005-ci il təvəllüdlü qızı X1 fəaliyyət qabiliyyətsiz hesab edilməsini məhkəmədən xahiş etmişdir. Sumqayıt Şəhər Məhkəməsinin 08 dekabr 2023-cü il tarixli 2(060)-7886/2023 saylı qərardadı ilə iddia ərizəsi icraata qəbul edilmişdir və işin hazırlıq iclasının baxılması xx.xx.2024-cü il tarixə saat 15-10-ə təyin edilmişdir. Sumqayıt Şəhər Məhkəməsinin 24 yanvar 2024-cü il tarixli 2(060)-794/2024 saylı qərardadı ilə iş üzrə məhkəmə psixiatrik ekspertizası təyin edilmişdir, lakin ərizəçı ekspertizaya qızını aparmadığı üçün ekspertiza keçirilməsi mümkün olmamışdır. Sumqayıt Şəhər Məhkəməsinin 27 may 2024-cü il tarixli 2(060)-794/2024 saylı qərardadı ilə icraat təzələnib, məhkəmə hazırlıq iclası 21 iyun 2024-cü il tarixə saat 11-45 təyin edilmişdir. Təyin edilmiş vaxt tərəflər məhkəməyə gəlməmişlər, gəlməmələrin səbəblərini bildirməmişlər. Azərbaycan Respublikası MPM-nin 259.0.6-cı maddəsinə əsasən işə onların iştirakı olmadan baxmagı xahiş etməmiş tərəflər məhkəməyə gəlmədikdə məhkəmə ərizəni baxılmamış saxlayır. «Ərizənin baxılmamış saxlanılması barədə qanunvericiliyin məhkəmələr tərəfindən tətbiq edilməsi təcrübəsi haqqında» Azərbaycan Respublikası Ali Məhkəməsi Plenumunun 2011ci il 31 mart tarixli 3 nömrəli qərarında dəyişiklirlər edilərək, 5.1.2-ci bəndlərdə aşağıdakı redaksiyada verilimşdir: «Məhkəmələrə izah edilsin ki, Azərbaycan Respublikası MPM-nin 259.0.1-259.0.10, 259.0.12 və 259.0.13-cü maddələrində göstərilən əsaslar olduqda məhkəmənin hazırlıq iclasında ərizə baxılmamış saxlanıla bilər. Hazırlıq iclasında ərizənin qaytarılması barədə vəsatətin verilməsi ərizənin Azərbaycan Respublikası MPM-nin 259.0.11-ci maddəsinə əsasən baxılmamış saxlanılması üçün deyil, həmin Məcəllənin 170-ci maddəsinə əsasən geri qaytarılması üçün əsasdır və bu zaman cavabdeh tərəfin buna razılığının alınması tələb olunmur.» Yuxarıdakıları və Azərbaycan Respublikası MPM-nin 259.0.6-cı maddəsini rəhbər tutaraq, məhkəmə, Q Ə R A R V E R D İ: Ərizəçi maraqlı şəxs Sumqayıt Şəhər İcra Hakimiyyəti Başçısı yanında Qəyyumluq və Himayəçilik Komissiyasına şəxsin fəaliyyət qabiliyyətsiz elan olunması tələbinə dair ərizə baxılmamış saxlanılsın. Qərardaddan rəsmi qaydada verildiyi gündən 10 gün müddətində Sumqayıt Şəhər Məhkəməsinə (“Elektron məhkəmə” informasiya sistemində yaradılan elektron kabinet vasitəsilə) şikayət verilə bilər. SƏDRLİK EDƏN: Gülnarə Tağızadə