Sumqayıt Şəhər Məhkəməsi Qərardad — İş №2(060)-8046/2025

Azərbaycan Respublikası adından QƏRARDAD Sumqayıt şəhəri İş № 2(060)-8046/2025 05.12.2025 SUMQAYIT ŞƏHƏR MƏHKƏMƏSİ Sumqayıt Şəhər Məhkəməsinin hakimi Şirəliyeva Vəfa Zavrulla qızı, Ərizəçi hüquqi faktın müəyyən edilməsinə dair ərizəsini nəzərdən keçirib, məhkəmə müəyyən etdi: Ərizəçi ərizə ilə məhkəməyə müraciət edərək, Sumqayıt şəhəri 2 saylı Dövlət Notariat Kontoru tərəfindən verilmiş vərəsəlik haqqında şəhadətnaməyə əsasən DƏDRX 2 saylı Sumqayıt Ərazi İdarəsi tərəfindən verilmiş reyestr kitabı 14, inventor işi 6922 olan qeydiyyat vəsiqəsində “X1” dair qeydin “Ərizəçi”, “X3”na dair qeydin isə “X2”na məxsus olması faktının müəyyən edilməsi barədə qətnamə qəbul edilməsini xahiş etmişdir. Məhkəmə, daxil olmuş mülki işin materiallarını araşdırıb hesab edir ki, ərizə geri qaytarılmalıdır. Belə ki, Azərbaycan Respublikasının Mülki Prosessual Məcəlləsinin 152.1.7-ci maddəsinin tələbinə görə bir və ya bir neçə cavabdehə bir-biri ilə əlaqədar olmayan bir neçə tələb birləşdirildikdə hakim iddia ərizəsini və ona əlavə edilmiş sənədləri geri qaytarır. Ərizədən görünür ki, ərizəçi Sumqayıt şəhəri 2 saylı Dövlət Notariat Kontoru tərəfindən verilmiş vərəsəlik haqqında şəhadətnaməyə əsasən DƏDRX 2 saylı Sumqayıt Ərazi İdarəsi tərəfindən verilmiş reyestr kitabı 14, inventor işi 6922 olan qeydiyyat vəsiqəsində “X1” dair qeydin “Ərizəçi”, “X3”na dair qeydin isə “X2”na məxsus olması faktının müəyyən edilməsini istəyir. Lakin ərizəçinin irəli sürdüyü tələblərin bir-birilə hər hansı bir əlaqəsinin olduğu müəyyən edilmir. Belə ki, ərizəçi tərəfindən bir ərizədə bir neçə şəxslə bağlı faktın müəyyən olunması xahiş olunur. Göstərilənlərə əsasən məhkəmə hesab edir ki, Ərizəçi hüquqi faktın müəyyən edilməsinə dair ərizəsi və ona əlavə olunmuş sənədlər geri qaytarılmalıdır. Azərbaycan Respublikası MPM-nin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıda göstərilənlərə əsasən və Azərbaycan Respublikası MPM-nin 152, 263, 264cü maddələrini rəhbər tutaraq, məhkəmə qərara aldı: Ərizəçi hüquqi faktın müəyyən edilməsinə dair ərizəsi və ona əlavə olunmuş sənədlər geri qaytarılsın. Ərizəçiyə, iddia ərizəsinin qaytarılmasına səbəb olmuş hallar aradan qaldırıldıqdan sonra ümumi qaydada yenidən məhkəməyə müraciət etmək hüququ izah edilsin. Qərardaddan rəsmi qaydada verildiyi gündən 10 (on) gün müddətinə “Elektron məhkəmə” informasiya sistemində yaradılan elektron kabinetlə Sumqayıt Şəhər Məhkəməsinə şikayət verilə bilər. Hаkim Vəfa Şirəliyeva