Azərbaycan Respublikası adından QƏTNAMƏ Sumqayıt şəhəri İş № 2(060)-846/2024 25.06.2024 SUMQAYIT ŞƏHƏR MƏHKƏMƏSİ Giriş hissə: Hakim Həxiyeva Şəbnəm Səlim qızının sədrliyi, İbrahimzadə Zəhra Şahverdi qızının katibliyi, Ərizəçi iştirakı ilə Ərizəçi Sumqayıt Şəhər İcra Hakimiyyətini maraqlı şəxs qismində cəlb etməklə "şəxsin fəaliyyət qabiliyyəti olmayan hesab edilməsi tələbi"nə dair ərizəsi üzrə mülki işə açıq məhkəmə iclasında baxaraq, MÜƏYYƏN ETDİ: Təsviri hissə:
1. Ərizəçi Sumqayıt Şəhər İcra Hakimiyyətini maraqlı şəxs qismində cəlb etməklə "şəxsin fəaliyyət qabiliyyəti olmayan hesab edilməsi tələbi"nə dair ərizə ilə məhkəməyə müraciət etmişdir.
2. Ərizə onunla əsaslandırılmışdır ki, X6 ərizəçinin xalasıdır. O, 29 iyun 1973-cü ildə anadan olmuşdur. Xalası ümumi xəstəlikdən əziyyət çəkir, əmək qabiliyyətsizdir. Ona “Yapışqan leykoma, OD-buynuz qişanın distrofiyası.OD-buynuz qişanın bioloji örtüyündən sonrakı vəziyyət” diaqnozu qoyulmuşdur. Bunu AR Əmək və Əhalinin Sosial Müdafiəsi Nazirliyi Tibbi-Sosial Ekspert Komissiyasının müayinə arayışı təsdiq edir. Bu səbəbdən də xalası X3 İ qrup müddətsiz əlillik dərəcəsi verilmişdir. AR-sı Sumqayıt şəhər İcra Hakimiyyəti Başçısının xx.xx.2023-cü il tarixli, 554 №-li Sərəncamı əsasında xalası üzərində patronaj təyin edilmişdir. Xalasının kənar şəxslərin köməyinə daima ehtiyacı vardır. Ona ərizəçi baxır, qulluğunda o durur. O, özünü müstəqil idarə edə bilmir. Qeyd edir ki, xalası ilə eyni ünvanda Sumqayıt şəhəri, X12, ev 2388H-da yaşayır. Göstərilənlərə əsasən 29 iyun 1973-cü il təvəllüdlü X1 fəaliyyət qabiliyyəti olmayan hesab edilməsi barədə qətnamə qəbul edilməsi məhkəmədən xahiş edilmişdir.
a) Məhkəmə icraatı iştirakçılarının izahatları:
3. Məhkəmə iclasında Ərizəçi ərizəni müdafiə edərək ərizədə göstərilənləri təsdiq etmiş, ərizənin təmin edilməsinə dair qətnamə çıxarılmasını məhkəmədən xahiş etmişdir.
4. Məhkəmə iclasının vaxtı və yeri barədə maraqlı şəxs Sumqayıt Şəhər İcra Hakimiyyəti Başçısı yanında Qəyyumluq və Himayəçilik Komissiyasının nümayəndəsi qanunla müəyyənləşdirilmiş qaydada məlumatlandırılmasına baxmayaraq, o, məhkəmə iclasına gəlməmiş və gəlməməsinin səbəbləri barədə məhkəməyə məlumat verməmişdir.
5. Məhkəmə maraqlı şəxsin nümayəndəsinin iştirakı olmadan baxılmasını mümkün hesab etmişdir. 6.Məhkəmə ərizəçinin izahatını dinləyib və mülki işin materiallarını araşdırıb hesab edir ki, ərizə təmin edilməməlidir.
Əsaslandırıcı hissə: a) Mülki işin materialları:
7. Belə ki, iş materiallarında olan Sumqayıt şəhər Qeydiyyat şöbəsi tərəfindən xx.xx.2018-ci il tarixdə verilmiş AZ-T № 060619 saylı doğum haqqında şəhadətnamənin təkrarının surətindən görünür ki, X6 29 iyun 1973-cü ildə Sumqayıt şəhərində doğulmuş, atası X7, anası X4r.
8. İş materiallarında olan Tibbi-Sosial Ekspert Komissiyasında sonuncu müayinəyə dair məlumatdan görünür ki, X6 müddətsiz 1-ci qrup əlildir. Diaqnoz: Yapışan leykoma, OD-buynuz qişanın distrofiyası. OS-buynuz qişanın bioloji örtüyündən sonrakı vəziyyət.
9. İş materiallarında olan Sumqayıt Şəhər İcra Hakimiyyəti Başçısının xx.xx.2023cü il tarixli “patronaj təyin etmə haqqında” Sərəncamından görünür ki, xx.xx.1992-ci il təvəllüdlü Ərizəçi xalası – xx.xx.1973-cü il təvəllüdlü X1 üzərində patronaj təyin edilməsi, Qəyyumluq və Himayəçilik komissiyasının qanunvericilikdən və bu sərəncamdan irəli gələn digər tədbirlərin yerinə yetirilməsini təmin etməsi qərara alınmışdır.
10. İş materiallarında olan Azərbaycan Respublikası Səhiyyə Nazirliyi «Məhkəmə Psixiatrik Ekspertiza Mərkəzi» X11 xx.xx.2024-cü il tarixli, 493 №-li rəyindən görünür ki, X2 hal-hazırda hər hansı Psixi xəstəliyin əlamətləri aşkar olunmur. Mülki iş materiallarında və yoxlanılan şəxsin özünün verdiyi anamnestik məlumatlarda X1 nə vaxtsa hər hansı psixi pozuntu keçirməsi, psixiatrik ambulator müşahidəyə götürülməsi müəyyən edilməmişdir. X1 psixiatr tərəfindən müalicə olunması faktı hər hansı rəsmi tibbi sənədlə təsdiq edilməmişdir. Mülki işdə X1 oftalmoloji xəstəliklə əlaqədar İ dərəcəli əlil olduğu göstərilmişdir. X1 hazırki müayinə zamanı ünsiyyətə sərbəst daxil olması, suallara mahiyyətinə uyğun cavablar verməsi, hər hansı psixopatoloji əlamətlərin aşkar olunmaması, onda yaddaş və intellekt pozuntularının müəyyən edilməməsi, kifayət həcmdə bilik və təsəvvür ehtiyatına malik olması, onun hal-hazırda hər hansı psixi xəstəlikdən əziyyət çəkmədiyini təsdiq edir. Mülki işi materiallarını və ambulator məhkəmə - psixiatrik ekspertizası zamanı aparılmış müayinələrin nəticələrinin tədqiqinə əsasən məhkəmə-psixiatrik ekspertizası qoyulmuş sualları aşağıdakı kimi cavablandırır: İ – X2 hal-hazırda hər hansı psixi xəstəlik aşkar olunmur. İİ – X6 hal-hazırda öz hərəkətlərinin mənasını dərk etmək və onları şüurlu idarə etmək iqtidarına malikdir. İİİ – X5 psixi vəziyyətinə görə fəaliyyət qabiliyyəti olmayan şəxs hesab etməyə əsas yoxdur.
b) Məhkəmə tərəfindən müəyyən edilən hallar:
11. Beləliklə, məhkəmə araşdırmaları zamanı müəyyən olundu ki, xx.xx.1973-cü il təvəllüdlü X6 hal-hazırda öz hərəkətlərinin mənasını dərk etmək və onları şüurlu idarə etmək iqtidarına malikdir.
c) Mülki iş üzrə tətbiq edilən hüquq və məhkəmənin gəldiyi nəticə:
12. Azərbaycan Respublikası Mülki Məcəllənin 28.8-ci maddəsinə əsasən ağıl zəifliyi və ya ruhi xəstəlik nəticəsində öz hərəkətlərinin mənasını başa düşməyən və ya öz hərəkətlərinə rəhbərlik edə bilməyən şəxslər məhkəmə tərəfindən fəaliyyət qabiliyyəti olmayan sayıla bilər.
13. Azərbaycan Respublikası MPM-nin 81-ci maddəsinə əsasən qanuna və ya digər normativ hüquqi aktlara əsasən müəyyən sübutetmə vasitələri ilə təsdiq edilməli olan işin halları başqa sübutlarla təsdiq oluna bilməz.
14. Həmin Məcəllənin 97.1-ci maddəsinə əsasən işə baxılarkən xüsusi bilik tələb olunan sualları izah etmək üçün məhkəmə işdə iştirak edən şəxsin vəsatəti və ya öz təşəbbüsü ilə ekspertiza təyin edə bilər.
15. İş materiallarından müəyyən olunur ki, ərizəçi ərizəsində X1 fəaliyyət qabiliyyətsiz hesab edilməsi üçün əsas olaraq onun gözlərinin görməməsini və sərbəst hərəkət imkanın məhdudlaşması ilə əsaslandırır. Halbuki, yuxarıda sadalanan normaların tələbinə əsasən ərizəçi məhz şəxsin psixi qüsurun nəticəsində öz hərəkətlərinin mənasını anlaya bilməməsini və ya öz hərəkətlərini idarə edə bilməməsini təsdiq edən hallara istinad etməli idi. Bununla belə məhkəmə işin tam və hərtərəfli araşdırmasını təmin etmək üçün öz təşəbbüsü ilə məhkəmə-psixiatriya ekspertizası təyin etmişdir. Verilmiş ekspert rəyi ilə X1 hər hansı psixi qüsurunun olmadığı və onun fəaliyyət qabiliyyəti olmayan şəxs hesab etməyə əsas olmadığı müəyyən edilmişdir.
16. Qanunvericiliyin tələbinə əsasən məhkəmə məhz psixi qüsurlarına görə şəxsin fəaliyyət qabiliyyətli olmayan hesab edilməsi haqqında işlərə baxır. Hazırki halda isə ərizəçi şəxsin psixi qüsuru barədə heç bir hala istinad etməmiş, bu hal məhkəmə araşdırması zamanı da müəyyən edilməmişdir. Qanunvericiliyin qeyd olunan normasından bu normanın imperativ xarakter daşıdığı görünür. Məlumdur ki, hüquq normaları icra edilməsi tələbinə görə dispozitiv və imperativ ola bilər. Dispozitiv norma subyektlərə müəyyən şəraitdə birdən daha çox davranış imkanı versə də, imperativ norma konkret davranış qaydası müəyyən edir. Hazırki halda ərizəçi ona verilmiş dispozitiv hüququndan istifadə edərək şəxsin fəaliyyət qabiliyyətsiz hesab edilməsinə dair ərizə ilə məhkəməyə müraciət etsə də, bu ərizənin məzmununa dair imperativ normaların tələblərini pozmuşdur.
17. Məhkəmə qeyd olunanlara hüquqi qiymət verərək hesab edir ki, iş üzrə toplanmış sübutlar X1 psixi vəziyyətinə görə öz hərəkətlərinin mənasını dərk etmək və onları idarə etmək iqtidarına malik olduğundan ərizə əsassız olmaqla təmin edilməməlidir.
18. Azərbaycan Respublikası Mülki Prosessual Məcəlləsinin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir.
19. Həmin Məcəllənin 76.1 və 76.2-ci maddəsinə əsasən tərəflərin tələb və etirazlarını əsaslandıran halların və işi düzgün həll etmək üçün əhəmiyyətli olan başqa halların mövcud olduğunu və ya olmadağını məhkəmə müəyyən edərkən həmin Məcəllədə və başqa qanunlarda müəyyən olunmuş qaydada əldə etdiyi məlumatlar sübutlar hesab olunur.
20. Bu məlumatlar yazılı və maddi sübutlarla, ekspertlərin rəyləri ilə, yerində müayinə keçirməklə, səs və video yazıları ilə, şahidlərin ifadələri ilə, işdə iştirak edən şəxslərin izahatları ilə müəyyən edilir.
21. Azərbaycan Respublikası MPM-in 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir.
22. Həmin Məcəllənin 217.3-cü maddəsinə əsasən qətnamə iş üzrə müəyyən edilmiş həqiqi hallara və tərəflərin qarşılıqlı münasibətinə uyğun əsaslandırılmalıdır.
23. Qeyd olunan Məcəllənin 217.4-cü maddəsinə əsasən məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır.
Nəticə hissəsi:
24. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 216-220, 317-321, 360-cı maddələrini rəhbər tutaraq, məhkəmə
QƏT ETDİ:
Ərizəçi Sumqayıt Şəhər İcra Hakimiyyətini maraqlı şəxs qismində cəlb etməklə "şəxsin fəaliyyət qabiliyyəti olmayan hesab edilməsi tələbi"nə dair ərizəsi təmin edilməsin. İş üzrə ödənilmiş dövlət rüsumu ərizəçiyə aid edilsin. Qətnamədən rəsmi qaydada verildiyi gündən bir ay müddətində Sumqayıt Şəhər Məhkəməsi vasitəsi ilə Sumqayıt Apellyasiya Məhkəməsinə (“Elektron məhkəmə” informasiya sistemində yaradılan elektron kabinet vasitəsilə) apellyasiya şikayəti verilə bilər.
Sədrlik edən Şəbnəm Həxiyeva