Tərtər Rayon Məhkəməsi Qətnamə — İş №2(061)-2144/2025

Azərbaycan Respublikası adından QƏTNAMƏ Tərtər rayonu İş № 2(061)-2144/2025 05.01.2026 TƏRTƏR RAYON MƏHKƏMƏSİ Hakim Rzayev Kamil Allahqulu oğlunun sədrliyi, Hacıyev Ramin Firudin oğlunun katibliyi, Maraqlı şəxs iştirakı ilə Ərizəçi Maraqlı şəxs olmaqla mediasiya prosesi nəticəsində bağlanmış barışıq sazişinin təsdiq edilməsi tələbinə dair mülki işə açıq məhkəmə iclasında baxaraq, M Ü Ə Y Y Ə N E T D İ: Ərizəçi ərizə ilə məhkəməyə müraciət edərək Maraqlı şəxs ilə aralarında (xx.xx.2025-ci il tarixli) mediasiya prosesi nəticəsində bağlanmış barışıq sazişinin təsdiq edilməsi barədə qətnamə qəbul edilməsini xahiş etmişdir. Ərizəçi məhkəmə iclasının vaxtı və yeri barədə məlumat verilməsinə baxmayaraq məhkəmə iclasına gəlməmişdir. Məhkəmə ərizəçinin iştirakı olmadan işə baxılmasını mümkün hesab etmişdir. Ərizəçi iddia tələbini onunla əsaslandırmışdır ki, iş üzrə Maraqlı şəxs ilə birgə nikahlarından xx.xx.2018-ci il təvəllüdlü X3 və xx.xx.2020-ci il təvəllüdlü X4 adlı uşaqları doğulmuşdur. Uşaqlar onun yanında qalmışdır. Onlar mediasiya prosesindən keçərək, uşaqlarının onun himayəsində saxlanması və hər uşağa görə hər ay 50 manat, cəmi 100 manat məbləğində aliment tutulması barədə razılığa gələrək, bu barədə xx.xx.2025-ci il tarixli barışıq sazişi imzalamışlar. Maraqlı şəxs ilə mediasiya prosesində bağladıqları xx.xx.2025-ci il tarixli barışıq sazişinin şərtlərinə əməl etməmiş və bu səbəbdən sazişin məhkəmə qaydasında rəsmiləşdirilməsi üçün məhkəməyə müraciət etməl məcburiyyətində qalmışdır. Yuxarıda qeyd edilənlərə əsasən onunla Maraqlı şəxs ilə aralarında xx.xx.2025-ci il tarixdə mediasiya prosesi nəticəsində bağlanmış barışıq sazişinin təsdiq edilməsinə dair qətnamə qəbul edilməsini xahiş etmişdir. İş üzrə Maraqlı şəxs məhkəmə iclasında göstərmişdir ki, iş üzrə ərizçi Ərizəçi ilə birgə nikahlarından xx.xx.2018-ci il təvəllüdlü X3 və xx.xx.2020-ci il təvəllüdlü X4 adlı uşaqları doğulmuşdur. Onların nikahları məhkəmə qaydasında pozulmuşdur. Uşaqlar ərizəçinin yanında qalmışdır. Onlar mediasiya prosesindən keçmiş və barışıq sazişi işzalamışlar. Uşaqlarının onun himayəsində saxlanması və hər uşağa görə hər ay 50 manat, cəmi 100 manat məbləğində aliment tutulması barədə razılığa gəlmişlər, lakin onun maddi vəziyyəti ağır olduğu üçün barışıq sazişinin şərtlərinə əməl edə bilməmişdir. Ərizəçi məhkəməyə barışıq sazişinin təsdiq edilməsi üçün müraciət etmişdir. Ərizənin təmin edilməsinə dair qətnamə qəbul edilməsinə etiraz etmədiyini bildirmişdir. Məhkəmədə elan olunmuş doğum haqqında şəhadətnamələrin surətlərindən görünür ki, tərəflərin birgə nikahlarından xx.xx.2018-ci il təvəllüdlü X3 və xx.xx.2020-ci il təvəllüdlü X4 adlı uşaqları olmuşdur. Məhkəmədə elan olunmuş Ağdam Rayon Məhkəməsinin xx.xx.2022-ci il tarixli 2(061)-2696/2022 nömrəli qətnaməsi ilə Maraqlı şəxs ilə cavabdeh Ərizəçi arasında Tərtər rayonu Düyərli kənd icra nümayəndəliyində xx.xx.2004-cü il tarixdə nikahın bağlanması haqında akt qeydləri kitabında 03 nömrə ilə qeyd edilmiş nikah pozulmuşdur. Məhkəmədə elan olunmuş Mediasiya Şürasının 22 dekabr 2025-ci il tarixli barışıq sazişindən görünür ki, birinci tərəf Ərizəçi, ikinci tərəf Maraqlı şəxs rəsmi nikaha daxil olmaqla ailə qurmuşlar və nikahları xx.xx.2017-ci ildə Tərtər rayon Düyərli kənd İƏD-i üzrə nümayəndəlikdə akt qeydləri kitabında 3 nömrə ilə qeyd edilmişdir. tərəflərin birgə nikahlarından xx.xx.2018-ci il təvəllüdlü X3 və xx.xx.2020-ci il təvəllüdlü X4 adlı uşaqları olmuşdur. Tərəflər uzun müdət bir yerdə yaşamış və normal münasibətləri olmuşdur. Sonradan tərəflər arasənda olan münasibətlər pisləşmiş və Ağdam Rayon Məhkəməsinin 2(013)-2696/2022 saylı, xx.xx.2022-ci il tarixli qərarı ilə nikahları pozulmuşdur. Uşaqlar ananın himayəsinə verilmişdir. Birinci tərəf birgə nikahlarından olan xx.xx.2018-ci il təvəllüdlü X3 və xx.xx.2020-ci il təvəllüdlü X1 görə ikinci tərəfdən hər ay hər uşaq üçün 50 manat olmaqla ümumilikdə 100 manat sabit pul məbləğində alimenti məbləğinin birinci tərəfin xeyrinə ödəməsi tələbi ilə təklif vermişdir. Tərəflər mediasiyada razılığa gəlmişlər. Birgə nikahlarından olan xx.xx.2018-ci il təvəllüdlü X3 və xx.xx.2020-ci il təvəllüdlü X1 görə ikinci tərəfdən hər ay hər uşaq üçün 50 manat olmaqla ümumilikdə 100 manat sabit pul məbləğində alimenti məbləğinin birinci tərəfin xeyrinə ödəməsinə tam razılaşaraq öz öhdəsinə götürmüşdür. İkinci tərəf aliment məbləğinin saziş imzalandığı gündən hər ayın 1-5 arası ödəməyə tam razılaşaraq öz öhdəsinə götürmüşdür. Birinci tərəf razılaşaraq bildirmişdir ki, uşaqların maraqlarına uyğun olaraq ikinci tərəf istənilən yerdə və istənilən vaxt uşaqlarıa ünsiyyətdə ola bilərlər. Barışıq sazişi tərəflərin sğzləri ilə yazılmış və doğruluğu öz imzaları ilə təsdiq edilmişdir. Məhkəmə ərizəni, maraqlı şəxsin izahatını, barışıq sazişini, işdə olan sənədləri və digər iş materiallarını tam və hərtərəfli araşdıraraq hesab edir ki, ərizə əsaslı olduğundan təmin edilməlidir. Beləliklə, məhkəmə iclası zamanı müəyyən edildi ki, tərəflər nikahlarını qeyd etdirməklə bir yerdə yaşamışlar. Onların birgə nikahdan xx.xx.2018-ci il təvəllüdlü X3 və xx.xx.2020-ci il təvəllüdlü X4 adlı uşaqları olmuşdur. Aralarında olan mübahisələrə görə onların nikahları məhkəmə qaydasında pozulmuşdur. İki uşaq iddiaçınn yanında qalmışdır. Ərizəçi aralarındakı fikir ayrılığı və mübahisəni qarşlıqlı razılıqla həll etmək üçün aralarında yuxarıda qeyd edilən şərtlərlə xx.xx.2025-ci il tarixdə barışıq sazişi imzalamışlar. Lakin Maraqlı şəxs barışıq sazişini könüllü olaraq icra etməmiş və icradan imtina etmişdir. Ona görə də ərizəçi aliment ödənilməsi ilə bağlı barışıq sazişinin məcburi qaydada icra edilməsi üçün məhkəməyə müraciət etməli olmuşdur. Azərbaycan Respublikası MPM-in 305-ci maddəsində göstərilmişdir ki, məhkəmə mediasiya prosesi nəticəsində bağlanılmış barışıq sazişinin təsdiq edilməsi haqqında xüsusi icraat qaydasında işlərə baxır. Azərbaycan Respublikası MPM-in 306-cı maddəsində göstərilmişdir ki, məhkəmələr tərəfindən xüsusi icraat işlərinə, bu Məcəllənin 30-40-6-cı fəsillərində ikinci bölməsinin üçüncü yarım bölməsində müəyyən edilmiş xüsusiyyətlərlə, iddia icraatı qaydasında baxılır. Azərbaycan Respublikası MPM-in 355-23.1-cı maddəsində göstərilmişdir ki, “Mediasiya haqqında” Azərbaycan Respublikası Qanununda müəyyən edilmiş müddət ərzində mediasiya prosesi nəticəsində əldə edilən barışıq sazişi könüllü qaydada icra edilmədikdə və ya barışıq sazişinin könüllü icrasından imtina olunduqda, ərizəçi barışıq sazişinin məcburi crası üçün barışıq sazişinin təsdiq edilməsi barədə (barışıq sazişinin bu Məcəllənin 191.2-1-ci maddəsinə uyğun olaraq təsdiq edildiyi hal ictisna olmaqla) məhkəməyə müraciət edə bilər. Azərbaycan Respublikası MPM-in 355-23.2-cı maddəsində göstərilmişdir ki, Mediasiya prosesi nəticəsində bağlanmış barışıq sazişinin təsdiq edilməsi ilə bağlı ərizə ərizəçi fiziki şəxsin yaşadığı yer, hüquqi şəxsin ünvanının olduğu yer üzrə, ərizə dövlət orqanı (qurumu) tərəfindən verildikdə, barışıq sazişinin icrasından imtina edən fiziki şəxsin yaşadığı, hüquqi şəxsin ünvanının olduğu yer üzrə məhkəməyə verilir. Ərizəçi haqlı olaraq Tərtər Rayon Məhkəməsinə sözügedən iddia ilə müraciət etmişdir. «Uşaq hüquqları haqqında» Konvensiyanın 3-cü maddəsinə əsasən uşaqlar barəsində bütün tədbirlərdə əsas diqqət uşaq mənafelərinin daha yaxşı təmin edilməsinə yönəldilir, istər bu tədbirlər sosial təminat məsələləri ilə məşğul olan dövlət idarələri və ya özəl idarələr tərəfindən, istərsə də məhkəmələr, inzibati və ya qanunvericilik orqanları tərəfindən görülsün. Həmin Konvensiyanın 27-ci maddəsinin 2-ci bəndinə əsasən valideynlər uşağın inkişafı üçün lazım olan həyat şəraitinin öz qabiliyyətləri və maliyyə imkanları daxilində təmin etməyə görə əsas məsuliyyəti daşıyırlar. «Uşaq hüquqları haqqında» Azərbaycan Respublikası Qanunun 8-ci maddəsinə əsasən hər uşağın yaşamaq, normal şəraitdə fiziki, əqli və mənəvi cəhətdən inkişaf etmək hüququ vardır. Dövlət bu şəraiti təmin edən iqtisadi, sosial hüquq və digər tədbirlər görməyi, sağlam və təhlükəsiz mühit yaratmağa öz öhdəsinə götürür. 12 noyabr 1989-cu ildə qəbul olunmuş «Uşaq hüquqları haqqında» BMT Konvensiyanın 3-cü maddəsində də, uşağın maraqlarının daha yaxşı təmin edilməsinə ilk növbədə diqqət yetirilməsi vurğulanmışdır. Göründüyü kimi Azərbaycan Respublikasının tərəfdar çıxdığı Beynəlxalq Konvensiyalarla, istərsə də daxili qanunvericiliklə uşaqların normal şəraitdə, fiziki və əqli cəhətdən sağlam inkişaf etməsi üçün lazım olan bütün imkanlardan maksimum dərəcədə istifadə olunması göstərilmişdir. Yuxarıda qeyd edilənlərə əsasən məhkəmə belə hesab edir ki, hazırki halda alimentin tutulmasının əvvəli tərəflər arasında Mediasuya Şürasının xx.xx.2025-ci il tarixli barışıq sazişinin tərtib olunduğu gündən hesablanmalıdır. Azərbaycan Respublikası MPM-in 14-cü maddəsinə əsasən məhkəmə həqiqətə nail olmaq üçün, işin hərtərəfli, tam və obyektiv tədqiqinə şərait yaradır. Həmin Məcəllənin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 217.4-cü maddəsinə əsasən məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Həmin Məcəllənin 218.3-cü maddəsinə görə hakim işdə iştirak edən şəxslərin verdiyi tələblər üzrə qətnamə çıxarır. Lakin hakim qanunda göstərilən müstəsna hallarda iddia tələblərindən kənara çıxa bilər. Göründüyü kimi hazırki vəziyyətdə baxılan tələblə bağlı belə hal müəyyən edilməmişdir. İş materiallarını, ərizəni, Mediasiya Şürasının qərarı ilə təsdiq edilmiş xx.xx.2025-ci il tarixli barışıq sazişini və iş materiallarına əlavə edilmiş sənədləri nəzərə alan məhkəmə belə nəticəyə gəlir ki, ərizə təmin edilməli, Ərizəçi Maraqlı şəxs ilə aralarında bağlanmış xx.xx.2025ci il tarixli barışıq sazişi təsdiq edilməli, Maraqlı şəxs xx.xx.2018-ci il təvəllüdlü X3 və xx.xx.2020-ci il təvəllüdlü X4 adlı uşaqların yetkinlik yaşına çatanadək saxlanması üçün hər ay hər uşaq üçün 50 manat olmaqla, cəmi 100 (yüz) manat sabit pul məbləğində aliment alınıb Ərizəçi verilməlidir. Yuxarıdakılara əsasən Azərbaycan Respublikası MPM-in 216-220, 227, 233, 357, 360, 362 -ci maddələrini rəhbər tutaraq, məhkəmə Q Ə T E T D İ: Ərizə təmin edilsin. Ərizəçi Maraqlı şəxs ilə aralarında bağlanmış xx.xx.2025-ci il tarixli barışıq sazişi təsdiq edilsin. Maraqlı şəxs xx.xx.2018-ci il təvəllüdlü X3 və xx.xx.2020-ci il təvəllüdlü X4 adlı uşaqların yetkinlik yaşına çatanadək saxlanması üçün hər ay hər uşaq üçün 50 manat olmaqla, cəmi 100 (yüz) manat sabit pul məbləğində aliment alınıb Ərizəçi verilsin. Alimentin tutulması xx.xx.2025-ci il tarixdən hesablansın və dərhal icra edilsin. Qətnamədən rəsmi qaydada verildiyi gündən 1 (bir) ay müddətində (“Elektron məhkəmə” informasiya sistemində yaradılan elektron kabinetdə yerləşdirilməklə) Tərtər Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər. Sədrlik edən: Kamil Rzayev