Tovuz Rayon Məhkəməsi Qərardad — İş №2(062)-2509/2025

Azərbaycan Respublikası adından QƏRARDAD Tovuz rayon İş № 2(062)-2509/2025 09.07.2025 TOVUZ RAYON MƏHKƏMƏSİ Hakim Baxşıyev Qafil Yavər oğlunun sədrliyi Cavadova Kəklik Mirəziz qızının katibliyi ilə İddiaçılar İddiaçı1, İddiaçı2, İddiaçı3, İddiaçı4 və İddiaçı5 qanuni nümayəndəsi Qanuni nümayəndə cavabdeh X1 Xidmət Mərkəzinin Notariat Ofisinə qarşı vərəsəlik hüququna dair şəhadətnamənin etibarsız hesab edilməsi, miras mülkdən pay tələbinə dair iddia ərizəsini və ona əlavə edilmiş sənədləri nəzərdən keçirərək məhkəmə MÜƏYYƏN ETDİ: İddiaçılar İddiaçı1, İddiaçı2, İddiaçı3, İddiaçı4 və İddiaçı5 qanuni nümayəndəsi Qanuni nümayəndə cavabdeh X1 Xidmət Mərkəzinin Notariat Ofisinə qarşı vərəsəlik hüququna dair şəhadətnamənin etibarsız hesab edilməsi, miras mülkdən pay tələbinə dair iddia ərizəsi ilə məhkəməyə müraciət etmişdir. Məhkəmə iddia ərizəsini və ona əlavə edilmiş sənədləri nəzərdən keçirərək hesab edir ki, iddia ərizəsi və ona əlavə edilmiş sənədlər geri qaytarılmalıdır. İşdən görünür ki, iddia ərizəsi bütün iddiaçılar tərəfindən imzalanmamışdır. Belə ki, iddia ərizəsində 3 ədəd imza vardır və onlardan da birinin kimə məxsus olması bəlli deyildir. Belə ki, iddia ərizəsi iddiaçı tərəfindən imzalanmalı olduğu halda, iddia ərizəsi iddiaçıların hər biri tərəfindən imzalanmamışdır. Məhkəmə hesab edir ki, iddia ərizəsi geri qaytarılmalıdır. Azərbaycan Respublikası MPM-nin 152.1.2-ci maddəsinə əsasən, iddia ərizəsi imzalanmadıqda və ya onu imzalamağa hüququ olmayan şəxs tərəfindən, yaxud xidməti vəziyyəti göstərilməyən şəxs tərəfindən imzalandıqda hakim iddia ərizəsini və ona əlavə edilmiş sənədləri geri qaytarır. Həmin Məcəllənin 150.0.3-cü maddəsinə əsasən, iddia ərizəsinə iddia ərizəsinin səlahiyyətli şəxs tərəfindən imzalanmasını təsdiq edən sənəd əlavə edilir. Ona görə də məhkəmə hesab edir ki, iddiaçılar İddiaçı1, İddiaçı2, İddiaçı3, İddiaçı4 və İddiaçı5 qanuni nümayəndəsi Qanuni nümayəndə cavabdeh X1 Xidmət Mərkəzinin Notariat Ofisinə qarşı vərəsəlik hüququna dair şəhadətnamənin etibarsız hesab edilməsi, miras mülkdən pay tələbinə dair iddia ərizəsi və ona əlavə edilmiş sənədlər geri qaytarılmalıdır. Azərbaycan Respublikası MPM-nin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Həmin Məcəllənin 114.1.3-cü maddəsinə əsasən, ödənilmiş dövlət rüsumu bu Məcəllə ilə nəzərdə tutulmuş əsaslarla ərizə geri qaytarılarsa qaytarılır. Ödənilmiş dövlət rüsumu İddiaçı1 qaytarılmalıdır. Şərh olunanlara əsasən və Azərbaycan Respublikası MPM-nin 152-ci maddəsini rəhbər tutaraq, məhkəmə QƏRARA ALDİ: İddiaçılar İddiaçı1, İddiaçı2, İddiaçı3, İddiaçı4 və İddiaçı5 qanuni nümayəndəsi Qanuni nümayəndə cavabdeh X1 Xidmət Mərkəzinin Notariat Ofisinə qarşı vərəsəlik hüququna dair şəhadətnamənin etibarsız hesab edilməsi, miras mülkdən pay tələbinə dair iddia ərizəsi və ona əlavə edilmiş sənədlər iddiaçılara geri qaytarılsın. Ödənilmiş dövlət rüsumu İddiaçı1 qaytarılsın. Qərardaddan onun rəsmi qaydada verildiyi gündən 10 gün müddətində Tovuz Rayon Məhkəməsinə şikayət verilə bilər. Sədrlik edən Qafil Baxşıyev