Tovuz Rayon Məhkəməsi Qərardad — İş №2(062)-75/2023

Azərbaycan Respublikası adından QƏRARDAD Tovuz rayon İş № 2(062)-75/2023 18.01.2023 TOVUZ RAYON MƏHKƏMƏSİ Hakim Hünmətov Zaur Adil oğlunun sədrliyi, Mustafayev Əli Nazim oğlunun katibliyi ilə, Ərizəçi “şəxsin fəaliyyət qabiliyyətli olmayan şəxs hesab edilməsi” barədə ərizəsi üzrə mülki işə açıq məhkəmə iclasında baxaraq, MÜƏYYƏN ETDİ: Ərizəçi Tovuz Rayon İHB-nın Qəyyumluq və Himayəçilik Orqanını və X2 maraqlı şəxs qismində cəlb edərək, “şəxsin fəaliyyət qabiliyyətli olmayan şəxs hesab edilməsi” barədə ərizəsi ilə məhkəməyə müraciət edərək, 12 noyabr 2003-cü il tarixdə doğulmuş oğlu X1 faliyyət qabiliyyətli olmayan şəxs hesab edilməsi barədə qətnamə çıxarılmasını xahiş etmişdir. Təyin olunmuş məhkəmə iclasının vaxtı barədə ərizəçiyə və maraqlı şəxslərə qanunla müəyyən edilmiş qaydada məhkəmə bildirişi göndərilməsinə baxmayaraq, onlar heç bir səbəb göstərmədən məhkəmə iclasına gəlməmişlər, işə onların iştirakı olmadan baxılmasını xahiş etməmişlər. Azərbaycan Respublikası MPM-nin 259.0.6-ci maddəsinə əsasən işə onların iştirakı olmadan baxmağı xahiş etməmiş tərəflər məhkəməyə gəlmədikdə məhkəmə ərizəni baxılmamış saxlayır. Məhkəmə hesab edir ki, iş üzrə ərizəçi məhkəməyə gəlmədiyindən və işə onun iştirakı olmadan baxmağı xahiş etmədiyindən, habelə, işin başqa vaxta keçirilməsi barədə məhkəməyə vəsatət vermədiyindən ərizə baxılmamış saxlanılmalıdır. Qeyd olunanlara əsaslanaraq və Azərbaycan Respublikasının MPM-nin 259-260, 263- 264-cü maddələrini rəhbər tutaraq, məhkəmə QƏRARA ALDİ: Ərizəçi “şəxsin fəaliyyət qabiliyyətli olmayan şəxs hesab edilməsi” barədə ərizəsi baxılmamış saxlanılsın. Qərardaddan qərardad tərəfə rəsmi qaydada verildikdən sonra 10 gün müddətində Tovuz Rayon Məhkəməsinə şikayət verilə bilər. Hakim Zaur Hünmətov