Füzuli Rayon Məhkəməsi Qətnamə — İş №2(064)-385/2023

Azərbaycan Respublikası adından QƏTNAMƏ Füzuli rayonu İş № 2(064)-385/2023 17.02.2023 FÜZULİ RAYON MƏHKƏMƏSİ Hakim Həşimov Yaşar Xanoğlan oğlunun sədrliyi, Zeynalov Xaliq Əhliman oğlunun katibliyi, ərizəçilərin vəkilləri Vəkil iştirakı ilə, ərizəçilər Ərizəçi, X15, Quliyeva (Ələkbərova) Sahibə Arif qızı və Kərimova (Quliyeva) Kəmalə Arif qızının maraqlı şəxs Azərbaycan Respublikasının İqtisadiyyat Nazirliyinin yanında Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri Publik hüquqi şəxsi 6 saylı Beyləqan Ərazi İdarəsinə qarşı hüquqi əhəmiyyəti olan faktın müəyyən eilməsinə dair ərizəsi üzrə mülki işə açıq məhkəmə iclasında baxaraq, m ü ə y y ə n e t d i: Ərizəçilər Ərizəçi, X15, Quliyeva (Ələkbərova) Sahibə Arif qızı və Kərimova (Quliyeva) Kəmalə Arif qızı ərizə ilə məhkəməyə müraciət edərək, torpağın mülkiyyətə verilməsinə dair JN-0047 seriyalı 60606038 kod nömrəli dövlət aktının mərhum babaları X1, mərhum atası X3 və onlara yəni, Ərizəçi, X15, Quliyeva (Ələkbərova) Sahibə Arif qızı və Kərimova(Quliyev) Kəmalə Arif qızına məxsus olması faktınmın müəyyən edilməsinə dair qətnamə çıxarılmasını xahiş etmişdir. Ərizəçilər ərizəni onunla əsaslandırmışlar ki, onların ailələrinə torpaq islahatı zamanı 2.35 ha torpaq sahəsi verilmişdir. Həmin torpaq sahəsinin onlara, mərhum baba və atasına aid hissədə texniki olaraq səhf yazılmışdır. Bununla bağlı Reyestr İdarəsinin yerli şöbəsinə müraciət etdikdə onlara məhkəməyə müraciət etməyi izah edilmişdir. Ona görə də, hazırkı ərizə ilə məhkəməyə müraciət etməli olmuşlar. Məhkəmə iclasında: Ərizəçilər ərizə ilə məhkəməyə müraciət edərək işə onların iştirakları olmadan baxılmasını və ərizənin təmin edilməsini xahiş etmişlər. Ərizəçilərin vəkilləri Vəkil ərizədə göstərilənlərlə oxşar məzmunlu izahat verdi və ərizənin təmin olunmasını xahiş etdi. Maraqlı şəxs Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri Publik hüquqi şəxsin 6 saylı Beyləqan Ərazi İdarəsinə məhkəmə iclasının yeri və vaxtı barədə lazımi qaydada məlumat verilməsinə baxmayaraq, nümayəndəsi məhkəmə iclasına gəlməmiş, gəlməməsinin səbəbi barədə məlumat verməmişdir. Məhkəmə Azərbaycan Respublikası MPM-in 185.5-ci maddəsinə əsasən, işə maraqlı şəxsin nümayəndəsinin iştirakı olmadan baxılmasını mümkün hesab edir. Məhkəmə iş materiallarını araşdıraraq, habelə mübahisəli münasibətləri tətbiq olunmalı hüquq normaları baxımından qiymətləndirərək hesab edir ki, ərizə əsaslı olduğundan təmin edilməlidir. Belə ki, iş materiallarına əlavə edilmiş: AZ-İİ № 173764 ölüm haqqında şəhadətnamənin surətindən görünür ki, X10 xx.xx.2021-ci il tarixdə Füzuli rayonunda vəfat etmişdir. V-JQ№ 300223 ölüm haqqında şəhadətnamənin surətindən görünür ki, X5 xx.xx.1998-ci il tarixdə vəfat etmişdir. AZ-İ № 295162 nikah haqqında şəhadətnamənin surətindən görünür ki, X6 ilə X11 arasında xx.xx.2006-cı il tarixdə nikah bağlanmışdır. Nikahdan sonra ərə Kərimov, arvada Kərimova soyadı verilmişdir. AA3055366 şəxsiyyət vəsiqəsinin surətindən görünür ki, X12 xx.xx.1984-cü il tarixdə doğulmuşdur. AA3045542 şəxsiyyət vəsiqəsinin surətindən görünür ki, X4 xx.xx.1986-cı il tarixdə doğulmuşdur. AA3633649 şəxsiyyət vəsiqəsinin surətindən görünür ki, X15 xx.xx.1979-cu il tarixdə doğulmuşdur. Seriya AZE № 0******* şəxsiyyət vəsiqəsinin surətindən görünür ki, Ərizəçi xx.xx.1972-ci il tarixdə Füzuli rayonunda doğulmuşdur. Torpağa mülkiyyət hüququna dair JN-0047 seriyalı 60606038 seriyalı dövlət aktının surətindən görünür ki, Füzuli rayonu, Mahmudlu-2 kənd sakinləri X7 və digər ailə üzvlərinə 2.35 hektar torpaq sahəsi kənd təsərrüfatı məhsulları istehsalı üçün verilmişdir. Azərbaycan Respublikasının İqtisadiyyat Nazirliyi yanında ƏMDX DƏDK və Reyestri publik hüquqi şəxsi 6 saylı Beyləqan Ərazi İdarəsinin xx.xx.2022-ci il tarixli məktubundan görünür ki, JN-0047 seriyalı 60606038 saylı dövlət aktında dəyişiklik edilməsi ərazi idarəsinin səlahiyyətlərinə aid olmadığından icrası mümkün olmamışdır və məhkəməyə müraciət olunması izah edilmişdir. «Hüquqi əhəmiyyəti olan faktların müəyyən edilməsinə dair işlər üzrə məhkəmə təcrübəsinin bəzi məsələləri haqqında» Azərbaycan Respublikası Ali Məhkəməsi Plenumunun 12 aprel 2019-cu il tarixli, 03 saylı Qərarının: 6.1-ci bəndində göstərilir ki, məhkəmələr nəzərə almalıdırlar ki, qanunverici şəxsiyyəti təsdiq edən sənədlərin (pasportun, həmkarlar ittifaqı və digər ictimai birliklərin, siyasi partiyaların bileti, hərbi bilet, xidməti vəsiqə və sair) deyil, məhz hüquqmüəyyənedici sənədlərin, yəni müəyyən hüquqları reallaşdırmaq üçün qanunvericiliklə zəruri vasitə rolunu oynayan sənədlərin konkret şəxsə məxsus olması faktının müəyyən edilməsini nəzərdə tutur. Hüqüqmüəyyənedici sənədlərə isə vəsiyyətnamə, vəsiyyət sərəncamı, ali və orta ixtisas təhsili haqqında diplom və sair aid edilə bilər. 6.3-cü bəndinə qeyd olunur ki, hüquqmüəyyənedici sənədlərin şəxsə məxsus olması faktının müəyyən edilməsinə dair məhkəmə qətnaməsinin nəticə hissəsində məhkəmə, sənədlərin əlamətlərini (sənədin adını, kimin tərəfindən kimin adına verilməsini, verilmə tarixini və sair), eləcə də pasporta, şəxsiyyət vəsiqəsinə və ya doğum haqqında şəhadətnaməyə əsaslanaraq sənədin məxsus olduğu şəxsin adını, atasının adını, soyadını göstərməlidir. Bu cür qətnamələrin icraya yönəldilərək sənəddə olan adın ərizəçinin adına dəyişdirilməsi qanunla müəyyən olunmamışdır. Buna görə də sənədin ərizəçiyə məxsus olmasını müəyyən edən qətnamədə, səhvə yol verilmiş sənəddə düzəliş aparılması barədə müvafiq orqana göstəriş verilməsi qanunaziddir. Məhkəmə iclasında tədqiq olunmuş sübutlarla müəyyən edildi ki, Füzuli rayon Aqrar İslahat Komissiyasının xx.xx.1999-cu il tarixli, 65 saylı sərəncamına əsasən mülkiyyət huququ əsasında ailə üzvləri daxil olmaqla Ərizəçi JN-0047 seriyalı 60606038 seriyalı dövlət aktı ilə 2.35 hektar kənd təsərrüfatı məhsulları istehsalı məqsədilə torpaq sahəsi verilmişdir. Lakin həmin sənəddə ərizəçilərin soyad və ata adlarında müəyyən səhvlər buraxılaraq yazılmışdır. Odur ki, məhkəmə hesab edir ki, ərizə əsaslı olduğundan təmin olunmalıdır. Məhkəmə iclasında tədqiq olunmuş sübutlarla həmçinin müəyyən edildi ki, qeyd olunan hüquqi əhəmiyyəti olan faktın müəyyən olunması ərizəçilərin şəxsi və ya əmlak hüquqlarının əmələ gəlməsinə səbəb olacaqdır və o, həmin faktı təsdiq edən lazımi sənədləri məhkəmədən kənar başqa qaydada ala bilmir. Azərbaycan Respublikası Müki-Prosessual Məcəlləsinin: 307.2.5-ci maddəsinə əsasən, məhkəmə şəxsin sənəddə göstərilən adı, atasının adı və ya soyadı onun pasportdakı adı, atasının adı və ya soyadı ilə düz gəlmədiyi halda hüquq müəyyənedici sənədlərin həmin şəxsə məxsus olması faktının müəyyən edilməsi barədə işlərə baxır. 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Odur ki, məhkəmə şərh olunanlara əsasən və Azərbaycan Respublikası Mülki Prosessual Məcəlləsinin 216-220, 227, 233, 305-309 və 360-cı maddələrini rəhbər tutaraq, qətetdi: Ərizə təmin edilsin. Füzuli rayonu, Mahmudlu-2 kənd sakinləri X8, X13, X9, X16, X14, X2 və digər ailə üzvlərinin adlarına verilmiş torpağa mülkiyyət huququna dair JN-0047 seriyalı 60606038 seriyalı dövlət aktının əslində X5, X10, Ərizəçi, X15, Kərimova (Quliyeva) Kamilə Arif qızı, Ələkbərova (Quliyeva) Sahibə Arif qızına və digər ailə üzvlərinə məxsus olması faktı müəyyən edilsin. Qətnamədən rəsmi qaydada verildiyi gündən 1 (bir) ay müddətində Füzuli Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti verilə bilər. Sədrlik edən: Yaşar Həşimov Azərbaycan Respublikası Füzuli Rayon Məhkəməsi AZ 1900 Füzuli rayonu Tel: (026-315)51-71 Horadiz şəhəri Faks : (026-315)51-71 İş № 2(064)-385/2023 17 fevral 2023-cü il Maraqlı şəxs:Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri Publik hüquqi şəxsi 6 saylı Beyləqan Ərazi İdarəsinə Ünvan: Beyləqan şəhəri, S.İmrəliyev küçəsi 95 Füzuli Rayon Məhkəməsinin 17 fevral 2023-cü il tarixli, 2(064)-385/2023 saylı qətnaməsi sizə göndərilir. Qoşma: qətnamə. Hakim Yaşar Həşimov