Göygöl Rayon Məhkəməsi Qərardad — İş №2(066)-833/2023

Azərbaycan Respublikası adından QƏRARDAD Göygöl rayonu İş № 2(066)-833/2023 11.05.2023 GÖYGÖL RAYON MƏHKƏMƏSİ Hаkim Kərimov Əyyub Vaqif оğlunun sədrliyi, X1 iclas kаtibliyi ilə, Ərizəçi Milaz oğlunun maraqlı şəxs Azərbaycan Respublikası Ədliyyə Nazirliyi Göygöl rayon Notariat Ofisinə qarşı “sənədin şəxsə məxsus olması” faktının müəyyən edilməsi tələbinə dair ərizə üzrə mülki işə açıq məhkəmə iclasında baxaraq, məhkəmə M Ü Ə Y Y Ə N E T D İ: Ərizəçi Milaz oğlu maraqlı şəxs Azərbaycan Respublikası Ədliyyə Nazirliyi Göygöl rayon Notariat Ofisinə qarşı “sənədin şəxsə məxsus olması” faktının müəyyəb edilməsi tələbinə dair ərizə ilə məhkəməyə müraciət edərək ərizəsinin təmin olunmasına dair qətnamə çıxarılmasını xahiş etmişdir. Məhkəmə ərizəni və ona əlavə edilmiş sənədləri nəzərdən keçirib belə hesab edir ki, aşağıda göstərilənlərə əsasən ərizə geri qaytarılmalıdır. Belə ki, ərizə Azərbaycan Respublikasının Mülki Prosessual Məcəlləsinin 149-cu maddəsinə, yəni forma və məzmunla bağlı tələblərinə uyğun olmalıdır. Hazırkı iddia ərizəsi isə bu tələblərə riayət edilmədən hazırlanmışdır. MPM-nin 149.1-ci maddəsinə əsasən, iddia ərizəsi məhkəməyə yazılı şəkildə verilir. O, iddiaçı və ya onun bunu imza etməyə səlahiyyəti olan nümayəndəsi tərəfindən imzalanır. Hazırki işdən görünür ki, ərizəyə əlavə edilmiş şəxsiyyət vəsiqəsinin surətində “Ərizəçi” ərizədə isə “Ərizəçi Milaz oğlu” olaraq göstərilmişdir. Belə olan halda ərizəçinin kim olduğunu müəyyən etmək olmur. Həmçinin hazırki tələblə bağlı maraqlı şəxs qismində Azərbaycan Respublikası ƏMDXnin yanında DƏDK-ı və X3 şəxsi 3 saylı Gəncə Ərazi İdarəsini göstərilməlidir. Bundan başqa, ərizənin xahiş etdi hissəsi ərizədə göstərilmiş tələb - sənədin şəxsə məxsus olması - formasında olmalıdır. MPM-nin 152.1.1-ci maddəsinə əsasən, iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə hakim iddia ərizəsini və ona əlavə edilmiş sənədləri geri qaytarır. Həmin Məcəllənin 152.2-ci maddəsinə əsasən, iddia ərizəsinin qaytarılması haqqında hakim qərardad çıxarır. Həmin Məcəllənin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Beləliklə məhkəmə hesab edir ki, iddia ərizəsi məhkəməyə təqdim edilərkən qanunun qeyd edilən müddəalarına riayət edilməmiş və yuxarıda göstərilən nöqsanlarla məhkəməyə təqdim edilmişdir. Odur ki, MPM-nin qeyd edilən tələblərinə əsasən iddia ərizəsi geri qaytarılmalıdır. Şərh olunanlara əsasən və MPM-nin 149-152-ci maddələrini rəhbər tutaraq, məhkəmə QƏRARA ALDİ: Ərizəçi Milaz oğlunun maraqlı şəxs Azərbaycan Respublikası Ədliyyə Nazirliyi Göygöl rayon Notariat Ofisinə qarşı “sənədin şəxsə məxsus olması” faktının müəyyən edilməsinə dair ərizəsi geri qaytarılsın. Ərizəçiyə izah edilsin ki, ərizənin geri qaytarılmasında olan nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət edə bilər. Qərardaddan rəsmi qaydada verildikdən sonra 10 gün müddətinə yazılı şəkildə qərardadı qəbul edən məhkəməyə şikayət verilə bilər. Hakim: Əyyub Kərimov.