Xaçmaz Rayon Məhkəməsi Qərardad — İş №2(067)-2513/2021

Azərbaycan Respublikası adından QƏRARDAD Xaçmaz şəhəri İş № 2(067)-2513/2021 07.09.2021 XAÇMAZ RAYON MƏHKƏMƏSİ Hakim Xəlilov İlkin Ələkbər oğlu, İddiaçı cavabdeh “Azəriqaz İB”-yə qarşı borcun silinməsi tələbinə dair iddia ərizəsinə baxaraq, M Ü Ə Y Y Ə N E T D İ M : İddiaçı cavabdeh “Azəriqaz İB”-yə qarşı borcun silinməsi tələbinə dair iddia ərizəsi ilə məhkəməyə müraciət etmişdir. İddia ərizəsini və ərizəyə əlavə edilmiş sənədləri araşdıraraq müəyyən etdim ki, iddiaçı mübahisənin məhkəməyə qədər pretenziya qaydasında nizama salınmasına dair müvafiq qaydaya riayət etməmiş, mübahisənin nizama salınması üçün ilk növbədə cavabdeh “Azəriqaz İB”- yə müraciət etməli olduğu halda, belə bir müraciətin olmasına baxmayaraq, cavabdeh tərəfindən mübahisənin həlli üçün ağlabatan müddət gözlənilməmişdir. İş materiallarından müəyyən olunur ki, iddiaçı tərəfindən 24 avqust 2021-ci il tarixli pretenziya məktubu 27.08.2021-ci il tarixdə sifarişli poçtla cavabdehə göndərilmişdir. İddia ərizəsi isə 30.08.2021-ci il tarixdə məhkəməyə daxil olmuşdur. Qeyd edilən qısa vaxt ərzində pretenziya məktubunun cavabdehin ünvan 1 ünvanına çatması qeyri-mümkündür. Mübahisənin məhkəməyə qədər pretenziya qaydasında nizama salınmalı olduğu tərəflər arasında bağlanmış təbii qazdan istifadə qaydalarına dair müqavilədə nəzərdə tutulmuşdur. Azərbaycan Respublikasının Mülki Prosessual Məcəlləsinin 152.1.6-cı maddəsinə əsasən müqavilə ilə və ya həmin kateqoriya işlər üçün qanunla nəzərdə tutulmuşsa, iddiaçı cavabdehlə mübahisənin məhkəməyə qədər (pretenziya qaydasında) nizama salınmasına riayət edilməsinə dair sənəd təqdim etmədikdə, hakim iddia ərizəsi və ona əlavə edilmiş sənədləri geri qaytarır. Hesab edirəm ki, göstərilənlərə əsasən iddia ərizəsi və ona əlavə edilmiş sənədlər geri qaytarılmalıdır. İddiaçıya izah olunmalıdır ki, mübahisənin məhkəməyəqədər pretenziya qaydasında nizama salınması üçün cavabdehə rəsmi müraciət etdikdən sonra ağlabatan müddət gözlənilməklə iddia ərizəsi ilə təkrar məhkəməyə müraciət etmək hüququ vardır. Qeyd olunanlara əsasən və Azərbaycan Respublikasının Mülki Prosessual Məcəlləsinin 152, 267-268-ci maddələrini rəhbər tutaraq, Q Ə R A R A A L D İ M : İddiaçı cavabdeh “Azəriqaz İB”-yə qarşı borcun silinməsi tələbinə dair iddia ərizəsi və ona əlavə edilmiş sənədlər geri qaytarılsın. İddiaçıya mübahisənin məhkəməyəqədər pretenziya qaydasında nizama salınması üçün cavabdehə rəsmi xəbərdarlıq məktubu göndərdikdən sonra ağlabatan müddət gözlənildikdən sonra yenidən iddia ərizəsi ilə təkrar məhkəməyə müraciət etmək hüququnun olduğu izah edilsin. Qərardaddan 10 gün müddətində Xaçmaz Rayon Məhkəməsinə şikayət verilə bilər. Sədrlik edən: İlkin Xəlilov.