Hacıqabul Rayon Məhkəməsi Qətnamə — İş №2(071)-87/2024

Azərbaycan Respublikası adından QƏTNAMƏ Hacıqabul rayonu İş № 2(071)-87/2024 18.01.2024 HACIQABUL RAYON MƏHKƏMƏSİ Hakim Bayramov Orxan Telman oğlunun sədrliyi, Eynullayev Muxtar Mehman oğlunun katibliyi, İddiaçı iştirakı ilə, İddiaçı cavabdeh “Azəriqaz” İstehsalat Birliyinə qarşı “borcun silinməsi” tələbi barədə iddiasına dair mülki işə açıq məhkəmə iclasında baxaraq, müəyyənetdi: İddiaçı cavabdeh “Azəriqaz” İstehsalat Birliyinə qarşı iddia ərizəsi ilə məhkəməyə müraciət edərək, “Azəriqaz” istehsalat birliyi tərəfindən təbii qazdan istifadə qaydalarının pozulması haqqında ******* saylı, xx.xx.2022-ci il tarixli aktın etibarsız hesab edilməsi və onun abonent hesabına əlavə edilmiş 1036,80 manat borcun silinməsi və həmin borc məbləğinə görə onun karta etdiyi ödənişlərdən tutulmuş 100 manat məbləğində pulun onun hesabına əlavə edilməsi barədə qətnamə qəbul edilməsini xahiş etmişdir. İddiaçı tələbini onunla əsaslandırmışdır ki, o, Hacıqabul rayonu, Talış kəndində yaşayır. Yaşadığı evə qaz təminatı üçün quraşdırılmış qaz sayğacı onun mərhum atası X2 adına rəsmiləşdirilib və xeyli vaxtdır ki, təbii qazdan istifadə edir. O 2022-ci ilin oktyabr ayında o təsadüfən qaz sayğacına baxış keçirdiyi zaman qaz sayğacının sərfiyyatı qeyd etmədiyini və sayğaca daxil etdiyi məbləğin yerində donub qalaraq azalmadığını görmüşdür. Bu hadisədən sonra dərhal qaz idarəsinin Talış kəndi üzrə nəzarətçisi olaraq tanıdığı Cahandar adlı şəxsə istifadəsində olan ***-***-**-** saylı nömrəsilə telefon zəngi etmiş və hadisə barədə ona məlumat vermişdir. xx.xx.2022-ci il tarixdə qaz idarəsinin işçiləri gəlib onun evinə qaz təminatı məqsədilə quraşdırılmış, mərhum atası X2 adına rəsmiləşdirilmiş G-4 markalı 1202AQ**********0 saylı qaz sayğacını açaraq, sayğaca baxış keçirmişlər. Eyni zamanda qaz sayğacının açılması və yoxlanılması haqqında akt tərtib etmişlər. Daha sonra, sayğacın hesablama mexanizminin qoruyucu örtüyünün üst hissədən deşildiyi və hesablama mexanizminin göstərici çarxlarına təsir etdiyi, sayğacın yaddaş arxivinin oxunduğu, sayğacda istismar müddətində ALARM-1 rejminin aşkar olunmadığı, xətaların təyin edilə bilmədiyini, sayğacın membranının fasilələrlə işlədiyindən sayğacı qınaq qurğusundan yoxlamağın mümkün olmadığı, kamera vasitəsi ilə sayğacın daxilinə baxış keçirildiyi, kənar təsir izlərinin aşkar edilmədiyi və sayğacın istismara yararsız olduğu xx.xx.2022-ci il tarixli dəymiş ziyanın bərpasına dair tələbnamə ilə ona bildirilmişdir. Onu da qeyd edir ki, sayğacın istismar müddəti 10 ildir və quraşdırıldığı gündən fasiləsiz, yoxlanılmadan istifadə edilmişdir. Halbuki, o, və ailə üzvləri sayğaca heç bir müdaxilə etməmişlər. Buna baxmayaraq, ona əsassız olaraq 1036,80 manat məbləğində borc hesablamışlar və o borcdan 100 manat məbləğini sayğaca kart vasitəsi ilə ödəniş edərkən yarı məbləğ tutula tutula ödəmişdir. Belə ki, yazılmış cərimə əsassızdır. Onlar təbii qazdan istifadəyə görə vaxtı vaxtında ödənişləri etmişlər. Onların təqsirləri olmadan qaz sayğacına dəymiş ziyana görə cərimə ödəməli olmadığını bildirmişlər. Məhkəmə iclasında İddiaçı məhkəmədə izahat verərək, xx.xx.2022-ci il tarixli, ******* saylı akta əsasən 1036,80 manat və kartla ödənişlərdən tutulmuş 100 manat əsassız hesablanmış borcun silinməsi barədə qətnamə qəbul edilməsini xahiş etdi. Cavabdeh “Azəriqaz” İstehsalat Birliyinə məhkəmə iclasının vaxtı və yeri barədə lazımı qaydada məlumat verilmiş, lakin cavabdeh məhkəmə iclasında nümayəndəsinin iştirakını təmin etməmiş və nümayəndənin iştirakını təmin etməməsinin səbəbləri barəsində məhkəməyə məlumat verməmişdir. Məhkəmə, Azərbaycan Respublikası MPMin 185.5-ci maddəsinə əsasən, mülki işə cavabdehin nümayəndəsinin iştirakı olmadan baxılmasını mümkün hesab etmişdir. Məhkəmə mülki işin materiallarını araşdıraraq hesab edir ki, iddia əsaslı olduğundan təmin edilməlidir. Belə ki, iş materiallarında olan “Qaz sayğacının çıxarılması, quraşdırılması və istismara qəbulu haqqında” xx.xx.2022-ci il tarixli aktdan görünür ki, İddiaçı yaşadığı ünvan üzrə qeydə alınmış İtron G4 markalı 1202AQ**********0 nömrəli qaz sayğacı yeni Zenner G4 markalı **********691 nömrəli qaz sayğacı ilə əvəz edilmişdir. Sayğac sərfiyyatı qeyd etmir. İş materiallarında olan “Təbii qazdan istifadə qaydalarının pozulması haqqında” xx.xx.2022-ci il tarixli, ******* nömrəli aktdan görünür ki, G-4 markalı 1202AQ**********0 nömrəli sayğacın hesablama mexanizminin qoruyucu örtüyü üst hissədən deşilib. Həmin aktda dəymiş ziyanın hesablanması, ödənilməsinin təmin edilməsi qeyd edilmişdir. İş materiallarında olan “Azəriqaz” İstehsalat Birliyi tərəfindən verilmiş xx.xx.2022-ci il tarixli dəymiş ziyanın bərpasına dair tələbnamədən müəyyən edilir ki, “Azəriqaz” X1 Departamentinin sayğacların laboratoriyasının xx.xx.2022-ci il tarixli MSK 29/1710-04801- 1 nömrəli rəyinə əsasən G-4 markalı 1202AQ**********0 nömrəli sayğaca baxış keçirildi. Sayğacın hesablama mexanizminin qoruyucu örtüyünün üst hissədən deşilib. Hesablama mexanizminin göstərici çarxlarına təsir etdiyi, sayğacın yaddaş arxivinin oxunduğu, sayğacda istismar müddətində ALARM-1 rejmi aşkar olunmadı. Xətalar təyin edilə bilmədi. Sayğacın membranının fasilələrlə işlədiyindən sayğacı qınaq qurğusundan yoxlamağ mümkün olmadı. Kamera vasitəsi ilə sayğacın daxilinə baxış keçirildi, kənar təsir izləri aşkar edilmədi. Xətalar normadan artıqdır. Sayğac istismara yararsızdır. İş materiallarında olan İddiaçı yaşadığı Hacıqabul rayonu Talış kəndində fərdi yaşayış evinə dair abonentin saldosundan görünür ki, abonentin hesabına 2022-cü ilin dekabr ayı üzrə 1036,80 manat borc hesablanmışdır. Göründüyü kimi, cavabdeh iddiaçının abonent hesabına 1036,80 manat borcu sayğacın istismar müddətinin bitməsi və sayğacın yararsız olması ilə əsaslandırmış, sayğac çıxarılan zaman tərtib edilən aktda sayğaca hər hansı formada müdaxilə olunması qeyd edilməmişdir. İddiaçı isə çıxarılan sayğacın istismar müddətinin bitdiyini, bu müddət ərzində sayğacın fasiləsiz işlədiyini və sayğaca hər hansı müdaxilənin olmadığını göstərmişdir. Azərbaycan Respublikası Mülki Məcəlləsinin 560.1-ci maddəsinə əsasən, mülki hüquqlar hüquqa uyğun həyata keçirilməlidir. Hüquqdan yalnız başqalarına ziyan vurmaq məqsədi ilə istifadə edilməsi yolverilməzdir. Azərbaycan Respublikası Nazirlər Kabinetinin 80 saylı xx.xx.2011-ci il tarixli qərarı ilə təsdiq edilmiş “Qazdan istifadə Qaydaları”nın 4.8-ci bəndinə əsasən, fiziki şəxs olan istehlakçıların qaz sayğaclarının işlək vəziyyətdə saxlanılmasına görə cavabdehliyi qaz paylayıcısı, hüquqi şəxslərin qaz sayğaclarının işlək vəziyyətdə saxlanılmasına görə cavabdehliyi isə özləri daşıyırlar. Göründüyü kimi, yaşayış sahəsinə qoyulmuş qaz sayğacının işlək vəziyyətdə saxlanılmasına görə qaz abonenti cavabdehlik daşımır. Həmin cavabdehliyi qaz paylayıcısı olan cavabdeh özü daşıyır. Cavabdeh tərəf qaz sayğacına qaz abonenti tərəfindən hər hansı formada müdaxilə edilməsini göstərməmiş, bu barədə sübutlarını məhkəməyə təqdim etməmişdir. İddiaçının yaşadığı ünvan üzrə abonent hesabına itirilmiş qazın dəyərinə görə hesablanmış borc iddiaçının qanunla qorunan hüquqlarını pozur. İddiaçı tərəfindən sayğaca hər hansı müdaxilə edilməsi, iddiaçının təqsirli hərəkət və hərəkətsizliyi nəticəsində sayğacın zədələnməsi müəyyən edilmədiyi halda, əlavə borc hesablanması yolverilməzdir. Beləliklə, məhkəmə hesab edir ki, saygac çıxarılan zaman iddiaçı tərəfindən hər hansı formada müdaxilə edilməsi X4 əməkdaşları tərəfindən aşkar olunmadığından və sayğacın kənar müdaxilə nəticəsində zədələnməsi barədə məlumat həmin təhvil təslim aktında öz əksini tapmadığından, ümumiyyətlə sayğac çıxarıldıqdan sonra yoxlamadan keçirildiyi müddət ərzində hansı şəraitdə saxlanılması müəyyən olunmadığından, sayğaca iddiaçı və ya onun ailə üzvləri tərəfindən müdaxilə olunub-olunmaması müəyyən edilmədiyindən və bu hal qeyd edilən aktdan da görünmədiyindən, iddia təmin edilməli, iddiaçının yaşadığı ünvan üzrə təbii qazdan istifadəyə görə abonent hesabına akt əsasında hesablanmış 1036,80 manat borc silinməlidir. Azərbaycan Respublikası Mülki Prosessual Məcəlləninin 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Qeyd olunanlara əsaslanaraq və Azərbaycan Respublikası MPM-in 216-220, 227 və 360-cı maddələrini rəhbər tutaraq məhkəmə qətetdi: İddia təmin edilsin. İddiaçı yaşadığı Hacıqabul rayonu Talış kəndində yerləşən fərdi yaşayış evində təbii qazın sərfinə görə abonent hesabına (abonent kodu: **********00115) xx.xx.2022-ci il tarixli, ******* nömrəli akt əsasında hesablanmış 1036,80 manat (min otuz altı manat səksən qəpik) borc silinsin. Qətnamədən rəsmi qaydada verildiyi gündən 1 ay müddətində “Elektron məhkəmə” informasiya sistemində yaradılan elektron kabinetə yerləşdirilməklə, Hacıqabul rayon Məhkəməsi vasitəsi ilə Şirvan Apellyasiya Məhkəməsinin mülki kollegiyasına apellyasiya şikayəti verilə bilər. Hakim Orxan Bayramov