Cəlilabad Rayon Məhkəməsi Qətnamə — İş №2(073)-1386/2023

Azərbaycan Respublikası adından QƏTNAMƏ Cəlilabad rayonu İş № 2(073)-1386/2023 22.08.2023 CƏLİLABAD RAYON MƏHKƏMƏSİ Hakim Paşayev Qalib Hidayət oğlunun sədrliyi, Məhkəmə iclasının katibi X2, İddiaçı iştirakı ilə, İddiaçı cavabdeh «Azəriqaz» İstehsalat Birliyinə qarşı aktın etibarsız hesab edilməsi və borcun silinməsi tələbinə dair iddiası üzrə mülki işə Cəlilabad Rayon Məhkəməsinin binasında, məhkəmə iclas zalında, açıq məhkəmə iclasında baxaraq, müəyyən etdi: İddiaçı cavabdeh «Azəriqaz» İstehsalat Birliyinə qarşı aktın etibarsız hesab edilməsi və borcun silinməsi tələbinə dair iddia ərizəsi ilə məhkəməyə müraciət edərək, «Azəriqaz» X3 X7 İdarəsinin Cəlilabad Xidmət Sahəsinin əməkdaşları tərəfindən tərtib olunmuş 31 mart 2023-cü il tarixli ******* nömrəli aktın etibarsız hesab olunmasına və həmin akt əsasında abonent hesabına əsassız olaraq hesablanmış 1555.20 (bir min beş yüz əlli beş manat iyirmi qəpik) manat borcun silinməsinə dair qətnamə çıxarılmasını xahiş etmişdir. Məhkəmə iclasında İddiaçı iddianı müdafiə edərək, verdiyi izahatında göstərmişdir ki, ailə üzvləri ilə birlikdə ünvan 1 ünvanında yerləşən fərdi yaşayış evində yaşayır. Həmin evə qaz sayğacı quraşdırılmış və istehlak etdiyi təbii qaza görə ödənişlərini vaxtında edir. 19 mart 2023-cü il tarixdə baş vermiş yol -nəqliyyat hadisəsi zamanı onun evinə quraşdırılmış qaz sayğacı əzilərək yararsız hala düşmüşdür. Həmin vaxt aidiyyatı təşkilatların əməkdaşları hadisə yerinə gəlmiş və lazımi tədbirlər görülmüşdür. 20 mart 2023-cü il tarixdə «Azəriqaz» X3 X7 İdarəsinin Cəlilabad Xidmət Sahəsinin əməkdaşları onun evinə quraşdırılmış qaz sayğacına baxış keçirmiş, sayğac yol-nəqliyyat hadisəsi zamanı yarasız hala düşdüyü üçün dəyişdirilmiş və yenisi ilə əvəz edilmişdir. 31 mart 2023-cü il tarixdə isə ******* saylı akt tərtib edilmiş, aktda sayğacın hesablama mexanizminin qoruyucu qapağının gövdədən tamamilə aralandığı, hesablama mexanizminin açıq vəziyyətdə olduğu, sərfiyyatı qeydə almadığı, qoruyucu plastmas qapağın sınıq olduğu qeyd edilmiş və bu səbəbdən cərimə olunmuşdur. Həmin aktı əsassız hesab edir. Belə ki, qaz saycağına onun tərəfindən heç bir müdaxilə edilməmişdir. Qaz sayğacında aşkar edilmiş qüsurlar baş vermiş yol-nəqliyyat hadisəsi zamanı yaranmışdır. Buna görə də hazırkı iddia ərizəsi ilə məhkəməyə müraciət etmişdir. Qeyd edilənlərin nəzərə alınaraq iddianın təmin edilməsinə dair qətnamə çıxarılmasını xahiş etmişdir. Məhkəmə iddiaçının izahatını dinləyib, işdə olan sənədləri və digər iş materiallarını tam və hərtərəfli araşdıraraq və işin məhkəmə tərəfindən müəyyən olunmuş hallarına qiymət verərək hesab edir ki, iddia əsaslı olduğundan təmin edilməlidir. Belə ki, işdə olan «Azəriqaz» X1 X7 İdarəsinin Cəlilabad Xidmət Sahəsi tərəfindən tərtib olunmuş xx.xx.2023-cü il tarixli ******* saylı “Qaz sayğacının çıxarılması, quraşdırılması və istismara qəbulu haqqında” aktdan görünür ki, Cəlilabad rayonu Göytəpə şəhəri F.Bayramov ünvanında yerləşən İddiaçı yaşadığı fərdi yaşayış evinə quraşdırılmış Elester tipli G-4 markalı sayğacın ekranının plastik qapağının sol tərəfdən kənar təsir nəticəsində qırıldığı aşkar edilmiş, sayğaz çıxarılmış və «Zenner G4» markalı sayğacla əvəz edilmişdir. İşdə olan «Azəriqaz» X1 X7 İdarəsinin Cəlilabad Xidmət Sahəsi tərəfindən tərtib olunmuş 31 mart 2023-cü il tarixli ******* saylı “Təbii qazdan istifadə qaydalarının pozulması haqqında” aktdan görünür ki, Cəlilabad rayonu Göytəpə şəhəri F.Bayramov ünvanında yerləşən İddiaçı məxsus fərdi yaşayış evinə quraşdırılmış G-4 markalı 11443059 saylı qaz sayğacının hesablama mexanizminin qoruyucu qapağının gövdədən tamamilə aralandığı, hesablama mexanizminin açıq vəziyyətdə olduğu, sərfiyyatı qeydə almadığı, qoruyucu plastmas qapağın sınıq olduğu aşkar edilməsi qeyd olunmuşdur. İşdə olan abonentin saldosundan görünür ki, İddiaçı təbii qazdan istifadə qaydalarının pozulmasına görə tərtib edilmiş akta əsasən 1555.2 manat borcu (cərimə) vardır. İşdə olan Cəlilabad rayon X5 Polis Bölməsi tərəfindən verilmiş xx.xx.2023-cü il tarixli arayışdan görünür ki, xx.xx.2023-cü il tarixdə Cəlilabad rayonunun Vənlik kənd sakini X4 idarə etdiyi «Mercedes-Benz» markalı, ** LK *** dövlət qeydiyyat nişanlı avtomaşınla Cəlilabad rayonunun Göytəp-Privolnoye avtomobil yolunda yol-nəqliyyat hadisəsi törətmiş və yol-nəqliyyat hadisəsi zamanı qaz borusu üzərinə quraşdırılmış ünvan 2 ünvanında yaşayan abonent İddiaçı məxsus qaz sayğacı əzilərək yararsız hala düşmüşdür. Beləliklə, məhkəmə iclasında müəyyən edilmişdir ki, xx.xx.2023-cü il tarixdə Cəlilabad rayonunun Vənlik kənd sakini X4 idarə etdiyi «Mercedes-Benz» markalı, ** LK *** dövlət qeydiyyat nişanlı avtomaşınla Cəlilabad rayonunun Göytəp-Privolnoye avtomobil yolunda yol-nəqliyyat hadisəsi törətmiş və yol-nəqliyyat hadisəsi zamanı qaz borusu üzərinə quraşdırılmış ünvan 2 ünvanında yaşayan abonent İddiaçı məxsus qaz sayğacı əzilərək yararsız hala düşmüşdür. 20 mart 2023-cü il tarixdə «Azəriqaz» X3 X7 İdarəsinin Cəlilabad Xidmət Sahəsinin əməkdaşları həmin evinə quraşdırılmış qaz sayğacına baxış keçirilmiş, sayğac yol-nəqliyyat hadisəsi zamanı yarasız hala düşdüyü üçün dəyişdirilmiş və yenisi ilə əvəz edilmişdir. 31 mart 2023-cü il tarixdə isə ******* saylı akt tərtib edilmiş, aktda qaz sayğacının hesablama mexanizminin qoruyucu qapağının gövdədən tamamilə aralandığı, hesablama mexanizminin açıq vəziyyətdə olduğu, sərfiyyatı qeydə almadığı, qoruyucu plastmas qapağın sınıq olduğu aşkar edilmiş və bu səbəbdən iddiaçıya cərimə hesablanmışdır. İddiaçı həmin aktı və akt əsasında hesablanmış borcu (cəriməni) əsassız hesab edir. Buna görə də iddiaçı hazırkı iddia ərizəsi ilə məhkəməyə müraciət etmişdir. Məhkəmə araşdırması zamanı cavabdeh təşkilat tərəfindən tərtib olunmuş və iddiaçı tərəfindən mübahisələndirilən aktda göstərilən qaz sayğacında aşkar edilmiş qüsurun iddiaçı tərəfindən edilmiş müdaxilə nəticəsində baş verməsini sübut edən hər hansı bir faktın olmadığı müəyyən edildi. Məhkəmə iclasında müəyyən edildiyi kimi qaz sayğacı baş vermiş yol-nəqliyyat hadisəsi nətcəsində yararsız hala düşmüşdür. Buna görə də qeyd olunan həmin mübahisəli akt əsaslı sayıla bilməz. Azərbaycan Respublikasının Mülki Prosessual Məcəlləsinin 88-ci maddəsinə görə məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli olan hüquq normalarına müvafiq olaraq qiymət verir. Həmin Məcəllənin 106.1-ci maddəsinə əsasən işdə iştirak edən şəxslərin iş üçün əhəmiyyətli olan və onlara məlum olan faktlar barədə izahatları iş üzrə toplanmış digər sübutlarla yoxlanılmalı və qiymətləndirilməlidir. Həmin Məcllənin 218.3-cü maddəsinə əsasən hakim işdə iştirak edən şəxslərin verdiyi tələblər üzrə qətnamə çıxarır. Lakin hakim qanunda göstərilən müstəsna hallarda iddia tələblərindən kənara çıxa bilər. Azərbaycan Respublikasının Mülki Məcəlləsinin 21.1-ci maddəsinə əsasən zərərin əvəzinin ödənilməsini tələb etmək hüququna malik olan şəxs ona vurulmuş zərərin əvəzinin tam ödənilməsini tələb edə bilər, bu şərtlə ki, qanunda və ya müqavilədə zərərin əvəzinin daha az miqdarda ödənilməsi nəzərdə tutulmasın. Həmin Məcəllənin 443.1-ci maddəsinə əsasən öhdəliyini icra etməyən borclu kreditora dəymiş zərərin əvəzini ödəməyə borcludur. Borclunun üzərinə öhdəliyi pozmağa görə məsuliyyət qoyulmadıqda bu qayda qüvvədə olmur. «Qaz təchizatı haqqında» Azərbaycan Respublikasının 30 iyun 1998-ci il Qanununun 3-cü maddəsinin 7-ci bəndinə əsasən istehlakçılar qaz qurğularının bu Qanuna müvafiq olaraq istismarına və işçi vəziyyətdə saxlanılmasına görə məsuliyyət daşıyır. Azərbaycan Respublikası Nazirlər Kabinetinin 12 may 2011-ci il tarixli, 80 nömrəli qərarı ilə təsdiq edilmiş «Qazdan istifadə qaydaları»nda dəyişikliklər edilməsi barədə Nazirlər Kabinetinin 29 aprel 2016-cı il tarixli,180 nömrəli qərarının 2.12-ci bəndinə əsasən istehlakçılar qaz qurğularının «Qaz təchizatı haqqında» Azərbaycan Respublikası Qanununa müvafiq olaraq istisarına və işçi vəziyyətdə saxlanılmasına görə məsuliyyət daşıyırlar. Məhkəmə ilk növbədə nəzərə alır ki, mülki prosesdə qəbul edilmiş və sübut hüququnun tələbləri baxımından mühüm əhəmiyyətə malik olan formal həqiqət prinsipinə görə sübutların toplanması və təqdim edilməsi yükü bütünlüklə tərəflərin üzərinə düşür. İşin obyektiv həlli üçün yalnız mötəbər sübutlardan istifadə oluna bilər. Sübutlar sübut edilən fakta birmənalı bağlı olmalı, yəni həmin faktın varlığı barədə birmənalı nəticə çıxarmağa əsas verməlidir. Azərbaycan Respublikası MPM-nin 9.1-ci maddəsinə əsasən ədalət mühakiməsi çəkişmə, tərəflərin bərabərliyi və faktlar əsasında həyata keçirilir. Həmin Məcəllənin MPM-nin 14.2-ci maddəsinə əsasən məhkəmə yalnız tərəflərin təqdim etdiyi sübutları araşdırmalı və onlardan istifadə etməlidir. Həmin Məcəllənin MPM-nin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin MPM-nin 217.4-cü maddəsinə əsasən məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Beləliklə, məhkəmə hesab edir ki, iddia əsaslı olduğundan təmin edilməlidir. Göstərilənlərə əsaslanaraq və Azərbaycan Respublikasının Mülki Prosessual Məcəlləsinin 213, 216-220, 233 və 360-cı maddələrini rəhbər tutaraq, məhkəmə qət etdi: İddia təmin edilsin. «Azəriqaz» İB Lənkəran X7 İdarəsi tərəfindən tərtib olunmuş 31 mart 2023-cü il tarixli, ******* saylı akt etibarsız hesab edilsin və həmin akt əsasında İddiaçı abonent hesabına hesablanmış 1555.20 (bir min beş yüz əlli beş manat iyirmi qəpik) manat borc (cərimə) silinsin. Qətnamədən rəsmi qaydada verildiyi gündən 1 (bir) ay müddətində Cəlilabad Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti verilə bilər. Hakim: Qalib Paşayev