Şamaxı Rayon Məhkəməsi Qətnamə — İş №2(074)-1119/2021

Azərbaycan Respublikası adından QƏTNAMƏ Şamaxı rayonu İş № 2(074)-1119/2021 26.10.2021 ŞAMAXI RAYON MƏHKƏMƏSİ Şamaxı rayon Məhkəməsinin hakimi Hümbətov Etibar Zülfüqar oğlunun sədrliyi, Abdullayev Əsgər Yadigar oğlunun katibliyi ilə, iddiaçı ABC Telecom MMC-nin Cavabdeh qarşı “kiçik iddialara dair işlər üzrə sadələşdirilmiş icraat qaydasında” iddia ərizəsi üzrə mülki işə Şamaxı şəhərində, Şamaxı rayon Məhkəməsinin binasında, sadələşdirilmiş icraat qaydasında baxaraq, məhkəmə MÜƏYYƏN ETDİ: İddiaçı ABC Telecom MMC Cavabdeh qarşı “kiçik iddialara dair işlər üzrə sadələşdirilmiş icraat qaydasında” iddia ərizəsi ilə məhkəməyə müraciət edərək, 11.08.2019-cu il tarixli müqaviləsinə əsasən, “Soft” yumşaq mebel əşyası üçün 131.3 (yüz otuz bir manat, otuz qəpik) manat ödənilməmiş hissə, müştəriyə güzəşt olunaraq 13 (on üç) manat cərimə, 04.02.2020-ci il tarixli müqaviləsinə əsasən, İMEİ kodu **********06715 olan Samsung galaxy A10 markalı telefon üçün 165.4 (yüz altmış beş manat, qırx qəpik) manat ödənilməmiş hissə, müştəriyə güzəşt olunaraq 16 (on altı) manat cərimə, 11.08.2019-cu İİ tarixli müqaviləsinə əsasən, İMEİ Kodu **********13473 olan NOKİA 7.1 markalı telefon üçün 183 (yüz səksən üç) manat ödənilməmiş hissə, müştəriyə güzəşt olunaraq 18 (on səkkiz) manat cərimə, ümumilikdə 526.7 manat borc və 30 manat ödənilmiş dövlət rüsumunun Cavabdeh alınaraq “ABC TELECOM'’ Məhdud Məsuliyyətli Cəmiyyətinə ödənməsi barədə qətnamə çıxarılması xahiş olunur. İddia ərizəsi onunla əsaslandırılmışdır ki, Cavabdeh ABC Telekom MMC ilə 11 avqust 2019, 04 fevral 2020 və 11.08.2019-cu il tarixli müqaviləsinə əsasən Soft Yumşaq mebel əşyası, İMEİ kodları **********06715 olan Samsung galaxy A10 və **********13473 olan NOKİA 7.1 markalı telefonlar almış və nəticədə 526.7 (beş yüz iyirmi altı manat, yetmiş qəpik) manat borc yaranmışdır. Cavabdeh müqavilənin şərtlərini pozmuş və nəticədə 11.08.2019-cu İİ tarixli müqaviləsinə əsasən, alqı-satqı qiyməti 380 (üç yüz səksən) manat (20 ay x 19 manat + 0 manat ilkin ödəniş) Soft Yumşaq mebel əşyası üçün ümumilikdə, 144.3 (yüz qırx dörd manat, otuz qəpik) manat olmaqla ondan, 131.3 (yüz otuz bir manat, otuz qəpik) manat ödənilməmiş hissə, müştəriyə güzəşt olunaraq 13 (on üç) manat cərimə miqdarında borc yaranmışdır. 04.02.2020-ci il tarixli müqaviləsinə əsasən, alqı-satqı qiyməti 444 (dörd yüz qırx dörd) manat (12 ay x 37 manat + 0 manat ilkin ödəniş) İMEİ kodu **********06715 olan Samsung galaxy A10 markalı telefon üçün ümumilikdə, 181.4 (yüz səksən bir manat, qırx qəpik) manat olmaqla ondan, 165.4 (yüz altmış beş manat, qırx qəpik) manat ödənilməmiş hissə, müştəriyə güzəşt olunaraq 16 (on altı) manat cərimə; 11.08.2019-cu il tarixli müqaviləsinə əsasən, alqı-satqı qiyməti 738 (yeddi yüz otuz səkkiz) manat (12 ay x 61 manat + 6 manat ilkin ödəniş) İMEİ Kodu **********13473 olan NOKİA 7.1 markalı telefon üçün ümumilikdə, 201 (iki yüz bir) manat olmaqla ondan, 183 (yüz səksən üç) manat ödənilməmiş hissə, müştəriyə güzəşt olunaraq 18 (on səkkiz) manat cərimə olmaqla,cavabdehin cəmi ödədəcəyi məbləğ 1082.3 manat təşkil edir. Ödəniş cədvəlinin 2-ci bəndinə əsasən ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-i həcmində mübahisəsiz olaraq peniya ödəyir. Məhkəmədən “Soft” yumşaq mebel əşyası üçün 131.3 (yüz otuz bir manat, otuz qəpik) manat ödənilməmiş hissə, müştəriyə güzəşt olunaraq 13 (on doqquz) manat cərimə, 04.02.2020-ci il tarixli müqaviləsinə əsasən, İMEİ kodu **********06715 olan Samsung galaxy A10 markalı telefon üçün 165.4 (yüz altmış beş manat, qırx qəpik) manat ödənilməmiş hissə, müştəriyə güzəşt olunaraq 16 (on altı) manat cərimə, 11.08.2019-cu İİ tarixli müqaviləsinə əsasən, İMEİ Kodu **********13473 olan NOKİA 7.1 markalı telefon üçün 183 (yüz səksən üç) manat ödənilməmiş hissə, müştəriyə güzəşt olunaraq 18 (on səkkiz) manat cərimə, ümumilikdə 526.7 manat borc və 30 manat ödənilmiş dövlət rüsumunun Cavabdeh alınaraq “ABC TELECOM'’ Məhdud Məsuliyyətli Cəmiyyətinə ödənməsi barədə qətnamə çıxarılması xahiş olunur. Məhkəmə hazırkı iddianın qiymətinin beş min manatdan az olmasını nəzərə alaraq mülki işə sadələşdirilmiş icraat qaydasında baxılmasını mümkün hesab etmişdir. Belə ki, Azərbaycan Respublikasının Mülki Prosessual Məcəlləsinin 284-1-ci maddəsinə əsasən, mülki işlər üzrə iddianın qiyməti beş min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə sadələşdirilmiş qaydada baxılmasına yol verilir. Həmin Məcəllənin 284-5.1-ci maddəsinə əsasən, ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. İş materiallarından görünür ki, iddia ərizəsi 15 sentyabr 2021-ci il tarixdə məhkəməyə daxil olmuş və həmin tarixdə məhkəmə Cavabdeh prosessual hüquq və vəzifələrinin izahı barədə rəsmi qaydada bildirişlər göndərmişdir. Azərbaycan Respublikasının Mülki Prosessual Məcəlləsinin 284-5.2-ci maddəsinə görə cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. İş materiallarından görünür ki, Cavabdeh ünvanlarına göndərilmiş məhkəmə bildirişi zərflərin üzərində “bu ünvanlarda yaşamır” yazılaraq geri qaytarılmışdır. Məhkəmə, cavabdeh iddia tələbinin kiçik iddialar kateqoriyasına aid edilməklə yanaşı mübahisə doğurmayan tələb olduğunu nəzərə alaraq hesab edir ki, mülki işin iddia icraatına keçirilməklə iş üzrə əlavə araşdırma aparılmasına, ekspertiza təyin olunmasına və ya tərəflərin məhkəməyə çağırılmaqla dinlənilmələrinə lüzum yoxdur, mülki işin prosessual vəziyyəti işə sadələşdirilmiş icraat qaydasında baxılmasına mane olmur. Azərbaycan Respublikasının Mülki Prosessual Məcəlləsinin 284-5.3-cü maddəsinə əsasən, kiçik iddialar üzrə ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Azərbaycan Respublikasının Mülki Prosessual Məcəlləsinin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 217.4-cü maddəsinə əsasən, məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. İş materiallarında olan 11 avqust 20219-cu il tarixli müqavilədən görünür ki, 11 avqust 2019-cu il tarixli müqavilədən görünür ki, cavabdeh Soft Yumşaq mebel əşyası almışdır. İş materiallarında olan 04 fevral 2020 tarixli müqaviləsindən görünür ki, cavabdeh İMEİ kodları **********06715 olan Samsung galaxy A10 telefonu almışdır. İş materiallarında olan 11.08.2019-cu il tarixli **********13473 olan NOKİA 7.1 markalı telefon almışdır. İş materiallarında olan 04 sentyabr 2021-ci il tarixli maliyyə arayışından görünür ki, cavabdehin Soft Yumşaq mebel əşyası əsas ödənilməmiş borc məbləği 131,3 manat, cərimə 13 manat olmaqla 144,3 manat, **********06715 olan Samsung galaxy A10 telefonu üçün əsas ödənilməmiş borc məbləği 165,4 manat, cərimə 181,4 manat və **********13473 olan NOKİA 7.1 markalı telefon üçün əsas ödənilməmiş borc məbləği 183 manat, cərimə 18 manat olmaqla 201 manat təşkil edir. İş materiallarında olan 06 sentyabr 2021-ci il tarixli mədaxil qəbzindən görünür ki, iddiaçı hazırki iddia tələbi ilə məhkəməyə müraciət edərkən 30 manat dövlət rüsumu ödəmişdir. İşin araşdırılmış hallarından müəyyən olunur ki, Cavabdeh ABC Telekom MMC ilə 11 avqust 2019, 04 fevral 2020 və 11.08.2019-cu il tarixli müqaviləsinə əsasən Soft Yumşaq mebel əşyası, İMEİ kodları **********06715 olan Samsung galaxy A10 və **********13473 olan NOKİA 7.1 markalı telefonlar almışdır. Lakin müqavilənin şərtlərini pozaraq xəbərdarlıq edilməsinə baxmayaraq borc öhdəliyini icra etməkdən boyun qaçırmışdır. Nəticədə iddiaçı ABC Telecom MMC-yə 526,7 manat borcu yaranmışdır. Azərbaycan Respublikası Mülki Məcəlləsinin 385.1-ci maddəsinə əsasən öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 425.1-ci maddəsinə əsasən öz hüquqlarını həyata keçirərkən və vəzifələrini icra edərkən tərəflərdən hər biri vicdanlılığın tələb etdiyi tərzdə, yəni şərtləşdirilmiş vaxtda və yerdə lazımi şəkildə, öhdəliyin şərtlərinə və bu Məcəllənin tələblərinə müvafiq surətdə, belə şərtlər və tələblər olmadıqda isə işgüzar adətlərə və ya adətən irəli sürülən digər tələblərə müvafiq surətdə hərəkət etməlidir. Həmin Məcəllənin 442-ci maddəsinə əsasən öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 443.1-ci maddəsinə əsasən öhdəliyini icra etməyən borclu kreditora dəymiş zərərin əvəzini ödəməyə borcludur. Borclunun üzərinə öhdəliyi pozmağa görə məsuliyyət qoyulmadıqda bu qayda qüvvədə olmur. Həmin Məcəllənin 445.1-ci maddəsinə əsasən icranı gecikdirmiş borclu gecikdirmə nəticəsində vurduğu zərər üçün və gecikdirmə zamanı təsadüfən baş vermiş icra mümkünsüzlüyünün nəticələri üçün kreditor qarşısında məsuliyyət daşıyır. Həmin Məcəllənin 445.7-ci maddəsinə əsasən borclu pul məbləğinin ödənilməsini gecikdirdikdə, əgər kreditor digər əsaslardan çıxış edərək daha böyük məbləğ tələb edə bilmirsə, gecikdirilmiş vaxt üçün illik beş faiz ödəməyə borcludur. Həmin Məcəllənin 448.1-ci maddəsinə əsasən əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Azərbaycan Respublikasının Mülki Prosessual Məcəlləsinin 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Beləliklə məhkəmə yuxarıda qeyd olunan normalara əsaslanaraq hesab edir ki, iddia təmin edilməli, cavabdeh Cavabdeh 11 avqust 2019-cu il tarixli müqaviləyə əsasən 131.3 manat əsas borc, 13 manat cərimə, 04.02.2020-ci il tarixli müqaviləyə əsasən, 165.4 manat əsas borc, 16 manat cərimə, 11.08.2019-cu İİ tarixli müqaviləsinə əsasən, 183 manat əsas borc, 18 manat cərimə, ümumilikdə 526.7 manat borc və 30 manat ödənilmiş dövlət rüsumu “ABC TELECOM'’ Məhdud Məsuliyyətli Cəmiyyətinin xeyrinə tutulmalıdır. Yuxarıda göstərilənlərə əsasən və Azərbaycan Respublikasının MPM-nin 284-6.1, 284-6.2, və 284-6.3-cü maddələrini rəhbər tutaraq, məhkəmə QƏT ETDİ: İddia təmin olunsun. Cavabdeh Cavabdeh 11 avqust 2019-cu il tarixli müqaviləyə əsasən 131.3 manat əsas borc, 13 manat cərimə, 04.02.2020-ci il tarixli müqaviləyə əsasən,165.4 manat əsas borc, 16 manat cərimə, 11.08.2019-cu İİ tarixli müqaviləsinə əsasən 183 manat əsas borc, 18 manat cərimə, ümumilikdə 526.7 manat borc və 30 manat ödənilmiş dövlət rüsumu “ABC TELECOM'’ Məhdud Məsuliyyətli Cəmiyyətinin xeyrinə tutulsun. Qətnamədən rəsmi qaydada verildiyi gündən bir ay müddətində Şamaxı rayon Məhkəməsi vasitəsilə Sumqayıt Apellyasiya Məhkəməsinə apellyasiya şikayəti verilə bilər. Kiçik iddialara dair işlər üzrə sadələşdirilmiş icraat qaydasında baxılmış işlər üzrə çıxarılmış məhkəmə qətnaməsindən şikayət verilməmişdirsə, qətnamə qəbul edildiyi gündən 1 (bir) ay keçdikdən sonra qanuni qüvvəyə minir. Sədrlik edən Etibar Hümbətov