Şamaxı Rayon Məhkəməsi Qərardad — İş №2(074)-1171/2021

Azərbaycan Respublikası adından QƏRARDAD Şamaxı rayonu İş № 2(074)-1171/2021 02.11.2021 ŞAMAXI RAYON MƏHKƏMƏSİ Şamaxı Rayon Məhkəməsinin hakimi Hümbətov Etibar Zülfüqar oğlunun sədrliyi, Abdullayev Əsgər Yadigar oğlunun katibliyi ilə iddiaçı Union Lizinq ASC-nin Cavabdeh lizinq müqaviləsinin ləğv edilməsi, dəymiş zərər və borcun ödənilməsi tələbinə dair iddia ərizəsi üzrə mülki işə Şamaxı Rayon Məhkəməsinin binasında, açıq məhkəmə baxışı iclasında baxaraq, məhkəmə MÜƏYYƏN ETDİ İddiaçı Union Lizinq ASC məhkəmədə Cavabdeh qarşı lizinq müqaviləsinin ləğv edilməsi, dəymiş zərər və borcun ödənilməsi tələbinə dair qaldıraraq, Union Lizinq ASC ilə bağlanmış 24 avqust 2016-cı il tarixli AL-996 saylı daxili lizinq müqaviləsinin ləğv edilməsi, Cavabdeh 24 avqust 2016-cı il tarixli Al-996 saylı daxili lizinq müqaviləsinə əsasən lizinq obyektini müvəqqəti sahiblik və istifadə edilməsinə görə 02 mart 2021-ci il tarixə 499,87 manat gecikdirilmiş əsas, həmin günə hesablanmış 4888,44 manat dəbbə pulu, 1020 manat dəymiş zərər, ümumilikdə 2008,31 manat borc və ödənilmiş 30 manat dövlət rüsumu Union Lizinq ASC-nin xeyrinə tutulması barədə qətnamə çıxarılması məhkəmədən xahiş olunur. Hazırda iddiaçı Union Lizin ASC-nin direktou R.Adgözəlov məhkəməyə ərizə göndərərək iddia ərizəsinin baxılmamaış saxlanılması barədə qərardad qəbul edərək iddia ərizəsini və ona əlavə edilmiş sənədlərin geri qaytarılmasını xahiş etmişdir. Məhkəmə iclasının yeri və vaxtı barədə məlumat verilməsinə baxmayaraq Cavabdeh məhkəmə iclasına gəlməmiş və ərizəyə dair münasibətini bildirməmişdir. Məhkəmə iş materiallarını araşdıraraq hesab edir ki, iddiaçının nümayəndəsi iddia ərizəsinin qaytarılması barədə ərizə verdiyindən ərizə baxılmamış saxlanılmalıdır. Belə ki, Azərbaycan Respublikası MPM-nin 259.0.11-ci maddəsinə əsasən iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə ərizə baxılmamış saxlanılır. Yuxarıda göstərilənlərə əsasən və Azərbaycan Respublikasının MPM-nin 263,264 və 268-ci maddələrini rəhbər tutaraq, məhkəmə QƏRARA ALDİ: İddiaçı Union Lizinq ASC-nin Cavabdeh qarşı lizinq müqaviləsinin ləğv edilməsi, dəymiş zərər və borcun ödənilməsi tələbinə dair iddia ərizəsi baxılmamış saxlanılsın. Qərardaddan 10 gün müddətinə Şamaxı rayon Məhkəməsinə şikayət verilə bilər. Sədrlik edən Etibar Hümbətov