Şəki Rayon Məhkəməsi Qətnamə — İş №2(075)-355/2021

Azərbaycan Respublikası adından QƏTNAMƏ Şəki şəhəri İş № 2(075)-355/2021 15.04.2021 ŞƏKİ RAYON MƏHKƏMƏSİ Hakim İmanov Cahid Fehruz oğlunun sədrliyi, Sadıqova Türkan Bəxtiyar qızının katibliyi, Ərizəçi iştirakı ilə, Ərizəçi “sənədin ona məxsus olması” hüquqi əhəmiyyətli faktın müəyyən edilməsi tələbinə dair ərizəsi üzrə mülki işə Şəki Rayon Məhkəməsinin inzibati binasında açıq məhkəmə iclasında baxaraq, məhkəmə M ü ə y y ə n e t d i: Ərizəçi ərizə ilə məhkəməyə müraciət edərək, Şəki Rayon Aqrar İslahat Komissiyasının xx xxxx 1999 ci il tarixli 24 saylı qərarı ilə verilmiş JN-1xx xxx 40400038 saylı Torpağa Mülkiyyət Hüququna X18 payına münasibətdə ona məxsus olması hüquqi faktının müəyyən edilməsi barədə qətnamə çıxarılmasını xahiş etmişdir. Məhkəmə iclasında iştirak edən Ərizəçi ərizədə göstərilən tələbi müdafiə edərək göstərdi ki, Torpaq İslahatı haqqında qanuna uyğun olaraq ailə üzvlərinə Şəki rayonu Baltalı kəndində 2,20 ha torpaq sahəsi verilmişdir. Torpaqgın mülkiyyətə verilməsinə dair Dövlət Aktında onun adı və ata adı Ərizəçi əvəzinə, X1 qeyd edilmişdir. Bu Torpağa Mülkiyyət Hüququna dair Dövlət aktdaki onun adındaki və ata adındaki uygunsuzluğa görə torpağa paya münasibətdə mülkiyyət sənədi ala bilmir. Bu uygunsuzlugun aradan qaldırılması ona Torpağa mülkiyyət hüququna dair Dövlət aktındakı paya münasibətdə DƏDRX-dən çıxarış almaq və paya sərəncam vermək ücün lazımdır. Bununla əlaqədar DƏDRX nin 12 saylı Ərazi İdarəsinə müraciət etmişdir. DƏDRX-nin 12 saylı Ərazi İdarəsi onun adındaki və ata adındaki bu uygunsuzluga görə ona paya münasibətdə çıxarış verməkdən imtina edir. Ona görə də hazırki ərizə ilə məhkəməyə müraciət etməli olmuşdur. Ərizənin təmin edilməsini məhkəmədən xahiş edir. Maraqlı şəxs ƏMDK yanında DƏDRX-nin 12 saylı Ərazi İdarəsi məhkəmə iclasının vaxtı və yeri barədə lazımi qaydada xəbərdar edilməsinə baxmayaraq məhkəmə iclasına gəlməmişdir. Məhkəmə işə maraqlı şəxsin nümayəndəsinin iştirakı olmadan baxılmasını mümkün hesab etmişdir. Məhkəmə iclasında şahid qismində dindirilmiş X8 ifadəsində göstərdi ki, ərizəçi onun anasıdır. Ərizəçinin adı Ərizəçidır və ona aid bütün sənədlərdə həmin qaydada yazılmışdır. Lakin JN-192, KOD 40400038 saylı “Torpağa mülkiyyət hüququna dair” Dövlət Aktında ərizəçinin adı və atasının adı səhvən X1 qeyd edilmişdir. Halbuki, X3 ilə Ərizəçi eyni şəxsdir. Məhkəmə iclasında şahid qismində dindirilmiş X6 da şahid X8 ilə eyni məzmunda ifadə verdi. Mülki iş materiallarını araşdırıb, ərizəçinin izahatını dinləyib, məhkəmə belə nəticəyə gəlir ki, Ərizəçi tələbi əsaslıdır. Belə ki, işdə olan JN-192, KOD 40400038 nömrəli “Torpağa mülkiyyət hüququna dair Dövlət Aktı”nın təsdiq edilmiş surətindən görünür ki, Şəki rayonu Aqrar İslahat Komissiyasının xx xxxx 1999-cu il tarixli, 24 nömrəli qərarına əsasən X4, X3, X9, X7 və X2 cizgidə göstərilən sərhəd daxilində 2,20 hektar torpaq sahəsi verilmişdir. İşdə olan AZ 254220 seriya nömrəli doğum haqqında şəhadətnamənin təsdiq edilmiş surətindən görünür ki, X5 xx.xx.1962-ci ildə anadan olmuşdur. İşdə olan İİİ JQ 308442 seriya nömrəli nikah haqqında şəhadətnamənin təsdiq edilmiş surətindən görünür ki, X4 ilə X5 arasında xx xxxxxx 1984-cü il tarixdə bağlanmış nikah, nikahın bağlanması haqqında akt qeydləri kitabında 02 nömrə ilə qeyd edilmişdir. Nikah bağlandıqdan sonra arvada Abduləzimova soyadı verilmişdir. Məhkəmə bilavasitə məhkəmə iclasında tədqiq edilən, biri-digərini tamamlayan, mümkün və mötəbər sübutlara hərtərəfli, tam, obyektiv və qərəzsiz baxdıqdan sonra bu sübutlara tətbiq edilməli hüquq normalarına müvafiq qiymət verərək hesab edir ki, ərizə təmin edilməlidir. Belə ki, məhkəmə iclasında müəyyən edildi ki Şəki rayonu Aqrar İslahat Komissiyasının xx xxxx 1999-cu il tarixli, 24 saylı qərarı ilə verilmiş JN-192, KOD 40400038 nömrəli “Torpağa mülkiyyət hüququna dair Dövlət Aktı”na əsasən X4, X3, X9, X7 və X2 cizgidə göstərilən sərhəd daxilində 2,20 hektar torpaq sahəsi verilmişdir. Həmçinin müəyyən olundu ki, JN-192, KOD 40400038 nömrəli “Torpağa mülkiyyət hüququna dair Dövlət Aktı”nda Ərizəçi adı və atasının adı səhvən X1 yazılmışdır. Əslində isə , JN-192, KOD 40400038 nömrəli “Torpağa mülkiyyət hüququna dair Dövlət Aktı”nda adı X1 yazılmış şəxs Ərizəçi ilə eyni şəxsdir və həmin “Torpağa mülkiyyət hüququna dair Dövlət Aktı” payına münasibətdə Ərizəçi məxsusdur. Azərbaycan Respublikası MPM-nin 307.2.1-ci maddəsinə əsasən məhkəmə şəxslərin qohumluq münasibətlərinin müəyyən edilməsi barədə işlərə baxır. Həmin Məcəllənin 307.2.5-ci maddəsinə əsasən şəxsin sənəddə göstərilən adı, atasının adı və ya soyadı onun şəxsiyyətini təsdiq edən sənəddə göstərilən adı, atasının adı və ya soyadı ilə düz gəlmədiyi halda hüquq müəyyənedici sənədlərin (həmkarlar ittifaqı və digər ictimai birliklərin, siyasi partiyaların bileti, hərbi sənədlər, pasport və müvafiq icra hakimiyyəti orqanları tərəfindən verilən şəhadətnamələrdən başqa) həmin şəxsə məxsus olması faktı ilə bağlı işlərə baxır. Azərbaycan Respublikası Ali Məhkəməsi Plenumunun xx xxxxx 2019-cu il tarixli, 03 saylı QƏRARİ-nın 6-cı bəndində göstərilmişdir ki, Azərbaycan Respublikası MPM-nin 307.2.5-ci maddəsində nəzərdə tutulan faktın - yəni şəxsin sənəddə göstərilən adı, atasının adı və ya soyadı onun şəxsiyyətini təsdiq edən sənəddəki adı, atasının adı və ya soyadı ilə düzgün gəlmədiyi halda hüquqmüəyyənedici sənədlərin həmin şəxsə məxsus olması faktının məhkəmə tərəfindən xüsusi icraat qaydasında baxılaraq müəyyən edilməsi üçün aşağıdakı şərtlərin olması zəruridir: birincisi- şəxsin sənəddə göstərilən adı, atasının adı və ya soyadı onun şəxsiyyətini təsdiq edən sənəddəki adı, atasının adı və ya soyadı ilə düz gəlməməlidir (üst-üstə düşməməlidir); ikincisi-həmin sənədlər hüquqmüəyyənedici sənədlər olmalıdır; üçüncüsü- məhkəməyə müraciət edən ərizəçiyə hüquqmüəyyənedici sənədləri verən təşkilat tərəfindən sənəddə olan səhvlərin aradan qaldırılaraq (düzəldilərək) yeni sənədin verilməsindən imtina edilməlidir, yaxud həmin sənəddəki səhvlərin düzəldilməsinin mümkün olmaması bildirilməlidir.Həmin Məcəllənin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımı sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Şərh edilənlərə əsasən məhkəmə hesab edir ki, ərizə təmin edilərək, Şəki rayonu Aqrar İslahat Komissiyasının xx xxxx 1999-cu il tarixli, 24 saylı qərarı ilə verilmiş JN-192, KOD 40400038 nömrəli “Torpağa mülkiyyət hüququna dair Dövlət Aktı”nın payına münasbiətdə Ərizəçi məxsus olması faktı müəyyən edilməlidir. Azərbaycan Respublikası MPM-nin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 217.4-cü maddəsinə əsasən məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Həmin Məcəllənin 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Ərizəçi dövlət büdcəsinə ödədiyi 10 (on) manat dövlət rüsumu onun özünə aid edilməlidir. Göstərilənlərə əsasən Azərbaycan Respublikası MPM-nin 216-217, 219-220, 227, 233, 307.1, 307.2.11, 308 və 311-ci maddələrini rəhbər tutaraq, məhkəmə Qət e t d i: Ərizə təmin edilsin. Şəki rayonu Aqrar İslahat Komissiyasının xx xxxx 1999-cu il tarixli, 24 saylı qərarı ilə verilmiş xx xxx 1998-ci il tarixli JN-192, KOD 40400038 nömrəli “Torpağa mülkiyyət hüququna dair Dövlət Aktı”nın payına münasbiətdə Ərizəçi məxsus olması faktı müəyyən edilsin. Dövlət büdcəsinə ödənilmiş 10 (on) manat rüsum ərizəçinin özünə aid edilsin. Qətnamədən, surəti rəsmi qaydada verildiyi gündən 1 (bir) ay müddətində Şəki Rayon Məhkəməsi vasitəsi ilə Azərbaycan Respublikası Şəki Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən 1 (bir) ay keçdikdən sonra qanuni qüvvəyə minir. Sədrlik edən Cahid İmanov