Şəki Rayon Məhkəməsi Qətnamə — İş №2(075)-406/2020

Azərbaycan Respublikası adından QƏTNAMƏ Şəki şəhəri İş № 2(075)-406/2020 12.08.2020 ŞƏKİ RAYON MƏHKƏMƏSİ Hakim Hacıyev Pərviz Vaqif oğlunun sədrliyi, Məsləhətçi (iclas katibi) Nuriyev Rahib Pənah oğlunun katibliyi, Ərizəçi: Ərizəçi, Maraqlı şəxs: Şəki şəhər İcra Hakimiyyəti yanında Qəyyumluq və Himayəçilik Komissiyasının nümayəndəsi Məmmədov Anar Əlövsət oğlunun iştirakları ilə, Ərizəçi şəxsin fəaliyyət qabiliyyəti olmayan hesab edilməsi tələbinə dair ərizəsinə Şəki Rayon Məhkəməsinin inzibati binasında açıq məhkəmə iclasında baxaraq, məhkəmə MÜƏYYƏN ETDİ: Ərizəçi ərizə ilə məhkəməyə müraciət edərək, xx xxxxxx 1991-ci il təvəllüdlü X2 fəaliyyət qabiliyyəti olmayan hesab edilməsi barədə qətnamə çıxarılmasını xahiş etmişdir. Məhkəmə Azərbaycan Respublikasının MPM-nin 320.2-ci maddəsinə əsasən barəsində fəaliyyət qabiliyyəti məsələsi həll olunan şəxs X2 iştirakı olmadan işə baxılmasını mümkün hesab edir. Ərizəçi ərizəsində tələbini belə əsaslandırmışdır ki, oğlu X5 xx xxxxxx 1991-ci il tarixdə anadan olmuşdur. Tamellan Ququşov uşaqlıqdan xəstədir. Öz hərəkətlərinin mənasını başa düşmür və özünü idarə edə bilmir. xx xxxx 2009-cu il tarixdə ona ağır əqli gerilik diaqnozu qoyulmuşdur. Daima qulluğa ehtiyacı var. Hal-hazırda o, uzun müddətdir ki, fəaliyyət qabiliyyətsizdir. Buna görə də hazırkı ərizə ilə məhkəməyə müraciət etmişdir. Məhkəmə iclasında Ərizəçi ərizənin məzmununa uyğun izahat verərək ərizəni müdafiə etdiyini bildirdi və ərizənin təmin olunması barədə qətnamə çıxarılmasını məhkəmədən xahiş etdi. Məhkəmə iclasında iştirak edən maraqlı şəxs Şəki şəhər İcra Hakimiyyəti yanında Qəyyumluq və Himayəçilik Komissiyasının nümayəndəsi Məmmədov Anar Əlövsət oğlu ərizəyə etirazının olmadığını bildirərək ərizənin həllini məhkəmənin mülahizəsinə buraxdı. İşdə olan Azərbaycan Respublikası Səhiyyə Nazirliyi Məhkəmə Psixiatrik X4 Məhkəmə Psixiatrik Ekspertizası tərəfindən verilmiş xx xxxx 2020-ci il tarixli, 1015 nömrəli rəydən görünür ki, xx xxxxxx 1991-ci il təvəllüdlü X1 debillik dərəcəsində oliqofreniya, davranış pozuntuları aşkar olunur. Bunu anamnestik məlumatlar, tibbi sənədlər və halhazırkı pxisiatrik müayinənin nəticələri (qardaşından toplanmış anamnestik məlumatlara görə erkən uşaqlıq dövründə yaşıdlarına nəzərən psixi inkişafda geri qalması, məktəbdə tədrisi mənimsəyə bilmədiyi üçün üçüncü sinifdən sonra oxuya bilməməsi, hərbi çağırış zamanı psixiatrik müayinədən keçdikdən sonra hərbi xidmətdən azad edilməsi, davranış pozuntuları, yersiz hərəkətlərə yol verməsi ilə əlaqədar bir neçə dəfə Şəki Rayonlarası Psixiatriya Xəstəxanasında “ağır əqli gerilik” diaqnozu ilə müalicədə olması, xəstəliyi ilə əlaqədar İİİ qrup əlil olması, davranışında pozuntular müşahidə edildiyi üçün ona təyin edilmiş sakitləşdirici dərman preparatlarını mütəmadi qəbul etməməsi səbəbi ilə əlaqədar davranışının dəyişməsi, münaqişələrə meyilli olması, hazırkı müayinə zamanı təfəkkürü konkret xarakter daşıması, abstraktlaşdırma qabiliyyətinin zəifliyi, bilik ehtiyatının kasad olması, əqli gerilik və emosional qeyri-sabitliyi, əsəbiliyi və s.) sübut edir. X5 öz psixi vəziyyətinə görə hərəkətlərinin mənasını dərk etmək və onları şüurlu idarə etmək iqtidarına malik deyil. Buna görə də X5 fəaliyyət qabiliyyəti olmayan şəxs hesab edilməlidir. İşdə olan Şəki Rayon Mərkəzi Xəstəxanası tərəfindən verilmiş xx xxxxxx 2019-cu tarixli, 553 nömrəli arayışdan görünür ki, xx xxxxxx 1991-ci il təvəllüdlü X5 xx xxxx 2009-cu il tarixdən ağır əqli gerilik diaqnozu ilə Şəki Rayon Mərkəzi Xəstəxanasının dispanser müşahəsində olmuşdur. Məhkəmə bilavasitə məhkəmə iclasında tədqiq edilən, biri-digərini tamamlayan mümkün və mötəbər sübutlara tam, hərtərəfli, obyektiv və qərərsiz baxdıqdan sonra bu sübutlara tətbiq edilməli hüquq normalarına müvafiq hüquqi qiymət verərək belə nəticəyə gəlir ki, ərizə təmin olunmalıdır. Azərbaycan Respublikası Mülki Məcəlləsinin 28.8-ci maddəsinə əsasən ağıl zəifliyi və ya ruhi xəstəlik nəticəsində öz hərəkətlərinin mənasını başa düşməyən və ya öz hərəkətlərinə rəhbərlik edə bilməyən şəxslər də məhkəmə tərəfindən fəaliyyət qabiliyyəti olmayan sayıla bilər. Onlar üzərində qəyyumluq müəyyənləşdirilir. Azərbaycan Respublikası Mülki Prosessual Məcəlləsinin 317.2-ci maddəsinə əsasən məhkəmədə psixi qüsurlarına görə şəxsin fəaliyyət qabiliyyəti olmayan hesab edilməsi haqqında iş, ailə üzvlərinin birgə yaşamasından asılı olmayaraq, yaxın qohumların (valideynlərin, uşaqların, qardaş-bacıların), psixiatriya (psixonevroloji) müəssisəsinin ərizəsi üzrə qaldırıla bilər. Göründüyü kimi X2 öz psixi vəziyyətinə görə hərəkətlərinin mənasını dərk etmək və onları şüurlu idarə etmək iqtidarına malik deyil, xəstəliyi nəticəsində öz hərəkətlərinin mənasını başa düşmür, öz hərəkətlərinə rəhbərlik edə bilmir. Ərizəçi fəaliyyət qabiliyyətsiz şəxs hesab olunması ilə bağlı Azərbaycan Respublikası Səhiyyə Nazirliyi Məhkəmə Psixiatrik X4 Məhkəmə Psixiatrik Ekspertizasının da müvafiq rəyi vardır. Ərizəçi onun psixi vəziyyətinə görə fəaliyyət qabiliyyəti olmayan hesab edilməsi haqqında hazırkı ərizə ilə məhkəməyə müraciət etməkdə haqlıdır. Bu əsaslarla məhkəmə hesab edir ki, ərizə təmin edilməli, xx xxxxxx 1991-ci il tarixdə Şəki rayonu Baş Şabalıd kəndində anadan olmuş, Şəki rayonu Baş Şabalıd kəndində pasport qeydiyyatında olmaqla yaşayan X5 fəaliyyət qabiliyyəti olmayan hesab edilməlidir. Azərbaycan Respublikasının MPM-nin 14.2-ci maddəsinin tələblərinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinin tələblərinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 217.4-cü maddəsinin tələblərin əsasən məhkəmə öz qətnaməsini yalnız məhkəmə iclasında tətqiq olunmuş sübutlarla əsaslandırır. Ərizəçi dövlət büdcəsinə ödədiyi rüsumu tələb etmədiyindən 10 (on) manat dövlət rüsumu onun özünə aid edilməlidir. Göstərilənlərə əsasən və Azəbaycan Respublikasının MPM-nin 216-220 və 360-ci maddələrinin tələblərini rəhbər tutaraq məhkəmə QƏT ETDİ: Ərizə təmin edilsin. xx xxxxxx 1991-ci il tarixdə Şəki rayonu Baş Şabalıd kəndində anadan olmuş, Şəki rayonu Baş Şabalıd kəndində pasport qeydiyyatında olmaqla yaşayan X5 fəaliyyət qabiliyyəti olmayan hesab edilsin. Ərizəçi dövlət büdcəsinə ödədiyi 10 (on) manat rüsum onun özünə aid edilsin. Qətnamədən, surəti rəsmi qaydada verildiyi gündən 1 (bir) ay müddətində Şəki Rayon Məhkəməsi vasitəsi ilə Azərbaycan Respublikası Şəki Apelyasiya Məhkəməsinə apelyasiya şikayəti verilə bilər. Qətnamədən şikayət verilmədikdə, qəbul edildiyi gündən 1 (bir) ay keçdikdən sonra qanuni qüvvəyə minir. Sədrlik edən Pərviz Hacıyev