Şəmkir Rayon Məhkəməsi Qərardad — İş №2(076)-1495/2023

Azərbaycan Respublikası adından QƏRARDAD Şəmkir rayon İş № 2(076)-1495/2023 11.05.2023 ŞƏMKİR RAYON MƏHKƏMƏSİ Hakim Məhəmmədi Həvayət Kəmaləddin qızının sədrliyi, Tanırverdiyev Elnur Mehti oğlunun katibliyi, İddiaçı iştirakı ilə, İddiaçı cavabdehlər Cavabdeh1 və Şəmkir rayonu 1 saylı Dövlət Notariat Kontoruna qarşı «alqı-satqı müqaviləsinin və onun əsasında verilmiş Çıxarış etibarsız hesab edilməsi, torpaq sahəsindən çıxarılma və torpaq sahəsinin təhvil verilməsi tələbi»nə dair mülki iş üzrə iddiaçı tərəfindən verilən vəsatətə məhkəmənin hazırlıq iclasında baxaraq, müəyyənetdi: İddiaçı cavabdehlər Cavabdeh1 və Şəmkir rayonu 1 saylı Dövlət Notariat Kontoruna qarşı iddia ərizəsi ilə məhkəməyə müraciət edərək, Şəmkir rayonu 1 saylı Dövlət Notariat Kotorunun 30 aprel 2002-ci il tarixli 4 Ə-121 saylı alqı-satqı müqaviləsinin və onun əsasında cavabdeh X1 adına verilmiş Çıxarışın etibarsız hesab edilməsi, Cavabdeh1 torpaq sahəsindən çıxarılması və torpaq sahəsinin ailəsinə təhvil verilməsinə dair qətnamə çıxarılmasını xahiş etmişdir. Məhkəmənin hazırlıq iclasında İddiaçı yazılı vəsatət təqdim edərək bildirdi ki, iddia ərizəsi və ona əlavə edilmiş sənədlərin geri qaytarılmasını xahiş edir. Məhkəmə, iddiaçı tərəfindən verilən vəsatəti nəzərdən keçirərək hesab edir ki, verilmiş vəsatət təmin olunmalı, İddiaçı cavabdehlər Cavabdeh1 və Şəmkir rayonu 1 saylı Dövlət Notariat Kontoruna qarşı alqı-satqı müqaviləsinin və onun əsasında verilmiş Çıxarış etibarsız hesab edilməsi, torpaq sahəsindən çıxarılma və torpaq sahəsinin təhvil verilməsi tələbi»nə dair mülki iş üzrə iddia ərizəsi və ona əlavə edilmiş sənədlər iddiaçıya qaytarılmalıdır. Belə ki, Azərbaycan Respublikası Mülki-Prosessual Məcəlləsinin 170.1-ci maddəsinə görə, bu Məcəllənin 254, 255, 261.0.1-261.0.3 və 261.0.6-261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə geri qaytarıla bilər. Göstərilənlərə əsaslanaraq və Azərbaycan Respublikası Mülki-Prosessual Məcəlləsinin 170, 263, 264-cu maddələrini rəhbər tutaraq, məhkəmə q ə r a r a a l d ı: İddiaçı cavabdehlər Cavabdeh1 və Şəmkir rayonu 1 saylı Dövlət Notariat Kontoruna qarşı « alqı-satqı müqaviləsinin və onun əsasında verilmiş Çıxarış etibarsız hesab edilməsi, torpaq sahəsindən çıxarılma və torpaq sahəsinin təhvil verilməsi tələbi»nə dair mülki iş üzrə iddia ərizəsi və ona əlavə edilmiş sənədlər geri qaytarılsın. Qərardaddan rəsmi qaydada verildikdən sonra 10 (on) gün müddətində Şəmkir Rayon Məhkəməsinə şikayət verilə bilər. Sədrlik edən: Həvayət Məhəmmədi