Şəmkir Rayon Məhkəməsi Qətnamə — İş №2(076)-2004/2025

Azərbaycan Respublikası adından QƏTNAMƏ Şəmkir rayon İş № 2(076)-2004/2025 24.04.2025 ŞƏMKİR RAYON MƏHKƏMƏSİ X1 Mirzağa oğlunun sədrliyi Quluyeva Zərnişan Firdovsi qızının katibliyi Ərizəçi: Ərizəçi Maraqlı şəxs: Maraqlı şəxs iştirakı ilə Ərizəçi barışıq sazişinin təsdiq edilməsi tələbinə dair ərizəsi üzrə mülki işə açıq məhkəmə iclasında baxaraq MÜƏYYƏN ETDİ : Ərizəçi mediasiya prosesi nəticəsində bağlanılmış barışıq sazişinin təsdiq edilməsinə dair ərizə ilə məhkəməyə müraciət edərək, mediasiya prosesi nəticəsində bağlanılmış 01 may 2024–cü il tarixli MŞG/MT033/2024–00214 saylı barışıq sazişinin təsdiq edilməsi haqda qətnamə çıxarılmasını məhkəmədən xahiş etmişdir. Ərizəçi ərizəsini onunla əsaslandırmışdır ki, Maraqlı şəxs ilə Gəncə 2 saylı Mediasiya Təşkilatında 01 may 2024–cü il tarixli MŞG/MT033/2024–00214 saylı barışıq sazişi bağlamışlar. Lakin maraqlı şəxs barışıq sazişinə əməl etməmişdir. Odur ki, mediasiya prosesi nəticəsində bağlanılmış 01 may 2024–cü il tarixli MŞG/MT033/2024–00214 saylı barışıq sazişinin təsdiq edilməsi haqda qətnamə çıxarılmasını məhkəmədən xahiş etmişdir. Ərizəçi məhkəmə iclası zamanı ərizənin dəlillərini müdafiə edərək, əsasən ərizənin məzmununa uyğun izahat verdi və əlavə olaraq göstərdi ki, Maraqlı şəxs 2012–ci il tarixdə evlənmiş, birgə nikahdan xx.xx.2013–cü il tarixdə Rüzgar, xx.xx.2016–cı il tarixdə Əli və xx.xx.2023–cü il tarixdə Kəmalə adlı uşaqları doğulmuşdur. Lakin ailə münasibətlərinin pozulması zəmnində ayrılmışlar. Bundan sonra Mediasiya Şurasına müraciət etmiş və mediator tərəfindən 01 may 2024–cü il tarixli MŞG/MT033/2024–00214 saylı barışıq sazişi təsdiq olunmuşdur. Həmin sazişə əsasən Maraqlı şəxs xx.xx.2013–cü il tarixdə doğulmuş Rüzgar, xx.xx.2016–cı il tarixdə doğulmuş Əli və xx.xx.2023–cü il tarixdə doğulmuş Kəmalə adlı uşaqların yetkinlik yaşına çatanadək saxlanması üçün hər ay hər uşaq üçün 150 manat alimenti ödəməyi öhdəsinə götürmüşdür. Lakin Maraqlı şəxs 2024–cü ilin may ayından başlayaraq, uşaqların saxlanması üçün ödəməli olduğu alimenti ödəməmiş, bununla da hazırki vaxtadək öhdəliyini yerinə yetirməyərək aliment ödəməkdən boyun qaçırmışdır. Bu səbəbdən məcbur olub barışıq sazişinin təsdiq edilməsi tələbinə dair ərizə ilə məhkəməyə müraciət etmişdir. Odur ki, mediasiya prosesi nəticəsində Maraqlı şəxs ilə bağlanılmış 01 may 2024–cü il tarixli MŞG/MT033/2024–00214 saylı barışıq sazişinin təsdiq edilməsi haqda qətnamə çıxarılmasını məhkəmədən xahiş etmişdir. Maraqlı şəxs məhkəmə iclası zamanı izahatında göstərdi ki, hazırda ərizənin dəlillərini qəbul edir. Odur ki, ərizənin təmin edilməsinə heç bir etirazı yoxdur. Məhkəmə, tərəflərin izahatını, işdə olan sənədləri və digər iş materiallarını tam və hərtərəfli araşdıraraq hesab edir ki, ərizəçinin tələbi əsaslı olduğundan təmin edilməlidir. Belə ki, işdə olan doğum haqqında şəhadətnamələrdən görünür ki, Maraqlı şəxs ilə Ərizəçi birgə nikahından xx.xx.2013–cü il tarixdə Rüzgar, xx.xx.2016–cı il tarixdə Əli və xx.xx.2023–cü il tarixdə Kəmalə adlı uşaqları doğulmuşdur. İşdə olan Mediasiya Şurasının 01 may 2024–cü il tarixli MŞG/MT033/2024– 00214 saylı barışıq sazişindən görünür ki, Ərizəçi və Maraqlı şəxs məhkəmə qaydasında nikahın pozulmasına razı olduqları, birgə nikahdan xx.xx.2013–cü il tarixdə doğulmuş Rüzgar, xx.xx.2016–cı il tarixdə doğulmuş Əli və xx.xx.2023–cü il tarixdə doğulmuş Kəmalə adlı uşaqların anaları Ərizəçi yanında qalması, həmin uşaqların yetkinlik yaşına çatanadək saxlanması üçün 2024–cü ilin may ayından başlayaraq, hər ayın 1–dən 5–nə kimi olan tarixdə Maraqlı şəxs hər ay hər uşaq üçün 150 manat olmaqla, üç uşaq üçün 450 manat sabit pul məbləğində alimenti Ərizəçi ödəməsi, Maraqlı şəxs uşaqları ilə öncədən razılaşdırılmış vaxtlarda maneəsiz görüşməsi barədə tərəflər öhdəlik götürmüşdür. Beləliklə, iş materiallarının tam və hərtərəfli araşdırılması ilə müəyyən olundu ki, Mediasiya Şurasının 01 may 2024–cü il tarixli MŞG/MT033/2024–00214 saylı barışıq sazişinə əsasən Ərizəçi və Maraqlı şəxs barışıq sazişi bağlamış, həmin sazişə əsasən Maraqlı şəxs 2024–cü ilin may ayından başlayaraq, xx.xx.2013–cü il tarixdə doğulmuş Rüzgar, xx.xx.2016–cı il tarixdə doğulmuş Əli və xx.xx.2023– cü il tarixdə doğulmuş Kəmalə adlı uşaqların yetkinlik yaşına çatanadək saxlanması üçün hər ay hər uşaq üçün 150 manat alimenti Ərizəçi ödəməyi öhdəsinə götürmüşdür. Lakin Maraqlı şəxs barışıq sazişini könüllü qaydada icra etməmiş, bu səbəbdən ərizəçi barışıq sazişinin təsdiq edilməsi tələbinə dair ərizə ilə məhkəməyə müraciət etmişdir. İşin müəyyən olunmuş hallarından görünür ki, tərəflər arasında bağlanmış barışıq sazişi Maraqlı şəxs tərəfindən könüllü qaydada icra edilmədiyinə görə mediasiya prosesi nəticəsində bağlanılmış barışıq sazişi məhkəmə tərəfindən məcburi icrası üçün təsdiq edilməlidir. Azərbaycan Respublikası MPM–nin 305.1.17–ci maddəsinin tələblərinə əsasən məhkəmə mediasiya prosesi nəticəsində bağlanmış barışıq sazişinin təsdiq edilməsi haqqında işlərə baxır. Həmin Məcəllənin 355–23.1–ci maddəsinə əsasən “Mediasiya haqqında” Azərbaycan Respublikası Qanununda müəyyən edilmiş müddət ərzində mediasiya prosesi nəticəsində əldə edilən barışıq sazişi könüllü qaydada icra edilmədikdə və ya barışıq sazişinin könüllü icrasından imtina olunduqda, ərizəçi barışıq sazişinin məcburi icrası üçün barışıq sazişinin təsdiq edilməsi barədə (barışıq sazişinin bu Məcəllənin 191.2.1–ci maddəsinə uyğun olaraq təsdiq edildiyi hal istisna olmaqla) məhkəməyə müraciət edə bilər. Həmin Məcəllənin 355–24–cü maddəsinə əsasən Mediasiya prosesi nəticəsində bağlanılmış barışıq sazişinin təsdiq edilməsi ilə bağlı ərizədə barışıq sazişinin könüllü icrası üçün “Mediasiya haqqında” Azərbaycan Respublikası Qanununun 34.1–ci maddəsi ilə müəyyən olunmuş müddətin keçməsi və ərizəçinin xahişi göstərilməlidir. Həmin Məcəllənin 355–25.1–ci maddəsinə əsasən barışıq sazişinin təsdiq edilməsi ilə bağlı ərizəyə məhkəməyə daxil olduqdan sonra 10 gün müddətində baxılır. Həmin Məcəllənin 355–25.2–ci maddəsinə əsasən məhkəmə ərizəyə baxılması barədə işdə maraqlı olan şəxslərə məlumat verir, lakin həmin şəxslərin üzürlü səbəb olmadan məhkəmə iclasına gəlməməsi işə baxılmasına mane olmur. İşdə maraqlı olan şəxslər üzürlü səbəblərdən gəlmədiyi hallarda, məhkəmə işin baxılmasını təxirə salır. Həmin Məcəllənin 355–25.3–cü maddəsinin tələblərinə əsasən məhkəmə ərizəyə baxarkən bu Məcəllənin 355–26–cı maddəsində sadalanmış halların olub–olmadığını müəyyən edir və barışıq sazişinin təsdiq edilməsi və ya təsdiq edilməsindən imtina olunması barədə qətnamə qəbul edir. “Mediasiya haqqında” Azərbaycan Respublikası Qanununun 34.1–ci maddəsinə əsasən barışıq sazişi, əgər sazişdə ayrı şərt nəzərdə tutulmayıbsa, imzalandığı gündən tərəflər üçün məcburi xarakter daşıyır. Barışıq sazişində tərəflər arasında ayrı müddət müəyyən edilməyibsə barışıq sazişi imzalandığı gündən 10 gün müddətində könüllü şəkildə icra olunmalıdır. Həmin Qanunun 34.3–cü maddəsinə əsasən əgər barışıq sazişinin könüllü icrasından imtina olunsa, tərəf (o cümlədən məhkəmə baxışında olan işlər üzrə tərəf) barışıq sazişinin məcburi icrası üçün məhkəməyə müraciət edə bilər. Həmin Qanunun 34.4–cü maddəsinəəsasən barışıq sazişi məcburi icra edilməsi üçün məhkəmə tərəfindən müvafiq qaydada təsdiq olunur (bu Qanunun 34.5–ci maddəsinin tələbləri nəzərə alınmaqla). Məhkəmə iş materiallarını, həmçinin barışıq sazişini tam və hərtərəfli nəzərdən keçirərək belə nəticəyə gəlir ki, tərəflər arasında bağlanmış barışıq sazişi, onun könüllü şəkildə icra edilməsi üçün qanunla müəyyən edilmiş müddət ərzində icra edilməmişdir. Belə olan halda məhkəmə hesab edir ki, Ərizəçi və Maraqlı şəxs arasında bağlanmış 01 may 2024–cü il tarixli MŞG/MT033/2024– 00214 saylı barışıq sazişi təsdiq edilməlidir. Azərbaycan Respublikası MPM–in 14.2–ci maddəsinə görə məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Məhkəmə iş üzrə sübutlara Mülki–Prosessual Məcəllənin 88–ci maddəsinin tələblərinə uyğun olaraq obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət vermiş, iddia ərizəsində qoyulmuş tələb üzrə nəticəyə gələrkən isə Mülki–Prosessual Məcəllənin 217.4–cü maddəsində təsbit edilmiş bilavasitəlilik prinsipinə uyğun olaraq yalnız məhkəmə iclasında tədqiq olunmuş sübutlara əsaslanmışdır. Qeyd olunanlara əsasən və Azərbaycan Respublikası Mülki–Prosessual Məcəlləsinin 213, 216–220, 233 və 360–cı maddələrini rəhbər tutaraq, məhkəmə QƏT ETDİ : Ərizə təmin edilsin. Ərizəçi və Maraqlı şəxs arasında mediasiya prosesi nəticəsində bağlanmış, 2024–cü ilin may ayından başlayaraq, xx.xx.2013–cü il tarixdə doğulmuş Rüzgar, xx.xx.2016–cı il tarixdə doğulmuş Əli və xx.xx.2023–cü il tarixdə doğulmuş Kəmalə adlı uşaqların yetkinlik yaşına çatanadək saxlanması üçün Maraqlı şəxs hər ay hər uşaq üçün 150 manat məbləğində alimenti Ərizəçi verməsi barədə 01 may 2024–cü il tarixli MŞG/MT033/2024–00214 saylı barışıq sazişi təsdiq edilsin. Qətnamə dərhal icra edilsin. Qətnamədən rəsmi qaydada verildiyi gündən 1 (bir) ay müddətində Şəmkir Rayon Məhkəməsi vasitəsi ilə (“Elektron Məhkəmə” informasiya sistemində yaradılan elektron kabinet vasitəsilə) Gəncə Apellyasiya Məhkəməsinə apellyasiya şikayəti verilə bilər. X2