Naxçıvan MR Naxçıvan Şəhər Məhkəməsi Qərardad — İş №2(078)-1323/2024

Azərbaycan Respublikası adından QƏRARDAD Naxçıvan şəhəri İş № 2(078)-1323/2024 06.09.2024 NAXÇIVAN MR NAXÇIVAN ŞƏHƏR MƏHKƏMƏSİ Mən, Naxçıvan Şəhər Məhkəməsinin hakimi Səfərəliyeva Gülnar Xanlar qızı, İddiaçı cavabdehlər Cavabdeh1 və X1 qarşı mirasın onun tərəfindən qəbul edilməsi faktının müəyyən edilməsi tələbinə dair iddia ərizəsini və ona əlavə edilmiş sənədləri nəzərdən keçirərək m ü ə y y ə n e t d i m: İddiaçı cavabdehlər Cavabdeh1 və X1 qarşı iddia ərizəsi ilə məhkəməyə müraciət edərək, mərhum X2 ölümündən sonra ünvan 1 ünvanında yerləşən miras əmlakın onun tərəfindən qəbul edilməsi faktının müəyyən edilməsi barədə qətnamə qəbul edilməsini xahiş etmişdir. İddia ərizəsini və ona əlavə olunmuş sənədləri nəzərdən keçirib müəyyən etdim ki, iddia ərizəsinin icraata qəbul edilməsindən imtina edilməlidir. Belə ki, iddia ərizəsindən aydın olur ki, tələb miras əmlakın onun tərəfindən qəbul edilməsi faktının müəyyən edilməsi tələbidir. Mülki prosessual qanunvericilikdə faktın müəyyən edilməsi barədə tələblərə xüsusi icraat qaydasında baxılmalıdır. İddia ərizəsinə əlavə edilən sənədlərdən aydın olur ki, Naxçıvan Şəhər Məhkəməsinin xx.xx.2024-cü il tarixli 2(078)-917/2024 nömrəli qərardadı ilə hazırki tələb üzrə xüsusi icraat qaydasında baxılmış işdə mübahisə olduğundan ərizə baxılmamış saxlanılmışdır. Məhkəmə iddiaçıya izah edir ki, ərizənin mübahisə olması əsası ilə xüsusi icraat qaydasında baxılmamış saxlanılması həmin tələblə yenidən iddia icraatı qaydasında müraciət edilməsini nəzərdə tutmur. İddia icraatı qaydasında iddiaçı payını mübahisələndirə bilər. Azərbaycan Respublikası Mülki-Prosessual Məcəlləsinin: 153.2-ci maddəsinə görə hakim aşağıdakı hallarda iddianın yolverilməzliyinə görə iddia ərizəsini qəbul etməkdən imtina edir: 153.2.1 ərizəyə məhkəmə qaydasında və ya mülki məhkəmə icraatı qaydasında baxılmalı deyildirsə; İddia ərizəsinin icraata qəbul edilməsindən imtina edilməsinə görə, İddiaçı tərəfindən "xxxx" ASC-nin Naxçıvan filialı vasitəsilə 29 avqust 2024-cü il tarixli, 31339 nömrəli qəbzlə ödənilmiş 100 (yüz) manat məbləğində dövlət rüsumu qaytarılmalıdır. Çünki Azərbaycan Respublikası Mülki-Prosessual Məcəlləsinin 114.1 və 114.1.2-ci maddələrinə əsasən, bu Məcəllə ilə nəzərdə tutulmuş əsaslarla ərizə geri qaytarılarsa, ödənilmiş dövlət rüsumu qaytarılır. Qeyd olunanlara əsasən və Azərbaycan Respublikası Mülki-Prosessual Məcəlləsinin 152.2,152.3, 263, 264, 267 və 268-ci maddələrini rəhbər tutaraq qəraraaldım: İddiaçı cavabdehlər Cavabdeh1 və X1 qarşı mirasın onun tərəfindən qəbul edilməsi faktının müəyyən edilməsi tələbinə dair iddia ərizəsi icraata qəbul edilməsindən imtina edilsin. İddiaçı tərəfindən "xxxx" ASC-nin Naxçıvan filialı vasitəsilə 29 avqust 2024-cü il tarixli, 31339 nömrəli qəbzlə ödənilmiş 100 (yüz) manat məbləğində dövlət rüsumu qaytarılsın. Qərardaddan, o rəsmi qaydada verildikdən sonra 10 gün müddətində Naxçıvan Şəhər Məhkəməsinə şikayət verilə bilər. Hakim: Gülnar Səfərəliyeva.