Naxçıvan MR Naxçıvan Şəhər Məhkəməsi Qərardad — İş №2(078)-903/2025

Azərbaycan Respublikası adından QƏRARDAD Naxçıvan şəhəri İş № 2(078)-903/2025 05.06.2025 NAXÇIVAN MR NAXÇIVAN ŞƏHƏR MƏHKƏMƏSİ Mən, Naxçıvan Şəhər Məhkəməsinin hakimi Əliyeva Gülsüm Kamal qızı İddiaçı Cavabdeh qarşı alqı-satqı müqaviləsinin etibarsız hesab edilməsi, əmlakın geri qaytarılması və maddi-mənəvi ziyanın ödənilməsi tələbinə dair iddia ərizəsini və ona əlavə edilmiş sənədləri nəzərdən keçirərək, müəyyənetdim: İddiaçı Cavabdeh qarşı alqı-satqı müqaviləsinin etibarsız hesab edilməsi, əmlakın geri qaytarılması və maddi-mənəvi ziyanın ödənilməsi tələbinə dair iddia ərizəsi ilə Naxçıvan Şəhər Məhkəməsinə müraciət edərək, cavabdehlə aralarında xx.xx.2024-cü il tarixində bağlanmış avtomobilə dair alqı-satqı müqaviləsi, qarşı tərəfin aldatması, psixoloji təzyiq göstərməsi və onun faktiki iradəsi ilə uyğun gəlməməsi səbəbilə Azərbaycan Respublikası Mülki məcəlləsinin 329.1 və 422-ci maddələri əsasında etibarsız (hüquqi nəticələr doğurmayan) hesab edilməsinə, müqavilə etibarsız sayıldıqdan sonra tərəflərin əvvəlki vəziyyətə qaytarılmasının təmin edilməsi məqsədi ilə avtomobilin onun mülkiyyəti kimi tanınıb onun adına dövlət qeydiyyatına alınaraq geri qaytarılmasına və ya müqavilənin etibarsızlığı nəticəsində ona dəymiş 20.000 (iyirmi min) manat məbləğində maddi ziyanın cavabdehdən tutulmaqla ona ödənilməsinə, ona dəyən mənəvi zərərin (əmlakının əlindən alınması xidmət yerində rahbərliyin etibarını itirmək, xidmət yoldaşları tərəfindən nüfuzdan salınmağı və ailə daxilində gərginlik və boşanma həddinə çatma (iki azyaşlı övladının psixoloji sarsıntı yaşaması və gələcək taleyi), onda yaranmış psixoloji zərbə, yuxusuzluq, stress ve depressiv vəziyyətin yaranması (bununla bağlı həkim arayışını təqdim edəcəkdir) ilə bağlı kompensasiya olunaraq 5.000 (beş min) manat məbləğində cavabdehdən tutulmaqla ona ödənilməsinə və məhkəmə xərcləri və digər zəruri xərclərin cavabdehdən tutulmaqla ona ödənilməsinə dair qərar verilməsini məhkəmədən xahiş etmişdir. Məhkəməyə iddia ərizəsi daxil olduqda hakim onun Azərbaycan Respublikası Mülki- Prosessual Məcəlləsində nəzərdə tutulmuş tələblərə əməl edilməklə verilib-verilməməsini yoxlayır. Azərbaycan Respublikası Mülki-Prosessual Məcəlləsinin 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Azərbaycan Respublikası Mülki Prosessual Məcəlləsinin 149-cu maddəsində iddia ərizəsinin forma və məzmunu öz əksini tapıb. Azərbaycan Respublikası Mülki Prosessual Məcəlləsinin 149.2 və 149.2.3-cü maddələrinə əsasən iddia ərizəsində iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb göstərilməlidir. İddia ərizəsini və ona əlavə olunmuş sənədləri nəzərdən keçirib müəyyən etdim ki, iddia ərizəsi Azərbaycan Respublikası Mülki-Prosessual Məcəlləsinin 149-cu maddəsi ilə müəyyən olunmuş iddia ərizəsinin formasına və məzmununa riayət edilmədən verilmişdir. Belə ki, İddiaçı iddia ərizəsində öz tələblərinin əsası kimi istinad etdiyi fakt və halları təsdiq edən sübutların siyahısını göstərməmişdir. Azərbaycan Respublikası Mülki-Prosessual Məcəlləsinin 152.1 və 152.1.1-ci maddələrinə müvafiq olaraq, iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə hakim iddia ərizəsini və ona əlavə edilmiş sənədləri geri qaytarır. Yuxarıda qeyd olunanları nəzərə alan məhkəmə belə nəticəyə gəlir ki, İddiaçı Cavabdeh qarşı alqı-satqı müqaviləsinin etibarsız hesab edilməsi, əmlakın geri qaytarılması və maddi-mənəvi ziyanın ödənilməsi tələbinə dair iddia ərizəsi ona əlavə olunmuş sənədlərlə birlikdə geri qaytarılmalıdır. Azərbaycan Respublikası Mülki-Prosessual Məcəlləsinin 114.1 və 114.1.3-cü maddələrinə əsasən bu Məcəllə ilə nəzərdə tutulmuş əsaslarla ərizə geri qaytarılarsa dövlət rüsumu geri qaytarılır. Qeyd olunan maddənin tələbini nəzərə alaraq hesab edirəm ki, İddiaçı tərəfindən "xxxx" MMC vasitəsilə 29 may 2025-ci il tarixli, ********** nömrəli qəbzlə ödənilmiş 164.60 (bir yüz altmış dörd manat altmış qəpik) manat dövlət rüsumu İddiaçı qaytarılmalıdır. İddiaçıya izah olunmalıdır ki, Azərbaycan Respublikası Mülki-Prosessual Məcəlləsinin 152.4-cü maddəsinin tələbinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qeyd olunanlara əsasən və Azərbaycan Respublikası Mülki-Prosessual Məcəlləsinin 152.2, 152.3, 263, 264, 267 və 268-ci maddələrini rəhbər tutaraq, qəraraaldım: İddiaçı Cavabdeh qarşı alqı-satqı müqaviləsinin etibarsız hesab edilməsi, əmlakın geri qaytarılması və maddi-mənəvi ziyanın ödənilməsi tələbinə dair iddia ərizəsi və ona əlavə edilmiş sənədlər geri qaytarılsın. İddiaçı tərəfindən "xxxx" MMC vasitəsilə 29 may 2025-ci il tarixli, ********** nömrəli qəbzlə ödənilmiş 164.60 (bir yüz altmış dörd manat altmış qəpik) manat dövlət rüsumu İddiaçı geri qaytarılsın. İddiaçı izah olunsun ki, iddia ərizəsinin qaytarılmasına səbəb olmuş nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət edə bilər. Qərardaddan, o tərəfə rəsmi qaydada verildikdən sonra 10 gün müddətində Naxçıvan Şəhər Məhkəməsinə şikayət verilə bilər. Hakim: Gülsüm Əliyeva.