Şəki Apellyasiya Məhkəməsi Qərardad — İş №2(107)-1541/2020

Azərbaycan Respublikası adından QƏRARDAD Şəki şəhəri İş № 2(107)-1541/2020 20.07.2020 ŞƏKİ APELLYASİYA MƏHKƏMƏSİ Sədrlik edən (məruzəçi) - Hüseynov Elçin Şirin oğlu; Hakimlər - Hüseynov Mirbahəddin Mirdamət oğlundan və Abbasov Gündüz Qasım oğlundan ibarət tərkibdə; Məhkəmə iclas katibi – Əhmədli Mətin Əsgər oğlunun katibliyi ilə Yevlax Rayon Məhkəməsinin 26 sentyabr 2019-cu il tarixli, 2(039)-1630/2019 saylı qətnaməsindən qətnamə hüquq və vəzifələrinə toxunan şəxslər Maraqlı şəxs1 və Maraqlı şəxs2 tərəfindən verilmiş apelyasiya şikayətinə Şəki Apelyаsiyа Məhkəməsinin binasında, аçıq məhkəmə iclаsındа bаxаrаq məhkəmə kollegiyası Müəyyən etdi: İddiaçı cavabdehlər Cavabdeh və x2 qarşı miras əmlakda payların müəyyən edilməsi tələbi barədə iddia ərizəsi ilə Yevlax rayon Məhkəməsinə müraciət edərək, atası x3 və anası x4 vəfatından sonra miras qalmış və Yevlax rayonu, Qaramanlı kəndi ərazisində yerləşən 1,76 ha torpaq sahəsinin, habelə JN:101, KOD 90107018 saylı torpağın mülkiyyətin verilməsinə dair şəhadətnaməyə əsasən 4 , 52 ha torpaq sahəsindən məxsus 1,506 ha hissəsinin ¾ hissəsində onun, ¼ hissəsində isə cavabdehin payının müəyyən edilməsi barədə qətnamə qəbul edilməsini xahiş etmişdir. Yevlax Rayon Məhkəməsinin 26 sentyabr 2019-cu il tаrixli, 2(039)-1630/2019 saylı qətnaməsi ilə iddia tələbi qismən təmin edilmiş, Hüquqların Dövlət Qeydiyyatı haqqında Daşınmaz Əmlakın Dövlət Reyestrinin MH seriyalı ******* №li çıxarışına əsasən x5 məxsus Yevlax rayonu Qaramanlı kəndində yerləşən 1,76 ha torpaq sahəsinə və JN:101 KOD 90107018 saylı torpağın mülkiyyətə verilməsinə dair akta əsasən Yevlax rayonu, Qaramanlı kəndində yerləşən ümumi birgə mülkiyyət hüququ əsasında x5 və onun ailə üzvlərinə məxsus 4,52 ha torpaq sahəsinin 2/6 hissəsinə İddiaçı, Cavabdeh və x1 hər birinin 1/3 hissədə payı müəyyən edilmiş və iddianın qalan hissədə rədd edilməsi qət edilmişdir. Şəki Apelyasiya Məhkəməsinin Mülki kоllegiyasının 11 iyun 2020-ci il tarixli, 2(107)- 625/2020 saylı qətnaməsi ilə İddiaçı tərəfindən verilmiş apelyasiya şikayəti təmin edilməmiş, iş üzrə Yevlax Rayon Məhkəməsinin 26 sentyabr 2019-cu il tаrixli, 2(039)- 1630/2019 saylı qətnaməsi dəyişdirilmədən saxlanılmışdır. Qətnamə hüquq və vəzifələrinə toxunan şəxslər Maraqlı şəxs1 və Abışov x6 Rayon Məhkəməsinin 26 sentyabr 2019-cu il tarixli, 2(039)-1630/2019 saylı qətnaməsindən apelyasiya şikayəti vermişdir. Məhkəmə kollegiyası iş materiallarını araşdıraraq hesab edir ki, Maraqlı şəxs1 və Maraqlı şəxs2 tərəfindən verilmiş apelyasiya şikayətinə münasibətdə apelyasiya icraatına xitam verilməlidir. Belə ki, iş materiallarından görünür ki, Yevlax Rayon Məhkəməsinin 26 sentyabr 2019-cu il tarixli, 2(039)-1630/2019 saylı qətnaməsi ilə iddia tələbi qismən təmin edilmiş, həmin qətnamədə tərəflərə Yevlax Rayon Məhkəməsi vasitəsi ilə Şəki Apelyasiya Məhkəməsinə apelyasiya şikayəti vermək hüququ izah edilmişdir. Şəki Apelyasiya Məhkəməsinin Mülki kоllegiyasının 11 iyun 2020-ci il tarixli, 2(107)- 625/2020 saylı qətnaməsi ilə İddiaçı tərəfindən verilmiş apelyasiya şikayəti təmin edilməmiş, iş üzrə Yevlax Rayon Məhkəməsinin 26 sentyabr 2019-cu il tаrixli, 2(039)- 1630/2019 saylı qətnaməsi dəyişdirilmədən saxlanılmışdır. Göründüyü kimi, Yevlax Rayon Məhkəməsinin 26 sentyabr 2019-cu il tarixli, 2(039)- 1630/2019 saylı qətnaməsindən verilmiş apelyasiya şikayətinə artıq Şəki Apelyasiya Məhkəməsində baxılmışdır. Azərbaycan Respublikasının Mülki Prosessual Məcəlləsinin 46-cı maddəsinə əsasən tərəflər, üçüncü şəxslər, ərizəçilər, maraqlı şəxslər pozulmuş və ya barəsində mübahisə edilən hüquqlarının müdafiəsi üçün məhkəməyə müraciət etmək hüququ olan ictimai təşkilatlar, dövlət orqanları və digər orqanlar işdə iştirak edən şəxslərdir. Həmin Məcəllənin 47.2-ci maddaəsinə əsasən işdə iştirak edən şəxslər məhkəmə qərarlarından şikayət etmək hüququna malikdirlər. İşdə iştirak etməyə cəlb olunmayan, apellyasiya instansiyası məhkəməsinin aktı ilə maraqlarına toxunan şəxslərin hüquqlarının müdafiəsi Mülki Prosessual Məcəllədə təsbit edilmişdir. Azərbaycan Respublikasının Mülki Prosessual Məcəlləsinin 357-ci maddəsinə görə, Azərbaycan Respublikasının birinci instansiya məhkəmələri tərəfindən qəbul olunmuş qanuni qüvvəyə minməmiş qətnamə və qərardadlardan, həmin Məcəllədə nəzərdə tutulmuş hallar istisna olmaqla, tərəflər, üçüncü şəxslər, xüsusi icraat işlərində ərizəçilər və maraqlı şəxslər apellyasiya şikayəti verə bilər. Bu hüquqa işdə iştirak etməyə cəlb edilməyən, lakin qəbul edilən qətnamə onların hüquq və vəzifələrinə toxunan hallarda digər şəxslər də malikdir. Həmin Məcəllənin 402-ci maddəsində apellyasiya məhkəmələrinin qətnamə və qərardadlarından kassasiya şikayəti verilməsi hüququ nəzərdə tutulmuşdur. Həmin Məcəllənin 403.1-ci maddəsinə əsasən, tərəflər, üçüncü şəxslər, xüsusi icraat işləri üzrə isə ərizəçi və maraqlı şəxslər kassasiya şikayəti ilə müraciət etmək hüququna malikdirlər. Həmin Məcəllənin 403.2-ci maddəsinə görə, Azərbaycan Respublikası Ali Məhkəməsinin sədri işdə iştirak etməyə cəlb olunmayan, məhkəmə aktı ilə maraqlarına toxunan şəxslərin müraciətinə əsasən apellyasiya instansiyası məhkəməsinin qətnamə və qərardadından təqdimat verə bilər Qanunvericiliyin yuxarıda göstərilən tələblərinə baxmayaraq iş materiallarından görünür ki, Maraqlı şəxs1 və Maraqlı şəxs2 hüquqlarının müdafiəsi üçün qəbul edilmiş qətnamə hüquq və vəzifələrinə toxunan şəxslər kimi Şəki Apellyasiya Məhkəməsinin Mülki Kollegiyasının qətnaməsindən təqdimat verilməsi üçün Azərbaycan Respublikası Ali Məhkəməsinin sədrinə müraciət etməli olduğu halda, Yevlax Rayon Məhkəməsinin 26 sentyabr 2019-cu il tarixli, 2(039)-1630/2019 saylı qətnaməsindən apelyasiya şikayəti vermişlər. Məhkəmə kollegiyası hesab edir ki, iş üzrə Yevlax Rayon Məhkəməsinin 26 sentyabr 2019-cu il tarixli, 2(039)-1630/2019 saylı qətnaməsindan narazı qalan Maraqlı şəxs1 və Maraqlı şəxs2 apelyasiya şikayəti ilə bağlı apelyasiya icraatına xitam verilməli və Azərbaycan Respublikası Mülki Prosessual Məcəlləsinin 403-cü maddəsinin tələbləri Maraqlı şəxs1 və Maraqlı şəxs2 izah edilməlidir. Belə ki, Maraqlı şəxs1 və Maraqlı şəxs2 iş üzrə qəbul edilmiş məhkəmə qərarı ilə onların hüquqlarının pozulmasını hesab edirlərsə, iş üzrə Şəki Apelyasiya Məhkəməsinin Mülki kоllegiyasının 11 iyun 2020-ci il tarixli, 2(107)-625/2020 saylı qətnaməsinin ləğv edilməsi üçün Azərbaycan Respublikası Ali Məhkəməsinin sədrinə müraciət edə bilər. Azərbaycan Respublikası Ali Məhkəməsinin sədri həmin məhkəmənin Mülki Kollegiyasının qərarlarından təqdimat vermək hüququna malikdir. Maraqlı şəxs1 və Maraqlı şəxs2 izah edilməlidir ki, şikayəti işdə vəkillə iştirak edən şəxs verə bilər. M.İbrahimovanın şikayəti üzrə Azərbaycan Respublikası Ali Məhkəməsinin Mülki Kollegiyasının 21 iyun 2016-cı il tarixli qərarının AR Konstitusiyasına və qanunlarına uyğunluğunun yoxlanılmasına dair Azərbaycan Respublikası Konstitusiya Məhkəməsinin 08 iyun 2017-ci il tarixli qərarında qeyd edilən hüquqi mövqeyi sərgiləmişdir. Azərbaycan Respublikası Mülki Prosessual Məcəlləsinin 384.0.4-cü maddəsinə görə apelyasiya instansiyası məhkəməsi iş üzrə icraata xitam verə bilər. Qeyd edilənlərə əsasən məhkəmə kollegiyası hesab edir ki, Maraqlı şəxs1 və Maraqlı şəxs2 Yevlax Rayon Məhkəməsinin 26 sentyabr 2019-cu il tarixli, 2(039)- 1630/2019 saylı qətnaməsindən verdikləri apelyasiya şikayəti üzrə apelyasiya icraatına xitam verilməli, apelyasiya şikayəti və ona əlavə edilmiş sənədlər geri qayatarılmalı və yuxarıda izah edilən qaydada Azərbaycan Respublikası Ali Məhkəməsinin sədrinə müraciət etmələri izah olunmalıdır. Şərh edilənlərə əsasən və Azərbaycan Respublikası Mülki Prosessual Məcəlləsinin 384-cü maddəsini rəhbər tutaraq məhkəmə kollegiyası Qərara aldı: Yevlax Rayon Məhkəməsinin 26 sentyabr 2019-cu il tarixli, 2(039)-1630/2019 saylı qətnaməsindən Maraqlı şəxs1 və Maraqlı şəxs2 tərəfindən verilmiş apelyasiya şikayətinə münasibətdə apelyasiya icraatına xitam verilsin. Apelyasiya şikayəti və ona əlavə edilmiş sənədlər Maraqlı şəxs1 və Maraqlı şəxs2 qaytarılsın. Maraqlı şəxs1 və Maraqlı şəxs2 izah edilsin ki, Şəki Apelyasiya Məhkəməsinin Mülki kоllegiyasının 11 iyun 2020-ci il tarixli, 2(107)-625/2020 saylı qətnaməsindən təqdimat vermək üçün Azərbaycan Respublikası Ali Məhkəməsinin sədrinə müraciət edə bilərlər. Müraciət vəkil tərəfindən tərtib edilməlidir. Qərаrdаd qəbul edildiyi andan qаnuni qüvvəyə minir. Qərаrdаddаn kassasiya şikаyəti verilə bilməz.