Naxçıvan MR Şərur Rayon Məhkəməsi Qərardad — İş №2(110)-275/2025

Azərbaycan Respublikası adından QƏRARDAD Şərur şəhəri İş № 2(110)-275/2025 14.03.2025 NAXÇIVAN MR ŞƏRUR RAYON MƏHKƏMƏSİ Hakim Qarayev Seymur Əlfəddin oğlunun sədrliyi, X3 məhkəmə iclas katibliyi ilə, Cavabdeh3 iştirakı ilə, İddiaçı cavabdehlər X4, Cavabdeh2 və X2 qarşı “miras əmlakının qəbulu faktının tanınması” tələbi barədə mülki işə Şərur Rayon Məhkəməsinin inzibati binasında açıq məhkəmə iclasında baxaraq, məhkəmə müəyyən etdi: İddiaçı iddia ərizəsi ilə məhkəməyə müraciət edərək mərhum X1 ölümündən sonra qalmış əmlakın tərəfindən miras əmlak kimi qəbulu faktının və tam payın müəyyən edilməsi barədə qətnamə qəbul edəsiniz. Məhkəmə qeyd edilən iddia ərizəsini xx.xx.2025-ci il tarixli qərardadla icraatını mümkün hesab edilərək mülki iş üzrə məhkəmə hazırlıq iclasını xx.xx.2025-ci il tarixə təyin etmiş, Cavabdeh3 məhkəmə iclasına gəlmiş, iddiaçı isə məhkəmə iclasına gəlmədiyindən məhkəmənin hazırlıq iclası təxirə salınaraq xx.xx.2025-ci il tarixə təyin edilmişdir. Qeyd edilən tarixdə keçirilən məhkəmə iclasında iddiaçı iştirak etməmiş, bunun üzürlü səbəbləri barədə məhkəməyə heç bir məlumat verməmişdir. Cavabdehlər X4 və Cavabdeh2 məhkəmə hazırlıq iclasının yeri və vaxtı barədə məlumat verilməsinə baxmayaraq onlar məhkəmənin hazırlıq iclasında iştirak etməmişlər. Lakin məhkəmənin hazırlıq iclasında iştirak edən Cavabdeh3 məhkəmə iclasının iddiaçının iştirakı olmadan baxılmasını xahiş etməmiş, ərizənin baxılmamış saxlanılmasını xahiş etmişdir. Belə olan halda, məhkəmə bu qənaətə gəlir ki, iddia ərizəsi baxılmamış saxlanılmalıdır. Belə ki, Azərbaycan Respublikası Ali Məhkəməsi Plenumunun 31 mart 2011-ci il tarixli 3 saylı qərarına əsasən məhkəmələrə izah edilmişdir ki, Azərbaycan Respublikası MPM-nin 259.0.1 - 259.0.10, 259.0.12 və 259.0.13-cü maddələrində göstərilən əsaslar olduqda məhkəmənin hazırlıq iclasında ərizə baxılmamış saxlanıla bilər. Hazırlıq iclasında ərizənin qaytarılması barədə vəsatətin verilməsi ərizənin Azərbaycan Respublikası MPM-in 259.0.11-ci maddəsinə əsasən baxılmamış saxlanılması üçün deyil, həmin Məcəllənin 170-ci maddəsinə əsasən geri qaytarılması üçün əsasdır və bu zaman cavabdeh tərəfin buna razılığının alınması tələb olunmur. Azərbaycan Respublikasının Mülki Prosessul Məcəlləsinin: - 185.4-cü maddəsinə əsasən, tərəflər və yaxud iddiaçı məhkəmə baxışının vaxtı və yeri haqqında lazımi qaydada xəbərdar edildikdə, lakin onlar məhkəmə iclasına təkrar gəlmədikdə, məhkəmə həmin işə baxmağa haqlıdır. Belə hallarda, bu Məcəllənin müvafiq olaraq 259.0.6-cı və 259.0.7-ci maddələri tətbiq edilir; - 259.0.6-cı maddələrinə əsasən, işə onların iştirakı olmadan baxmağı xahiş etməmiş tərəflər məhkəməyə gəlmədikdə, məhkəmə ərizəni baxılmamış saxlayır; Tərəflərə izah olunmalıdır ki, iddiaçı və ya cavabdehin vəsatəti üzrə, onlar məhkəmə iclasında iştirak etməmələrinin və bu haqda məhkəməyə məlumat verməmələrinin üzrlü səbəblərdən baş verməsi haqqında sübutlar təqdim etdikdə, məhkəmə ərizənin baxılmamış saxlanması barəsində öz qərardadını ləğv edir. Həmçinin Azərbaycan Respublikasının Mülki Prosessul Məcəlləsinin: - 260.3-cü maddəsinə əsasən qərardadda işdə iştirak edən şəxslərin arasında məhkəmə xərclərinin bölünməsi, büdcədən dövlət rüsumunun qaytarılması məsələləri həll edilə bilər; - 114.1.5-ci maddəsinə əsasən, bu Məcəllədə nəzərdə tutulmuş əsaslarla ərizə baxılmamış saxlanılarsa, dövlət rüsumu qaytarılır. Məhkəmə büdcədən dövlət rüsumunun qaytarılması məsələsini müzakirə edərək, belə nəticəyə gəlir ki, İddiaçı tərəfindən "xxxx" ASC-nin Şərur filialı vasitəsilə xx.xx.2025-ci il tarixdə 5115 nömrəli qəbzlə dövlət büdcəsinə ödənilmiş 100 (yüz) manat dövlət rüsumu ərizə baxılmamış saxlanıldığından geri qaytarılmalıdır. Yuxarıda qeyd edilənləri və Azərbaycan Respublikasının Mülki Prosessul Məcəlləsinin 263-264, 267-268-ci maddələrini rəhbər tutaraq məhkəmə qərara aldı : İddiaçı cavabdehlər X4, Cavabdeh2 və X2 qarşı “miras əmlakının qəbulu faktının tanınması” tələbinə dair iddia ərizəsi baxılmamış saxlanılsın. Tərəflərə izah olunur ki, iddiaçı və ya cavabdehin vəsatəti üzrə, onlar məhkəmə iclasında iştirak etməmələrinin və bu haqda məhkəməyə məlumat verməmələrinin üzrlü səbəblərdən baş verməsi haqqında sübutlar təqdim etdikdə, məhkəmə ərizənin baxılmamış saxlanması barəsində öz qərardadını ləğv edir. İddiaçı tərəfindən "xxxx" ASC-nin Şərur filialı vasitəsilə xx.xx.2025-ci il tarixdə 5115 nömrəli qəbzlə dövlət büdcəsinə ödənilmiş 100 (yüz) manat dövlət rüsumu ərizə baxılmamış saxlanıldığından geri qaytarılsın. Qərardaddan, o, tərəfə rəsmi qaydada verildikdən sonra 10 gün müddətində Şərur Rayon Məhkəməsinə şikayət verilə bilər. Hakim: Seymur Qarayev