Gəncə Şəhər Məhkəməsi Qətnamə — İş №2(125)-402/2024

Azərbaycan Respublikası adından QƏTNAMƏ Gəncə şəhəri İş № 2(125)-402/2024 14.02.2024 GƏNCƏ ŞƏHƏR MƏHKƏMƏSİ Hakim Quliyev Camal Yusifəli oğlunun sədrliyi, məsləhətçi (məhkəmə iclas katibi) Əlizadə Ümid Maqsud oğlunun katibliyi, İddiaçı iştirakı ilə, İddiaçı Cavabdehnə qarşı «təbii qazdan qanunsuz istifadəyə görə hesablanmış borcun silinməsi» tələbi barədə iddiasına dair mülki işə açıq məhkəmə iclasında baxaraq, MÜƏYYƏN ETDİ: İddiaçı Cavabdehnə qarşı «Təbii qazdan istifadə qaydalarının pozulması haqqında» xx.xx.2021-ci il tarixli, ******* nömrəli akt əsasında hesablanmış 571 manat 20 qəpik və xx.xx.2023-cü il tarixli, ******* nömrəli akt əsasında hesablanmış 829 manat 44 qəpik məbləğində borcun silinməsi tələbinə dair iddia ərizəsi ilə məhkəməyə müraciət etmişdir. Məhkəmə iclasında İddiaçı iddianı müdafiə edərək izahatında göstərdi ki, o, ünvan 1 ünvanında yerləşən fərdi yaşayış evində qeydiyyatdadır və həmin ünvanda yaşayır. Qeyd olunan fərdi yaşayış evinə gedən qaz borusunun üzərində quraşdırılmış qaz sayğacına Cavabdeh əməkdaşları tərəfnndən baxış keçirilmiş və qaz sayğacından kənar xətt vasitəsi ilə təbii qazdan istifadə olunduğunu qeyd edilmişdir. Bununla əlaqədar qanunsuz olaraq, onun barəsində «Təbii qazdan istifadə qaydalarının pozulması haqqında» xx.xx.2021-ci il tarixli, ******* nömrəli akt əsasında 571 manat 20 qəpik və «Təbii qazdan istifadə qaydalarının pozulması haqqında» xx.xx.2023-cü il tarixli, ******* nömrəli akt əsasında 829 manat 44 qəpik məbləğində borc hesablanmışdır. Belə ki, o, yalnız xx.xx.2021-ci il tarixində sayğacdan kənar əlavə xətdən istifadə etmiş, bununla bağlı akt tərtib olunmuş və hesablanmış borcu da artıq ödəmişdir. Lakin bunda sonra o və ailə üzvləri qaz xəttindən kənar əlavə xətdən istifadə etməmişlər. Onun təkidlə tələb etməsinə baxmayaraq, Cavabdeh onun və ya ailə üzvlərinin tərəfindən qaz sayğacına əlavə kənar xətt çəkmələri, qaz sayğacına hər hansı müdaxilə etmələrinə və ya qəsdən sayğacı zədələmələrinə dair hər hansı sübut təqdim edə bilməmişdir. Belə ki, cavabdeh tərəf onu 2021-ci ilin mart ayında olan akt əsasında toplanmış sübutlara istinad etməklə günahlandırır və ona qeyd olunan digər aktlarla bağlı onun təqsirini sübut edə biləcək hər hansı materialı təqdim edə bilmir. Buna görə də o, hazırki iddia ərizəsi ilə məhkəməyə müraciət etmək məcburiyyətində qalmışdır. Sonda İddiaçı iddianın təmin olunmasını məhkəmədən xahiş etdi. Cavabdeh İB-nin nümayəndəsi məhkəmə iclasının vaxtı və yeri haqqında lazımi qaydada xəbərdar edilməsinə baxmayaraq, məhkəməyə gəlməməyin səbəblərini və mümkünsüzlüyünü bildirmədən və bu səbəblərin üzrlü olması barədə məhkəməyə məlumat vermədən məhkəmə iclaslarına gəlməmişdir. Azərbaycan Respublikası Mülki Prosessual Məcəlləsinin 185.5-ci maddəsinə görə məhkəmə iclasının vaxtı və yeri haqqında lazımi qaydada xəbərdar edilmiş cavabdehin gəlməməsinin səbəbləri haqqında məlumat olmadıqda və ya məhkəmə gəlməməyin səbəblərini üzrsüz hesab etdikdə, yaxud məhkəmə icraatı qəsdən yubandırdığını aşkar etdikdə, işə baxmağa haqlıdır. Bu halda qətnamə çəkişmə şəraitində qəbul edilmiş kimi qiymətləndirilərək, cavabdehə apellyasiya qaydasında şikayət etmək hüququ verilir. Məhkəmə iddia ərizəsini və işin faktiki hallarını araşdıraraq, iddiaçının izahatını və şahid ifadəsini dinləyərək, işdə olan sənədləri tədqiq edərək və sübutları qiymətləndirərək hesab edir ki, iddia aşağıda göstərilənlərə əsasən təmin edilməlidir. Belə ki, məhkəmə iclasında şahid qismində dindirilmiş X2 ifadəsində göstərdi ki, o, İddiaçı ilə qonşuluqda - ünvan 2 ünvanında yaşayır. Qazdan istifadə ilə əlaqədar ona hesablanmış borc yüksək olduğuna görə o, 2023-cü ilin əvvəllərində evinin qarşısından keçən qaz borusundan öz evinə sayğacdan kənar xətt çəkmiş və təbii qazdan qanunsuz olaraq istifadə etməyə başlamışdır. Lakin o, həmin xətt vasitəsi ilə təbii qazdan cəmi 2-3 gün istifadə etmiş və daha sonra Cavabdeh əməkdaşları həmin xətti aşkar etmişlər. Hətta bununla bağlı dəymiş ziyanla əlaqədar onun barəsində akt tərtib olunmuş və borc hesablanmışdır. Həmin sayğacdan kənar çəkilmiş qaz xəttinin İddiaçı və sonuncuya məxsus fərdi yaşayış evinə heç bir aidiyyəti olmamışdır. İşdə olan «Təbii qazdan istifadə qaydalarının pozulması haqqında» xx.xx.2021-ci il tarixli, ******* nömrəli aktın surətindən görünür ki, Azərbaycan Respublikası Dövlət Neft Şirkəti Cavabdeh tərəfindən İddiaçı yaşadığı ünvan 1 ünvanında yerləşən sayğaca baxış keçirilərkən sayğacdan kənar əlavə xəttdən istifadə olunduğu aşkar edilmişdir. İş materiallarında olan xx.xx.2021-ci il tarixli dəymiş ziyanın bərpasına dair tələbnamədən görünür ki, qaz işlədicilərindən PQ-4 ün maksimal saatlıq qaz sərfi 1.2 m3/saat, orta günlük iş rejimi - 24 saat, hesabat müddəti 90 gün; radiatorun maksimal saatlıq qaz sərfi 0,8 m3/saat, orta günlük ış rejimi - 24 saat, hesabat müddəti 90 gün; QSSQ (80 litr) maksimal saatlıq qaz sərfi 0,8 m3/saat, orta günlük ış rejimi - 24 saat, hesabat müddəti 90 gün qəbul edilməklə 1.2 x 24 x 90= 2.592 m3, 0,8 x 24 x 90 = 1.728 m3, 0,8 x 24 x 90 =1.728 m3 cəmi 6.048 m3 qaz sərfiyyatı hesablanmışdır. İşdə olan «Təbii qazdan istifadə qaydalarının pozulması haqqında» xx.xx.2021-ci il tarixli, ******* nömrəli aktın surətindən görünür ki, Azərbaycan Respublikası Dövlət Neft Şirkəti Cavabdeh tərəfindən sayğaca baxış keçirilərkən sayğacdan kənar əlavə xətdən istifadə olunduğu aşkar edilmişdir. İş materiallarında olan xx.xx.2021-ci il tarixli dəymiş ziyanın bərpasına dair tələbnamədən görünür ki, qaz işlədicilərindən PQ-4 ün maksimal saatlıq qaz sərfi 1.2 m3/saat, orta günlük iş rejimi - 24 saat, hesabat müddəti 90 gün; Radiatorun maksimal saatlıq qaz sərfi 0,8 m3/saat, orta günlük ış rejimi - 24 saat, hesabat müddəti 55 gün; QSSQ (80 litr) maksimal saatlıq qaz sərfi 0,8 m3/saat, orta günlük ış rejimi - 24 saat, hesabat müddəti 90 gün qəbul edilməklə 1.2 x 24 x 90= 2.592 m3, 0,8 x 24 x 55 = 1.056 m3, 0,8 x 24 x 90 =1.728 m3 cəmi 5.376 m3 qaz sərfiyyatı hesablanmışdır. İşdə olan «Təbii qazdan istifadə qaydalarının pozulması haqqında» xx.xx.2023-cü il tarixli ******* nömrəli aktın surətindən görünür ki, Azərbaycan Respublikası Dövlət Neft Şirkəti Cavabdeh tərəfindən sayğaca baxış keçirilərkən sayğacdan kənar əlavə xəttdən istifadə olunduğu aşkar edilmişdir. İş materiallarında olan xx.xx.2023-cü il tarixli dəymiş ziyanın bərpasına dair tələbnamədən görünür ki, qaz işlədicilərindən QSSQ maksimal saatlıq qaz sərfi 0,8 m3/saat, orta günlük iş rejimi - 24 saat, hesabat müddəti 360 gün qəbul edilməklə itirilmiş qazın bərpası üçün hesabat aparılmış, 0,8 x 24 x 360 =6.912 m3 qaz itkisinin olduğu müəyyən edilmişdir. İşdə olan «Təbii qazdan istifadə qaydalarının pozulması haqqında» xx.xx.2023-cü il tarixli, ******* nömrəli aktın surətindən görünür ki, Azərbaycan Respublikası Dövlət Neft Şirkəti Cavabdeh tərəfindən X1 yaşadığı ünvan 2 ünvanında yerləşən sayğaca baxış keçirilərkən sayğacdan kənar əlavə xəttdən istifadə olunduğu aşkar edilmişdir. İş materiallarında olan **********00190 abonet kodlu İddiaçı abonentin saldosundan görünür ki, İddiaçı 2021-ci ilin noyabr ayında akt üzrə 571 manat 20 qəpik, 2023-cü ilin yanvar ayında 829 manat 44 qəpik məbləğində borc hesablanmışdır. İşdə olan xx.xx.2024-cü il tarixdə keçirilən yerli müqayinə aktından və fotoşəkillərdən görünür ki, müayinə zamanı Cavabdeh əməkdaşları, digər qonşunun həyət darvazasının yanında qaz borusunun aşağı hissəsindən qoşulma olduğunu, qoşulmuş əlavə xəttin digər hissədə torpağın altı vasitəsi ilə İddiaçı yaşadığı evə çəkildiyini bildirmişlər. Sorğu zamanı əlavə edilmiş qaz borusunun İddiaçı yaşadığı evə daxil olduğu hissənin Cavabdeh əməkdaşları tərəfindən təqdim edilməsi mümkün olmamışdır. Beləliklə, mülki işin məhkəmə iclasında müəyyən edilmiş hallarından görünür ki, İddiaçı qaz təchizatı üzrə **********00190 abonent kodlu istehlakçıdır və ünvan 3 ünvanında yerləşən fərdi yaşayış evi onun mülkiyyətindədir. Cavabdeh əməkdaşları tərəfindən 30 mart 2021-ci il, 25 noyabr 2021-ci il və 13 yanvar 2023-cü il tarixlərdə İddiaçı barəsində «Təbii qazdan istifadə qaydalarının pozulması haqqında» akt tərtib olunmuş, vurulmuş zərərin əvəzi qismində İddiaçı borc hesablanmışdır. Qeyd olunan hər üç akt sayğacdan kənar əlavə xəttin aşkar edilməsi ilə əlaqədar olmuşdur. İddiaçı 30 mart 2021ci il tarixdə tərtib olunmuş ilk aktın qanuniliyini qəbul etmiş və onun əsasında hesablanmış borcunu ödəmişdir. Lakin İddiaçı 25 noyabr 2021-ci il və 13 yanvar 2023-cü il tarixlərdə tərtib olunmuş aktlarda göstərilən müdaxilə faktının mövcud olmadığını, qeyd olunan borcun əsassız olaraq, hesablandığını bildirmiş və həmin borcların silinməsini məhkəmədən xahiş etmişdir. «Qaz təchizatı haqqında» Azərbaycan Respublikası Qanununun 13-cü maddəsinin 8-1-ci maddəsinə görə qanunsuz qoşulma halları aşkar edildikdə, qaz paylayıcısı qanunsuz xətti dərhal qazpaylayıcı şəbəkədən ayırmaqla, qazın verilməsini dayandırmalıdır. Sayğaca müdaxilə, habelə qanunsuz qoşulma halları aşkar edildikdə qaz paylayıcısı bu barədə akt tərtib etməli və həmin aktın bir nüsxəsini barəsində akt tərtib edilmiş şəxsə (və ya onun səlahiyyətli nümayəndəsinə, yaxud yetkinlik yaşına çatmış ailə üzvlərindən birinə), bir nüsxəsini isə inzibati xəta haqqında iş üzrə icraata başlanılması məsələsinə baxılması üçün müvafiq icra hakimiyyəti orqanının müəyyən etdiyi orqana (quruma), cinayət tərkibinin əlamətləri olduqda isə cinayət təqibi orqanına təqdim etməlidir. İstehlakçının qazın talanmasında təqsirli olması həmin orqanların və ya məhkəmənin qərarı ilə müəyyən edildikdə qaz paylayıcısı vurulmuş zərərin ödənilməsini istehlakçıdan tələb etməlidir. İstehlakçı tərəfindən sayğaca müdaxilə, habelə qanunsuz qoşulma nəticəsində qaz paylayıcısına vurulmuş zərərin hesablanması ilə bağlı məsələlər sayğaca müdaxilə, habelə qanunsuz qoşulma nəticəsində qazdan istifadə olunduğu müddət və həmin müddətin əhatə olunduğu ilin mövsümü, əvvəlki dövrün orta gündəlik qaz sərfi, istehlakçının istifadə etdiyi qaz qurğusunun xüsusiyyətləri (növü, maksimal saatlıq qaz sərfi) və qaz sayğacının markası nəzərə alınmaqla bu Qanunun 11-ci maddəsinin 6-cı hissəsində nəzərdə tutulmuş qazdan istifadə qaydaları ilə tənzimlənir. Həmin Qanunun 11.6-cı maddəsinə əsasən qazpaylayıcısı ilə istehlakçı arasında qazın alqı-satqısı müqavilə əsasında həyata keçirilir. Qazpaylayıcısı ilə istehlakçı arasında qazın alqı-satqı müqaviləsinin nümunəsi, qazın qiyməti, şəbəkəyə qoşulma və şəbəkədən ayırma şərtləri, qazın keyfiyyəti (təzyiq və təchizatın etibarlılığı), qazın dəyərinin ödəmə şərtləri və digər məsələlər qazdan istifadə qaydaları ilə tənzimlənir. Qazdan istifadə Qaydaları müvafiq icra hakimiyyəti orqanı tərəfindən müəyyən edilir. Həmin Qanunun 6.2-ci maddəsinə əsasən bilərəkdən (qəsdən) və ya səhlənkarlıq nəticəsində qaz qurğularına ziyan vuran və ya qurğu sahibindən icazəsiz digər qurğudan qaz alan istənilən şəxs, qaz qurğusu sahibinə dəymiş ziyana görə məsuliyyət daşıyır. Həmin Qanunun 20-ci maddəsinə əsasən müvafiq icra hakimiyyəti orqanı və qaz nəzarəti üzrə onun müvəkkil etdiyi nümayəndələr qaz fəaliyyəti ilə bağlı bütün yerləri, binaları və qurğuları yoxlama hüququna malikdir. Həmin Qanunun 21.-ci maddəsinə əsasən müvafiq icra hakimiyyəti orqanı qaz qurğularının və ya qazla bağlı fəaliyyətlərin tələblərə cavab vermədiyini, onun əhali, ətraf mühit və əmlak üçün təhlükə törətdiyini müəyyən etdikdə qanunvericilikdə nəzərdə tutulmuş müvafiq tədbirləri görməlidir. Azərbaycan Respublikası Nazirlər Kabinetinin 12 may 2011-ci il tarixli qərarı ilə təsdiq edilmiş «Qazdan istifadə Qaydaları»nın 5.1-ci bəndinə görə qazın pərakəndə satış qiyməti (tarifləri) Azərbaycan Respublikasının Tarif (qiymət) Şurası tərəfindən tənzimlənir. Azərbaycan Respublikası Mülki Məcəlləsinin 1096.1-ci maddəsinə görə mülki hüquq pozuntusu (delikt) hüquqla və ya qanunla müdafiə edilən başqa şəxsə (zərərçəkənə) birbaşa ziyan və ya zərər vurulmasına gətirib çıxaran təqsirli, hüquqa zidd (mülki qanunvericiliyin normalarını pozan) əməldir (hərəkət və ya hərəkətsizlikdir). Həmin Məcəllənin 1097.1-ci maddəsinə görə mülki hüquq pozuntusu (delikt) nəticəsində fiziki şəxsin şəxsiyyətinə və ya əmlakına vurulmuş zərərin, habelə hüquqi şəxsin əmlakına və işgüzar nüfuzuna vurulmuş zərərin əvəzi zərərvuran tərəfindən tam həcmdə ödənilməlidir. Qanunla zərərin əvəzini ödəmək vəzifəsi zərəri vurmayan şəxsin öhdəsinə qoyula bilər. Məhkəmə hesab edir ki, qaz borusuna sayğacdan kənar qanunsuz qoşulma halları aşkar edildikdə, qaz paylayıcısı qanunsuz xətti dərhal qazpaylayıcı şəbəkədən ayırmaqla qazın verilməsini dayandırmalı və dəymiş zərərin ödənilməsini qanunvericiliyə uyğun olaraq həmin şəxsdən tələb etməlidir. İş üzrə İddiaçı tələb olunan borc məbləğinin əsasını onun tərəfindən dəfələrlə, yəni 2021-ci ilin noyabr ayında və 2023-cü ilin yanvar ayında təbii qazdan kənar xətt vasitəsilə müdaxilə olunması faktı təşkil edir. Buna görə də həmin faktın həqiqətən aşkar olunmasını və məhz aşkar olunmuş fakt əsasında vurulmuş zərərin əvəzi qismində borc hesablanmasını sübut etmə vəzifəsi Cavabdeh İB-nə aiddir. Belə ki, hüquqpozuntusu və zərərvurulması ilə nəticələnən hərəkətin aşkar edilməsi zamanı sübutların toplanması və sonradan onların aidiyyəti üzrə təqdim edilməsi yükü həqiqətən ona zərər vurulmasını iddia edən tərəfin, xüsusilə bu sahədə ixtisaslaşmış və əmək funksiyaları məhz bundan ibarət olan əməkdaşlarla təmin edilmiş hüquqi şəxslər və təşkilatların üzərinə düşür. Lakin hazırki halda Cavabdeh İB «Təbii qazdan istifadə qaydalarının pozulması haqqında» xx.xx.2021-ci il tarixli, ******* nömrəli və xx.xx.2023-cü il tarixli, ******* nömrəli aktlarda göstərilən xüsusatların həqiqiliyini sübuta yetirmək üçün yalnız fotoşəkilləri məhkəməyə təqdim etmiş, dəfələrlə tələb olunmasına baxmayaraq, digər sübutları məhkəməyə təqdim etməmişdir. Həmin fotoşəkillərin məhkəmədə digər sübutlarla müqayisəli tədqiqi zamanı «Təbii qazdan istifadə qaydalarının pozulması haqqında» xx.xx.2021-ci il tarixli, ******* nömrəli akt üzrə sübut qismində təqdim fotoşəkillərin «Təbii qazdan istifadə qaydalarının pozulması haqqında» xx.xx.2021-ci il tarixli, ******* nömrəli aktın tərtibi zamanı çəkilmiş fotoşəkillərlə eyni olduğu, yaxud əvvəlki tarixə tərtib edilmiş akt üzrə toplanmış sübutun sonrakı aktın əsası kimi məhkəməyə təqdim edildiyi müəyyən edilmişdir. Digər tərəfdən «Təbii qazdan istifadə qaydalarının pozulması haqqında» xx.xx.2023-cü il tarixli, ******* nömrəli aktda qaz borusuna sayğacdan kənar istinad edilən qoşulma nöqtəsinə məhkəmənin təşəbbüsü ilə xx.xx.2024-cü il tarixdə yerli müayinə keçirilmiş və qoşulma nöqtəsinin digər qonşu X1 mülkiyyətində olan fərdi yaşayış evinin həyət darvazasının qarşısında olduğu müəyyən edilmişdir. Bununla yanaşı müdaxilə üçün çəkilmiş qaz borusunun İddiaçı yaşadığı evə daxil olduğu hissənin Cavabdeh əməkdaşları tərəfindən təqdim edilməsi mümkün olmamışdır. Həmçinin məhkəmə iclasında şahid qismində dindirilmiş E.F.Bayramova qeyd olunan qoşulma faktından İddiaçı xəbərdar olmadığını və onun özünün barəsində də «Təbii qazdan istifadə qaydalarının pozulması haqqında» xx.xx.2024-cü il tarixdə akt tərtib olunduğunu göstərmişdir. Göründüyü kimi Cavabdeh İB tərəfindən sayğacdan kənar təbii qazdan istifadə olunması hallarına dair hər hansı mötəbər sübut məhkəməyə təqdim edilməmiş və bununla da «Təbii qazdan istifadə qaydalarının pozulması haqqında» xx.xx.2021-ci il tarixli, ******* nömrəli və xx.xx.2023-cü il tarixli, ******* nömrəli aktlrda göstərilən xüsusatların həqiqiliyi sübuta yetirilməmişdir. Lakin İddiaçı iddianın əsasını təşkil edən halları təsdiq edən sübutları, eləcə E.F.Bayramova şahid qismində ifadəsini və həmin şəxs barəsində tərtib edilən «Təbii qazdan istifadə qaydalarının pozulması haqqında» xx.xx.2023-cü il tarixli aktın surətini məhkəməyə təqdim etmişdir. Azərbaycan Respublikası Mülki Prosessual Məcəlləsinin 76.1-ci maddəsinə görə tərəflərin tələb və etirazlarını əsaslandıran halların və işi düzgün həll etmək üçün əhəmiyyəti olan başqa halların mövcud olduğunu və ya olmadığını məhkəmə müəyyən edərkən bu Məcəllədə və başqa qanunlarda müəyyən olunmuş qaydada əldə etdiyi məlumatlar sübutlar hesab olunur. Həmin Məcəllənin 77.2-ci maddəsinə görə dövlət orqanlarının, icra və s. orqanların aktlarının etibarsız hesab edilməsi barədə mübahisələrə baxıldıqda həmin aktların qəbul edilməsi üçün əsas olmuş halları sübut etmək vəzifəsi bu aktı qəbul etmiş orqanın üzərinə düşür. Azərbaycan Respublikası Mülki Prosessual Məcəlləsinin 217.4-cü maddəsinə görə məhkəmə (hakim) öz qətnaməsini yalnız məhkəmə iclasında tədqiq edilmiş sübutlarla əsaslandırmalıdır. Həmin Məcəllənin 77.1-ci maddəsinin tələbinə görə hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Beləliklə, məhkəmə iş üzrə toplanmış sübutlara məcmu halda qiymət verərək hesab edir ki, iddia təmin edilməli, İddiaçı vurulmuş zərərin əvəzi qismində Cavabdeh «Təbii qazdan istifadə qaydalarının pozulması haqqında» xx.xx.2021-ci il tarixli, ******* nömrəli akt əsasında hesablanmış 571 manat 20 qəpik və xx.xx.2023-cü il tarixli, ******* nömrəli akt əsasında hesablanmış 829 manat 44 qəpik məbləğində borc silinməlidir. Bundan başqa, Azərbaycan Respublikası Mülki Prosessual Məcəllənin 119-cu maddəsinə əsasən məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Həmin Məcəllənin 107-ci maddəsinə görə məhkəmə xərcləri dövlət rüsumundan və işə baxılması ilə əlaqədar məsrəflərdən ibarətdir. Buna görə də məhkəmə hesab edir ki, iddianin təmin edilmiş hissəsinə mütənasib olaraq, ödənilməli dövlət rüsumunun əvəzi qismində 34 manat məbləğində pul vəsaiti cavabdehdən dövlət büdcəsi xeyrinə tutulmalıdır. Yuxarıda göstərilənlərə əsasən və Azərbaycan Respublikası MPM-nin 216-220, 227, 358-360 və 362-ci maddələrini rəhbər tutaraq, məhkəmə QƏT ETDİ: İddiaçı iddiası təmin edilsin. Cavabdeh tərəfindən İddiaçı «Təbii qazdan istifadə qaydalarının pozulması haqqında» xx.xx.2021-ci il tarixli, ******* nömrəli akt əsasında hesablanmış 571 (beş yüz yetmiş bir) manat 20 (iyirmi) qəpik və xx.xx.2023-cü il tarixli, ******* nömrəli akt əsasında hesablanmış 829 (səkkiz yüz iyirmi doqquz) manat 44 (qırx dörd) qəpik, cəmi 1.400 (bir min dörd yüz) manat 64 (altmış dörd) qəpik məbləğində borc silinsin. İş üzrə ödənilməmiş 34 (otuz dörd) manat məbləğində pul vəsaiti Cavabdehndən dövlət büdcəsi nəfinə tutulsun. Qətnamədən, onun surətini tərəflər rəsmi qaydada aldıqları gündən bir ay müddətində, «Elektron məhkəmə» informasiya sistemində yaradılmış elektron kabinet üzərindən Gəncə Şəhər Məhkəməsi vasitəsilə Gəncə Apellyasiya Məhkəməsinin Mülki kollegiyasına apellyasiya şikayəti verilə bilər. Qətnamədən apellyasiya qaydasında şikayət verilmədikdə, qətnamə həmin müddət başa çatdığı vaxtdan sonrakı gün qanuni qüvvəyə minir. Hakim: Camal Quliyev