Gəncə Şəhər Məhkəməsi Qərardad — İş №2(125)-4368/2023

Azərbaycan Respublikası adından QƏRARDAD Gəncə şəhəri İş № 2(125)-4368/2023 26.05.2023 GƏNCƏ ŞƏHƏR MƏHKƏMƏSİ Hakim Səfərli Xədicə Əlicabbar qızı, Ərizəçi “sənədin şəxsə məxsus olması faktının təsdiq edilməsi” barədə ərizəsinin məhkəmənin icraatına qəbul edilməsinin mümkünlüyünə baxaraq, müəyyənetdi: Ərizəçi ərizə ilə məhkəməyə müraciət edərək, ona aid, ancaq “X1" adına verilmiş tibbi sənədlərin, orta təhsil haqda şəhadətnamənin Abbasov Eİçin İlham oğluna aid olması faktının müəyyən edilməsi barədə qərar qəbul edilməsini xahiş etmişdir. Ərizəni və ona əlavə edilmiş sənədləri nəzərdən keçirərək məhkəmə hesab edir ki, həmin kateqoriya iş üçün qanunla nəzərdə tutulmuş mübahisənin məhkəməyə qədər (pretenziya) nizama salınmasına riayət edilməsinə dair sənəd təqdim edilmədiyindən, ərizə və ona əlavə edilmiş sənədlər geri qaytarılmalıdır. Belə ki, Azərbaycan Respublikası Mülki Prosessual Məcəlləsinin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Həmin Məcəllənin 310.1-ci maddəsində göstərilir ki, ərizədə həmin faktın müəyyən edilməsinin ərizəçiyə nə məqsəd üçün lazım olduğu, habelə lazımi sənədləri ərizəçinin ala bilməməsini, yaxud itən sənədlərin bərpasının mümkünsüzlüyünü təsdiq edən sübutlar göstərilməlidir. Azərbaycan Respublikası Mülki Prosessual Məcəlləsinin 152.1.6-cı maddəsinə əsasən müqavilə ilə və ya həmin kateqoriya işlər üçün qanunla nəzərdə tutulmuşsa, iddiaçı cavabdehlə mübahisənin məhkəməyə qədər (pretenziya qaydasında) nizama salınmasına riayət edilməsinə dair sənəd təqdim etmədikdə hakim ərizəni və ona əlavə edilmiş sənədləri geri qaytarır. Hazırkı iş üzrə Ərizəçi tibbi sənədlərin və orta təhsil haqda şəhadətnamənin ona məxsus olması barədə qətnamə çıxarılmasını xahiş etmişdir. Lakin ərizənin məzmunundan və ərizəyə əlavə olunmuş sənədlərə əsasən, Ərizəçi düzəliş aparılmasını xahiş etdiyi sənədlərə müvafiq qeydləri aparan qurumlara hazırkı tələblə müraciət etməsi, həmin qurumların onun müraciətindən imtina etməsi, dolayısıyla ərizəçinin lazımi sənədləri ala bilməməsi müəyyən olunmur. Bundan başqa, ərizənin məzmunundan aydın olur ki, ərizəçinin ona məxsusluğunun məhkəmə qaydasında təsbit olunmasını xahiş etdiyi sənədlər, onlara edilməsini xahiş olunan qeydlər və bu məqsədlə pretenziya qaydasında müraciət edilməli qurumlar birbirindən fərqlidir, eynilik və ya oxşarlıq təşkil etmir. Bununla yanaşı, məhkəmə prosessual qənaət baxımından bildirir ki, ərizəçi tibbi sənədlərin ona məxsusluğunun müəyyən olunmasını xahiş etsə də, həmin sənədlər dəqiqliklə qeyd edilməmişdir. Belə ki, Azərbaycan Respublikası Mülki Prosessual Məcəlləsinin 152.1.7-cı maddəsinə əsasən, bir və ya bir neçə cavabdehə bir-biri ilə əlaqədar olmayan bir neçə tələb birləşdirildikdə, hakim ərizəni və ona əlavə edilmiş sənədləri geri qaytarır. Beləliklə, məhkəmə hesab edir ki, Ərizəçi mübahisənin məhkəməyə qədər (pretenziya qaydasında) nizama salınmasına riayət edilməsinə dair sənəd təqdim etmədiyindən və bir-biri ilə əlaqədar olmayan bir neçə tələb birləşdirildiyindən, Azərbaycan Respublikası Mülki Prosessual Məcəlləsinin 152.1.6-cı maddəsinə əsasən ərizə və ona əlavə edilmiş sənədlər geri qaytarılmalı, göstərilən nöqsan aradan qaldırıldıqdan sonra ikinci dəfə məhkəməyə müraciət etmək hüququ ərizəçiyə izah olunmalıdır. (Azərbaycan Respublikası Mülki-Prosessual Məcəlləsi 152.4-cü maddə). Göstərilənlərə əsaslanaraq və Mülki-Prosessual Məcəllənin 152, 263, 264-cü maddələrini rəhbər tutaraq, məhkəmə qəraraaldı: Ərizəçi “sənədin şəxsə məxsus olması faktının təsdiq edilməsi” barədə ərizəsi geri qaytarılsın. Ərizəçi izah edilsin ki, qərarın təsviri hissəsində göstərilən nöqsan aradan qaldırıldıqdan sonra təkrarən ümumi qaydada ərizəsi ilə məhkəməyə müraciət edə bilər. Qərardaddan rəsmi qaydada verildikdən sonra 10 (on) gün müddətində Gəncə Şəhər Məhkəməsinə şikayət verilə bilər. Hakim: Xədicə Səfərli