Azərbaycan Respublikası adından QƏTNAMƏ Gəncə şəhəri İş № 2(125)-5816/2025 02.10.2025 GƏNCƏ ŞƏHƏR MƏHKƏMƏSİ Hakim Səfərli Xədicə Əlicabbar qızının sədrliyi, Qasımov Zakir Zaur oğlunun katibliyi ilə, Ərizəçi Maraqlı şəxs “mediasiya prosesi nəticəsində bağlanılmış barışıq sazişinin təsdiq edilməsi” tələbinə dair ərizəsi üzrə mülki işə açıq məhkəmə iclasında baxaraq, məhkəmə müəyyənetdi: Hazırkı mülki işin mübahisəsiz halları ondan ibarətdir ki, Gəncə Şəhər Məhkəməsinin xx.xx.2025-ci il tarixli 2(125)-2022/2025 nğmrəli qətnaməsi ilə X5 (bundan sonra - ərizəçi) və Maraqlı şəxs (bundan sonra – maraqlı şəxs) arasında xx.xx.2009-cu tarixdə Gəncə şəhəri Kəpəz rayon qeydiyyat şöbəsində bağlanmış və nikahın bağlanması haqqında akt qeydləri kitabında 163 nömrəsi ilə qeyd edilmiş nikahın pozulması qət edilmişdir. Tərəflərin birgə nikahından xx.xx.2011-ci il təvəllüdlü X15, xx.xx.2013-cü il təvəllüdlü X14 və xx.xx.2018-ci il təvəllüdlü X13 doğulmuşdur. Birinci tərəf X3, ikinci tərəf Maraqlı şəxs iştirakı ilə bağlanılmış xx.xx.2025-ci il tarixli barışıq sazişinə əsasən, tərəflər; X1 Rauf Nüsrət oğlu ilə aralarında Gəncə şəhər Kəpəz rayon qeydiyyat şöbəsi xx.xx.2009-cu il tarixli və 163 nömrə ilə qeyd edilmiş nikah qeydinin pozulması mediatorun səlahiyyətində olmadığı üçün məhkəmə qaydasında pozulmasına razılıq əldə etdilər və öz üzərlərinə öhdəlik götürdülər; X2 Rauf Nüsrət oğlu ilə birgə nikahdan doğulmuş xx.xx.2011-ci il təvəllüdlü X15, xx.xx.2013-cü il təvəllüdlü X14 və xx.xx.2018-ci il təvəllüdlü X11 ana X3 himayəsində saxlanılmasına razılıq əldə etdilər və öz üzərlərinə öhdəlik götürdülər; X5 və Maraqlı şəxs ilə birgə nikahdan doğulmuş xx.xx.2011-ci il təvəllüdlü X15, xx.xx.2013-cü il təvəllüdlü X14 və xx.xx.2018-ci il təvəllüdlü X11 yetkinlik yaşına çatana kimi saxlanılması üçün ata Maraqlı şəxs hər bir uşaq üçün 80 manat cəmi 240 manat aliment pulunu xx.xx.2025-ci il tarixi daxil olmaqla gələcəkdədə hər ayın 15-i tarixində ana X4 aid olan Bank kart hesabına (240 manat aliment pulunu) göndərmək üçün razılıq əldə etdilər və öz üzərlərinə öhdəlik götürdülər; X2 Rauf Nüsrət oğlu ilə birgə nikahdan doğulmuş xx.xx.2011-ci il təvəllüdlü X15, xx.xx.2013-cü il təvəllüdlü X14 və xx.xx.2018-ci il təvəllüdlü X12 ata Maraqlı şəxs uşaqlarla maniəsiz istədiyi vaxt görüşməyə, ünsiyyət saxlamağa və telefonla görüntülü əlaqə saxlamağa ana X5 ilə öz aralarında razılıq əldə etdilər və öz üzərlərinə öhdəlik götürdülər. X2 Rauf Nüsrət oğlu ilə Barışıq sazişində yazılanları oxudular, dinlədilər və imza atmaq üçün razılıq əldə etdilər. X5 və Maraqlı şəxs mediator tərəfindən öz razılıqları ilə hazırlanmış Barışıq sazişində birbirilərinə verdikləri sözlərə, öhdəliklərə görə gəəcəkdə məsuliyyətsizlik edərlərsə tərəftərəfi məhkəməyə verə bilər. Ərizəçi ərizə ilə məhkəməyə müraciət edərək, Maraqlı şəxs ilə mediasiya prosesi nəticəsində bağlanmış xx.xx.2025-ci il tarixli barışıq sazişinin razılaşdığı ikinci və üçüncü bəndlərinin təsdiq edilməsinə dair qətnamə çıxarılmasını xahiş etmişdir. Ərizə onunla əsaslandırılmışdır ki, Maraqlı şəxs aralarında bağlanmış barışıq sazişinə əsasən öhdəsinə götürdüyü öhdəliyi icra etməkdən yayınır. Məhkəmə iclasının vaxtı və yeri haqqında lazımi qaydada xəbərdar edilməsinə baxmayaraq, tərəflər məhkəmə iclasına gəlməmiş, ərizəçi məhkəməyə ərizə ünvanlayaraq iclasın onun iştirakı olmadan keçirilməsini və ərizənin təmin olunmasını xahiş etmiş, maraqlı şəxs iclasa gəlməməsinin səbəbləri barədə məlumat verməmişdir. Məhkəmə işə tərəflərin iştirakı olmadan baxılmasını mümkün hesab etmişdir. Məhkəmə mülki işin materiallarını araşdıraraq hesab edir ki, ərizə təmin edilməlidir. “Mediasiya haqqında” Azərbaycan Respublikası Qanununun 34-cü maddəsinə əsasən, barışıq sazişi, əgər sazişdə ayrı şərt nəzərdə tutulmayıbsa, imzalandığı gündən tərəflər üçün məcburi xarakter daşıyır. Barışıq sazişində tərəflər arasında ayrı müddət müəyyən edilməyibsə barışıq sazişi imzalandığı gündən 10 gün müddətində könüllü şəkildə icra olunmalıdır. Barışıq sazişinin könüllü icrasından boyun qaçırma Azərbaycan Respublikasının Mülki Məcəlləsinə uyğun olaraq barışıq sazişində müəyyən olunan məsuliyyətə səbəb olur. Əgər barışıq sazişinin könüllü icrasından imtina olunsa, tərəf (o cümlədən məhkəmə baxışında olan işlər üzrə tərəf) barışıq sazişinin məcburi icrası üçün məhkəməyə müraciət edə bilər. Barışıq sazişi məcburi icra edilməsi üçün məhkəmə tərəfindən müvafiq qaydada təsdiq olunur (bu Qanunun 34.5-ci maddəsinin tələbləri nəzərə alınmaqla). Barışıq sazişi bu Qanunun 33.3-cü maddəsinə zidd olduqda, onun təsdiq edilməsindən imtina olunur. Həmin Qanunun 33.3-cü maddəsinə əsasən, barışıq sazişi qanuna və bu Qanunun 3.3-cü maddəsinin birinci cümləsinin müddəalarına zidd olmamalıdır. Həmin Qanunun 3.3-cü maddəsinə əsasən, bu Qanunun 3.1-ci maddəsində nəzərdə tutulan mübahisələr mediasiyada iştirak etməyən üçüncü şəxslərin və ya məhkəmə tərəfindən fəaliyyət qabiliyyəti olmayan, yaxud məhdud fəaliyyət qabiliyyətli hesab edilən şəxslərin hüquqlarına toxunduqda belə mübahisələr üzrə mediasiya keçirilə bilməz. Həmin hallar aşkar edildikdə mediator (mediasiya təşkilatı), tərəflər və ya onlardan biri həmin mübahisələr üzrə mediasiya prosesindən imtina edirlər. Azərbaycan Respublikası Mülki Prosessual Məcəlləsinin (bundan sonra – MPM) 355- 23.1-ci maddəsinə əsasən, “Mediasiya haqqında” Azərbaycan Respublikası Qanununda müəyyən edilmiş müddət ərzində mediasiya prosesi nəticəsində əldə edilən barışıq sazişi könüllü qaydada icra edilmədikdə və ya barışıq sazişinin könüllü icrasından imtina olunduqda, ərizəçi barışıq sazişinin məcburi icrası üçün barışıq sazişinin təsdiq edilməsi barədə (barışıq sazişinin bu Məcəllənin 191.2-1-ci maddəsinə uyğun olaraq təsdiq edildiyi hal istisna olmaqla) məhkəməyə müraciət edə bilər. Həmin Məcəllənin 355-26.1-ci maddəsinə əsasən, barışıq sazişi və ya onun bir hissəsi qanuna zidd olduqda; barışıq sazişi mediasiyada iştirak etməyən üçüncü şəxslərin və ya məhkəmə tərəfindən fəaliyyət qabiliyyəti olmayan, yaxud məhdud fəaliyyət qabiliyyətli hesab edilən şəxslərin hüquqlarına toxunulan mübahisələr üzrə keçirilmiş mediasiya prosesinin nəticəsində bağlanıldıqda məhkəmə barışıq sazişinin və ya onun bir hissəsinin təsdiq edilməsindən imtina edir. Ailə Məcəlləsinin 22.2.2-ci maddəsinə əsasən, uşaqlar üçün alimentin hansı valideyndən və hansı miqdarda tutulduğunun müəyyən edilməsi nikah məhkəmə qaydasında pozularkən, məhkəmənin həll etdiyi məsələlərdəndir. Həmin Məcəllənin 75.1ci maddəsinə əsasən valideynlər uşaqlarını saxlama borcludurlar. Həmin Məcəllənin 75.4cü maddəsinə əsasən, valideynlər uşaqlarını saxlamadıqda uşaqların saxlanması üçün vəsait (aliment) valideynlərdən məhkəmə qaydasında tutulur. Həmin Məcəllənin 78.1-ci maddəsinə əsasən, valideynlər arasında yetkinlik yaşına çatmayan uşaqlara aliment ödənilməsi barədə saziş yoxdursa, eləcə də aliment verməyə borclu olan valideynin qazancı (gəliri) qeyri-müntəzəm, dəyişkən olarsa, ya da qazancın (gəlirin) hamısını və ya bir hissəsini həmin valideyn natura və ya xarici valyuta ilə alırsa, yaxud onun qazancı və ya sair gəliri yoxdursa, habelə alimentin valideynin qazancından (gəlirindən) müəyyən hissə kimi tutulması mümkün olmadığı, çətinlik törətdiyi və tərəflərdən birinin marağını əhəmiyyətli dərəcədə pozduğu başqa hallarda, uşaqların saxlanması üçün vəsait tutulmasını tələb edən şəxsin xahişi ilə alimentin miqdarı məhkəmə tərəfindən hər ay ödənilməli olan sabit pul məbləğində və ya eyni zamanda, həm sabit pul məbləğində, həm də bu Məcəllənin 76-cı maddəsinə uyğun olaraq qazancın (gəlirin) müəyyən hissəsi kimi müəyyən edilə bilər. Həmin Məcəllənin 78.2-ci maddəsinə əsasən, sabit pul məbləğinin miqdarı məhkəmə tərəfindən tərəflərin maddi və ailə vəziyyəti, diqqətəlayiq olan digər hallar nəzərə alınmaqla uşağın əvvəlki təminatının səviyyəsinin mümkün qədər maksimal saxlanması əsas tutularaq müəyyən edilir. İşin tədqiq edilmiş halları əsasında müəyyən edilmişdir ki, maraqlı şəxs mediasiya prosesi nəticəsində əldə edilən barışıq sazişini alimentin ödənilməsi hissəsində sazişin imzalandığı xx.xx.2025-ci il tarixdən 10 gün müddətində könüllü şəkildə lazımınca icra etməmişdir. Bu halı təkzib edən hər hansı dəlil məhkəməyə təqdim edilməmişdir. Bununla yanaşı, barışıq sazişinin və ya onun bir hissəsinin təsdiq edilməsindən imtina üçün əsaslar qanunvericiliklə nəzərdə tutulmuşdur. İmtina üçün qeyd edilən əsaslardan hər hansı biri iş materialları ilə müəyyən olunmur, habelə maraqlı şəxs sazişlə üzərinə götürdüyü öhdəliyin icrasından azad olunmasına dair sübut təqdim etməmişdir. Belə olan halda, ərizə əsaslı olduğu üçün təmin edilməlidir. Məhkəmə alimentin tutulma müddətini araşdıraraq hesab edir ki, alimentin tutulma müddəti sazişə əsasən tərəflərin qarşılıqlı razılıqla müəyyən etdiyi xx.xx.2025-ci il tarixdən başlanmalıdır. Belə ki, Ailə Məcəlləsinin 100.3-cü maddəsinə əsasən məhkəmə iddiaçının aliment almaq üçün məhkəməyə müraciət edənədək tədbirlər gördüyünü, lakin aliment ödəməli olan şəxsin onu verməkdən boyun qaçırması nəticəsində alimentin alınmadığını müəyyən edərsə, əvvəlki dövr üçün aliment 3 illik müddət həddində verilə bilər. Məhkəmə eyni zamanda hesab edir ki, qətnamə alimentin tutulmasına aid hissədə dərhal icra edilməlidir. Belə ki, Azərbaycan Respublikası MPM-nin 234.2.1-ci maddəsinə əsasən, şəxsin saxlanması üçün vəsaitlərin, o cümlədən alimentlərin alınması haqqında qətnamələr dərhal icra olunur. Yuxarıda göstərilənlərə əsasən və Azərbaycan Respublikası MPM-nin 216-220, 227, 355-23-355-26, 358-360 və 362-ci maddələrini rəhbər tutaraq, məhkəmə qətetdi: Ərizə təmin edilsin. Ərizəçi, Maraqlı şəxs, həmçinin mediator X8 iştirakı ilə bağlanılmış xx.xx.2025-ci il tarixli barışıq sazişi ikinci və üçüncü şərtinə dair hissələrində aşağıdakı məzmunda təsdiq edilsin: “2. X2 Rauf Nüsrət oğlu ilə birgə nikahdan doğulmuş xx.xx.2011-ci il təvəllüdlü X15, xx.xx.2013-cü il təvəllüdlü X14 və xx.xx.2018-ci il təvəllüdlü X11 ana X3 himayəsində saxlanılmasına razılıq əldə etdilər və öz üzərlərinə öhdəlik götürdülər.
3. X5 və Maraqlı şəxs ilə birgə nikahdan doğulmuş xx.xx.2011-ci il təvəllüdlü X15, xx.xx.2013-cü il təvəllüdlü X14 və xx.xx.2018-ci il təvəllüdlü X11 yetkinlik yaşına çatana kimi saxlanılması üçün ata Maraqlı şəxs hər bir uşaq üçün 80 manat cəmi 240 manat aliment pulunu xx.xx.2025-ci il tarixi daxil olmaqla gələcəkdədə hər ayın 15-i tarixində ana X4 aid olan Bank kart hesabına (240 manat aliment pulunu) göndərmək üçün razılıq əldə etdilər və öz üzərlərinə öhdəlik götürdülər”. Aliment xx.xx.2025-ci il tarixdən başlayaraq hesablansın. Qətnamə aliment tutulması hissəsində dərhal icra edilsin. Qətnamədən rəsmi qaydada verildiyi gündən 01 (bir) ay müddətində “Elektron məhkəmə” informasiya sistemində yaradılmış elektron kabinet üzərindən Gəncə Şəhər Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər. Hakim: Xədicə Səfərli